الجمعة، 30 سبتمبر 2011

أعتراف

-أعتذر عن البوست اللي فات لو حرج أو ضايق حد
كنت فحاله نفسيه صعبه

بس الحمد لله ربي كرمه كبير
شكرا لكل حد قلق عليا
شموسه ॥مامي॥عرفه॥هيثم السايس॥محمد متولي ॥ولكل حد سأل عليا وماعرفش يوصلي

شكرا ليكوا بجد

-في حاجات عوزا أغيرها فيا بجد
ممكن أكون بعمل حجات تضايق بس موش باخد بالي منها

بس موش هنسي كلام سمعته من شخص ما
صدمني

زعلت....بس الصدمه فوقتني
وحسستني ان لازم فعلا في حاجات لازم تتغير

شكرا

-حلم ليس له نهايه
يارب...سامحني وأغفر لي
واجعلني من بين من تحبهم يالله

-ياجدعااااااااان
من بوست كتبته امه لا اله الا الله أفتكرت اني فقصه

انا موش فقصه خالص
ولا هكون الا عندما يأذن ربي

ولحد ساعتها
بحب ربنا اولا
وماما ومامي ستيته وباقي المدونين حبايبي واخواتي وأصحابي
وانور وجدي:)

-مش بحب السياسه
فيها حاجه دي؟

-نفسي فخروجه من مدا
بس موش عرفه
سبت شغلي وروحت شغل جديد
وكان نفسي بجد أخرج واخد مدا قبل ماابتدي تاني
لكن ....قدري
الحمد لله

-محتاجه الفتره دي.....ايس كريم,شاي بلبن,واتفرج علي مسلسل جرايز اناتومي
بحب المسلسل دا جدا
بس بابا وماما بيضيقوا منه علشان فيه جو مستشفيات وكدا
بس هما موش عرفين ان فأخر المسلسل
بتأتي كلمات بتطلع منها حكم فعلا

حد شاف الحكم دي؟

-كنت بتناقش مناقشه اتعلمت منها حاجه
موش اي حد هيشوف اللي ادامه زي ماانتا شايفها

زي اللوحه مثلا لأمراه بوضع ما....
ناس هتشوفها قله ادب,ناس هتشوفها فن,ناس هتجمع بين المنظرين أو الرأيين

بس فالنهايه نخلي اختلافنا فالرأي لايفسد للود قضيه
ممكن؟

-هل فعلا الثوره أظهرت احسن....وأسوا من فينا؟
موش عرفه الصراحه بس حسه انها اظهرت الاحسن أكثر

-بحب ألبوم وائل جسار الجديد جدااااااااا...يخربيت صوتوا
واكتر منه,فيروز

يالله
بسمع صوتها او الموسيقي فاغانيها
بحس اني فعالم تاني فعلا

-راحه من كل شيء
هذا ماااريد

شكرا لك يارب





هناك 24 تعليقًا:

  1. طيب

    الحمد لله انى قريت البوست ده بعد ما كنتى هديتى (:

    و لا انا بحب الساسة بس السياسة هى اللى جت لحد عندنا

    ليكى عندى شيكولاته (:

    ردحذف
  2. علل: فقصه ؟؟

    :)

    الحمد لله إنك بخير

    تحياتي

    ردحذف
  3. جميل اوي انك اكلمتي في كل حاجه
    جمعتي كل اللي انت عايزه تقوليه في بوست واحد
    الصراحه مناقشه حلوه اوي
    بالنسبه للسياسه فالكل دلوقتي بيتكلم فيها
    انا كمان بحب مدونتك اوي
    وانا كمان نفسي في خروجه ذيك بس مش عارفه اروح فين
    كفايه بقى لحسن تقولي عليه رغايه
    المهم انا كمان مش فاهمه فقصه يعني ايه
    البوست حلو اوي وتلقائي جدا

    ردحذف
  4. السلام عليكم
    الله عليك يا سونى لما بتبقى فايقة
    ربنا يسعدك يا بنتى
    دومتى سعيدة بخير

    ردحذف
  5. انتي يابنتي خضيتيني فعلا

    ودخلت تويتر ادور علي ستيته
    علشان تطمني عليكي

    الحمد لله انك بخير

    بس يعني ايه فقصه دي
    ؟؟؟؟
    :))))

    ردحذف
  6. قبل مااعلق علي اي حد
    فقصه يعني

    LOVE STOOOOOOOOOOOOOOOOOOOORYYYYYYYYYYYYYY

    ردحذف
  7. حمدلله علي سلامتك ياسوني
    ان شاء الله تكوني اتعلمتي كويس من الدرس
    واللي جاي يكون احلا
    وتحققي كل اللي ف نفسك

