الجمعة، 2 أبريل 2010

دماغ ضيعه



البوست اللي فات كتبته لما موضوع صحبتي دخل بقي فمفاوضات اوسلو والموضوع اتعرف وجه اتقدم والحمد لله اتقبل وقريب جدا خطوبتهم...وانا من هونا بقولها مبرووووووك,دا بجد موش كدبه ابريييييييييييل...فاهمني ياابو علي:)
انا طبعا مبسوووووووطه ليها جدا جدا وبعدين هي جت عملتهالي مفأجئه..كلمتني وقلتلي عوذه اقولك خبر حلو وجمعت بنات صحباتها وانا اعرف شويه منهم وقعدتنا كلنا مع بعض فدايره البنات الشهيره(اللي بيحصل نمممم فيها دي...عرفنها اكيد) هههههههههه
المهم طبعا فالدايره دي قالتلنا الخبر طبعا وعذمتنا وكوولنا فرحنا ليها اوي وبالذات انا..انا كنت حسه ان هيحصلي حاجه من كتر فرحتي وان الحمد لله ربنا وفقها
المهم بجد حصلت حاجه وقتها كنت بجد هتشل وانا قعده
طبعا لما هي قالت الخبر الكل فرح وقعدنا واتكلمنا وكدا
لقيت الموضوع قلب لحاجه تانيه خاااااالص
وحده خنيقه:انا جالي تلت عرسان ورفضتهم
وحده غتيته:وانا جالي خمس عرسان كل واحد انقح من التاني بس انا بقي قعده بنقي مبنهم دلوقتي(بتنقي رذ يااختي) وهبقي اشوف الانسب واختاره
وحده بايخه موووووووت:وانا جالي اربعه وكل واحد فيهم مستعد انه يتجوذني بس انا بقي موش عوذه...واستمر النقاش هكذا لحد مالاحظت حاجه

كان في بنت قعده ومدخلتشي فالكلام ده وشها جالو كدا حاله ذي الاسبهلال او العته..الله اعلم
بعدين شويه وحطت وشها فالارض..وبما اني حشريه(ذي كل المصريين)قلت لاذم اعرف هو فيه ايه؟؟؟؟
استأذنت من اللي قعدين وقعدت ادردش معاها بس هي كانت عوذه حد تتكلم معاه..قلتلها قولي كلي اذانون صااااااااغيه:)
قالت انا من كلامهم حسيت ان في حاجه غلط فيا
قلتلها ليه يعني؟؟؟؟؟؟؟؟؟؟؟
قالتلي مفيش حد لسه اتقدملي لحد دلوقتي..هو انا كدا يبقي في حاجه غلط؟؟؟؟
(الصراحه انا اتغظت من كلامها وقلت ايه البت الهابله دي..بس بعد شويه رديت عليها)
قلتلها انتي هتسمعي للبنات الفاضيين دول؟؟؟؟؟..تفتكري هما لو في هدف فحياتهم كانو قالو كدا..لأ ,دول اساسا بنات دماغها فاضيه..ايه انجاذهم فحياتهم؟كل وحده تعالي شوفي عمله ايه فالدراسه..هل هما فالحياه ليهم قيمه؟؟
فهما شيفين ان اكبر انجاذ فحياتهم التفاخر بالعرسان اللي بيجولهم وانتي الظاهر انك وحده شاطره..علشان كدا ركذي فمستقبلك واعملي ليكي مستقبل كويس وصدقيني وقتها هيجي اللي يقدرك بجد ويفهم دماغك وتقدري انكو تكونو فاهمين بعض..صح كلامي ولاااااااااا
لقيت وشها كدا فرد شويه واتبسطت بكلامي ..سلمت عليا ومشيت بس لما بصيت فعنيها لقيت عندها نفس الحيره وكأن كلام الدنيا كله موش هيقدر يهدي الحيره اللي جواها ابدا
منكم لله ياللي علطووووووووووول شغاليين رغي من غير ماتخدو بالكوا
تحياتي






هناك 24 تعليقًا:

  1. هههههههههههههه..... وهوا الكدب خلاص بقي يتضرب بيه امثال بيا... ماشي ماشي... هههههههههه...

    وانتي تفتكري ان البنات دووول صادقين؟؟؟ ال خمس عرسان ال!!! هوا فيه عرسان اليومين دوول... بلا خيبة...
    قولي لصحبتك البنات بتحب تغيظ بعض... ونصيبها هيجلها هيجلها...

