الأحد، 25 مايو 2014

حياتي

الحياه بتمشي بقرارات
قرار انك تكمل ...قرار انك تسيب
قرار انك تعدي وتخليها مش فرقه معاك
برغم من أنها تفرق
بس علشان متسيبهمش
وتعيش لوحدك
.....
أبويا
بكره ميعاده مع القلب المفتوح
وأنا خيفه
بكره المستشفيات وعندي فوبيا منها
عودتني صديقه ليا أهدي نفسي وأفتكر بس دخلاها علشان مين
بس كل مره بتعب جدا
أبويا المرادي موجوع ومتغير
انا مش عرفه أعمل حاجه
غير أني أدعي
واقرر
هعمل اي حاجه علشانه
حتي لو تعبتني المستشفيات
مفيش مفر
مفيش حل بديل

مفيش اني أستحمل 
علي الاقل علشانه

ادعو
ادعو له كثيرا
يارب
رحمتك
يارب

هناك 5 تعليقات:

  1. يارب يطمنك علية وميحرمكيش منة ياااارب ويحفظة وينجية ويشفية بلاحول ولاقوة الا بالله ... اللهم أمين

    ردحذف
  2. أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..
    ربنا يطمنكم عليه ويقومه بالسلامة..

    أنا زيك عندي فوبيا المستفيات ولما بكون مضطر ادخلها بحاول افكر في اي حاجة انسى بيها انا فين

    ردحذف
  3. ربنا يطمنك عليه
    ربنا يشفيه ويحفظهولك

    ردحذف