    ردحذف
  8. وانا كمان مش بحب السياسة
    ونفسى فخروجة
    وعاوزة اتفرج على G.A <3
    بحبه اوى بس من غير الحاجات الى فيها دم وكده
    بحب اغنية وائل جسار خدينى معاكى
    وبعشق فيروز :)
    واكيد نورتك :p
    ههههههههههههههههههه

    ردحذف
  9. السلام عليكم
    كيفك سونى
    حاجه جميله يا سونى
    الفضفضه .. بتريح النفس
    فضفضتى كتير واستريحتى كتير
    مبروك الشغل الجديد
    اما فيروز ... ياااااه ... بحس انى باسمعها بكل جوارحى .. بحس انى بلمس صوتها باحساسى مش بودنى
    تحياتى

    ردحذف
  10. ايوة كده يا سونى ارجعى

    قريت البوست اللى فات وزعلت ومعرفتش اوصلك قافلة التعليقات ومعرفش اى طريق ليكى

    المهم انك بخير

    وكله بيعدى

    ردحذف
  11. حمدا لله على السلامه

    البوست اللي فات كان صادم جدا

    مهما يحصل ومهما ساءت الأحوال مش المفرووض الواحد يوصل للمرحله دي

    وبعدين مش صح إن الواحد يتمنى الموت

    المفروض نقول " اللهم أحيني إن كانت الحياة خيرا لي ، وأمتني إن كان الموت خيرا لي"

    ربنا حكيم أوي ، وكريم أوي ، وأحن على العبد من الأم بولدها

    آه

    الثوره طلعت أحسن ما فينا وطز في اللي يقول غير كده

    مبحبش المتشائمين

    وان شاء الله بكره أحسن ميت مره

    واحنا مش آسفين يا ريس ، إحنا مبسوطين أوي أوي ان انت مشيت

    بكلمك أهه في السياسه يمكن تحبيها :)

    تحياتي

    ردحذف
  12. مش فاهم أى حاجة
    واضح إنى لما بأسافر البلد حالها بيتغير
    خلاص هأبطل أسافر من تانى

    أتمنى تكونى بخير

    وأى وقت تحسى فيه باختناق الجأى لربا وغيرى رتم حياتك

    هتفكى على طول

    الأزهرى

    ردحذف
  13. رامي:

    لف استوري وشرحت

    ماشي وانا مستنيه شوكلاتي اللي موش اخدتها
    منور

    ردحذف
  14. باشا:

    اخيييرا جيت
    والله منور المكا
    ايه الاخباريات

    قلتهااااااااااااا تحت اهوووووووووووووو
    يلا خير:)

    ردحذف
  15. ريري كربكه:

    لالا انتي موش رغاهي
    وصدقيني الفضفصضه حلوا جداا
    يلا فضفضي زيي كدا


    انا مستنيه

    ردحذف
  16. رحله حياه:

    ربنا يخليك
    وكل حد محتاج للفضفضه شويه
    علشان يكمل

    شكرا ليك

    ردحذف
  17. شمس النهار:
    لا دا بييني ووبينك بقا:)

    ردحذف
  18. بيتيفل مايند:
    فعلا
    اتعملت كويس
    دعواتك

    ردحذف
  19. Miss LoZa :
    دا اساشييييييي
    حمدلا عللاسلامه
    معايا يلا ونأزأز لب كمان:)

    ردحذف
  20. فشكول:
    فشكول حاله خاصه

    بتلمس كل حد ليه أحساس وقلب بجد
    اتمني انها تقدم اكتر واكتر
    الفتره دي محتاجنها

    ربنا معانا يارب

    ردحذف
  21. Ms Venus :
    ميرسي ليكي يافينوس
    يارب ماتشوفي حاجه وحشه
    تحياتي

    ردحذف
  22. واحد من الناس :
    :)
    تصدق تعليقك فرحني بجد

    لا موش بحبها لانها بتخلي الكل يتخانق بسببها
    وانا موش بحب الخناق

    بس لو خناق فالخير لنا

    اممممممممممممم
    اكيد هفكر
    بس موش دلوقت

    شكرا علي مرورك

    ردحذف
  23. أزهري:
    انتا بالذاااااات
    استني عليا

    بس لما هشوفك انا وفاتيما:)

    ردحذف
  24. ربنا يحميكى سوونى
    ويبعد عنك الشر
    :)

    ردحذف