الأربعاء، 23 نوفمبر، 2011

رساله ألي الثوار..حكاوي من يوميات فالشوارع المصريه


أكيد كلنا بنقابل ناس وأحنا مشيين فالطريق
من ميكروباص॥مترو॥اتوبيس ॥حتا فالطريق العادي بنتقابل وبنتكلم

كل فتره بيحصل مناقشه أو موضوع بين الناس أحيانا بكون طرف فيه بأرادتي او من غير
بس الفتره دي تقريبا مصر كلها بقت طرف فمناقشه مستمره لاتنتهي...

ممكن الناس تشوف أن الكلام الكتير دا بيخرب البلد بس أنا شيفاه بغير كدا خالص
من حق الناس تتكلم بعد اكتر من ३० سنه سكوت....كأنه كان دايس علي لسان الكل وقافل الافواه بقفل من غير مفتاح...منه لله

المهم من فتره كنت مع أمي وبنتناقش كالعاده ونرغي واحنا فالمترو وكنت بتكلم عن الثوره والثوار والكلام جه عن منطقتنا
واحدا غلبانه جدا قالتلي جمله غريبه....
(ربنا مع الثوار يابنتي ,بس والنبي حد يقولهم يجوا يشوفوا الحي بيعمل أيه فينا
تخيلي بياخدوا २५ جنيه من فاتوره الكهربا علي الزباله والزباله موجودا فكل مكان
يقولولنا بس أتجمعوا نروح لبتوع الحي وأحنا هنيجي نتصرف معاهم
ياريت يابنتي حد يقدر يوصل صوتي ليهم...
ربنا يكرمهم يارب)

وانا ماعرفتش أرد بغير ان ربنا يصلح الامور ويصلح حال بلدنا
كان نفسي أقدر اعمل حاجه...للدرجه دي ممكن فلوس قليله تكفي اوي أشخاص لو هي موجودافأيديهم يعيطوا من الفرحه لوجودها فأيدهم اصلا؟؟

امال فين الاموال اللي قعدوا يقولوا دي من نصيب الشعب المصري...ولا حس ولا خبر دلوقتي عنها؟؟

تاني موقف حصل أول امبارح....
شغلي قريب من العباسيه فلما كنا مروحين قالوا ان في مظاهرات طلعه علي التحرير ودا كان قبل خطاب المشير

فالبنات خافت وخافوا عليا وخلوني أركب معاهم تاكسي علشان نعرف نروح
قلتلهم سبوها علي ربنا بس أحنا نروح المترو ونمشي عادي
وانا عندي شويه بنات ॥بيخافوا من الهوا...بس ربنا يحميهم يارب عقليات محترمه
وأحنا ركبين التاكسي السواق قالنا بالكلمه...
(انا مع بتوع التحرير دول)
سألته ليه يعني।؟(كنت مستغربا اول مره سواق يبقي مع بتوع التحرير)

قالي انه مهندس زراعي وأنه اتضطر انه يخرج معاش مبكر....بمعني انه اترفد
علشان عمل زي تركيبه للقطن المصري يخليه أحسن جوده وبأفضل حال وهما كانوا عوزين يخدوا كل دا ويبيعوه لشركه برا ومصر ماتستفيدش منه بأي حاجه ويدولوا قرشين ودمتم

وحكي أنه بيزرع دلوقتي نماذج صغيره للتجربه بس لما التجربه هتنجح هيخليها ويحاول يعمهمها فمصر لما الظروف تكون أحسن...بس بعد سنتين عقبال ماالظروف تكون أستقرت

بس جملته اللي خلتني أقعد افكر كتير فالثوره وفحزب الكنبه
(ربنا مع الثوار... هما بيجيبوا حق الناس والناس بتخاف من اللي جي...منه لله اللي كان السبب
بس بأذن الله ربنا هينصرهم)

دعيت من قلبي وقولت
يــــــــــــارب

هناك 24 تعليقًا:

  1. السلام عليكم
    عارفة يا سونى
    ممكن نقدر نحكى كتير وكتير من حوارتنا كل يوم مع الناس وكل ما تقابلى اكتر او تلفى اكتر بتعرفى اكتر
    ربنا يحفظ مصر واولادها ويهدى الشرطة والداخلية
    ويجمعنا على كلمة سواء فى صف واحد
    حمدالله ع سلامتك

    ردحذف
  2. ياااااااااااااارب

    تعرفي معظم حزب الكنبة لما بنفهمهم بيقتنعوا بكلامنا بس للاسف اقتناع وقتي
    لأنهم بيدوروا على اسرع نتيجة تريح ضمايرهم في انهم مش بيشاركوا

