الثلاثاء، 23 أغسطس، 2011

يوم الخير (२)

بجد كان اروع يوم كالعاده...

لقائي مع المدونين وبجد اللي ماحضرتش خسر نص عمره
اللي بسطني اننا قدرنا والحمد لله نجمع ولو جزء من المبلغ المطلوب للمستشفي
أرجوكم المستشفي محتاجه لتبرعات اكتر شويه لان فعلا ربنا يعفي عن اولادنا جميعا
المرض والحزن والهم يارب

في مرضي كتير مش قدرين يدفعوا حق الدوا
داليا قوس قزح :كل سنه انتي واستاذ خالد همس الاحباب بتجمعونا فالخيروبتسعدونا زي مابتسعدوا كل الناس اللي بتساعدوهم
وانا عرفه يااستاذ خالد صدعتك كتير بكلامي:)
بجد شاكره ليكم كتير انكم بتفرحونا انا والمدونين

ابو حميد:كان نفسي اقعد معاك اكتر من كدا انتا واستاذ سامي ووليد واستاذ ريان وساجي اللي حتا ملحقتش اتكلم معاها .......اصلي جيت بعد الفطار

رامي ومينا:الثنائي المرح(دي تسميتكو بعد كدا )ويرامي الشولاكاتا اتاكلت عليا...بسيح اهووووو:)

رشا عرابي:بجد أتبسطت اني شوفتك وكنت عوزا احضر المناقشه حاميه الوطيس مع ضياء بس كنت مسكا ودن طمطم بقا

منار بيطريه:والله ليكي وحشه من زمان بجد وكنت نفسي اشوفك من مدا بس مالحقتش:(

استاذ شيرين:استاذي....من أعتز كثيرا بمعرفته
رؤيه حضرتك بخير بجد اسعدني جدا وكنت عوزا اشوف برنسس ليلي॥بس المرات اللي جيه بأذن الله كتير

أحمد سكر:طبيعي أرخم عليك ...دا انتا سابق معرفه ياابني

فاطيما:أحلي حاجه فاليوم بجد:)
ميرسي علي المصاصات هي لسا معايا ومحتفظه بيها ذكري حلوه منك ياام وابو قلب طيب كمان
الولد اللي اديتيلو المصاصه بياع المناديل حسيت بفرحوا بسبب مصاصاتك॥
ربنا يخليكي ليا يارب ويخليلك يوسف وعرفه انك خليك دماغك ااااااد كدا من كتر رغينا مع بعض

عمرو يسري وشريف:اللي يشوفكوا من بعيد يقول انكوا اخوات مش اصحاب من كت ماانتوا مع بعض॥يارب تكونوا مع بعض علي طول

كيارا:عزيزتي الغاليه...مشيتي قبل مااشوفك...بجد كنتي وحشاني اوي انتي ومنون
بعد ماروحت قعدت اقلب فالصور انا وانتي ومنون
افتقدكوا كتير ونفسي اشوفكوا تاني

شريف هجايص وزوجته:يالله...شكلكوا هتتحدسوا بجد:)
عمري ماشفت اتنين ليقين علي بعض زي ماشفتكوا
ربنا يخليكم لبعض يارب

أستاذ طارق علي : أتشرفت بمعرفه حضرتك ياافندم

متولي: ايون ياعم ربنا يسهلوووووو...انتا فاهم ليه بقا

اسامه الازهري:جه وقت التسيييييييييييييح
بص ياعمم ।اشكرك لانك وصلتني للمكان لاني جيت بعد الفطار بس بجد انتا لفيت بينا كتير علشان مش عارف المكان
طب ماتقوووووووول انك مش عرفوا احسن ياعم
و لاصحيح ...العرق المصري بتاع عارف كل حاجه بقا واضح انا عرفه:)
ولو اخدت المصاصات اللي ادتهالي فاطيما تاني هتعرف انا هعمل ايه

هخليها تقلب عليك تاني
والخطه بتاعته الجمعيه مستمره مسسسسستمررررررره

سامح خاطر وحرمه وبنوته سمر:يسامح مش ممكن॥
والله ربنا ادالك جوهرتين غالين اوي اوي
مراتك بجد وبنوتك العثل دي انا كنت هاخدهم وانا مروحه...
قمه فالهدوء والاتزان زوجتك ربنا يحميها
والتناقض كلو قمه فالشقاوه سمر:)
دي بجد كانت نجمه الحفله زي مابيقولوا...كلو اتصور معاها وبقت واحدا من العيله خلااص
دي لازم تعملها مدونه اول ماتتعلم نت علشان نكون علي تواصل بيها شيء اساسي

