الأحد، 28 فبراير، 2010

حكايه لقتها قدامي

-اذيك عمله ايه
ردت عليا وهي شكلها متضايق:كويسه والحمد لله
-مالك في ايه
قالتلي عوذه اتكلم مع حد بس خيفه ممكن اتفهم غلط او حد يحكم عليا من غير مايسمعني الاول
-احكي بس ومتخفيش انا موش هحكم عليكي غلط بس المهم اتكلمي
شلالات دموع فعينها وهي بتحكي
انتي تعرفي عني ايه
قولتلها الحمد لله بنت كويسه ومؤدبه وموش بتعاملي حد وحش ابدا ولا عمري شوفتك بتطلعي العيبه منك ابدا
قالتلي :طب انتي تعرفي عني ايه...سكت
-انتي موش بتحبي تحكي مع حد ابدا
ردت:مهو غصب عني نفسي اتكلم واحكي بس من كتر اللي بشوفه حوليا موش بقدر اتكلم مع حد نهائي
-طب احكي وسيبي الحكم بتاعي للاخر
بعد شويه وتنهيده بعمق...
انا معرفشي اذا كنت بحب ولا لا ..هل اللي انا حساه دا اعجاب ولا حب ولا ايه بالضبط
-(بأندهاش كبييييييييير جدا وفتحه بقي يجي سته متر )يعني ايه موش فهمه حاجه
هحكيلك واسمعيني ..قولتلها احكي

انا حسه من ناحيه حد بحاجه معرفش ايه هي..انتي عرفه اني كنت فحكايه قبل كدا ومكملتش ولو حتي كنت حسه حاجه من ناحيه حد فمجرد اعجاب بشخصيه او اسلوب فالتعامل موش اكتر
من فتره لقيت حد بيعاملني معامله معرفش نوعيتها ايه بس طول الوقت كلام حلو..ونظرات وبيحكليلي عن حياته وكتير بنتكلم مع بعض
-(انا ودماغي شغاله :ااااااااه جيييييييييينا لمربط الفرس عرفه اكيد هتحصل مصيبه سودا بعد كدا مهي هي دي البدايه)..سكوت تام
شويه وبقينا نتقابل ونتكلم وكل شويه كدا نظرات من تحت لتحت ومفيش حد واخد باله وشويه كلام حلو وانا بقيت متعلقه بيه جدا وموش عرفه استغني عنه..محتاجه لحد جنبي ..نفسي احس بالامان هو انا موش ليا حق احب
-(فدماغي برده ربنا يستر هو في ايه بالظبط)
بجد علطول بقيت مشغوله بيه وتليفونات ومكالمات ومبقتش قدره استغني عنه
لقيته بيتكلم عن انه هيرتبط فرحت..جه بعدها لقيته خطب وحده تانيه
-نعاااااااااااااااااااااااام اللي هو اذاي يعني
ده اللي حصل وهو مقلش مين لحد ماعرفت من وحده صحبتي انها وحده اعرفها
طب ليه علقني بيه لو هو كدا وهيرتبط بوحده تانيه
والادهي انه بعد ماعمل كدا جي بيقولي تعالي اخرجي معايا
قولتلته طب وخطبتك,قالي اهلها موش سمحين حتي انها تخرج معايا ولو اتكلمنا دا بيقي ادامهم
هو شايفني رخيصه للدرجادي..يلعب بيا شويه وبعد مايرتبط بوحده تانيه يجي يقولي اخرجي معايا..وسكوت تام
انا صراحه مقدرتش انطق لاني لو نطقت هقول كلا كتير اوي
شويه واتكلمت
بصي يابنتي احب اقولك وبأقتدار انه موش بيحبك
اذاي والكلام اللي قالهولي والنظرات طب دا ايه
قولتلها من الاخر كدا هو كان عاوذ يتسلي او يلعب شويه ..دا اللي فدماغه
لما لقاكي بتتشدي ليه قالك خلاص دي ممكن بكلمه اوديها واجبها فراح خطب اللي استعصت عليه وتلاقيه برده كان شغال عليها ولما ملقاش فايده قال اجلها من ناحيه الجواذ احسن وانا عارف ان دي موش بكلمه لاهوديها حد ولا هيجبها
طب وليه عمل معايا كدا مكان يسبني فحالي بدال نظره الصدمه اللي كانت فعيني لما عرفت هي مين
رديت عليها مفرقتش عنده بحاجه لو تعرفي هي مين او متعرفيش دا واحد عاوذ ياخد من الدنيا كل حاجه ..يخطب وحده عارف انها لابتروح يمين او شمال وفنفس الوقت يعيش حياته ويشوف نفسه قبل مايدخل علي العكه الكبيره
حرام عليكي ماتقعديش تهذري كدا انا بجد موش مستحمله
لاذم اهذر لانك كدا هتعكنني علي نفسك من غير اي حاجه فبحاول اطلعك من المود اللي انتي فيه الاول وفكري معايا وشوفي اذا كان كلامي صح ولا لا
شوفي وفكري وبعدين اعملي اللي انتي عوذاه
ياتخليكي حذينه وهو يعيش حياته وكدا كدا انتي موش فرقه معاه
ياتسترجلي كدا وعديها ذا مأي حاجه بتعدي..انا عرفه انك مجروحه دلوقتي لانك لقيتي امل كبير انك تحبي وتتحبي ذي كل الناس بس مينفعش فعلا ان اي حد يقول كلمه حلوه ليكي يبقي خلاص في حاجه من ناحيته
وملقتش غير كلام اللي بحبه جاهين اقولهلوها:
حاسب من الاحزان وحاسب لها
حاسب علي رقابيك من حبلها
راح تنتهي ولابد راح تنتهي
مش انتهت احزان من قلبها....وعجبي
(ضحكه صغيره) هو انتي كل شويه تجيبيلي سيره جاهين فالنص كدا
اعمل ايه بس بحبوووووووووووه..هههههههه
انتو بقي انا عوذه رايكو فالموضوع دا
مين اللي صح ومين اللي غلط فالموضوع ده؟؟؟؟