    الست الكبيرة كان معايا زيها النهاردة في الميكروباص و قعدت تدعي للثوار وتقول كلام زفت ع المشير وان مبارك لسه بيحكم و بتوع طرة كمان

    و المهندس الزراعي فيه زيه ملايين برضه
    تجربة رائعة عندي زيها بس لسه مش قادر اكتب
    ادعيلي :)

    ردحذف
  3. يارب يحفظ مصرنا
    انا خايفه اوي على مصر
    بس اللي مطمني اني ربنا بيقول ادخلوا مصر امنين
    تسلمي يا سوني وتقبلي مروري

    ردحذف
  4. يا رب

    الآن "ربنا معاهم" لا تكفي

    دعاءك لوحده مو كفايه

    المفروض كل واحد مؤمن بموقفهم ينزل يقف معاهم زي ما حصل يوم التنحي لما مصر كلها نزلت الشارع

    ربنا يصلح الأحوال

    ردحذف
  5. يارب يا سوني
    ربنا يسمع منك
    مستنين حاجه تفرحنا والله

    ردحذف
  6. عام مضى.... بكل ما فيه من اعمال خيرها و شرها .. جعل الله جميع اعمالنا مباركة صالحة .. وأن يغفر الله خطايانا و ذنوبنا..
    و عام نستقبله بكلّ الأماني .. و تجديد النيّة فيه بان تكون جميع أعمالنا خالصة لوجه الله .... و العزم على التقرب لله تعالى .. في الصالحات من الاعمال و الافعال

    اسمى آيات التهانى و التبريكات الى جميع الاخوة والاخوات ... و الامة الاسلامية و العربية .. بهذه المناسبة العظيمة .. جعلها الله سنة خير و بركة...

    و نصر الاسلام و المسلمين ... في شتى بقاع الأرض
    كـــــــــــــــــــــــــل عــــــــــام وأنتم بخـــــــــــــير

    ردحذف
  7. السلام عليكم ورحمة الله
    تحية عطرة
    اعتذار .. لأن التعليق خارج موضوع التدوينة
    دعوة للمشاركة في مشروع مقروءاتي
    للعام الرابع على التوالي
    لمزيد من التفاصيل
    http://qweary555.blogspot.com/2011/11/1432.html

    ردحذف
  8. ربنا يصلح حالك يا مصر

    ردحذف
  9. مدونه رحله حياه:

    ربنا يعينا علي جي يارب
    بأذن الله

    بجد نفسي نتعلم الصح ونحاول نعمله
    طول الوقت خناق وبس
    ياريت نبص لبلدنا ونحاول نعمل الصح
    ياريت

    ردحذف
  10. بروف9090:

    بجد احنا لو كلمناهم وقدرنا نفهمهم الحقيقه

    هيفرحوا بجد وهيساعدوا كل الثوار
    والثوره

    اه بيدورو علي كدا
    بس هما وراهم بيت واولاد
    وماحدش عالم بظروفهم غير ربنا

    بأذن الله كل حاجه هتكون أحسن
    يارب

    ردحذف
  11. ريري كريكه:
    ربنا هوا اللي حافظنا

    واللي بيشتغل
    وبيتوكل علي الله

    ربنا مش هيضيعه بأذنه

    ردحذف
  12. واحد من الناس:
    ننزل دا طبيعي

    بس الفكره
    اننا نساندها
    بشغلنا بجد علي أرض الواقع
    دا اللي هيخلي بلدنا تقف علي رجليها وتتقدم بينا

    ردحذف
  13. بيوتيفل مايند:
    أبراهيم

    في اشارات كتير
    بس مش بناخد بالنا منها

    يارب فعلا
    نتغير
    ونشتغل بجد

    ردحذف
  14. جايدا:
    كل سنه وانتي طيبه
    ويارب ينعاد علجميع بالخير واليمن والبركات

    ردحذف
  15. لاسع أفندي:

    ياه
    فينك ياعم
    غايب كل دا ليه
    يارب يكون الكل بخير يارب

    ردحذف
  16. خوخه هانم:
    امين يارب

    ردحذف
  17. موقف الست الكبيرة دي بيبين فعلا إن المصريين عاوزين حد يتلموا حواليه ,
    حد يبدأ و هم معاه ,
    لكن للأسف معظمنا بيخاف من المبادرة لوحده
    ربنا يهدينا و يوفقنا لما يحب و يرضى

    ردحذف
  18. تيمي:

    ياريت بجد نلاقي قدوه
    ولو دورنا صح
    هنلاقي

    ردحذف