الأربعاء، 11 أغسطس 2010

دعوه مقاطعه

كل سنه وانتو طيبين ورمضان كريم

طبعا انتو عرفين ان رمضان السنادي مليان مسلسلات ذي كل سنه يعني
بس بجد انا من اول يوم
النهارده
شفت شويه حجات ضايقتني
أول مافتحت التليفزيون....ويااااااااااريتني مافتحته
أتصدمت..
الممثله المشهوره....لبسه حجات ماينفعشي تتلبس فرمضااااان
ياللي بتعرضو المسلسلات فرمضان
انتو خليتو رمضان عباره عن موسم مسلسلات موش شهر فضيل نتعبد فيه ونقرأ القرأن ونتقرب من ربنا

ولهذا........ومن مكاني هذا
ادعوا لمقاطعه المسلسلات والافلام والعوده بجد للصلاه وقرأه القرأن فالايام الفضيله
عسي ان يرجع فعلا رمضان واللي بنحس بأيامه بالفرحه الطاغيه برجوعه
لاني حسه الايام دي بأننا فأيام عاديه جدا
فرحه رمضان اللي بحسها ديما
موش حساها السنادي

فقررت اني اقاطع كل المسلسلات والحجات اللي بجد ماينفعشي انها تتعرض في الشهر الفضيل

وياريت..........لو انتم كمان ماتفتحوش التلفيزيون
بجد ياريت كلنا نعمل حركه مقاطعه للدش واللي بيتعرض عليه
وتساعدوني علي اننا نرجع للشهر الفضيل عباداته بجد....وصيامه بجد
بدال ماناخد ذنوب اكتر من اللي علينا
عسي ان يكتبنا الله من عتقاءه فالشهر الفضيل
ودمتم سالمين

هناك 31 تعليقًا:

  1. شياطين الجن تسلسل فى رمضان لكن نعمل ايه فى شياطين الانس
    الحمدلله احسن حاجة بجد ان الانسان يقاطع التليفزيون فى رمضان او فى غيره

    ردحذف
  2. احسنتى القول والله واصبتى
    فعلا
    الواحد بيشوف فى رمضان انه عند معظم الوسط الفنى موسم
    موسم لاستعراض اعمالهم وطبعا ضلالهم
    ربنا يهدينا جميعا
    وبالنسبة للمقاطعة دى فكرة هايله
    واحنا كده كده مش فاضيين للتليفزيون ولا للكلام الفارغ ده
    جزاكى الله خير

    ردحذف
  3. فعلا وقت الصيام لازم نكون مكرسين ايامها لربنا وللعباده مش للتليفزيون وياريت تكون المقاطعه على طول
    كل سنه وانت طيبه يا قلب طيب

    رمضان كريم

    ردحذف
  4. عندك حق يا سونى
    وان شاء الله هنشر بوست زى ده عندى
    وكل واحد يحاول ينشره عشان نوسع المقاطعة
    ومنتابعش غير برامج دينية والاخبار
    لان رمضان شهر واحد فى سنة ومن اسرع الشهووووور
    بيخلص بسرعة اوووووى
    ^_^ معاكى ان شاء الله

    ردحذف
  5. متفقة معاكى جداااا
    هتابع برامج دينية بس باذن الله


    ربنا يجعلنا من عتقاء هذا الشهر الكريم
    اللهم امييييين
    كل سنة وانتى طيبة يا سونى
    ورمضان كريم عليكى وع المسلمين جميعا يارب
    كل سنة وانتى اللى ربنا اقرب :)

    ردحذف
  6. و أنا معك مقاطعة
    رمضان كريم

    ردحذف
  7. كل سنة و انتى طيبة يا سنسن

    رمضان كريم عليكى يا حبيبتى
    و انا متفقة معاكى جداااا
    و اصلاً اصلا كل الهم دا
    هيقعدوا يعرضوه طول السنة الجاية
    على كل القنوات و يعيدوا و يزيدوا فيه
    فاللى خلاص نفسيته تعباه قوى
    و نفسه يشوف حاجة
    يستنى لما رمضان يخلص
    و يتفرج على رواقة
    الدنيا ماطارتش على رأى امى

    و متفقة معاكى كمان
    ان رمضان السنة دى ملوش بهجة زى قبل كدا
    احتمال لأن الناس كلها تعبانة ماديا و الدنيا بتغلى عموما و الجو كمان صعب و الاحباط مالى الجو
    بس ربنا كريم و يقدر الكل ع الصبر و التحمل


    عاوزة اغلس و اسال على بابا و صحته
    يا رب يكون احسن ان شاء الله

    خلى بالك من نفسك يا حبيبتى
    كل سنة و انتى شقاوة و حلوة زى منتى
    ۩

    ردحذف
  8. ربنا يكرمك

    صح رمضان من كتر المسلسلات اللي فيه مش حاسين بفرحة الطاعة
    وانا معاكي في المقاطعة وياريت اللي يعرف يعمل جروب علي الفيس عشان الشباب علي الاقل يقاطعوا المسلسلات

    تحياتي
    كل عام وانتي بخير

    ردحذف
  9. كل عام وانتم بخير

    ورمضان كريم


    تحياتى

    ردحذف
  10. كل سنة وانتي طيبة ياسوني
    ورمضان كريم عليكي يارب

    ردحذف
  11. والله رمضان شهر عبادة وعمل..
    واجمل شغل ديما هو اللي بيتعمل في الشهر الكريم ده..
    والعبادة بيبقى ليها رونق وطعم تاني..
    سيبك من اللي بيعملوا (شغلهم) قبل رمضان عشان (يعطلوا) الناس عن العمل والعبادة في رمضان
    كل رمضان وانت الى الله اقرب..
    كل سنة وانت بكل الخير والسعادة :)

