الاثنين، 20 ديسمبر 2010

انا جيييييييييييييييت نورت البيييييييت.........وأستاذي

والله ماتعرفوش الكام يوم دول وحشتوني اذاي
ربنا مايرجعهم.....يلا خير
المهم
وأنا مشيه فيوم مع ماما وخالاتي....بصيت شويه
لقيت أستاذي
معقوله
هو أستاذي
يااااااااه.....شكله أتغير
لكنه مكانتي فقلبه...عمرهاماتتغير أبدا
أستأذنت من ماما لما الكل طلع فوق وانا نزلت أسلم
يااااااااااه....بجد لما شفتوا أفتكرت ايام ثانوي وأصحاب زمان...اللي كل حد فيهم راح فحته
شويه بيسألوا وشويه لا...أو قول شويه لا وقله مندسه أه
بجد هو السبب فأني احب الانجيليزي....لاني طول عمري بكره الماده دي لحد ماجه ثانوي
هو نوع من المدرسين اللي بيوسعوا أفاق الطالب...مش بالضرب والعصيان
لا
بأنه يعرفني بجد...بيحببني فالحاجه بجد
بحكاويه بأسلوبه...بمواطن القوه والضعف مش فاللغه...فكل حاجه
بالمواقف العاديه واللي اللغه ليها باع كبير فأنها تتحل
ومواقف بجد بتتحكي ...كل دا جوايا انا....مش بقت بالنسبالي لغه وكدا
بسببه بقت لغه عشق

_أذيك يااستاذي...عامل أيه
_مين.....مين حضرتك؟؟
انا ووشي مفتوح بقوا مترين
_أستاذي مش فاكرني؟؟انا سوني
معلش ياسوني...أنتي عرفه الكبر بقي بيعمل أيه...أذيك عمله ايه
_انا تمام الحمد لله...وأذي حضرتك عامل ايه
_الحمد لله ماشي الحال...معلش أصل معظم اللي كنت بديلهم لما بيجي عينهم فعيني مش بيفتكروني...مااعرفشي الدنيا فيها أيه
_معلش يااستاذي الدنيا تلاهي....وقبل مأكمل كلامي أستأذن ومشي

كان نفسي قبل مايمشي...أقولوا هو غيرني أد أيه
كان نفسي أٌقولو...غيرت جوايا حاجات كتير من غير ماتعرف....غيرت عالمي كلو بمجرد معرفتي بيك يااستاذي
أتمني بجد اني اشوفك تاني...واقعد المرداي أرغي معاك
لاني بجد نفسي انهل من نهر معرفتك اللي محدش عالم أو حاسس بيه
أتمني

هناك 27 تعليقًا:

  1. المدرسين اللى زى كده هما اللى بيحسسنونى بان المعلم له قيمة وتاثير قوى

    لانه دلوقتى بقى حاجة تانية حاجة ملهاش لازمة كل همها تلم فلوس من اى طالب

    الاستاذة اللى زي كده بيكون تاثيرهم قوى فى الشخصية والحياة عامة لان وقتها اى حد فينا بيكون لسة سنه صغير ومش فاهم كويس الحياة

    انا كمان كان عندى استاذ بحترمه جدااا وببقى مبسوطة فى كل مرة بروح اسلم عليه

    ردحذف
  2. الف حمدا لله على سلامتك يا حبيبتي

    وجميل انك تفتكري استاذك وده بيدل انه فعلا استاذ ترك اثر فيكي كبير


    نورتي مدونتك يا حبيبتي

    ردحذف
  3. حمد الله علي السلامة
    البلوجر نور

    وهقولك علي اغنية وردة بتقول ايه؟؟
    يوووه يوووه هو لسه في حد النهارده
    النهارده بيفتكر
    :))

    تعالي حلي الفزورة بسرعة عندي في المدونة
    انتي عامله غيااااب كتيررررر

    :))

    ردحذف
  4. اجمل حاجه في الدنيا الوفاء واجمل حاجه الصدف
    و اجمل حاجه انك قابلتي حد علمك حرف واكتر .. صدفه
    و وفائك و امتنانك واعترافك خلاكي كلمتيه فعلا الانسان سيره .. هو ممكن يكون بعد و مشغول بالحياه بس سيرته مش هتبعد وهتخلد باذن الله
    :))
    انا بقي لو قابلت استاذ الرياضه الله يرحمه كان هيقولي مش عاوز اشوفك تاني عقدتني في كل الاساليب وبرضه محبتهاش
    :)) بس اعمل ايه بس بحبه كونه تعب معايا

    ردحذف
  5. بوست رائع وجميل
    كويس ان حضرتك لسه فاكره المدرسيين المحترمين بس ياترى دا من قلتهم و لا كل المدرسيين عندك كانوا محترمين
    معلش اصلى على ايامى المدرسين بتوعنا كان اغلبهم ولاد تيييييييت الا القليل منهم ولذلك لسه فاكره ياترى حضرتك كدا بردوا ولا الامر مختلف

    ردحذف
  6. هو عشان مدرس كويس لازم يفضل في دماغك وتكوني فاكراه وفاكره ليه مواقف كتر وانت عشان استفدتي منه علم وانك محترمه تفضلي فاكره المدرس الكويس بس يا ترى فاضل منهم كام واحد
    تقبلي تحياتي وحمدالله على السلامه

    ردحذف
  7. سبحان الله ,
    لسه برضو مقابل أحد مدرسين الثانوي النهاردة و سلمت عليه ,
    و طبعا ما افتكرنيش غير شكلا بس ,
    بصراحة مدرسين الثانوي و الاعدادي بحب أسلم عليهم جدا ,

