الأحد، 21 نوفمبر، 2010

الامل(تدوينه بفكره..........१)

الأمل

هو اللي بيحرك كل حاجه
شفت مشهد من فيلم أبن القنصل...لما كان ماشي مع باباه وبيقولوه امال فين السبايك اللي ضيعت جيل بحاله

مأاعرفشي جت فكره كدا فدماغي واستمرت أسئله كتير عليها

الامل اللي سواء الافراد أو الشعوب....بيدوروا عليه,أيه هو؟؟

انا لما فكرت.....لقيت ان الشعب المصري كان كويس زمان وسعيد ومبسوط بالرغم من الظروف المنيله قبل وبعد حرب ७३........هي الامل
الامل فبكره احسن....الامل فبكره أفضل لتعليم صح وشغل موجود وحياه مستقره و
جو صحي ونظيف
الامل فأن أعيش واتعايش...الامل فالنهاردا وبكره وبعدوا
الامل اني انهاردا كويس يبقي عاوز ان اولادي يكونوا احسن مني

بس اللي حصل حاجه تانيه
جت ناس أخدت كل مجهود الحروب اللي فاتت وهي اللي أستمتعت بيه وأستفادت منو
طب ونصيب الشعب المصري اللي حارب وأتاخد من اولادوا كتير
لدرجه أن زي ماسمعت من جدتي وأمي لما بيحكولي عن الايام دي:أن فكل بيت فمصر شهيد
نصيب الناس دي راح فين؟؟

وطبعا لما كل دا راح وبدأت بقي الاستفزازات..........
بنت الراجل دا اتجوزت الشخص دا وأتعملهم فرح بكام مليون وجه غني فيه المطرب كزا والمطربه كزا
الشخص كزا راح هرب كام مليون للبلد كزا وكل دا من فلوس الناس

ناس زعلت وناس اتحسرت
غير كدا المعاملات بقت وحشا......علشان كدا الكل بيخطف ويجري
لأن دا من أعتقادوا ان دا حقوا اللي مأاخدهوش

الحياه بقت أصعب...لأن مافيش امل فبكرا
أمل ان الاوضاع تتحسن وتتغير
أمل ان نصحي يوم نلاقي كل واحد واخد حقه بجد

بالرغم من كل دا
بحس كتير ان لسا الامل موجود
ففكره موجوده.....فضحكه طفل بالرغم من الظروف بيحاول أنه يكبر فوسط كل دا
لسا بردوا....... موجود
الامل


هناك 17 تعليقًا:

  1. قلتي الخلاصة الأمل
    دي النهاية الامل
    بس فيه مشكله
    الأمل وانعدامه عربيتين
    كل واحدة بتسابق في اتجاه الأخري
    واللي هيخرج هو الناجي من الصدام ده

    ردحذف
  2. سونى
    زياره اولى
    ولن تكون الاخيره
    ان شاء الله
    الامل
    اراه
    ضائعا
    فى دنيانا
    تلك الايام
    احباط
    فى احباط
    بس
    الامل فى الله
    كبير
    موضوع جميل

    ردحذف
  3. طبعا

    أمل موجوده

    وعمر

    وبسطويسي

    ردحذف
  4. صدق من قال ما اضيق العيش لولا فسحة الامل

    ردحذف
  5. اغلبنا بل ويكاد يكون الكل

    عايشين على امل

    امل بالحياه الافضل

    ردحذف
  6. اكيد لسه الامل موجود بس محتاج مجهود كبير مننا علشان نتغير بجد

    ردحذف
  7. اظن ان الامل متوقف على عقولنا كبشر

    ردحذف
  8. البؤجة يا جدعاااان
    متنسوش يوم 10 ديسمبر تجيبوا البؤجة و تيجوا
    و لو مش هتقدروا يا ريت تبلغوا اكبر قدر ممكن من الناس
    و التفاصيل هنا
    http://hams07.blogspot.com/2010/11/blog-post_21.html
    او هنا
    http://kouskoza7.blogspot.com/2010/11/blog-post.html

    ردحذف
  9. الدنيا ايه من غير امل
    احلى حاجة بجد انك تعيش على أمل حتى لو كان كذاب

    ردحذف
  10. سيدي الريس:
    حتي اللي ناجي
    خاسر بردو
    مهو ياامل موجود
    ياكل شيء ينتهي

    ردحذف
  11. محمود(باحث عن حب):
    منور المدونه كولها:)

    ردحذف
  12. مصري جدا:
    بس دووووووول
    لا امه لااله الا الله موجودا:)

    ردحذف
  13. خواطر شابه:
    لولاه ماكانت عاشت ولا دوله
    لولاه ماكانت عاشت شعوب
    لولاه
    ماكان عاش الفرد

    ردحذف
  14. مرمر:
    مش حياه أفضل وبس
    الامل فوجود شخص فحياه حد
    الامل فشفاء حد
    في انواع كتيره فالامل
    وأفضلها
    الامل ان ربنا يغفر لينا ذنوبنا
    ونكون مع الرسول عليه أفضل الصلاه والسلام

    ردحذف
  15. أحاسيس ايوشه:
    مهو التغير دا
    لاذم يبدأ مننا
    مش من حد تاني
    ياريت نعرف نعمل كدا

    ردحذف
  16. صوت من مصر:
    مش عقولنا بس
    وقلوبنا كمان

    ردحذف