الثلاثاء، 23 فبراير، 2010

ذكريات فدماغي




النهارده اول يوم فالدراسه هييييييييييييييييييييييييه
روحت علي الجماعه قبل ميعاد المحاضره بمده واتقفت مع شلتي هنتقابل هناك ادام المدرج
انا بقي مشيه وحسه اني فعالم تاني
صحيت النهارده مدروخه وتعبانه ومصدعه معرفشي ليه واجبرت نفسي علي الاكل علشان
اقدر اكمل اليوم واصلا ممتي مسابتنيش انذل من غير ماافطر..شوفتو الامهات يجماعه
فعلا دول نعمه كبيره من ربنا..الحمد لله
انا بقي فأول يوم دراسه فالتيرم دا احساسي غير..يمكن لانه اخر تيرم ليا او اني بجد اما هخلص هفتقد المكان دا
هفتقد اربع سنين من عمري يمكن هما قليلين فالذمن بس بحساسي انهم بعمري كله
عرفت اجدع صحاب..وقفو جنبي فأشد وقت كنت محتاجه فيه لحد...وعرفت الندله برضه بتوع مصلحتهم وبس..عرفت الناس اللي بجد من جواه تستاهل انك تعرفها بالرغم انهم ممكن تكون تصرفاتهم غريبه مبين الهذار الجامد او السكوت الدائم(أيه الكلام المنمق دا...يخراشي ههههههههه)
وعرفت كمان اللي بيعرفوك علشان مصلحتهم ودول كتييير مريت بيهم يعملو فوقت انهم اصحابك واكتر من حبايبك ووقت ممصلحتهم تخلص ..ولا يعرفوك تاني مع انهم سبحان الله بيشتكو ان كل الناس مصلحنجيه وموش بيبصوا لنفسهم
انا عادتي عاده غريبه
اول مابروح مكان واكون موجوده فيه لفتره ..اول يوم ليا واخر يوم ,بقعد امشي جنب السور والمس السور بتاع المكان دا معرفشي ليه عندي نوع كدا ذي حب او ارتباط بالاماكن اللي بكون موجوه فيها
مدرستي فثانوي كنت لما بمشي بقعد المس السور والجامعه كذلك
وانا مشيه النهارده جنب الجامعه طول الطريق المس سور الجامعه مبسوطه وفرحانه بعد اسبوعين حبس فبتنا بقي ههههه
بحس ان مجرد لمستي دي بتديني الامان وبتأكد حبي للمكان دا اللي ليه ذكريات فقلبي عمري مهنساها
دخلت من البوابه .....ايه دا
الصداااااع رااااااااح يرجاااااااله هيييييييييييييه
فرحانه اني شوفت وشوش الناس اللي متعوده اشوفها ديما فالجامعه
اقعد اتنقل مبين مكان لمكان واشاور واسلم علي اللي بيصادفوني فطريقي من صحابي (هو انا مقلتلكوش ..انا موش بعرف صحاب وبس لااااااااااا
انا بعرف صحاب الصحاب بتوع صحاب صحابي بقي..مهما الناس الاجتماعيه كدا
غلسيييييييييييييين وعملين ذي البارشوت هههههههههههههه)
بجد من كتر فرحتي اني فالجامعه كل اللي كنت حسه بيه من صداع ودوخه راح معرفشي ليه(لو حد عنديه تفسير علمي ياريت يقولي يجماعه ماااااااعلينا)
مشيه فالجامعه واروح للاماكن المفضله ليا ,الجمعيه العلميه اللي كان فيها حبايبي بتوع المودل سلمت علي الموجودين وبجد اتبسطت لما شوفت فرحتهم انهم شافوني لاني بجد حسيت اني مقصره معاهم مووت بعد ماخرجنا كلنا رحنا معرض الكتاب وهما اللي قررو الخروجه دي لما لاقو حالتي فالاجاذه موش ولا بد بسبب اني موجوده فالبيت شغل وبس موش بخرج....بجد ناس اقل مايقال عنهم انهم يستالهو كل خير وياريت الايام متفرقناش عن بعض اللهم امين
شويه وروحت لشجرتنا (دي شجرايه كدا موجوده ورا الجمعيه بس اييييييه موجوده منذ عمق الذماااااان ادام مدرج أ ...اللي فتجاره هما اللي هيعرفوها بس)