    إنما بتوع الابتدائي دول كل ما أشوفهم في الشارع ببقى نفسي أديلهم باللي في رجلي - الشراب يعني :) - كانوا معقدين و كرهوني في المدرسة و التعليم كله ,
    ربنا لا يرجعها أيام الابتدائي دي

    ردحذف
  8. ايوووووووووووه كده يا قمر

    ربنا ما يغيبلك حس يارب

    حكايه المدرس بتاعتك دى بقت حكايه بتتكرر كتير فى زماننا ده
    مبقاش فيه وفاء ولا عرفان بالجميل
    بمجرد ما المصلحه تخلص تلاقى صاحبها اختفى و يشوفك فاى حته و لا كأنه يعرفك
    ده العاااااااادى
    اللى غير كده بقى للاسف استثناء

    ردحذف
  9. حمدلله على السلامه اولا
    ثانيا الوفاء من اجمل صفات الانسان
    خصوصا مع المعلم اللي بيترك بصمه في حياتنا

    بالتوفيق دايما اخت سوني

    ^^

    ردحذف
  10. جميعنا يكن اعظم المشاعر لمعلمه
    ويعتقد انه طلاب لا يمكن نسيانه
    لانه كان مميز وشاطر وفالته لكن المدرس معذور لان لديه الاف الطلاب
    لكن لم يكن كثيراً على المعلم الحق ان يقال عنه
    قم للمعلم وفه التبجيلا..كاد المعلم ان يكون رسولا
    ويال عنه
    من علمنى حرفاً سرت له عبداً

    بوست منتهى الاخلاص

    تحياتى

    ردحذف
  11. شوفي بقي ده جزاءه ايه عند ربنا
    اذا مات ابن ادم انقطع عمله الا من ثلاث
    علم ينتفع به
    ولد صالح يدعوا له
    صدقة جارية
    وخيركم من تعلم العلم وعلمه

    ردحذف
  12. في حياتنا من لهم بصمات لن يمحوها الزمن ، ولا يعرفون

    أيضا من علمني اللغه العربيه ، لا يعرف كم أثر بي ، ولا يعرف أصلا أني صرت مثله..أكتب

    بارك الله في هؤلاء وأمثالهم

    تحياتي :)

    ردحذف
  13. كل واحد فينا لية حد معين بيغير من حياتو

    واكيد الناس الكويسة بتفضل فى قلوبنا على طول

    وبنفل فاكرنها

    كنت هنا اليوم

    مدونتك جميلة وبسيطة

    تقبلى مرورى

    ودى واحترامى

    ردحذف
  14. ستار أن ذا سكاي:
    انا شايفه ان دول هما اللي بتطلع بيهم من الدنيا
    لانهم قيمه فزمن
    تغيرت فيه كل المفاهيم والقيم

    ردحذف
  15. د\ولاء صلاح:
    في ناس فعلا
    مرورهم بيأثر جداااااااا
    شكرا لمرورك:)

    ردحذف
  16. شمس النهار:
    الحمد لله
    اهو
    شويه ننسي وشويه نفتكر
    هحااااول احي حاااضر
    وانا اقدر مااسمعشي الكلام؟

    ردحذف
  17. سعيد بمروري الاول لمدونتك الراقية فتقبلي مروري
    وجميل اوي المعاني اللي ورا البوست فعلا في ناس بتسيب فينا علامة واثر وبتبقي سبب لتغيير فكرة او مسار في حياتنا
    تقديري واحترامي

    ردحذف
  18. عمرو يسري:
    مش كل الناس محترمه يعني
    بس انا ربنا رذقني بناس كويسه بجد
    الحمد لله
    فعلا كرم وفضل من عند ربنا:)

    ردحذف
  19. سمسم:
    والله مااعرف كام واحد
    ممكن يكونوا قليلين
    ممكن كتار واحنا مش شايفنهم
    بس يارب بيكونوا يأثروا فعلا
    ممكن حد بسببهم يعمل حاجه كويسف فيوم
    اتمني

    ردحذف
  20. مدونه تظبيط:
    منهم كتييييييير اوي بيتكرهوا
    ولا تفتكرهم اساشا
    خلي فالكويسين وبس

    ردحذف
  21. صيدلانيه طالعه ناذله:
    ميرسيييييييييييييي ياحبي
    ادعيلي بس الايام دي تمر علي خير
    اللهم امين

    ردحذف
  22. قلم رصاص:
    دا اكيد
    وكمان الشكر لكل حد
    بيسيب بصمه فحياتنا
    بتمثل لينا قيمه بجد
    سعدت لمرورك

    ردحذف
  23. ممكن:
    ممكن يكون حولينا ناس كويسه
    بس التفاهم والتواصل بنا خطوطه مقطوعه
    تفتكر ليه ياممكن؟

    ردحذف
  24. سواح فملك الله:
    كفايه انو غير بالنسبالي
    كتير اوي
    بقي ليا منظور للحياه تاني
    غير اللي كنت شيفاه بيها
    ربنا يحفظه ويحميه يارب

    ردحذف
  25. واحد من الناس:
    اللهم امين
    وكتر منهم يارب
    علشان نعرف نرجع تاني للحاجات القديمه المميزه بتاعتنا

    ردحذف
  26. يمين فيمين:
    شكرا لموروك
    واسعدني وجودك فمدونتي:)

    ردحذف
  27. سندباد:
    واسعدني مروروك
    ويارب اللي جاي يعجبك:)

    ردحذف