الأحد، 30 ديسمبر 2012

الامنيات في العام الجديد ... 2013



كل سنه وكل اللي بنحبهم طيبين يارب وبخير
بقالي فتره مدخلتش مدونتي او المدونات التانيه وعرفت ايه الاخبار
كان في مليون حاجه حصلت والحمد والشكر لله قبل كل شيء ان مازلنا عايشين 
(الفقره اللي جيه لونها موف هاند ميد علشان الاحداث)
باسم يوسف أستايل:)

لكل واحد فينا امنيات دائما فباله وفكل خطوه بيخطيها بتفضل هي موجوده ادامه وبيحاول علي مدار حياته يحققها

أما اللي فقائمتي فلم تزالي  ماهي مأثرتشي اوي الاحداث او بأي حاجه بتحصل

تلت او أربع حاجات نفسي فيهم من يوم ماوعيت علي الدنيا دي
واللي بيجري فيها
-نفسي اموت وربنا راضي عني واشوف رسولنا ويمدلي ايده 
مش خيفه من النار اد مانا خيفه ان ربنا يكون زعلان او غضبان مني
 -كل حد فينا عاوز يشتغل شغل كويس...انا نفسي اكون كويسه فأي مجال انا بشتغل فيه وبحبه وانا بحب شغلي حتا لو متعب وحتا لو مفيهوش انصاف بس كفايه عليا اني اكون متقدمه فمجالي وان يكون شغلي هو أحسن من اللي حوليا ودا بيسعدني جدا حتا لو بيتعبني اوي

-امنيتي ...اللي من جوايا وي
لما تحب حد اوي ويسيبك اوعي تزعل
انتا اتقيت ربنا فيه ومظلمتهوش وخنته او عملت حاجه من وراه وكنت عاوز تكون فالنور معاه فعلاقتك وفحلال ربنا
ويسيبك اوعي تزعل
ربك بعد الشر عنك وفيوم من الايام
ربنا هيكرمك بحد هيحبك اوي بجد لدرجه من حبه فيك انتا هتحبه عشان هو حبك اوي 
هتحبه لانه دعا ربنا من جواه انه يلاقي حبيب بجد وبتطس فيك بقا(الجمله دي من عندي )
وتلاقي نصك التاني المجنون شبهك او مختلف عنك بس فلحظه مش هتعرف تستغني عنه وتقول الحمد لله انك رزقني يارب بحاجه جميله اوي وفحلالك .. هتبص لنفسك فالمرايه وتبتسم وتفتكر كلامي
وهتقول الحمد لله علي كل اللي مريت بيه
وتفتكر الايه اللي حطتهالك خصوصي ولنفسي قبل كل شيء

ل عيان يخف ...
الحته دي ياما بتتعب اوي
يارب اشفي كل مريض

ــــــــــــــــــــــــــصـــــــــــــــــــــــــــــــــر
ياللي وجعالي قلبي
بدعي انك تكوني أحسن من اي بلد فالدنيا
بس مش عرفه الدنيا مودياكي علي فين
اسمع كلام اهلي وأسيبك وأهاجر
وانا مش عوزا دا
وبقاومه

انا عرفه انك مش فندق وقت ماالدنيا تبوظ هسيبك وأمشي
مهو لازم يكون في ناس موجودا علشان تصلح وانا عوزا أكون موجودا وقت التصليح

يرجعوا يقلولي ولو وقعتي ولا حصلك حاجه مين هيهتم بيكي؟؟

برجع افكر تاني
 نفسي امورك تتصلح
بأيدينا

يارب







هي دي قائمه أمنياتي

ونفسي ان كل الناس متنساش

أجمل واحلي حاجه لينا



تكاتفنا مع بعض

لحظه حلوه تجمعنا

فرحه جميله بتضم الكل

حتا الحزن لما بيجي...

