الأحد، 23 يناير، 2011

انها.........مجرد كلمات

اليوم ممطر للغايه
فأشتقت الي من أعتز بهم

مامي:وحشاني بجد وربنا اللي عالم انا نفسي أشوفك اذاي...بجد كنت عوذا اهذر بعد الكلمتين دول,بس مش قدره
كيارا:والله مقصره معاكي انتي ومنون بجد...بس ربنا عالم بحالي
انا فحاله عزله تامه عن العالم ومش بخرج حتي للشارع بذات نفسو مع ان الجو مشجع جدا
نفسي أعمل زي زمان وأجري تحت المطر ولا كان بيهمني
حسه بعجز فظييييييييع أوي مااعرفش ايه مصدروا....زي مااكون تقوقعت علي نفسي
ومش قدره أخرج براها
رامي:اتمني يارب أشوفك علي خير انتا وباقي الفريق واوعي تنسي تجيب اللي قلتلك عليه
بقيه الاصحاب واللي متعودا علي وجودهم:
أسفه بجد اني مش بسال ولا بروح ولا باجي
فحاله من الانسحاب دلوقتي وخصوصا بعد وفاه عمي الكبير الله يرحموا
سامحوني

الثلاثاء، 18 يناير، 2011

هديه.....ولاأروع

من كام يوم كدا...وانا بفتح ميلي بالصدفه
لقيت هديه ....بالنسبالي ولاأروع
من ناس انا نسيتهم فالحياه اللي أخدتنا كلنا
لقيت صوره...بتجمع كل الفريق اللي كنت فيوم منهم
فريق مايو
بجد كلهم وحشوني
ولقيت الكلمات دي معاها:

فاكره الايام دي ياسوني
ماكناش حاسيين انها أجمل ايام حياتنا....أنتي أيه رأيك وشيفاها ازاي؟
بجد كل ماابص للصوره دي والصوره التانيه..بيجيلي أحساس اني نفسي ادخل جواها
الايام بتعدي علي طول...والحياه محطات
وأحنا مابندركش قيمه اللحظه اللي عايشنها الا لما بتروح مننا
بصي فالصوره كدا............
هتلاقي ان كلنا بنضحك والضحكه طالعه من جوانا مافيهاش أي شوائب
مش زي دلوقتي الضحكه طالعه وبتحمل بين طايتها حاجات تانيه
بجد أيام الجامعه كانت أيام جميله فعلا حسينا وعشنا فيها اجمل ايام حياتنا
لكن هو دا حال الدنيا.....الحياه محطات,بنفتكر ان المحطه هتطول لكنها فالحقيقه بتعدي فلمح البصر

بجد انا شوفت الحاجات دي ماقدرتش اتمالك نفسي وعيطت
لاننا أتعاهدنا كلنا اننا مش هنسي بعض
ولكن حصل اللي ماكنتش عوذاه ولا عوذاه اكون فيه....الحياه اخدت الكل
ياتري هل هنقدر تاني نرجع
ولا خلاص كل حاجه انتهت

السبت، 15 يناير، 2011

بعلنها بأقوي صوت....أيوا بحب

بعلنها بأعلي صوت....أيوا بحب
بعلنها بكل كياني
مش خايفه من الموت

بقولها لكل الناس
أيوا بحب

بس حبي أقوي من أي حب
أنا حبي لواحد بس....
مهما بعمل....بيستناني
مهما أقول...بيسامحني

بعلنها بأقوي وأعز مافيا...بقلبي
مافيش غير واحد بس اللي جواه
وبحس وأنا بين أيديه بالامان والحنان

بقول بعزمافيا...اني مش بحب الا هو وبس
اللي لما بمشي بعكس كل الناس...
مش ببقي خايفه ولا بتلفت حوليا
طول ماجوايا ثقه انه معايا

ربي...ربي وبس

أحساس ولا أروع وانا بين أيديه
وانا ببكي وبقول اللي جوايا ليه
مش محتاجه ولا هحتاج حاجه...غير رضاه
بعلنها وبكل فخر

ايوا بحبه...ومافيش غيرو فقلبي
ربي وبس

الجمعة، 14 يناير، 2011

خبر عاجل


بعدما قال الشعب كلمته

وبعدما قال الكل مافي جبعته

وكما قال الشاعر:

اذا الشعب يوما أراد الحياه...فلابد أن يستجيب له القدر


الرئيس التونسي زين العابدين بن علي غادر البلاد

ورئيس البرلمان يتسلم السلطه مؤقتا


لما الكل بيقول كلمتوا....