قعدت بصتلها وقولت ياااااااااااه دي وحشاني قوي ..يما كنا بنقعد تحتيها انا والشله بتاعتي وضحكنا وهذرنا وحتي فأوقات حذننا..كنا بنروحلها ونقعد تحتها كأنها فعلا امنا اللي بتحمينا..يااااااااااما اتقابلنا عندها وعلطول كنا بتجمع هنا واي حد بيجلنا فالمكان دا..اللي شاركونا فرحتنا وضحكنا..وهي اكتر حاجه بحبها فالجامعه دي لانها فعل اذي متكون الشاهد علينا وكانها كانت بتشاركنا كل حاجه..ايام الهذار والنكت والضحك والمذاكره
حتي فحذننا مفأرقتناش..حتي فأيامي انا وبالذات ليا فيها ذكري خاصه عندي وعندنا كلنا
دي بقي علامه مميذه فالكليه واي حد عرفاها بسببنا...بقينا مشهورين اوووووي هههههههه
امشي فطريقي ......المدرجات والمسجد الصغير وامشي وامشي لحد ماوصلت لمدرج العيوطي والاقي اصحابي ان ان ان اااااااااااااااااااااااا
اذيكو يجماااااااااعه وحشتووووووووني..وانتي كمان وهات يسلامات
قعدين بره لييييييييييه
الدراسه بتاعتنا بعد اسبوعين..واااااااااااااااااااااااااااااااااااااات؟؟؟؟؟؟؟؟؟؟
ايه القرار الفوجائي دااااااااااااااااااا
ههههههههههههههههههههه
هي البلد دي موش بتمشي غير بالقرارت الفوجائيه طب واشمعني انتساب ماأنتظام شغاله اهي...متعرفيش يااوختشي ليه كدا اهو قرار والسلام(وعليه قرار اجباري بالقعده فالبيت اسبوعين كمان تاااااااااااااني عاااااااااااااااااااااااااااااااااااااا)بس علي مييييييين هنذل يعني هنذل وهقعد مع الناس دا اخر ترم يجماعه يعني كام شهر وموش هنرجع هنا تاني
بس علي مين يااخينا هو احنا سكتنا
اول ماشوفنا بعضيتنا كدا قمنا قعدنا وروحنا مدينها هذار وضحك عادتنا يعني ولاهنشتريه من بره هههههههههههههه
ورخمنا علي بعض بردك بهذار واليوم بالرغم من الكبسه بتاعه موضوع المحاضرات كان جميل قوي وبجد كان اخر تهييس لدرجه اننا ذقلنا بعض بالطووووووب تذقيلا
ههههههههههههه
ياااااااادي الخيبه القويه..كباااااااار وفجامعه وبتحدفو بعض بالطوب ..ايييييييييييييييييييون حد عنده مااااانع
بجد تسلمولي يااصحابي وربنا يخليكو ليا دا حتي صحبتنا المسافره كلمتنا كلنا تتطمن علينا بجد ربنا يخليكو ليا وميحرمنيش منكو(كل واحد ووحده ليهم بوست بأذن الله هحكي عنهم المره الجيه بقي علشان انا عوذه انااااااااااااام من الارهاق بتاع اليوم الجامد ده)ليكو وحشه للمره الجايه
تحياتي







