الخميس، 14 أكتوبر، 2010

كومنت من عند بطوط:)

عم بطوط سأل سؤال عندوا فالمدونه
ياريت كل واحد يكتب ذكرياته بعد ماقرا البوست اللي هو كتبوا
ففضلت ان اكتبوا هنا بما ان هوا بوست عن اللي فات من ايامنا

صراحه انا احسن او افضل ايام ليا كانت فثانويه عامه,لأني لقيت بنات شبهي بجد
فتره ابتدائي دي مش فكراها اوي صراحه
واعدادي دي كانت اخر مرمطه صراحه:)
لأنها كانت فمدرسه السنيه اعدادي وطبعا معروف بناتها من غير مااقول
كل اللي عرفتهم وقتها بنت واحدا لاني موش متعودا علي جو ال......(ممكن اقول ردح يعني ولا بلاش)......لا بلاش:)
وطبعا لاكنت بجيب ولا أودي لأني متربيه فبيئه غييييير
لأن تربيتي مغلقه نوعا ما من خوف اهلي عليا وطبعا داخل فيها الدماغ الصعيدي ودي معروفه لوحدها
ودول بسم الله ماشاء الله...مش محتاجين توصيه
بعدها جتلي حاله اكتئاب شديده من محيط البنات اللي حوليا,افتكر كلام ماما وقتها
قالتلي ياسوني لاذم تتجدعني وتجيبي مجموع كبير
لأني لو ماعملتيش كدا,هتلاقي كل الناس دي معاكي فثانوي عام
وأخدت قرار فعلا ان افضل اذاكر واجيب مجموع علشان اغير المدرسه
والحمد لله ربنا اراد كدا فعلا وروحت مدرسه ثانوي بتاعتي
بجد بنات غير...شبهي اوي بجد ,فيهم من طباعي واخلاقي كتير...مدرسين محترمين وبنحبهم وبنقدرهم موش موجود ذيهم دلوقتي...والاكتر من كدا مدير المدرسه:استاذ زغلول...الله يمسيه بالخير,يارب اسمع عنهم كلهم كل خير
مستر زغلول دا بقي مقلكوش,عرفين شخصيه السهل الممتنع,هو دا
بيحب يضحك ويهذر مع كول الناس خصوصا الطالبات:)
بس بجد وقت الشغل مايعرفشي مييييين,وهو كان سبب تفوق المدرسه كلها,حبنا واحترامنا ليه بجد مايتوصفشي ولمدرسينا كولهم
تتصوروا اني لما جيت ازور المدرسه هما افتكروني وانا كنت مكسووووفه لاني كنت فاكره انهم نسيوني تمااااااااما:)
اما فتره الجاااااااامعه دي بقي شفت كل حاجه وعرفت كل حاجه
اول فتره عرفت فيها تعامل مع اولاد لأني صراحه عمري ماتعاملت معاهم قبل كدا...اول فتره اعمل فيها نشاطات واتعرف علي ناس وثقافات مختلفه....اول فتره اعرف فيها معني التهجيص والتهييص واللذي منو.....اول كول حاجه عرفتها او عملتها كانت فيها صراحه:)
نفسي فأييييييييييه؟؟نفسك فأييييه ياسوني
نفسي ان كل الناس تفرح بجد....نفسي ان كل الناس تبطل تتكلم عن كل الناس من وراها لأن دا عامل مشاكل كتير اوي بتوصل احيانا لحجات منيله لسه اثارها موجودا بالرغم من ان فات فتره عليها...نفسي اولا واخيرا ان ربنا يكون راضي عني ودي اكتر حاجه تهمني
اللهم امين
معلشي طولت علييييكو كالعاده ...بس تبعا عرفييين سوني رغايه وبتحبكوا قد ايه
:)

هناك 27 تعليقًا:

