الاثنين، 30 مايو، 2011

عوده..وذكريات

















انا جيييييت نورت البيت

عدت بعد أنقطاع॥أصلي كنت بتمرن علشان شغلي الجديد(باركولي بقا)
أول يوم شغل قولت اروح للتحرير॥أصلو بجد وحشني جدا وكنت محتاجه أستريح قليلا لانه أكيد لمعظم الناس اللي حضروا أيام الثورات مصدر راحه ليهم
دلفت(حلوه دلفت دي....باللوغه العربيه الفوصحي :)) )لجوا محطه التحرير॥وشوفت أحلي صور ماشفتهاش من زمان
معايا وشوفوا الصور

رابطه فناني الثوره..........شكرا لكم....اسعدتمونا فعلا

هناك 21 تعليقًا:

  1. ول سوني شكرا ليكي
    اسعدينا بجد
    عمرك متتخيلي فرحتي لفرتحك ناو
    يارب دايما اشوفك مبسوطة وفرحانة مش بس كدة وناجحة كمان في شغلك

    ردحذف
  2. السلام عليكم
    جميلة قوى يا سونى الصور شكرا ليكى وشدى حيلك فى الشغل بقى

    ردحذف
  3. ya hilwa el souare
    يارب تكونى فى احسن حال والتحرير بجد هو متنفسى انا ايضا لما اكون مضايق
    تحياتى
    كده تومام

    ردحذف
  4. لا اله الا الله بئا دلفتي؟

    طب وبعد الدلفان ده ايه؟

    ابئي خدي بالك بعد كدا الدلفان معاقب عليه

    ردحذف
  5. انا لي صورة من دول علي فكرة في المعرض

    لان احد مؤسسي الرابطة جاري ( محمد التراس )

    رسمتها له :)

    حمد لله عليالسلامه

    انا قلت بس ابعت رسالة اني مش بعيد رغم اللي حصل علي الفيس او الجروب

    ردحذف
  6. ذكريات مجيدة محفورة في التاريخ
    وصور رائعة تعبر عن اهم فترة في تاريخ مصر
    شكرا ليكي

    ردحذف
  7. شكرا لكي بجد دي اجمل ذكرايات انا اول مره بزور المدونه
    واتمني اني اكون صديق
    جمال العربي

    ردحذف
  8. التاريخ معدش بيتكتب ويتزور -
    التاريخ بقى بيترسم ويتصور

    ردحذف
  9. السلام عليكم
    من غير عض ولا حاجة :)
    جميلة الصور طبعاو بحكم انى فنون جميلة اعجبت بها جدا
    وانت وضعت ترتيبهم بشكل جميل حسب روعتها :)
    شكرا لك حبيبتى
    تحياتى لك الدائمة

    ردحذف
  10. اكتر صورة عجبتني صورة تمثال الحرية ...شكراااا يا جميل

    لولا

    ردحذف
  11. صور جميله :)
    و اهلا بعودتك تاني للمدونه
    نورتي بيتك ^_^

    ردحذف
  12. انا زى لولا حبيبتى
    عجبتنى قوى بتاعت تمثال الحرية
    الفكرة والرسمة حلوين
    واللى رسمهم احلى
    واللى صورتهم وحطتهم هنا
    احلى واحلى

    تسلم ايدك يا سنسن

    وحشتينى يا بت قوى
    بجد

    :)

    ردحذف
  13. السلام عليكم

    عجبني قوي موضوع الذهاب إلى التحرير للراحة أو الاستجمام.. أصلي نفسي قوي في الزيارة دي لأني اتحرمت أكون موجود أثناء الثورة (بسبب الغربة).. ومع ذلك من كثرة الذكريات التي كتبها المدونين بقيت حاسس بالشعور ده الجميل ده... شعور (ميدان التحرير)...!!
    بالنسبة للصور جمالها الحقيقي في نظري نابع من تأريخها وارتباطها بأجمل وأروع حدث في حياة كل مصري!!
    مبروك أختي سوني على الشغل.. ربنا ييسر لك أمرك يا رب ويكون مصدر سعادة لك كما هو مصدر رزق.
    تحياتي أختي الكريمة.
    ......................
    ملحوظة هامشية.. ياريت لو تفتحي الصور فوتوشوبيا (يعني تزودي الإضاءة علشان يظهر جمالها أكتر).

    ردحذف
  14. حمد الله علي السلامة ياجميلة

    والصور دي عجباني جدااااا

    ردحذف
  15. حمد الله على السلامة و مبروك لبشغل

    تحياتى

    ردحذف
  16. خرجت البنت الشقية لسوق العمل
    وفي أول يوم راحت تبص على مكان موقعة الجمل
    ولقيت نفسها مبهورة ادام الصور منتهى الجمال
    روعة الشعب بكل الفئات جندي وشباب عمال
    ما بطلوا يوم روح النضال
    ظهر معدنهم الطاهر فبانت اسمى الخصال
    قدروا يحققوا اللي قال عليه الكل محال
    هيخضروا من بكره بايديهم الرمال
    شالوا فوق الكتاف مهام الوطن الثقال
    ويفتحوا لينا زمن مليان بالآمال
    صور جسدت ملحمة شعب مصر الأبطال
    تحياتي لك يا أختى العزيزة
    وأحمد الله على عملك الجديد
    ورجوعك للتدوين من جديد
    أخوكي الكبير
    هشام

    ردحذف
  17. يعنى المعرض الجميل دا من التحرير
    الصور عجبتنى جدا خاصه صوره الست الكبيره فى السن
    واول صوره فكرتنى كتير بصوره الرياح بتاعه محمود مختار
    ومبروك على الشغل وربنا يوفقك

    ردحذف
  18. انا عايز الحلاوه لانى دعيت لك بالعريس وبالشغل وانت طلبتى الشغل الاول .. ان شاء الله ربنا يرزق بالباقى
    تحياتى

    ردحذف
  19. معرفش ليه لما بروح الميدان الاقى دموعى هتسبقى خطاويا بس بمسكها
    احنا جيل كتب تاريخ وياريت نفتخر

    ردحذف
  20. صور جميله عجبنى اوى بتاعت ابو الهول وعجبتنى اوى كلمه دلفت ديه بقى دلفتى ياسونى عملتيها ازاى ديه

    ردحذف