    تصبحي علي خير يابونيتي

    ردحذف
  2. علي فكرة ايوة انا متفقة مع ابو علي
    في بنات كتيرة بتحب ترسم وتتفشخر
    بالذات ف موضوع الحب والجواز
    اول ما حد يقول ادامهم هاتخطب
    تلاقي كل واحدة فتحت المعرض بتاعها :d
    اساليني انا يا اوختي مجربة وقت ما قولت هاتخطب ياجدعــــــان
    سمعت اللى عمري ما سمعته من كل البنات .. كأني كنت بقولهم ايه نظامكو ف الجواز مش بعرفهم اني هاتخطب :D

    بصي اسمحيلي اوريكي موضوع لسة شيفاه ع احد المنتديات .. بجد غاية ف الجمال
    سبحان الله بعد ماقريته وعملت كومنت عليه قريت موضوعك وياريت توصلي كلامه لزميلتك

    اللينك اهــو

    http://gam3awia.net/forums/showthread.php/6592-%D8%A7-%D9%84%D9%80%D9%80%D9%80%D9%80%D9%80%D9%80%D8%B9%D9%80%D9%80%D9%80%D9%80%D9%80%D9%86%D9%80%D9%80%D9%80%D9%80%D9%80%D9%88-%D8%B3%D9%80%D9%80%D9%80%D9%80%D9%80%D9%80%D9%80%D9%80%D9%80%D9%80%D9%80%D9%80%D9%80%D8%A9-!!!!?goto=newpost#post107686

    وقوليلها جاتنا نيلة خدنا ايه م الرجالة غير حلاقة الدقن :D

    ردحذف
  3. صباح الفل يا سوني يا قمرتي

    البنات مش تافهين يا عمري
    ده طبع انثوي خالص صافي
    الأنثى اهم شيء في حياتها انها تلم المعجبين وتحطهم في خيط سبحة :)
    لأ نتكلم جد بقى

    هن مش تافهات بس
    هن هبل وعبط واغبياء كمان
    بس يا قمرتي ده اسمه فراغ شخصية
    وفراغ الشخصية ده النهاردة سمة رجالة وستات وعيال ومواليد كمان
    فين وفين لما تلاقي حد نفوخه لسه بيشتغل
    واللي نفوخه يشتغل اليومين دول ها يبقى تعبان جدا
    معندوش وقت يتباهى بشيء
    لأنه شايف الحالة صح وعارف اننا كلنا معيرة والله العظيم ولا فضل لتيس مننا عن بقرة مننا برضه

    طيب هي البنت اللي اتكلمت معاكي هابلة؟
    لأ طبعا
    دي ممكن نوصفها انها بريئة
    لأن اي بنت طبيعي يجيلها الشعور ده بس تخبيه جواها وتتكسف تقوله لحد
    بالعكس تحاول تطلع في الباقيات القطط الفاطسة علشان تقول انها هي طويل القامة صاحب النفوخ والباقي كلهم ركشوووووووووو

    لكن هي علشان بريئة طلعت مخاوفها بشكل تلقائي
    وان شاء الله قريب جدا تلاقي نظرة اعجاب حايرة طايرة في الجو
    تثبت جذور انوثتها في معاميك معاميكها

    ردحذف
  4. السلام عليكم

    اولا الف مبروك

    ثانيا

    " وحده خنيقه:انا جالي تلت عرسان ورفضتهم
    وحده غتيته:وانا جالي خمس عرسان كل واحد انقح من التاني بس انا بقي قعده بنقي مبنهم دلوقتي(بتنقي رذ يااختي) وهبقي اشوف الانسب واختاره
    وحده بايخه موووووووت:وانا جالي اربعه وكل واحد فيهم مستعد انه يتجوذني بس انا بقي موش عوذه...واستمر النقاش هكذا لحد مالاحظت حاج "

    هم بيرفضوا لمجرد الرفض يعنى ؟

    مش معقول الـ 5 كلهم وحشين

    ردحذف
  5. دع من يحب يحب
    فالمرء يحب ان يحب
    دع الحيران يفهم ويتعلم
    فالمرء يحب ان يبحث ويتعلم
    فمهما دارت الدنيا بنا
    فالولا تبادل النقاش ما كان عالم متعلم
    الكل يحكى والله يعرف صدقهموا
    ولكن الانسان من ايقن وتيقن
    ان الحياه رزق
    فى الغيب عنده معروف
    من انجب و تزوج
    فاءن كنت لبيب
    فابالاشارة افهمى
    اجتهد وتعلم
    ونصيبك سيبحث عنك
    وان كنت فى كهف الزمان الاعظم


    تقديرى لما بذلت من جهد فى التوضيح

    ردحذف
  6. لوووووووووووولووووووووووووووووووى

    الف مبروك يا سنسن عقبالك ياقمر

    عارفة المشكلة مش بس ف الفراغ اللى هما فيه

    المشكلة انهم واضح جدااا انهم كدابيين جدا

    وواضح اوى كدبهم

    وياعينى الغلبانة صدقت لما هما العرسان

    بيتهافتوا عليهم كده

    مااتجوزوش ليه ولا نفسهم مش جايباهم

    عجبنى صرفك يا سنسن ربنا يكتر من امثالك حبيبتى

    ردحذف
  7. ربنا يوفق الجميع إن شاء الله .

    خالص تحياتي
    :)

    ردحذف
  8. مش هلاقى رد اكبر من شكرا
    كيمو

    ردحذف
  9. أول حاجه ألف ألف مبروك للبنوته صاحبتك
    وربنا يتمملها على خير وعقبالك ياعسوله ...