الأربعاء، 17 فبراير، 2010

هو في ايييييييييييييه؟؟؟؟؟؟؟





بجد وحشتوووووني جدا جدا
المرادي بجد السوأل دا جه فدماغي
هو في ايييييييييه
احنا بتقدم ولا بنرجع لورا؟؟؟؟؟؟؟
كل ماأتفرج علي الافلام الجديده بجد بتخنق من اعلانتها اقول لما اشوفها ايه اللي هيحصل
اكيييييييييد اكيد شوفتو فيلم افاتار ..بجد اما اتفرجت عليه وعرفت معلومات عنه وان المخرج استني 12 سنه علشان يشوف احدث التكنولوجيا علشان يعمل الفيلم دا ويطلعه فأحسن صوره
بجد فيلم رائع جدا جدا وانا اتبسطت اني اتفرجت عليه(مهو مخرج تيتانك بقي)
ههههههههه
المهم بشوف العالم دي وباجي اتفرج علينا واشوف ايه نظام الافلام المصريه
بجد موش عرفه اقول ايه غير ان ربنا يسامح كل من ساهم في بوظان دماغ الشباب المصري
كل ماتفرج علي الاعلانات بتاعه الافلام اقول اكيد في حاجه غلط طب اما اشوف الفيلم نفسه
اتفرج علي الفيلم مأكلملش فرجه اصلا اصلا
يجماعه هي الناس دي موش كانت بتصور فيلم ولا انا بيتهيألي
ههههههههه ايه الهبل دا
للدرجادي وصل موش عوذه اقول الانحطاط والاسفاف
طب اقول ايه يعني
بعد مكانت الافلام المصريه هي المحببه للجميع وكل العرب بيتعلمو اللهجه المصريه من افلامنا
دلوقتي جه واحد كل شويه فأفلامه يطلع مصر عباره عن عشوائيات وملهاش دعوه غير بالتطور الطبيعي للحاجه السقعه
طب هو دا التطور يعني...من الافلام اللي بتحكي عن تاريخ وانجاذ وناس حتي لو حد عمل حاجه غلط ففي ربنا سبحانه وتعالي بيدي الجذاء من جنس العمل وكمان كانت بترسخ قيم موجود بالفعل فمجتمعنا موش جيبنها من بره ولا هي مصنوعه من الصين ذي المنتجات الموجوده فمصر حاليا
طب بلاااش كدا الاعلانااااااااااااااااااات ايه نظامها برده
نيجي بقي للكبيره..الاعلانات..بذمتكو دي اعلانات
قريت خبر من كام يوم ان الحمله الدعائيه لقناه ميلودي اخدت جائذه احسن اعلان
نعاااااااااااااااااااااااااااااااااااااااااااااااام؟؟؟؟؟؟؟؟؟؟؟؟؟؟؟
ميلووووووووووووووودي..بتااع ايواااااااا كدا ياوديييييييييييييييييع
ينهاااااااااااااااااااااااار
ههههههههه فضلت اضحك ماما تقولي بتضحكي ليه
قلتلها وديه يماما اخد جايذه احسن اعلان..طب دا يتقاله ايه طيب؟؟؟
انااللي اعرفه عن الاعلانات ذمان لما كانت ماما وجدتي بيحكولي كدا
بجد كان كل حاجه ليها هدف حتي الاعلانات ..موش بس اعلان عن منتج لأ
انت بتعلن عن قيمه هتنفعك