غاده محسن:روحتي قبل مااشوفك...وحشاني وكنت عوزا اكلمك...بس تتعوض زي ماقلتليلي ,اما نشوف

اخر كلمه كنت عوزا اكتبها لمامي ستيته حسب الله الحمش
بجد كنت عوزا اشوفك بأي طريقه...واليوم بتاع الحسين كان نفسي يتكرر بجد برؤيتك
يارب تكوني بخير وكويسه يارب

وكانت أكبر مفأجاه ليا ...تشريف الصباغ وسو للمكان
بجد المكان نور بيكو
وكان نفسي اكمل بقيه المقلب مع سو بس اتقفشنا والحمد لله ياصباغ:)
بجد اتبسطت بوجودكو

وادي صور اليوم من عند سامح

وصور اليوم من عند محمد متولي


اتمني اني اشوفكوا مره تانيه علي خير يارب واتمني انك مااكنش نسيت حد
أخر حاجه
في مقوله عجبتني حبيت اختم بيها:
السعاده لست في وجود الاراضي هنا او هناك....انما في وجود من يحبوننا من قلوبهم حولنا دائما

شكرا ليكم انكم فرحتوني اليوم دا بجد


هناك 18 تعليقًا:

  1. والله فعلا يا سوني اللي محضرش فاته نص عمره .. كان يوم جميل جدا من البدايه في المستشفي حتي النهايه في البورصه مرورا بالافطار الرائع اللي يخلينا كانا كالاهل مش مجرد اصدقاء...

    سوني انا مبسوط جدا اني شوفتك واتكلمت ومعاكي وعرفتك علي سمر وامها ,, وهيا اساسا عرفاكي من قبل كده.. كلنا كنا مبسوطين الحمدلله
    علي الرغم انك جيتي متأخره لكن سماح المره دي

    ردحذف
  2. مساء الياسمين عليكى يا سونى
    يوم كان يتسم بالالفه والمحب والتاخى
    اجمل شىء وصول التبرعات الى 14 الف جنيه
    والاجمل الفطور الرائع اللى جمعنا كلنا
    غاده محسن :/ اتفاجات لما شفت اسمهالانى عارف انها جايه من سفر وكمان منقطعه بقالها فتره عن التدوين
    بجداليوم كان رائع يا سونى
    وبجد انا سعدت انى شفتك يا سونى رغم اننا متكلمناش كتير
    يالا تتعوض المره اللى جايه باذن الله

    ردحذف
  3. ايام تجمع المدونين كلها فعلا بجد ايام لا تعوض

    ردحذف
  4. يارب تتجمعوا دايما فى الخير

    ردحذف
  5. الغاليه سوني .. ورودي الغاليين ..منورين .. كان يوم جميل أوي و كنت انتظره من العام الماضي ..يوم بتحس فيه ان الدنيا لسه بخير وفي قلوب بتحسك وفهماك بتشعر بشعورك ويتفرح لفرح كوبتتالم لالمك وبتشاركك تدوينك لما بتحس انك نفسك تفضفض .. تخيل بقي لما تشوف العيون دي فيس تو فيس وتتعامل معاهم بمنتهي الرقي .. دي حقيقيه بحسها اوي معاكم .. سامح حمايا العزيز وهو بيكلمني ع الموبايل وبيفكرني باليوم وروحه الجميله يارب احفظها لمن يحب ولخطيبتي الجميلة سمر .. دا سمر راحت التحرير ال اسنغربت ان اول مره اشوفه بجد رغم مروري عليه كتير اوي ومكنتش اعرفه .. ممكن عشان مرحتوش من زمان مكنتش متخيل ان ال بشوفه في التلفزيون و ع النت مليان ناس هو نفسه ال عليه طوق امني من عساكر الله يحميها مغلوب علي امرها وواثقه ليل نهار فيه
    وليد الدوغري .. بجدعنته وهو بيقولي يالا عشان تلحق تفطر معانا زي السنه ال فاتت اول مره اشوف فيها ريم الاوركيد و ساجي و الوان قوس قزح الجميلة .. وكمان كيارا كان حظي حلو ان اشوفها السنه دي وكالعاده هربت بسرعه مننا و كان حزن في عينيا لما افتكرت اول مره شفتها كان معايا منونه درويش ربنا يمسيها بالخير يارب
    وكان لي الشرف ان اتعرف السنه دي علي ناس جميله وجديده علي قلبي زي أ. وليد الزهيري ابن بلدي الانسان الكريم اللي صادفته ف اليوم الجميل وروحنا سوا
    و كمان أعرف أ رشا عرابي و دكتورة بيطرية ومش بايدي و اتعرفت علي سكر لاول مره حق وحقيقي و اول مره اشوف عمرو يسري و حسني وكانت صحبة حلوه بيكم .. و كنت سعيد اوي بوجود ا شيرين الكوردي بطلته الحلوه هو وداليا قوس قزح بالوانها الجميلة و كان نفسي اتصور مع فاتيما .. الانسانه دي انا بعتبر كلامها زي البلسم لما بقراه ولما بسمعه منها يارب يحفظها هي ويوسف وكل ال بيتحبهم
    و احلي تحية مني لضياء و الصباغ والنجم الكبير واخويا الجميل سوووووووووووووووووووو و كمان امانه ليكم كنت بكلم ايناس نهر الحب واكنت بعتالكم السلام يعني متغمزيليش كدا يا سوني ;))
    يارب دايما نتلاقي في الخير ونتجمع في كل حاجه جميلة و نساعد ونعمل شير عشان اخواتنا في ابو الريش .. وحقيقي كان نفسي اشوف شفقة هانم واحسان بك السنه دي وينورونا كالعاده
    رامي السنه دي مساعدش معايا في شيل الاطباق عشان انا جيت متأخر المغرب اذن عليا قبل ما اركب المترو بس رامي منور بضحكته الجميله و وجوده لوحده اسعدني هو ومينا و ا طارق وابو حمدي ال نورني في المنصورة وملحقتش اعمل معاه الواجب ..
    كل سنه وانتم طيبين و احلي اصدقاء في الدنيا
    :)) ومن هنا احب اقولك انك انتي كمان كنتي منوره يا سوني واظهرتي ابداع واضح في التصوير بتصويرك المميز ليا ماشاء الله عليكي يعني :))