    ردحذف
  12. معااااااك يامعلمي طبعا

    انا بصراحة شديدة مش بتفرج الا علي مسلسل عايزة اتجوز
    بس اتفرجت عليه امبارح وانهاردة لاء
    وبحاول ما افتحش التليفزيون
    ولو فتحته بحاول امسك ايدي ع القنوات الدينية فقط
    وربنا يهدينا جميعا ونثبت علي كدا لآخر الشهر

    والله يسامحهم ولاد اللذينة دول :@

    ردحذف
  13. بصى هو انا قاااااااااااطعت كله بس الا مسلسل واحد س
    الكير اوووى
    ههههههههههههه
    كل سنه ونتى طيبه

    ردحذف
  14. سونى
    كل رمضان وانت بالف خير
    ربنا يقدرنا على صيامه وقيامه
    ويبعدنا عن سلبياته اللى كترت قوى
    تحياتى

    ردحذف
  15. سوني..اعتذر جدااااا عن تقصيري وعدم سؤالي

    بس الظروف كانت ملخبطة عندي

    اولا كل سنة وانتوا طيبين وحمد الله على سلامة بابا

    بصي انا تعبت من الدوشة والاعلانات وكان نفسي اتابع مسلسل ديني معرفتش اعتر على واحد...فقولت فكني انا اصلا مبطقش المسلسلات من اساسه

    سلاماتي

    ردحذف
  16. ازيك سنسن
    طبعا انا عاملة مقاطعة هو ده رمضان والا موسم مسلسلات وكمان اسفاف وقرف والله العظيم قرف وكمان بلالالالاوي تانية
    ده غير الافلام اللي بعرضوها طول النهار
    تصدقي انا وانا ماشية كدة ف الصالة وبابا فاتح التليفزيون لقيته وهو بيعدي علي القنوات بيعدي علي ام بي سي ثري بتاعة الاطفال وكان في توم وجيري كان نفسي اتفرج بس قولت لنفسي عيييب انت صايمة
    ما بالك بقي المسلسلات دي ...المقاطعة بجد هي الحل
    رمضان كريم يا قمر

    ردحذف
  17. سووووووني

    ازيك يا جميل ؟؟

    بصي يا ستي
    بأمانه بجد والله ... أنا بحمد ربنا إننا مش عندنا تليفزيون .... رغم ان ناس كتير تستغرب كدا
    بس بجد وجود تليفزيون في البيت هو وصلة شيطان عظيمة جدا

    وبإذن الرحمن كدا مش ناوية ادخله بيتي بإذن الله

    يكفي الصدمات
    وآخرها منظر صابرين في المسلسل

    يلا ربنا يثبتنا على الطاعة ويهدينا جميعاً

    ورمضان مبارك يا قمر

    ردحذف
  18. رمضان كريم يا سوتى
    اللى بتقوليه شبه مستحيل
    تحياتى
    الفقرى الكبير :)

    ردحذف
  19. اشكرك حبيبتى على التذكرة
    و ربنا يعينا على المقاطة
    لهذة المسللات
    رمضان كريم

    ردحذف
  20. ازيك
    كل سنه وانت طيب

    رمضان كريم

    :))

    ردحذف
  21. احاسيس ايوشه:احسن حاجه
    بجد عملين دوشه من غير اي لاذمه

    ردحذف
  22. موجه:هي فكره حلوا فعلا
    بس المشكله فالتنفيييييذ
    ناس هتقدر وناس لا

    ردحذف
  23. مرمر:وانتي طيبه ياحبيبه قلبي:)
    ويارب يكون رمضان بخير وسعاده عليكي

    ردحذف
  24. ريحانه الاسلام:عندك حق والله
    مروا كام يوم هوا
    ولا كأنو مستعجل
    خلييييك حبه يارمضان
    يارب بس نخرج منو واحنا ربنا راضي عننا
    اللهم امين

    ردحذف
  25. سليفر:طب تصدقي وتأمني بالله
    حسه بجد بالتغيير فالشهر دا
    لمحجرد اني قررت اقاطع لقيت وقت اعمل حجات ماكنتش بعملها قبل كدا
    يارب بس تعود علي الجميع بأذن الله بالخيرات
    اللهم امين

    ردحذف
  26. sonnet:شكرا ليكي
    جزاكي الله خيرا:)

    ردحذف
  27. فاتيما:غير كدا موش لاقيه زينه رمضان اللي بجد بتعلن بوجوده وبقدوم الشهر الكريم
    دي الحاجه الوحيده اللي كانت بتحسسني بوجوده
    بس بجد مبسوطه اني هشوفك فيوم اللقاء الخيري
    ويارب يكون يوم حلو بأذن الله

    ردحذف
  28. هيثم:خليها وسط المدونين احسن لانها لاتجدي نفعا فالفتيس
    لان مهما بنعمل جروبات فهي بلا فائده
    انا مجرباها
    المهم ان النيه بس تكون موجوده:)

    ردحذف
  29. لاسع افندي:وانت بخير وبالصحه والسلامه يارب:)

    ردحذف
  30. والله يا سونى انا بقول

    روحوا القلوب ساعة فإن القلوب اذا كلت .. ملت

    ردحذف
  31. مبارك عليكم الشهر

    وكل عام وانتم بخير

    ردحذف