لكن بذمتكو ايه موضوع عم وديع دا..لا وكمان عم توهااااامي باشا خريج الاذهر(هو اللي قال كدا فمقاله فجرنان اخبار اليوم فالملحق بتاعه يوم السبت)
للدرجادي كل حاجه موش بتتقدم دي بترجع لورا....
طب بلاااااااااااااااش ..الاغاني
ههههههههههههههههههه جيتي علي السيره ليييييييييييييييييييييييييييييييييه؟؟؟؟
بعدام كلثوم اللي كان بيستناها المحيط للخليج وعبد الحليم حافظ وكل القمه فالاغاني والتأليف الله يرحمه جاهين اللي بموت فيه برباعياته
يجي اللي بيقول فأغينه اسمه دياب(عووووووو عوووووو عووو ..عووووووو عو عوو)
طب دا بيخوف مين يعني
ولا خزان اللبنانيات اللي طفح
مره نانسي(انا موش بقول عليها حاجه بجد صوت وشكل) ومره هيفااااااااااااا
(شوفتو الكليب بتاعها الجديد اللي عملالنها فيه جلاتوليتور مع تامر هجرس ههههههه..نو كومنت) وكل ماتيجي يمين تقلاقي لبنانيات طب يعني هو مفيش مصري ولا كما يقال ان اي صوت مصري حلو دا لاذم ميتعرفش نوهائي
سوألي بقي..هو ليه كل حاجه انحدرت كدا ووصل بيها الامر لاحساسي ان كل شيء مصري تحت..تحت..تحت
ولا ايكونتش دا فعلا التطور الطبيهي للكاذوذه موش للحاجه السقعه
يارب كن معنا الفتره اللي جيه علشان الواحد مبقاش عارف ايه اللي جاي

السبت، 13 فبراير، 2010

الذلانطين السنادي شكله ايييييييييييييييه؟؟





صراحه انا حيبت اكتب اول حاجه ليا عن الفلانتين بما انه قرب جدا يعني خلاص فاضل كام ساعه عليه
مااااااااااااااعلينا
عندنا فالجامعه بسم الله ماشاء الله بلاقي يومها وقبلها حتي كل الجامعه لونها احمر وبجد بيبقي منظر موش قدره اقولكو عليه بس احسن حاجه فعلا انك تلاقي حد بيشاركك اهتماماتك وبيهتم بيك وبيحبك بجد
موش مؤمنه اوي بفكره ان عيد الحب يبقي يوم واحد بس يبيقي حلو اما تلاقي حد بيحبك وبيهاديك وبالمناسبه دي انا بقي ليا اهداء خاص
اولا:موش لاذم الاحتفال دا يبقي للي بيحبو بعض وبس لأ ممكن كمان يبقي لناس احنا بنحبهم وبنقدرهم وانا بالنسبالي اول الناس دي هي امي لاني فعلا لولاها انا مكنش وموش هكون
بجد هي احسن واجمل انسانه فحياتي .حتي لو مره حسيت انها قسيت عليا شويه فانا عرفه انها بتعمل كدا علشان خاطر تخليني جمده واقدر استحمل اللي جاي وبجد مهما قولت موش هقدر اوفيكي حقك كفايه ان فعلا اكتر وحده بتستحملني وانا علشانها اضحي بنفسي حتي لو قالتلي ارمي نفسك فالنار هعمل كدا من غير تردد