  1. السؤال المهم هنا
    هل لهم نفس النفس فى الرغى ؟
    ما اظنش

    ردحذف
  2. المرحلة الثانوية هى مرحلة النضوج عامة وفيها الإنسان بيكون أعقعلقات ممكنة
    والحمد لله إن ربنا رزقك إن ده يكون فى مكان نضيف زى ده
    أما الجامعة فحدث ولا حرج انفتاح وانفلات وكل اللى نفسك فيه

    ردحذف
  3. سنسونتي الحلوة ^^

    مافيش أحلى بجد من أيام الدراسة
    بتبقى ليها ذكرايتها الحلوة والمرة في نفس الوقت

    بس في النهاية كلها بتبقى ذكريات الواحد بيقعد يضحك عليها

    ................
    وكويس إنك غيرتي مدرستك لحسن مكناش لقيناكي بعد كده يابونيتي هههههههه
    ........
    أنا بحب ارغي كتير عن الذكريات هابقى شاوف يوم كده أهريلكم ودانكم
    أو بالأصح عنيكم
    :))))
    .........
    ربنا يسعد ايامك ياااااااارب
    ^_^

    ردحذف
  4. سونى

    معلش بقى عارف بقالى فترة مش عارف أجى و لا أعلق
    صدقينى مزنوووق فى الشغل (:(:(:

    بس البوست جميل بجد الذكريات الجميلة دى متتنسيش أبدا

    و بعدين انتى على فكرة ولا طولتى و لا حاجة انا لما بدأت قرايه فوجئت بالبوست بيخلص

    جميل ان الواحد يكتب ذكرياته بحب

    ربنا يوفقك دايما فى حياتك

    (:

    ردحذف
  5. ثانوى...
    هوه فيه زى ثانوى
    دنا بشد فى شعرى يا عينى
    وخايفة ملقيش شعر اشده فى الامتحانات ^_^
    ربنا يسعد ايامك يارب

    ردحذف
  6. احلى ايام العمر ايام الدراسه الواحد بيكون ليه اكتر من الف صديق اللي معاه في المدرسه واللي معاه في الدرس وجاره في الشارع واصحابه في النادي لكن للاسف كل ما نكبر سنه بتقل علاقتنا بالناس اللي حوالينا ويكون اخرها في سنين الكليه انت لسه فيها الحقي عشان بعد كده مش هتلاقي غيرنا قدامك وربنا يوفقك ويملى ايامك بالذكريات السعيده

    ردحذف
  7. أحلى حاجة الأيام اللي عايشها دلوقتي
    ربنا يدمها نعمة

    ردحذف
  8. أشاركك الرأي عزيزتي في أن الثانوي كانت أجمل أيام نتعرف على الأفكار و الشخصيات و نطور فيها عقلنا و رؤيتنا للناس استعدادا للحياة العملية.
    لكن أنا فاكرة الكثير منن الابتدائي كانت أيام حلوة و بريئة.
    مع تحياتي

    ردحذف
  9. أنا عندي فكرة عن التدوين
    أنا قيمت أو انتقدت مدونتي،ممكن تشارك و تقيم مدونتك!
    http://shayunbiqalbi.blogspot.com/2010/10/2.html
    أنت مدعوة للمشاركة في حملة مدونات في الميزان

    ردحذف
  10. ذكريات جميله لكن الاجمل لما تكون ذكريات مفرحه وليس العكس
    مرحله ثانوى من اهم المراحل فى عمر الشخص لان
    كل شئ بيترك اثر ان كان حلو او مر

    تمنياتى للكل بتذكر الذكريات الجميله

    ردحذف
  11. الازهري:علي فكره فالرغي نفسهم اكتر:)
    واديييييييي الاستوري كلها

    ردحذف
  12. غاده محسن:هتقوليل
    مهو مجربااااها
    ههههههههه
    اوكيه مستنظراه الموضوع

