الأحد، 18 أبريل 2010

شهاده


الصوره اللي فوق دي صوره شهادتي واللي بجد اتبسطت قوي اني اخدتها امبارح في حفله مشهوده استمرت 4 ساعات وطبعا جالي صداع من الحفله..بس الحمد لله اليوم عدا علي خيييييير:)
وطبعاخبيت الاسم..تقولولي ليييه هقولكو رخامه..اصلي لما بحب ناس ذي مابحب عالم التدوين بحب ارخم عليهم:))
واللي تحتها شعار مودل مايو اللي كنت فيوم من الايام جزء منو...بجد اتبسطت جدا اني شوفت كل اللي اكتسبتهم كأصدقاء بجد امبارح..متتخيلوش فرحتي ان ربنا جمعني بيهم تاني كلهم بعد اما افترقنا بفعل عامل الزمن بس كنا والحمد لله بنسأل علي بعض ...بجد ناس مهما قلت عنهم فدا هيبقي قليل فحقهم اوي
مودل مايو بجد لقيت حاجه فرغت طاقتي فيها..الطاقه اللي كل شاب نفسه انه يعمل حاجه او يشارك فحاجه مهمه ويحس انها مفيده لبلده علي الاقل لما يتعلم معلومه أو يشارك في صنع قرار واذاي يتعلم انه يفكر صح ويتكلم صح ويشارك بالراي والناس تسمعه
بجد اتبسطت اني كنت معاهم فيوم من الايام واتبسطت اكتر لما اخدت شهادتي بالرغم من اننا المفروض ناخدها من السنه اللي فاتت بس ربنا اراد انها تيجي متأخره علشان نشوف بعض تاني ونتجمع تاني وبجد بالرغم من الصداع اللي جالي بعد حفله استمرت اربع ساعات....بس كله اتمحي فثانيه لما شوفت فرحتهم بيا وفرحتي بيهم وذكريات خمس شهور للتحضير للمؤتمر بتاعتنا واللي كل شخص فينا مثل دوله واتكلم عن مشاكلها وحاول ايجاد حلول ليها.....والكلام عن السياسه والاجتماع والاقتصاد والانتماء ومعلومات ذكرياتها فقلبي لحد دلوقتي وموش هقدر انساها
بجد الحمد لله اني كنت فيوم جزء من مودل مايو واني عرفت ناس ذيهم
يارب ديما تكون الحجات دي فبلدنا تقدر تعمل حاجه وتصلح حاجه علي قد ماتقدر..
تحياتي


هناك 40 تعليقًا:

  1. أول كرسي بسررررررررررررررررررررعة

    ردحذف
  2. الف الف الف الف مليووووووووووووووووووووون مبروووووووووووووووك يا سوني يا حبيبة قلبي
    بجد انتي عسولة اوي و تستاهل كل خير و الله
    و بجد فرحت اوي علشانك
    و انتي شخصية بجد تستحقي كل خير و كل احترام و كل تقدير
    ربنا يوفقك يا رب و من نجاح لنجاح و من تفوق لتفوق

    خالص حبي و حبي و تقديري

    ردحذف
  3. جميل فعلا يا سونى المشاركات الايجابيه دى لانها بتضيف للشخصيه جدا وبيستفيد منها فى حياته ..اتمنى ان تظلى موفقه داااااائما يا سونى
    ومبروك على الشهاده .

    ردحذف
  4. الف مبروك يا سونى
    و دايما من نجاح الى نجاح
    جميل قوى ان اانسان يشترك فى مؤتمرات تكسبه خبره و قدره فى التعامل مع الناس و النقاش معاهم

    ربنا دايما يوفقك و الى الامام على طول

    ردحذف
  5. ماشاء الله

    اش اش حركات وشهادات من ورانا..؟؟

    ههههههههههاي

    الف مبروووك وعقبال اعلى المراتب والشهادات يارب

    تستاهلين..