بيخففه أيد تتطبطب عليك



سنه سعيده أن شاء الله

وتحققوا كل اللي انتو عوزينوا



:)
                 
      

الثلاثاء، 18 سبتمبر 2012

الامنيه (५)


السؤال اللي ديمن فبالي

ليه كل الناس مبتحبش بعض
بسهوله كدا؟؟

نفسي وأمنيه من أمنياتي تتحقق

ليه مش بنحب بعض
ليه حبيب وحبيبه بس

مهو في حب تاني
حب الاب لولاده والام كذلك
حب الصاحب لصاحبه لدرجه ان لو حصله حاجه ممكن يموت معاه
حب الواحد لوطنه ودي فدم أي حد بيحب بلده بجد

ليه الصوره قاتمه أوي
ليه منصحاش الصبح ونقول (الحمد لله يارب...بحبك أوي انك ادتني يوم جديد
أعيش فيه مبسوط وأحاول أحب بجد واعمل الحاجه اللي بحبها)

اه في كراكيب ونغبشه فرؤيتنا للحاجات حولينا
في صراع وفي كره
والمصيبه اننا بنعلي صوتنا بأننا بنكره
لكن لما بنحب....صوتنا بيكون واطي أوي

دا حتا الحب صحي ياجدع

لما تلاقي حد بيهتم بيك(ابوك ,امك,صحبك,حبيبك,جوزك...)
دي نفسها حاله تحمد ربك عليها

تلاقي حد بيهتم بيك
يطبطب عليك...يخاف انك تتوجع
يتحملك ويتحمل جنونك

بالذمه بعد دا كلو منحبش حتا نفسنا

دا حتا الاسلام أنتشر بحب الناس لبعضها
وبحب كل حاجه أحنا بنعملها وبنخلص ليها

انا بحب
ربنا
اهلي
اصحابي
كل حاجه حوليا حتا الهوا اللي بتنفسه

بحبه

وبقول لكل حاجه بتفرحني وبحبها

شكرا...
لكل حاجه خلتني سعيده ومبسوطه وجنبي ديمن
وانا فقمه جناني وجنوني
فقمه زعلي وفرحي

حتا وأنا سكته وشارده
بيكون في مليون حاجه تخليني أحب

يبقي نكره ليه
انا مبحبش أكره
مبعرفش أكره...اه في حالات ببقي مخنوقه وساعات ناس بيوصولتي لحاله اني هكره نفسي

بس بلاقي حبيبي ربنا يبعتلي حد يرجعني لقلبي وحبي لكل حاجه تاني

الحمد لله
علي نعمه ....الحب

الجمعة، 31 أغسطس 2012

الامنيه (४)

-ممكن برساله صغيره...تكون أسعد
بني ادم فالكون كله

-هل تعرفون سر...أرنبه الانف؟؟

-السعاده ماهي الا
أحساس داخلي

يأتي حينما....
تنظر اليه ,بالنسبه لها


-هل تري
ماحدث لها

انها ولأول مره....سعيده فعلا
مع كل ماحدث ويحدث حولها
قررت ان تترك كل ماكان ورائها
(وتعيش اللحظه)

-نظره,فكلمه
فحديث
فلقاء

فشعور يسري ألي أبد الابدين

-هل وجدتيه
.....نعم,واخيرا

أستطيع قولها للعالم كله
وجدته منذ ولادتي,بقلبي
وجدته منذ لحظه تنفسي ,بروحي
انه نصفي الاخر


-برغم من الظلام
هناك بصيص نور
بالقلب

-مهما قيل من أغاني او وصف
مهما كان الصوت او الكلام

فما بالقلب
يبقي في القلب

-الحياه كلها
للانسان
تتخلص في لحظه
قد تكون
سعاده
كره
غضب

لكن مااسعده حينما تكون تلك اللحظه
لحظه حب(بجد من القلب)

_يارب كل الحياه تبقي



الثلاثاء، 21 أغسطس 2012

الامنيه (३)