    ردحذف
  6. ليه الذل دا كله بس :(((((((

    سعيد والله انه كان يوم حلو ليكم رغم عدم حضوري :(
    ربنا يعيد علينا وعليكم الايام وتتكرر اللقاءات اللي مش هاتخلى مني بقىىىىىىىى ان شاء الله :)

    كل سنه وانتوا طيبين جميعا
    وشكر خاص لسوني على التقرير الرائع دا
    :)

    ردحذف
  7. وانا اتشرفت بمعرفتك اكتر وان شاء الله نتجمع دايما في الخير

    طارق

    ردحذف
  8. اهو انا بقى باكتب البوست عندى فى كلمتين لان بيكون نفسى اقرا انطباع الناس عن اليوم
    بس كان نفسى تيجى من بدرى و نلحق نقعد سوا زى يوم الحسين
    بس النصيب بقى
    اليوم كان رائع بالناس كلها الموجودة فيه
    و فعلا زى ما سامح بيقول
    الواحد بيحس انه وسط اهله
    وبيفرح لما بيشوف حد هل عليه من بعيد و جاى يشاركنا اليوم
    ميرسيه لحضورك يا سونى برغم انه كان صعب تيجى
    و ان شاء الله نتجمع على الخير دايما

    ردحذف
  9. ماشاء الله مجموعة جميلة فعلا

    ربنا يكرمكم كان نفسي اكون موجودة وخصوصا ان ده عمل خير
    لكن قاتل الله الانفلونزا بقا

    :))

    ردحذف
  10. ماشاء الله عليكم

    من جد شكل الجو كان ممتع ..

    بارك الله فيكم وفي امثالكم ...

    دمتم بخير

    ردحذف
  11. كل عام وانت بخير

    عيد سعيد

    تحياتى

    ردحذف
  12. وبعدين بقىىىىىىىىىىىى؟؟؟؟؟؟؟
    مبلاش أسيح للناس اللى كانت مش جاية والناس فرحانة بعدم وجودها

    ولما داليا كلمتها قالت لها باللفظ

    ما تجيش ومش عايزين نشوفك ؟؟؟؟؟

    الأزهرى

    إييييييييه الطيب أحسن
    وخلينا إحنا الكويسين برضه

    ردحذف
  13. ديما متجمعين فى الخير
    كل سنه ومصر كلها بخير
    عيد سعيد

    ردحذف
  14. كل سنة وانتى طيبة يا سونى


    وكل مصر بخير

    ردحذف
  15. السلام عليكم ورحمة الله وبركاته
    أحيي هذه الروح الطيبة
    منك ومن كل الأخوة الكرام
    بارك الله فيكم جميعاً

    ردحذف
  16. ربي يخليكوا ليا يامدونين يااعزائي

    ويارب نكون مع بعض فالخيرا ديمن يارب

    شكرا ليكم بجد

    ردحذف