    اطيب تحية

    ردحذف
  6. السلام عليكم

    انا مش فاهم دي شهادة ايه

    بس علي العموم مبروووووووووك وعقبال النجاحات التالية

    تحياتي

    ردحذف
  7. مبروك عليك الشهادة وعقبال الدكتورة تستاهلين

    ردحذف
  8. رغم اني مش فاهم اوي الشهادة
    بس اللي فهمته ان فيه عمل جمع بين شباب من جنسيات مختلفة.. وده بيخلي الفرد يكتسب مهارات وخبرات هاتنفعه جدا
    وانا جربت ده في المؤتمرات اللي كنت بحضرها

    شكلك مبسوطة جدا.. ربنا يفرح قلبك كمان وكمان

    ردحذف
  9. مبرووك ياسوسو... مش ياسوني... وش مطلع لسانه...
    واشمعنا لبنان؟؟؟
    مش كنتي سيبتي الدولة دي للشباب... الشباب بيعزوو لبنان وكل البيجي من لبنان... ههههههههههه... كان هيهتمو بيها اكتر..

    ردحذف
  10. مبروك على الشهاده ويارب ديما من نجاح لنجاح

    ردحذف
  11. عقبال شهادة الأمم المتحدة وانتي ممثلة مصر الرسمية
    بس تبقى مصر بعافية كده علشان تقفي وترجي المجلس :)
    مبروك عليكي الفرحة يا كميلة
    عقبال شهادة التخرج والدكتوراة يارب

    ردحذف
  12. فكرتيني بأيام الشباب :)

    كنت في النموذج بتاع الكونجرس ونموذج جامعة الدول ونموذج مجلس الأمن
    ومجلس الشعب برضه ..بس عيبهم إنك بعد ما تتعلقي بالناس كله بيتلاشى :(

    لكن وسيلة ممتازة لاكتساب بعض الخبرات :)
    مبروك

    ردحذف
  13. جميلة أوي الفكرة يا سوني

    وجميل انك اتكلمتي عن لبنان

    والأجمل من كل ده فرحتك بالمودل والشهادة

    ربنا يوفقك دائما

    ردحذف
  14. مبروووووووووووووووك

    عقبال الشهادة الكبيرة

    فقرى

    ردحذف
  15. مساء الخير

    مبرووووووووك يا سونى
    عقبال شهادة البكالوريوس والتخرج ياااااارب

    فرحتك جميلة اوى وخصوصا بالناس اللى معاكى .. ربنا يسعدك دايما

    اختيارك ل لبنان جميل اوى ع فكرة
    تحياتى :)

    ردحذف
  16. الف مبروك ياسوني
    طبعا الحاجات الايجابية اللي زي دي
    بيبقي ليها فعل السحر علي نفسيتنا
    عقبال ما نباركلك في التخرج
    ويلا شدي حيلك

    ردحذف
  17. مبرووووك شهاده الدبلووون :D

    ردحذف
  18. الف مبرووووووووووووك
    و بجد انا حاسس بفرحتك
    و عقبال شهادة ( فصدي قسيمة ) الجواز
    هههههههههههه
    يا رب يديم فرحتنا

    ردحذف
  19. مهموهـــــــة:بجد شكرا لكلامك ده وانتبسطت اني اتكلمت معاكي بجد
    ويارب اعرف عنك كل خير ديما يارب:)

    ردحذف
  20. SHAPE YOUR LIFE (ABOALI):الله يبارك فيك وادينا بنحاول نلاقي حاجه بتفيدنا صح
    بس يارب بجد يكون للحجات دي انتشار وفايده فعلا فالمستقبل:)

    ردحذف
  21. صيدلانيه طالعه نازله :الله يبارك فيكي وفعلا احلي حاجه فالنماذج دي انها بتعرفنا علي ناس مختلفه وتفكير مختلف عناا
    بس بجد كلهم يستهلو كل خير :)

    ردحذف
  22. عنّاي العيون:ايييييون شهاداااااااات من وراكو
    شوفت القرررررر:))
    وبجد ميرسي ليك:)

