الخميس، 17 مايو 2012

يارب..سامحني


يارب
انا لما مر الكفن من أدامي وفيه الميت

ماقدرتش أمسك دموعي وعيطت

وسألت نفسي
انا لما هروحلك ...هتكون راضي عني ولا غضبان مني

طب واحنا بنعمل كل دا ليه
علشان تكون مبسوط ولا غضبان مننا

يارب

انتا مسامحني علي كل اللي راح وكل اللي جي
ولا لا

طب انا لما بغلط
هتزعل مني كتير ولا هتسامحني لما بقلك انا أسفه سامحني

يــــــــــــارب
مهما عملت وغلطت
انا بغلط
بشر
اتفه من أي شيء

بس مش بقدر أسامح نفسي كتير

الذنوب خنقتني
وأعترف
بغلط كتير
ساعات بطنش وبعمله
ساعات تانيه بصلي اه فالمواعيد واحيانا بأخر بمزاجي واحيانا تانيه
بكسل
بعمل حاجات صح وحاجات غلط
ومش عرفه مين الاكتر الصح ولا الغلط

بس مازال املي فيك كبير
انك هتصلح حالي
وهتخلي اللي يفيديني هوا اللي معايا
مهما كنت عوزا غيره
فأنتا بتعملي الصح وتدبرلي من غير مااعرف ادبر لنفسي
لاني مش بعرف اختار ولا اعرف ادبر ليا
فانتا بتخلي من نصيبي الصح

برغم من أني مااستحقش
بس طمعانه فرحمتك

أني يوم ماهجيلك فكفني

هكون مع حبيبك
برحمتك
مش بعملي
يارب

بحبك أوي
سامحني
دموعي مش قدره اوقفها
مشهد رهيب
الكل بيودوه...لمكانه الاخير
بعد مكان طالع لسا من شويه صغيرين علي السلم
نزل وهو متكفن॥وناس شيلاه وناس بتصوت عليه

يارب
لما هكون مكانه
أرجوك

وديني ليك وانتا راضي عني
مش هستحمل غضبك عليا يارب

سامحني
واغفر لي
وأرحمني

يــــــــــــــــارب

هناك 10 تعليقات:

  1. يارب
    انا عرفه اني مش أهل للسماح

    عرفه اني زفت ومش اهل للغفران

    عرفه ان نيله ومش أهل لاني اكون حاجه اصلا

    بس طمعانه

    طمعانه يارب

    فغفرانك

    وسماحك

    ورحمتك

    يارب
    ملييش غيرك

    مش بعرف اعمل حاجه

    الا لما اقول
    سامحني

    يارب

    ردحذف
  2. ربنا رؤوف رحيم تواب ودود

    رحمته وسعت كل شيء

    رفقاً بحالك

    ونسأل الله العفو والعافية عنا جميعاً

    ردحذف
  3. من لم يكن له الموت واعظا فماله من واعظ

    الحمد لله على نعمة الاحساس اللي لسه الواحد بيبكي بسببها لما بيشوف منظر زي ده ، ولسه قلبه فيه خير ورحمة
    في ناس كتير المنظر ده تشوفه ولا تتأثر بيه من كتر قسوة قلوبها والرحمة اللي اتنزعت منه

    ربنا يهدينا للصراط المستقيم ويحسن خاتمتنا وينور بصائرنا

    ردحذف
  4. مالك بس يا سونى ...

    انتى قاسية جدا على نفسك كدا ليه
    وحسسانى انك مبهدلة الدنيا
    ومغرقة اللى حواليكى ظلم و أذى
    مالك عاملة كدا ؟

    الواحد لما بيبقى ضعيف
    بيسيب الأافكار السودا تكبر
    وتتوحش


    الموت اكبر واعظ فعلا
    بس المفروض يخليكى تبصى للى فاضل
    وف نيتك تحسنى اللى شيافاه انتى تقصير
    المفروض تحسى ان فيه حاجات بقت تافهة وصغيرة
    وبقى فيه حاجات أغلى وأهم
    وجنب القسوة بتاعت اللحظة
    يبقى فيه ارتياح لأنى وصلتى لحقيقة ...

    ليه مش حساكى مرتاحة خالص
    ...
    انا زعلانة عشانك قوى
    وبتمنى ربنا يسمعك اسرع مما تتخيلى
    وبنتمنالك
    ويستجيب يا حبيبيتى
    ويريح قلبك


    هونى عليكى

    يا خرابى اللى يقرى كلامك
    يقول البت دى مفترية ونازلة دبح ...
    ايييييه فيه ايه بس
    ؟؟؟

    ردحذف
  5. أزيك يا سونى

    هو كويس من وقت للتانى نأنب نفسنا علشان مننساش نفسنا

    بس ربنا بيعرف ازاى يفكرنا بيه لأنه هو دايماً فاكرنا

    و دايماً يسامحنا لأنه عارف قد ايه احنا ضعفا

    رحمته واسعة جدا جدا جدا فمتخفيش

    ردحذف
  6. يارب سامحنا جميعا
    اللهم امتنا وانت راض عنا
    واغفر ذنوبنا جميعا
    بوست جميل يا سوني
    تسلم ايدك

    ردحذف
  7. يااااااااااا فكرتينى بايام زمااااااااااااان لما دفنت ابويا بس الحوار كان مختلف خالص كان رايح فى سكه تانيه خالص يااااااا كانت ايام
    ايه اول مره تشوفى كفن يحصلك كده امال لو روحتى المقابر ونزلتى الميت بنفسك هتعملى ايه
    بس واضح انك عامله كوارث اعترفى اعترفى
    نامى من غير عشاء اسبوع وهتبقى كويسه
    عادى بتحصل كتير

    ردحذف
  8. اللهم اجغل اسعد أيامي يوم لقاك

    ردحذف
  9. جميلة مناجاتك لربنا
    عفوية
    ربنا يتقبلها

    ردحذف
  10. عاملة ايه يا سونى ؟؟

    ردحذف