    ردحذف
  13. رامي:فيييييينك ياعم
    وانعمه ليك وحشا
    كنت لسا بجيب فسريتك من كام يوم
    بالخيييييييييييييييير طبعا
    وسنكس ياعمنا
    مستنينك

    ردحذف
  14. ريحانه الاسلام:شدي يما يااااااااااااااااما شدينا
    هههههههههههه
    بس بجد لما هتروحي الجامعه هتعرفي الفرق
    وهتعملي ذيي كدا وتقولي ياريت اللي كاااااااااان

    ردحذف
  15. انجي سمسم:وانعمه لو انتو اللي قدامي دي كفايا عليا والحمد لله
    كفايا اني وشسط ناس حلوا وغاللين عندي ذيكوا:)

    ردحذف
  16. يوميات شحات:الحمد لله
    سواء ايام حلوه ولا وحشا فكلو فضل من عند ربنا

    ردحذف
  17. سونت:سنكس
    وبأذن الله المره القادمه

    ردحذف
  18. مرمر:بأذن الله
    وعوذينك تحكي انتي بقي المرداي
    اتدبست يامعنمي

    ردحذف
  19. حنان الشافعي:
    سنكس
    اهو انتي اللي ثكر وعثل

    ردحذف
  20. شوفى هو دايما المرحله الى انتهت بتقول انها افضل المراحل

    يعنى لما خلصت البريملى سكول كنت بقواا احلى اصحاب واحلى ذكريات
    ولما خلصت هاى سكول قلت دول افضل ناس فى الدنيا

    ونفس الكلام بعد ما خلصت الكولدج برضو قلنا الناس دى مش هتتعوض وايام الجامعه مستحيل تكرر اكل وحب ورحلات وصلاه

    ولما سافرنا اوربا فتره طويله جروب قلنا الجروب ده احسن ناس وافضل ناس فى الدنيا

    لكن فى الحقيقه انا خلصت لان افضل ايام العمر هى الى بنعشها اوريدى
    او حتى الى لسه معشنهاش

    البوست جميل وفكرته روعه


    تحياتى

    دايما

    ردحذف
  21. ممكن:كل مرحله وليها جوها وناسها
    يارب تكون كل ايامك وايامنا حلوا
    اللهم امين:)

    ردحذف
  22. ياااااااااااااه فترة اعدادي عندي كانت حمة
    يااااه كنت بكرهها جدا جدا جدا

    ثانوي بموت فيها
    والجامعة

    حلوة الذكريات يا سوني
    صباحك فل

    ردحذف
  23. حنين الذكريات رائع وله عبير مميز احيانا عندما نتذكره نشعر كاءنه غزل ذكريات وليس مجرد احداث
    لانها مرور على اوقات كنا فيها طلبة وتلاميذ مرة نتذكر فنضحك ونبتسم ومرة اخرى نتعجب ومرة اخرى نقووولا اياااام
    علشان كده لما حد بيفكرنا بيها وياسلام لو كان معانا
    بتكون فيه استثارة لكثير من المشاهد التى قد تغيب عن النسيان

    عجبنى اووووووووووى انك كنتى عاوزة تنقلى نفسك الى المكان اللى انتى تستحقيه ويملىء طموحك
    وربنا وهبك الحمد لله

    مرورك كان ذكى وراقى على مرحلة عشيتها
    ربنا يديم عليكى السعادة وراحة البال ويطمئن قلبك بامالك ان شاء الله

    ردحذف
  24. فتافيت:كلنا كدا
    عندنا الشعور دا
    ماتعرفيش ليه يااوختشي؟؟
    :)

    ردحذف
  25. ابو علي:انا اساشاا مش نسيه الكلام دا
    لان معظم اللي معايا من اصحابي دلوقتي
    هم بتوع ثانوي
    يعني مع بعض بقالنا مدا اهووووووووووو
    وكل شويه
    فاكره ياسوني حصل كذا كذا
    وهاتك ياضحك
    بجد كانت ايام:)

    ردحذف