التحرش...
كل ماافتح الموضوع دا قلبي بيتقبض

كل مابسمع الكلمه دي بحس بأحساس رهيب
ببقي عوزا أجري من المكان

ماحدش يعرف أحساسها الا البنات اللي مروا بالتحربه دي أو شافوها بعيونهم

اول مره عرفت يعني ايه تحرش كان لفظي وكان أبتتدي بمعاكسات
ووصل مرحله التطور طبعا للي بنشوفوا دلوقتي
واللي بسببه بقينا بنكره العيد

لانها الايام الوحيده اللي بيبقي نفسنا نخرج فيه
ونروح ونيجي فرصه نشوف قرايبنا واصحابنا
ونبعد شويه عن الشغل وقرفه
فبنتقرف أكتر

طب أحنا نخرج امتا علشان نقدر نفك بعد شغل البيت والشغل غير فالعيد اللي بنقضيه فالبيت خوفا من ان يحصلنا حاجه فالشارع

بسبب دا ماتعرفش أيه بيحصل للبنت
لحظه التحرش دي أسوء لحظه ممكن تمر بيها اي كائن يحمل تاء التأنيث
بتحس أن كرامتها وجسدها انتهك...وحتا ملهاش اي وجه حق انها تستنجد بأي حد او تصرخ
ولو صرحت فهي عرفه ان اللي حوليها هيقلولها(مهو لبسك ضيق وانت السبب,ايه اللي خرجك اصلا من البيت)
هوا يعني مانخرجكش مثلا .....هل دا هيحل المشكله
طب المشكله فالولد ولا البنت

يسلام...انتا جي تقول ولد ولا بنت
طب ماتقول فين التربيه

؟؟؟
تعرفوا ان اصلا المتحرش دا اخته وقرايبه بيحصل فيهم كدا
بس مابيقدروش يتكلمو....عرفين ان ماحدش هيحس بيهم
حتا المنتقبات والمتبرحات والمحترمات وكل واحدا ايا كان تعليمها ونوعها
بيحصل فيها اللي بيخليها تتمني ان الارض تنشق وتبلعها

مواقف التحرش حصلت ادامي كتير
مره كنت فدرس عند صحبتي وكنا انا وهي طلعين من المدرسه وكنا فبيتها
وأحنا طالعين دخل ولد مانعرفش هوا مين
وهي كانت ورايا ...لقيتها صرخت مره واحدا
الولد ضربها من وراها وجري

ولدتها ووالدها وقرايبها والمدرس جريو أفتكرو حصلها حاجه
كل اللي فكراه ان شوفت فعنيها نظره انكسار
عمري مشفتها فيها

النظره دي لحد دلوقتي موجوده ...
تخيل انها من ساعتها اتغيرت
الضحكه راحت وكأن روحها اتسحبت منها
ماعدتش بتتكلم زي زمان
الاخطر انها بعدت عن كل الناس......حتا عني انا

المره التانيه كنت مع شله في الجامعه
وكلنا كنا خرجين فوسط البلد

فمشينا فشارع جانبي
مدينا شويه وكان في بنت فالاخر
فجأه لقيناها صرخت

الولد مسكها من صدرها
انهارت تماما

الولاد جريوا وراه ماعرفوش يمسكوه
من ساعتها وهي محطمه
سنتها مادخلتش الامتحانات بالرغم من اننا اتحايلنا عليها
انها تمتحن
ولا كاننا بنتكلم معاها
هي فودا واحنا فوداي
لحد ماقدرنا لحد ما نخرجها من الحاله دي ألي حد ما

احب اقولكوا
ان مره كنت بتكلم مع والد واحدا زمليتي

من أنصار(ايه اللي خرجها مهي السبب بلبسها)
وكانت لسا بنته متعرضه لموقف من المنيلين دول
كلمني بصوت عالي بنفس الجمله
البنات السبب.........