يبقي أراده الكل تنفذ


بجد الكل فخورين بيهم

وعمار ياتونس ياخضرا

السبت، 8 يناير، 2011

أحساس

الكل دلوقتي خايف من بكرا

واللي حصل من كام يوم كتر الاحساس بكدا



ياتري بكرا هيكون عامل اذاي

هيكون أحلي وأجمل لما هنعرف غلطنا فين



ولا كلها كان يوم ريما هترجع لعادتها القديمه

ياتري هنبتدي بجد نغير ولا كل حاجه هتفضل تنحدر من سيء لأسوأ

انا حسه دلوقتي بأحساسين جوايا



الاول:ان مدام ماالناس عرفت فين الغلط وان لو أستمر كدا فيضيعنا كلنا....فنحاول نصلح بجد مش شعارات بالرغم من أن الشعارات لسا موجودا

بس أهم حاجه ان في ناس بتحاول تصلح حتي لو بكلمه



التاني:انها هوجه وشويه وكل حاجه هترجع زي ماهي ولا في أي حاجه هتحصل



طب انا أصدق انهو أحساس فيهم طيب

انا مش عرفه أوصل لاي قرار

واللي حصل فالفتره الاخيره هز مل العالم مش مصر لوحدها
دا هز العالم كلو
ياتري بكره هيكون شكله عامل أذاي
اتمني انه يكون احلي واحسن
يارب

ملحوظه:ياكبار التدوين
بأذن الله معرض الكتاب قرب
أرجو منكم انكم تنظموا يوم نكون فيه كلنا مع بعضنا
والموضوع فأيديكوا

الاثنين، 3 يناير، 2011

النهاردا يوم...مميز ليا



النهاردا كان يوم مميز ليا جدا
بعد الكام يوم اللي بجد ماكنتش زعلانه فيهم لوحدي
الكل بردو كان زعلان
بس بجد حسيت بأن الكل أتوحد....ناس بتتبرع بالدم وناس بتعذي ودعوات فكل مكان لتأمين نفسنا
نصنا التاني
وانا كل دا لسا زعلانه....
اللي خرجني من المود دا....

هديه ربنا ليا....تيما الانتيما

كانت خطوبه أخوها انهاردا...وبجد قضيت يوم ووقت ممتع جدا

أحلي حاجه بجد لما حد بيكون حسك انك زعلان وهو بردو زعلان

بيطلعك من مودك دا بأي طريقه علشان انتا تفرح وتفرحوا

ربنا يخليكي ليا ومايحرمني منك أبدا يارب

بجد عوضتيني عن الصديق والحبيب وكل الغدارين الكتير أوي اللي شفتهم فحياتي...ربنا يخليكي ليا يارب

اللهم امين:)



السبت، 1 يناير، 2011

من أولها كدا....حرام بجد




مش قدرين يخلوا المصريين يفرحوا فأول يوم من السنه الجديده
خطه تقسيم السودان جاهزه....وأحنا وراها
دا اللي بيوضحلي كل شويه
انا اللي شايفاه انهم بيحاولوا يضغطوا علي فئه فالمجتمع لحد ماالدنيا تولع...ومصر تتقسم




يامصري...ياريت تفكر شويه



كل ماأدخل منتدي ولا حتي جروب ففيس بوك



الاقي الدنيا ولعه أكتر وأكتر ودول بيشتموا فدول



هما مش عوذنا نفرح ولا نتهني بيوم عدل....أرجوكوا كفايا من اللي شفتوا والردود علي المواضيع



خيفه من اللي جاي بجد



خايفه عليكي يابلدي وعلي ناسك وأهلك اللي هما اهلي



يارب أحمي بلدي...من اللي عوذين يقطعوها حتت...وناس تتاخد فالرجلين



ياااااااااااااااااارب

ملحوظه هااااااااااامه:
في تبرع بالدم فجمعيه رساله فأسكندريه ४४ ش توت عنخ أمون-سموحه بجوار كوبري كليوباترا ومترو ماركت
او المستشفي الالماني ५६ ش عبد السلام عارف
أو مستشفي شرق المدينه............وأرقام التليفون:
०३५८४१८०६-०१०२७०९७४४-०२५८४१७१७
أرجوكوا التبرع دا للمصابين والقتلي فالحادث
واللي يقدر يعمل حاجه ...ياريت يقدر