الخميس، 30 سبتمبر 2010

وبصت لبعيد

وبصت لبعيد
دا رد فعلها لما حكتلي حكايتها
قالتلي:انا تعبت بجد ياسوني
-من ايه بس
من كل اللي حوليا وبالذات والدي
-خير فيه ايه
بصي...نفسي احس انه ابويا
كل شويه بهدله وامر وذعيق ودعا عليا
مع ان مفيش حد بيساعدوا او بيشوف كل حاجه بيطلبها غيري
حتي الدوا انا اللي بجيبوا وبيدهولوا لانك عرفه هو تعبان اد ايه
انا تعبت بجد
وياريتو عاجب
كل دا علشان اخويا الصغير
لما بقولو اعمل حاجه....او ساعدني فحاجه...بيقوم مذعقلي
احيانا بموت من التعب...بس لاذم اسمع كلامو
لما اعترض ولا اتكلم...بيقعد يدعي عليا دعاوي وحشه اوي
ان ربنا يرذقني بأبن الحرام...وان ربنا ياخد مني صحتي...
-وانا لقيت نفسي بدمع...واخدتها فحضني لاني عرفه الكلام دا كويس
عرفه امبارح...لقيت نفسي بقول حسبي الله ونعم الوكيل بأعلي صوتي لاني تعبت
اخواته الاكبر منو اعمامي بيعاملوه وحش
انا مالي...لما دعيت اخر غلبي...قام اداني قلم فوشي
محستشي بوشي...
-قلتلها لا غلط اللي عملتيه دا...ماينفعشي كدا
دا اكبر غلط...موش صح
قالت:هعمل ايه يعني..ووسط دموعها كملت...انا تعبت
حتي ماما موش قدره تتصرف..كل ماتتكلم بيتخانق معاها ...وهي صحتها فالناذل اصلا
حتي دلوقتي بتدورلي علي عريس
قلتلها ليه كدا يماما؟؟
عرفه قالت ايه
-قلتلها قالت ايه؟؟
قالتلي نفسي اجوذك علشان ابعدك عنو....انا تعبت بجد ياسوني...وسكتت وعيطت
-قلتلها بصي ياستي...لاذم تصبري
دا موش علشانوا دا علشان ربنا اولا واخيرا
فيوم الموقف العظيم هتتكلمي تقولي ايه
يارب انا ساعدتوا وعملت كل حاجه علشان ارضيك
ولا هتقولي يارب انا اهملت فيه علشان هو عمل كذا وكذا؟؟
لا...انتي اتقي الله فمعمالتك معاه...واصبري
ربنا بأذن الله هيكرمك بحد كويس جزاء لانك شلتي بباكي...وبعدين كما تدين تدان
انتي لما تكبري ويكون عندك اولاد...هيجي اللي يشيلك فكبرك ويبقي عكازك فالايام اللي جيه
وبعدين اصبري...لان الحياه كدا ...وقولي الحمد لله
انك عندك اب حتي لو هو كدا...وعندك ام ...في كتيير اوي ماعندهمشي كدا
عندك حياتك وحوليكي ناس واصحاب بتحبك والحمد لله ...كفايه ان ربنا محبب فيكي خلقه
وبعدين ياعثوله انتي هيجي فيوم اللي هياخدك مننا وموش هنعرف نشوووف وشك تاني...وابقي قابليييييييييني يومها هتعرفي ام حد فينا من اللي هتلاقيه يااوختشي
وقعدت تضحك ضوحك وتبتسم...وقتها حسيت انها بقت كويسه وتقدر تكمل
سؤالي هو ليه الاهل احيانا بيعملوا كدا...بحس انهم بيرموا كل حاجه فنفسهم علي اولادهم
اكمن ربنا حطهم تحت اديهم...مش قدرين يفهموا ان دول هديه من ربنا ليهم موش عند ناس تانيه بيتمنوا ضفرهم فبيسيؤا معاملتهم وبيطلعوا عليهم كل حاجه؟
نفسي بجد يقدروا اللي فأيديهم...بدال ماهيجي اليوم اللي هيكونوا فيه لوحدوهم
ويحصدوا اللي زرعوه

هناك 13 تعليقًا:

  1. يا سوني مش وقت لوم الأهالي فيها اللي مكفها منهم المريض جسديا ومنهم المريض نفسيا ومنهم مريض النفس ولا احسب الاب من الأخريين ، هيا عليها بالصبر مع ان الصبر صعب وتحط قدامها آيه مع اني كتبتها اكتر من مرة خلال اليومين اللي فاتوا لأكثر من مناسبة ولكنها تنطبق علي حالات كتير

    "وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
    أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ" (البقرة:155- 157)

    ومتقلقش من أي دعاء ابوها بيدعيه عليها لأن دعا ظالم قال تعالى :( وماربك بظلام للعبيد ) فالله نفي الظلم عن نفسه نفي مطلق .. وربنا يزرقها بابن الحلال اللي يصونها ويجعلها قرة عينة وصديقني كل ما تقول حاضر هترتاح ومتقولش اشمعني هترتاح اكتر .