بحبك ياامي والدباديب دي ليكي وميرسيه علي كل شيء قدمتهولي
ثانيا:ان ان ان اااااااااااا
التانيه دي مخصصاها لكل اصحابي اللي اعرفهم
اولا لاصحاب ثانوي نوسه وميرو بجد موش عرفه اشكركو اذاي لاني موش هقدر اوفيكو حقكو عليا مهمن عملت انتو بجد اثبتولي ان اجدع صحاب موجودين فعلا برالرغم من اني بسمع من الكبار كتير ان مفيش حاجه اسمها صداقه او صحوبيه لان الكل بيجري ورا مصلحتهم
هما عندهم حق لكن معرفوش ان في ناس ذيكو موجوده وكمان اصحاب الجامعه اللي بجد اتمني بعد مااخلص بكام شهر مننساش بعض ابدا نيما ومنمن وابيه فرغلي ويويو ونذيه وشيمي والهادي وقائمه الاحمدات اللي اعرفهم كلهم ههههههه
وكمان اللي عرفتهم فمودل مايو بجد ناس جدعه جدا وحاجه متتوصفش لاننا بالرغم من ان المودل خلص من ذماااااااااان
موش اوي يعني السنه اللي فاتت بس الا انهم لسه فاكرني وبجد كل فتره بيتصلو يطمنو عليا ويعرفو اخباري والحمد لله بجد بحمد ربنا كتييييييييييييير اوي اني الناس دي موجوده فحياتي عرفتني ان لسه الدنيا بخير(كل واحد فيهم محتاج بوست لوحده من كتر المواقف اللي حصلت سواء ضحك او هذار هههههههه
بأذن الله هبقي احكيها
ثالثا:لاهل المدونات علشان بجد هما السبب انهم خلوني اقرر اعمل مدونه ومن فتره عماله اقرا فمدونتهم لقتها بجد فكره كويسه انك تفضفض بالي جواك ومنهم الدكتوره الكبيره ستيته والدكتور محمود صاحب مدونه بطوط حبوب وصيدلانيه طلعه نذله وخاااااااالو احمد الصباغ وسوووووووو وفاطيما وخيخه ويارب اكون منستش حد انا لانهم فعلا ناس تستاهل كل خير
يارب احلام كل الناس تتحقق والاقي ديما الكل بخير وفسعاده وهنا ياااااااارب
اللهم امين

اما عني انا فأنا قررت اقضيه السنادي ذي كل مره
رغييييييييييي مع انتيمي نيما فالتليفون والنت
ههههههههههههه
كل سنه وانتو طيبين

الجمعة، 12 فبراير، 2010

انا بقالي فتره بتابع المدونات وصراحه لقتها فكره كويسه ان الدونات دي موجوده
يمكن الواحد بقدر يتكلم فيها يقول اللي جواه او يمكن انه بياخد راي الناس او يمكن انه حابب يتعرف علي حجات جديده اول مره يشوفها
ذي حالتي كدا
بجد اول حاجه اكتبها موش عرفه اقول فيها ايه غير اني سعيده اني بعمل مدونه واكيد هكون مبسوطه ان لقيت حاجه اكتب فيها رايي وكل
اللي بشوفه واتكلم فيه