قلتلو وايه رأيك يعمو فالمواقف دي
بص علي بنته وهو بيتكلم لقاها دمعت
ببصلها اوي كدا
انفجرت
حكتله اللي حصلها

سكت


هل تعرفوا ان اللحظه دي بتكسر اوي
وبتولد طاقه
ممكن نكسر بيها اي بني ادم ادامك
مبنقدرش نعمل حاجه
فبنتضطر تنتظوي علي نفسها

وفالاخر بيقولك دا عيب مين
عيب ولد مااترباش
ولا عيب بنت كل ماتيجي تخرج يقولها لبسك وشوفي لبسك
ولا عيب تربيه كل الناس بتشتغل وتيجي تطلع كبتها فالعيال تقوم تضربهم فبيطلعوا مشوهين
ولا عيب مجتمع بيخرس الضعيف ويخلي القوي يكمل فطغيانه

ولا عيب مين
ونصلح ازاي

ومازال السؤال قائما؟؟

هل حد هبقدر يعمل حاجه
قبل مايجي اليوم اللي هنلاقي فيه
ان واحد ماشي ورا واحدا بدل مايعاكسها
يغتصبها؟؟؟؟؟

ممكن توصل لكدا
واحب اصدمكوا
انها ممكن توصل للدرجه دي

اه ممكن
لان مافيش وازع او رادع

طب واخرتها
هتتحل ازاي

الله اعلم


الخميس، 16 أغسطس 2012

الامنيه (२)

أكتر حاجه فالحياه بكرهها
الفلوس

عمري ماكرهت حاجه أو انا من النوع اللي
مبعرفش أكره...لابني أدمين ولا أكل
ولا اي حاجه
ماعدا....الفلوس

أمنيتي فالحياه انها تختفي
حسه ان المشاكل هتنتهي بأنتهائها

يمكن سذاجه...يمكن جنان
بس دا أحساسي

لما حد بيحب حد يتضر يسيبه علشان الفلوس
وحتا لو قدر يرتبط باللي بيحبه بردو
متضطر يشتغل ويبعد بالايام علشان خاطر الفلوس

لما صاحب يبيع صاحبه او حتاقريبه
يخونه وأحيانا توصل لدرجه القتل

كل دا ليه
ورق ملهوش لازمه الا فالعالم اللي أحنا
عايشين فيه

من يوم ماأتولدت بكره الفلوس
أول ضربه فحياتي كانت بسبب الفلوس
اول غدر...اول خيانه ثقه
أول كل حاجه شر حصلت فحياتي كانت بسبب الفلوس

منكرش أنها مهمه
بتبني وتعمر

بتكبر وتأكل وتعيش
تعمل مستوي هايل للي بيكنزها أوي

وأحيانا كتير ممكن تنقذ
عيان تجيب ليه دوا
عمليه محتاجها مريض

اتنين يتجوزوا بعض
بيت بيكبر

بس بردو هتفضل أمنيتي

ان كل حاجه نعيشها من غير ماالفلوس تتدخل تبوظها

بحسها بتغرب الكل عن بعض علشان يقدرو يعيشوا
الاهل عن بعض
الام والاب
الزوج والزوجه
سفر الاولاد وعدم سؤالهم

بتوصل لدرجه قتل شعوب...كل دا علشان ورق

هي السبب اللي وصلتني لكتابه الجمله اللي مبحبش أسمعها او اكتبها

(زمان كان عندي وقت اني أكل الشكولاته بس مكنش معايا تمنها.......
دلوقتي أقدر اجيب الشكولاته ,بس ماعنديش وقت أني أكلها )


السبت، 21 يوليو 2012

الامنيه (१)