    ردحذف
  2. و احسب الاب من الأخريين

    ردحذف
  3. ربنا يصلح احوالها
    واحوالنا جميعا

    تحياتي

    ردحذف
  4. ساعات مشاغل الحياه او الكبت او طلبات الوليه الى عمال على بطال هات هات او مثلا ايجارلات البتين التانين او شايف حاجة عازة يجبه او تلاقيه الواد بابا عاوز اجيب الكتاب ب خمسين جنيه
    و هات هات هات و محدش حاسسس
    كلام ببهات اليومين دول
    كيلو الطماطم بسبعه جنيه
    السجايرغلت

    ردحذف
  5. بعتقد ان كتير من انحرافات الابناء راجع بدرجه كبيره الي سوء معاملة الاباء فهم لا يفهمون الف باء اصول التربيه .....
    جاء رجل يشتكي لعمر بن الخطاب -رضي الله عنه- أمير المؤمنين ، عن عقوق ابنه فطلب عمر: أن يلقى ابنه، فسأل الابن عن عقوقه لوالده، فقال: إن أبي سماني جُعُلاً، ولم يعلمني آية واحدة..؛ فقال عمر للرجل: لقد عققت ابنك قبل أن يعقك

    هذه ليست دعوه لعقوق الوالدين فهذامن الكبائر

    لكن يجب التحلي بالصبر

    "انما يوفي الصابرون اجرهم بغير حساب"

    ردحذف
  6. سعات بتبقى عقده فى حياه الوالدين علشان كده بيطلعوا ده على اولادهم
    ربنا يصلح الحال ويهدى الاباء على الابناء

    ردحذف
  7. ازيك يا حبيبة قلبي
    انا بتألم لما بسمع البلاوي دي
    وملهاش حل للأسف
    لا هو شايف نفسه ظالم
    ولا هي تقدر تكرهه
    محدش بيكره أهله مهما عملوا
    لكن ده ها ينعكس على حياتها القادمة كلها

    عملتي ايه النهاردة
    طمنيني

    ردحذف
  8. اكيد ده صعب عليها ..
    لكن المصيبة انه مش لوحدها انا اعرف ناس كتيرة كدة بنفس الطريقة ...لكن كل خير هتعمله ده حسنات ليها وكمان تخفيف عن عذابها في الاخرة ...ربنا معاها ...بس الاهم بلاش تعامل ابوها بالمثل ...ولا اي حد يعاملها وحش تعامله وحش ...ربنا مقالش كدة ....خلينا احنا دايما متسامحين واحنا احسن باعمالنا وبخيرنا ...ربنا معاها وهدعي لها ....

    ردحذف
  9. ممممممم
    نو كومنت
    جزاكى الله خير

    ردحذف
  10. ربي يصلح احوالها وليس لها الا الصبر لاتملك غيره وأجرها عند الله
    دمت بكل ود عزيزتي

    ردحذف
  11. اذا اساء احد التصرف مهما كان نلجأ الى من معه كتالوجه حتى يصلحه وندعى له بالهداية فى حنو

    فاءذا لجأنا الى الله سيكون الخير ان شاء الله

    ولو فعلنا ما نفعل بحب وراى غيرنا ذلك فى العيون والتصرفات لتغير رد فعل الاخرين
    ولو صاحبتك دخلت على ابوها ومن غير مايطلب شيىء
    قبلت يده وقالت ليه اد ايه يا بابا انت انسان عظيم وبحبك مهما حصل
    الاب امام تلك الكلمات لا يملك الا ان يكرم من قال تلك الكلمات
    بس على شرط تكون خارجة من القلب

    طرق التعامل مع من فظ قلبه كتيرة والتماس العذر للمريض لها ثواب كبير

    وربنا يهدى الجميع
    واشكرك على ذلك التوجية المناسب لها
    وارجو ان تنصحيها بعمل تغير فى طريقة الكلام وعدم ابداء مشاعر الضيق والزهق وربنا ان شاء الله سيهدى

    تقديرى

    ردحذف
  12. ربنا يصبرها ويهديلها باباها يارب

    كوني دايما إسألي عليها وصبريها ...

    الصراحه ربنا يعينها عشان بجد الموقف كتير صعب ...

    اللهم إهدي أحوالنا جميعا

    ردحذف
  13. بجد كوووووولكو وحشتوني
    وبعتذر عن غيابي لظروف قهريه
    وخلاااص فضيت ليكم بأه
    ويارب يخليكم لا يااجدع ناس
    اللهم امين

    ردحذف