السبت، 26 فبراير، 2011

انا......مش عرفه أحدد شعوري,بس متفائله


ياتري بكرا شايل أيه

انا خيفه
خيفه علي بلدي وخيفه لمجهود الشباب والشعب يضيع
خيفه بكرا كل حاجه ترجع تاني زي ماكانت الاول واسوأ
بس متطمنه ان الشباب بمجهودهم هيقدروا يتخطوا كل الصعاب

بس برجع أخاف لما أسمع ان في انقسام مبين الشباب
وأن في ناس بتتكلم بأسم الثواروالشهداء
خيفه من اللي جاي

بس انا زي الشعب المصري.....
متفائله باللي جاي لان الخوف والكتمان انتهي

جوايا مشاعر كتير.....مش عرفه أبص علي اللي جاي
ومش عرفه احدد اللي جاي افضل ولا لا
بس برجع فالأخر بتفائل
كفايه اننا اللي هنوديها....هنودي مصر مطرح ماأحنا عوذين
وهي كمان تكون عوذا....فالمكانه الطبيعيه ليها

ربنا معانا ومعاكي يامصر
يـــــــــــــــــــــــــــــــــــــــــــــــــارب




هناك 25 تعليقًا:

  1. يا رب يا سوني أجمد ان شاء الله اللي جاي أحسن

    ردحذف
  2. يبدو إنه مش شعور فردي دا شعور جماعي ..
    انا مش عارف أكتب حاجة
    قلقان .
    ومطمن
    مرعوب
    وواثق
    حزين
    وفرحان

    بجد أنا حاسس إن كياني متلخبط

    ردحذف
  3. يمكن لأنها اول مرة نمر بحاجه زي كده بحكم السن، وأن السنين اللي فاتت مهما كان بها من فساد فهي مستقره
    لكن انا لن أقول على شعوري وتوقعاتي حتى لا أصيب الناس بالاحباط

    ردحذف
  4. عارفه الخوف ده هيروح امتي لما تحاولي تجدي لك مكان
    ودور ماحدش هيدي حد دلوقتي لامكان ولادور

    حاولي تعملي اي حاجه روحي زوري المرضي اشتركي في حملة النظافه اشتركي في حملة المساعدات لليبيا

    اشتركي في حملة محو الاميه

    ولما تعملي كده الخوف هيروح
    وهتحسي فعلا انك بتشاركي في ولادة مصر من جديد

    ردحذف
  5. فعلا كلنا خايفين من المستقبل..احيانا بنسمع حاجلت تطمنا واحيانا بنسمع حاجات بتزيدنا قلق...لكن مهما حدث ستكون مصر أفضل مما كانت عليه بكثير ان شاء الله

    ردحذف
  6. عادي .. في الوقت الحالي الشعور د عادي .. لازم نبقى خايفين من بكرة لإن في فساد وظلم وحاجات تانية كتير مستخبية وعارفين ان لازم يوم هتطلع .. ولازم نبقى مطمنين علشان اللي احن عملناه انجاز وإن شاء الله هنقدر نكمل ونعدي أي حدود .. الموضوع حاليا مش سهل .. ومكانتش مجرد ثورة وقامت وخلعنا رئيس وخلاص .. الفساد في كل حتة .. ممتدة جذوره على عمر 30 سنة ومش هتتشال بين يوم وليلة .. الصبر والعمل والمثابرة وواحدة واحدة ومش هنيأس ولا هنمل .. بعون الله هيبقى بكرة أحلى :)


    ملحوظة على جنب : دخلت المدونة كتير قبل كده وبجد جميل ما شاء الله استمري :)

    ردحذف
  7. عموما الخوف أحسن من اليأس

    وبكرا أن شاء الله حلو وزي الفل

    ردحذف
  8. انا قلقان بردو

    بس بقول يارب استر

    ردحذف
  9. انا برضه متفائله
    باذن الله اجمل وافضل
    ربنا يكتب لمصر الامان والاستقرار

    ردحذف
  10. شيرين سامي:
    يااااااارب
    كلنا كدا لان دا حلمنا
    بس فالخفاء في مليوت ايد بتحاول تقتلوه
    أكيد لما هنتحد ونشتغل بجد
    بأذن الله كل حاجه هتكون احسن
    يارب