    أما البنات إللي فتحوا مزاد العرسان دول ...
    أقول عليهم إيه غير إن دماغهم فاضيه .. وغالبا راح يوم كلامهم كدب .. يعني بيقولوا نص الحقيقه

    المفروض الواحد مايضيعش وقتوا في حتى في التفكير في كلامهم ..

    وطبعا قولي لصاحبتك .. إن ربنا كاتب لكل واحد نصيبه مهما طال الزمن ... وأهم شي أخلاق العريس مش كم عريس أتقدملها ...
    ربنا يوفقكم يابناتيت ...
    ... ;) ,,, ;) ...

    ردحذف
  10. هوا الجزئ الاول بتاع جواز صحبتك دة اكيد مرتبط ببوست تانى عشان كدة مش فاهمه اوى بس عموما الف مبروك اما عن البنت الى كانت مدايقة ان متقدملهاش حد لحد دلوقتى فانا شايف ان دة هوا الشئ الطبيعى بس برضة الواحدة لازم يكون عندها حسن ظن بالله انه هيوفقها لحد كويس ومفيش تعارض على فكرة بين ان تكون البنت ناجحة فى حياتها وانها تكون محتاجة لحب مشروع طبعا فى حياتها لان دى هيا طبيعة البشر ربنا يجوز كل البنات والشباب و اولهم انا قادر يا كريم يااااااااااااااااااااارب......هههههههههه
    سلام

    ردحذف
  11. سوني 2000 ...............
    حبيبة قلبي واحشاني واحشاني و احشاني موت موت و الله يا قمرايا

    معلش بقالي فترة مش بقعد على النت
    بس بجد وحشتيني
    و بوست جميل اوي
    و باركي لصحبتك دي اوي و قوليلها ربنا يتمم لكم بخير يا رب و يوفقهم و يسعدهم يا رب

    و عقبال ما نفرح بيكي انتي يا عسل و نحضر الفرح كمان
    و عقبال ما تفرح بالبنوتة الرقيقة البريئة اللي كانت متضايقة من الكلام دي

    على فكرة مشكلة الناس فعلا انهم بيتكلموا و ما بياخدوش بالهم من الكلام ابدا و من الناس اللي حواليهم

    ربنا يرحمنا منهم يا رب

    خالص حبي و حبي و تقديري

    ردحذف
  12. سمع هوص (Abo 3li):اييييييييون طبعا
    ههههههههههه
    موش انت اللي عملت كدبه ابريل بتاعتك اول واحد وشربت المقلب بتاعها:)
    ولاتقلق,قمت بالواجب وذياده

    ردحذف
  13. a32l magnona:بجد شكرا ليكي واللي ضايقني هو ليه البنات بتعمل كدا
    بيحبوا يغيظو بعض؟؟؟؟؟؟؟؟؟؟
    طب ياريتهم يغيظو بعض فالحجات اللي تنفع ذي المذاكره لاااااااااااا ولييييه
    خليهم فالفشل احسن
    يلا ربنا يهدي:)

    ردحذف
  14. ستيتة حسب الله الحمش:ياريييييييييت والله
    ساعتها افرح فيها هي كمان وتنضم لقائمه الفرحانين فيهم,واحنا معاهم:)
    ومرورك علي قلبي ياممتي ذي العثل:)

    ردحذف
  15. قبلاوي :بجد اصلا مبقتشي عرفه اذا كانو فعلا عندهم حق ولا بيكدبو
    ربنا يهدي الجميع يارب

    ردحذف
  16. SHAPE YOUR LIFE(ABOALI(:بجد شكرا لكلماتك واتمني ان الموضوعيكون عجبك:)

    ردحذف
  17. MANONA:ميرسي عالذغروطه الحلوه دي:)
    وشكرا لتشجيعك ليا

    ردحذف
  18. PASHA:اللهم امين
    يارب يسمع منك يااااااااااااااارب:)

    ردحذف
  19. صوت من مصر:العفو علي ايه بسي
    دا وااااااجب:)

    ردحذف
  20. ghada mohsen:ميرسي ليكي
    واهو انتي اللي جربتي بنفسك
    معرفشي ليه حسه ان البنات دول النفساويه عندهم فيها حاجه غلط
    وربنا يوفق الجميع ياااااااااارب

    ردحذف
  21. الارموطي:انت بسي هتعرف لو جبت الصفحه اللي قبل دي فالمدونه وهتعرف اصل الحكايه:)
    واحنا والحمد لله كلنا عندنا حسن الظن بالله بس احيانا بنحتاج حاجه تفوقنا او حد ينصحنا
    ويااااااااااااارب افرح فيك..احم
    اقصد بيك قريب مع الناس اللي فرحت وهفرح بيهم يااااااارب:)

    ردحذف
  22. مهمومه:اذيك يامهموتي وحشااني موووووووووت اوي:)
    ويارب افرح انا اولا بالجميع
    وانا دي بقي سبيها علي ربنا
    ههههههههه
    وهم الناس دي ديما موجوده
    يلا
    ربنا يهدي الجميع

    ردحذف
  23. حصان المرجيحه:مهو لو بفلوس كانو علي الاقل راعو مشاعر اللي قدامهم
    يلا ربنا يهديهم يارب:)

    ردحذف