    ردحذف
  23. يهمنا التواصل مع اصحاب المدونات المتميزهولذلك نوجه لك هذه الدعوه
    نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
    نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
    ونذيع هذه الموضوعات مع التعليقات ومقتطفات من مدونات اصحابها اذا رغبوا
    وبذلك نجمع لأول مره بين الأعلام التقليدى والنت
    مدونتنا
    http://netonradio.blogspot.com

    ردحذف
  24. Haytham Alsayes :دي شهاده بتاخدها علشان شغلك اللي عملته فالنموذج لما انت بتمثل دوله من دول البحر المتوسط وبتحاول تلاقي حل لمشكلات معينه وتتناقش فيها
    بس تخيل بقي تقعد تتكلم لوغه عربيه فوصحي اسبوع بحالو
    انبي حسيت اني محوله..ههههههههه
    بس بجد عرفتني علي ناس الله يكرمهم يارب
    بجد شخصيات محنرمه جداو نادر تلاقيهم دلوقتي:)

    ردحذف
  25. OTOUMANAR :ميرسي وشكرا ليك:)

    ردحذف
  26. فتافيت:اه واله مبسوطه اوي
    مبسوطه انه جه بعد جهد ومعاناه
    دا احنا كنا بنروح كل يوم وايام التحضير للمؤتمر بيبيقي من 9 ل9 بليل...:)
    يعني شوغل شوغل يعني
    بس والله كله اتنسي لما قابلت الناس دي تاني وفرحنا ببعض كلنا:)

    ردحذف
  27. سمع هوص (Abo 3li) :انبي مااخترتهاشي دول هما اللي اختروهالي علشان انا بتصد للمهام الصعبد وحياتك وكان وقتها المشاكل اللي حصلت بين سوريا ولبنان وكانت صحبتي مسكه دوله سوريا
    تخيل انت بقي اللي حصل:)

    ردحذف
  28. طوبه فضه وطوبه دهب :ميرسي جدا وعقبال الكل هنا:)

    ردحذف
  29. ستيتة حسب الله الحمش :الله ياممتي...كمااااااااان
    هههههههههه
    بجد مبسوطه بكدا اوي ومبسوطه بفرحتك بيا:)
    ويااااارب يسمع منك ربنااااااااا

    ردحذف
  30. Diyaa':يعني هو انت عندك اد ايه ع تقول فكرتيني بايام الشبااااااب :)
    ياعم لسه العمر قدااااااااامك

    ردحذف
  31. قبلاوي :ايون ومالو
    فيها حاااااااااااااجه:)

    ردحذف
  32. Lady E:ميرسي ياقمرتي وربنا يخليكي ليا وعقبال ماافرح بيكي فالشهاده انا وانتي فيوم واااحد:)

    ردحذف
  33. شاب فقرى :ميرسييييييي وربنا يسمع منك:)

    ردحذف
  34. Silver Eyes:ميرسي لكلامك بس والله ماانا اللي اخترت
    بس بسبب شغلي فيها اختاوني احسن متحدثه فالسنه دي لان السيرش اللي عملتو كان فظييييييييع:)
    لرده انهم رشوحني برده اكتر واحد ينضرب بالنار
    هههههههههههه

    ردحذف
  35. beautiful mind :اه والله وانهو فعل سحر
    كل التعب نسيتو فثانيه ونوص:)
    وبجد احلي حاجه ان الكل فرحان بيك وانت فرحان بيهم
    يارب فرح الجميع
    اللهم اميين:)

    ردحذف
  36. :) QŁp 7āZēŋ:ميرسي وعقباااااال الحباااااايب
    هههههههههه

    ردحذف
  37. حصان المرجيحة:شكرا لكلامك بجد
    اما بالنسبه لقسيمه الجواذ فلا تتوقعو انكو هتخلصوا مني بسهوووووله:)

    ردحذف
  38. سونى
    جميل جدا مشاركة الفعالة فى اللقاءات والموتمرات الهادفة دى
    والف مبروك الفرحة والشهادة
    وعقبال شهادة الدكتوراة يارب

    ردحذف
  39. مبروك ولو انى مش عارف ايه هيا مودل مايو

    ردحذف