    ردحذف
  11. سيدي الرئيس:
    دي بقت حاله عاااااامه
    فرح بحذر
    تفا}ل ملخبط
    الكل حاسس ان في حاجه هتحصل كل ثانيه
    بالرغم من ان في حاجات حلوا حصلت
    متوقعين الاسؤا
    يمكن لان دي بقت عاده فالشعب المصري
    يمكن

    ردحذف
  12. لورنس العرب:
    مش هقول غير جمله معروفه
    تفائلوا بالخير
    تجدوه

    ردحذف
  13. شمس النهار:
    انا والحمد لله من موقعي هذا
    حتي وانا فالبيت
    بردو بعمل حاجه لاني مش بقعد
    الفكره اني سواء عملت ولا مش عملت
    كلنا خيفين علي بلدنا لانها بتاعتنا
    مش بتاعه حد تاني
    علشان كدا....
    لازم نحافظ عليها ونعمل فيها كل حاجه حلوه

    ردحذف
  14. ورقه وقلم:
    اكيد هي بينا احسن
    واكيد ان(الالام الشفاء)
    هيحتاج وقت
    س الاحسن انه افضل من المسكنات
    والوجع مبيروحشي

    ردحذف
  15. هيدين نورسلين:
    اولا بجد شكرا ليكي
    ثانيا اسم المدونه طويل يادودو
    كنت هموت قبل مااقول اسم مدونتك:)))))
    أكيد هنحتا وقت
    واكيد هما مش هيسبوها بالساهل
    بس خلاص دا بقي تحديكبير اوي
    يااحنا
    ياهما
    وربنا معانا

    ردحذف
  16. مصري جدا:
    اكيد طبعا
    كلنا خيفين
    بس الخوف الطبيعي
    اللي يخلي بلدنا بجد
    احسن بلد
    وهيجي يوم
    وبأذن الله هيتحقق حلمي
    ان بلدي تكون احسن بلد
    ياااااااااااارب

    ردحذف
  17. فولتا:
    كلنا كدا
    كل المصريين بقوا كوكتيل مشاعر
    متعدده الاتجاهات
    بدال اتجاه واحد
    المهم ان الاختلااااااااف
    لايفسد للود قضيه
    محلووووووظه علي جنيب:
    ايه اللي عملتوا فالصور دا
    حرام عليكوووووو:))

    ردحذف
  18. مرمر:
    يارب
    كلنا نفسنا فكدا
    وهما هيعملةا كل حاجه علشان يقلبوها دمار
    ادعي وربنا معانا

    ردحذف
  19. الخوف طبيعي وصحي دلوقتي

    بالنسبه للإنقسام فده خرف ومحض هبل

    بصي لميدان التحرير يوم الجمعه وانتي تعرفي

    الكلمه دلوقتي للشعب

    واللي بيطلع يتكلم في التلفزيون ده لا يعبر إلا عن نفسه

    وميدعيش إنه بيعبر عن الملايين لأن محدش كلفه يتكلم بدالنا

    إحنا موجودين والميدان موجود ، وصوتنا لسه عالي وعالي أوي

    إن شاء الله خير :)

    ردحذف
  20. واحد من الناس:
    انا عرفه كدا
    بس خلي بالك ان الاعلام بجد ببيأثر قوي
    وكفايه اللي الناس عملوه بع خطاب الريس السابق التانيي
    ملحوظه:اول مره اقول رئيس سابق....ياربنا
    معانها فظيع بجد:)

    ردحذف
  21. صور ايه بس ياسونى

    ده ماخفى كان أعظم :))))))

    ردحذف
  22. فولتا:
    شفت يافولتا
    شوفت:))
    اكييد طبعاااااااا

    ردحذف
  23. انا كمان ساعات اتفائل وساعات بخاف

    ردحذف
  24. اتحركى مع الجموع عمرك ما هتخلى خوفك يوقفك تانى
    خليكى مع الناس
    اوجدى لنفسك دور

    جربى وهتدعي لى

    ردحذف