اولا كل سنه وانتو طيبين ياأهل الخير
يارب ديمن كدا مع بعض

واوعو تنسوا السنويه بتاعتنا ان شاء الله أخر رمضان
او علي حسب ماتحددوا يعني

وحشتوني بجد كتير ووحشتني الكتابه هنا

ثانيا
انا كنت فسفر...
ومريت بتجربه عمري ماهنساها

لما الواحد بيتعب بيقول يارب عدي الفتره دي وعاوز يخف

لكن لما بيتعب مدا والموضوع يطول بيعمل ايه؟؟
ماتخيلتش أبدا ان عمري همر بالتجربه دي لكن مريت بيها

سيبكو من حوار ان الوجع اصلا لوحدو مشكله
بس لاول مره فحياتي...أعرف يعني ايه ضعف بجد

مشكلتي فالحياه لما بتعب ولو شويه صغيرين أحس اني ملليش لازمه
بتخنق لما بتعب او بيكون في مرض ولو حتا لكام دقيقه

بتخنق
بتعب مش بسبب ان في حاجه بتوجعني
لا
بتعب لان بحس ان اصلا مريضه او ان في حاجه وجعاني
لدرجه اني ببكي وممكن لحظتها مبقاش طيقه نفسي ومش طيقه كل حاجه

ليه مااعرفش

أحساس خنيق وغريب

حتا لو برد خفيف...بوصل لدرجه اني بموت من الخنقه

بس لما الواحد بعد كل دا
بيجي يقول:يارب

فجأه كل حاجه بتختلف
بيحس بجد انه مسنود علي الاقوي من أي شيء

نفسيا بيهدي علي الاقل

عمرك تعبت وقولت

يــــــــــــــارب
وجربت شعورها؟؟

(دي افكار او حاجات ورا بعض هكتبهم بتسلسل كلمه الامنيه)

الجمعة، 29 يونيو 2012

امممممممممم

انا مش عرفه اكتب ايه عنوان للبوست غير دا

في حاله توهان بمر بيها دلوقتي
بعيد تفكير فكل حاجه

بفكر فاللي عملتو اللي فات من حلو ووحش
وبفكر فاللي جي بكرا بتاعي هيكون شكله ايه

بحاول احدد هدفي اللي جاي علشان اقدر اكمل

بس كتير ببقي فحاله اختناق
لما بتعامل مع الناس اللي بعرفه عنهم بعد كدا

ماانكرش ان في ناس كويسه
بس زي مافي الكويس
في الوحش

انا بجد وصلت لمرحله اني كرهت تلقائيتي

كرهت اني اكن بطبعتي
لازم اكون كدابه علشان اقدر استمر

لما بتعامل مع حد مش بعرف اني مااثقش فيه ولو شويه لحد ميكون أد الثقه دي
طب ايه العمل

عوزا أكون بطبعتي
بس لازم اتغير واكون حد وحش علشان اقدر اتعامل

طب المطلوب مني ايه
؟؟

ياريت حد يساعدني



الخميس، 17 مايو 2012

يارب..سامحني


يارب
انا لما مر الكفن من أدامي وفيه الميت

ماقدرتش أمسك دموعي وعيطت

وسألت نفسي
انا لما هروحلك ...هتكون راضي عني ولا غضبان مني

طب واحنا بنعمل كل دا ليه
علشان تكون مبسوط ولا غضبان مننا

يارب

انتا مسامحني علي كل اللي راح وكل اللي جي
ولا لا

طب انا لما بغلط
هتزعل مني كتير ولا هتسامحني لما بقلك انا أسفه سامحني

يــــــــــــارب
مهما عملت وغلطت
انا بغلط
بشر
اتفه من أي شيء

بس مش بقدر أسامح نفسي كتير

الذنوب خنقتني
وأعترف
بغلط كتير
ساعات بطنش وبعمله
ساعات تانيه بصلي اه فالمواعيد واحيانا بأخر بمزاجي واحيانا تانيه
بكسل
بعمل حاجات صح وحاجات غلط
ومش عرفه مين الاكتر الصح ولا الغلط

بس مازال املي فيك كبير
انك هتصلح حالي
وهتخلي اللي يفيديني هوا اللي معايا
مهما كنت عوزا غيره
فأنتا بتعملي الصح وتدبرلي من غير مااعرف ادبر لنفسي
لاني مش بعرف اختار ولا اعرف ادبر ليا
فانتا بتخلي من نصيبي الصح

برغم من أني مااستحقش
بس طمعانه فرحمتك

أني يوم ماهجيلك فكفني

هكون مع حبيبك
برحمتك
مش بعملي
يارب

بحبك أوي
سامحني
دموعي مش قدره اوقفها
مشهد رهيب
الكل بيودوه...لمكانه الاخير
بعد مكان طالع لسا من شويه صغيرين علي السلم
نزل وهو متكفن॥وناس شيلاه وناس بتصوت عليه

يارب
لما هكون مكانه
أرجوك

وديني ليك وانتا راضي عني
مش هستحمل غضبك عليا يارب

سامحني
واغفر لي
وأرحمني

يــــــــــــــــارب

الجمعة، 11 مايو 2012

يوم من ايام المدونون






بجد اللي مجاش النهاردا فاته نص عمره

خصوصا تورته عيد ميلاد داليا قوس قزح
وكان كلنا نفسنا نشوف فاتيما..غيابها كان فعلا واضح ومؤثر

أتبسطت اني شوفت المدونين تاني...بعد غياب ويارب يديمها تجمعات

اتبسطت جدا مع ان ناس كان نفسي تيجي
الاساسي فاتيما..سيرتك جت كتير اوي انهاردا
وغيابك اثر كتير
مامي ستوته..والله كان نفسي اشوفك وتعمليلي موفجاه زي المره اللي فاتت
ناس كتير افتقدنا وجودهم ..البنانيت كيارا ومنون وايه ورشا عرابي وبقيه البنات
والشباب بس دماغي مش جيبه اسامي علشان ساحت من الحر
:)

بس كفايه التورته والدوح وهو بيحاول بقطعها كما بالاعلي لولا مساعده
أوشه

بجد اول مره اشوفها بس حسيت اني اعرفها من بدري
الشوباب اللي نورنا الدوغري واسامه اللي كالعادع بيرخم علينا
(والله كانت عوزا فاتيما ترخم عليه علشان يبطل غلاسه)
ونجم اللقاء اللي مكنش قعد كتير خالد همس الاحباب ومينا
والناس اللي اول مره اعرفها بيري بيرو واحمد عاشور وبقيه اللي شرفونا

وعذرا لو نسيت حد
لاني فعلا..ذاكرتي بقت ذاكره سمكه

بس بجد كان يوم من الايام اللي ن تنسي

يارب تفضل موجودا علي طول يارب

اميــــــــــــــــــن
اشوفكم قريب بأذن الله

الخميس، 10 مايو 2012

الجمعة، 4 مايو 2012

قصاقيص

كنت حسه انها اخر مره .....أخدته فحضن روحي
ومشيت
ممكن يادكتورتاخد الحته اللي جوا قلبي وتشيلها॥تعبت بجد
لما امشي...علشان خاطري
كمل طريقك وخلي اللي جي ليك نور لطريقك
اللهم انك قدرت فشئت... انه قضاؤك وقدرك يارب
قدرا يارب وما
شئت فعلت
فاكرها
اه
المزمرا
يز

كانت أيام ماقدرتش أكل ولا أشرب ولا حتي كنت بتنفس
والايام دي مكانتش محسوبه من عمري
مشيين...بلا هدف
الفراق...فعل أصعب من الكلام

ياريت الامور زي مكانت علي الاقل كنا زي ماكنا
ومبقاش ك
ل حد منا فطريق
كنا....أصحاب وبس
ممكن تخلي بالك من
روحك
ليه يعني
دي مش بتاعتك
هفضل فكره طول عمري....جزء مني مابيتنسيش
...
...
...
أدعيله هيستجيسب
يــــــــــــــــــــــــــــــــــــــــارب