الاثنين، 16 يناير، 2012

أعتذار واجب



لكل اللي بحبهم وموجودين في حياتي

شكرا بجد ليكم
عرفه أني تعبتكم معايا كتير
يعلم ربنا أني بحبكم بجد من قلبي

عرفه أني ممكن بكلمه مني ماأقصدهاش
او تصرف أهوج

ممكن أزعل او اضايق اللي ادامي
ممكن كتير لما أزعل...ماأعرفش السبب مين

بس بلوم غيري وبلوم نفسي

عرفه انه خطئي
بس انا كدا

من كتر مابحب ناس فحياتي
مبقاش عوزا أزعلهم
فبجرحهم أكتر

اللي بيعرفوني بجد بيتفهوا دا
لكن كتير مش بيتفهموه

بعتذر لكل حد فيوم زعلته مني
بيكون غصب عني بجد

ممكن أحتاج فتره أبعد فيها عن كل حاجه وكل حد
مش عرفه أعمل أيه

كتير بضايق من نفسي

سامحوني

هناك 14 تعليقًا:

  1. طيب مانتي بتقولي اللي يعرفوكي بيتفهموا ده كويس
    وبعدين يا سوني كلنا بنغلط و نغضب ونزعل لكن مش بنبعد
    انتي كنتي شجاعة واعتذرتي واعتقد ده كفاية
    ربنا يصلح الاحوال و يريح بالك و يزيح عنك كل الهموم

    ردحذف
  2. أي نعم أنا مبقاش عندي نفس ولا مرارة زي الأول
    ومش عيب لو قلت اني شاكة ان الثورة مرضتني نفسيا وانا مكنتش مستنياها
    لكن في مثل هكذا بوستون لازم اقول كلمتين ورزقي على الله
    ينقسم البشر من حيث الإحساس لقسمين
    قسم عنده دم وقسم عنده فلوس
    وزي ما قال المؤلف في فيلم حين ميسرة اللي عنده دم أحسن من اللي عنده فلوس
    أممممممم - مش أوي - بس نمشيها علشان السياق العام وعلشان تضحكي
    وينقسم الناس من حيث التلقي لقسمين
    قسم سهل اذا باع سهل اذا اشترى سهل اذا اقتضى
    وقسم تلم تلامة..يا باااااااي .. اتلم من موس الحلاق في فيلم فوزية البرجوازية
    وينقسم الناس في فهم قدر الدنيا وناسها لقسمين
    قسم مديها ومديهم حجم كبير قوي في حياته لما بيمرض نفسي وعضوي
    وقسم متبني نظرية محفوظ عبد الدايم "باعتدال" .. يعني طظ ظ ظ ظ بس دون تفريط في الأخوة والصحوبية والعيش والملح والعيشة واللي عايشنها

    مش عارفة انتي استفدتي ايه من البوست
    بس لو ليكي مزاج توصلي ها توصلي
    غلطتي؟
    اتعلمتي؟
    ها تكرريها؟
    طبيعي .. مرتين وتلاتة واربعة
    مش كل الناس عندها مقدرة الخطأ ثم الإعتذار ثم التوبة عن اقتراف نفس الخطأ مرة أخرى
    ومش غباء ولا اصرار ولا حتى بيع للصداقة
    لكن كتير كتير حسن نية
    بطلي تجلدي نفسك لأنك بتخسري أغلى أغلى أغلى سنوات العمر اللي بدون هموم في هموم فاضية وانتي مكبراها
    تيجي لسني حيث الهموم الحقيقية فتجدي انك لا عيشتي ايام الصياعة وصعيتي
    ولا عيشتي ايام الكبر والعجز والروماتيزم والاسقربوط والبري بري وصعيتي

    بحبك ولو عاملة موديريشن متنشريش الكلام الكتير ده كله
    احتفظي انتي بيه وبس
    مش مهم حد تاني يشوفه
    بوسة

    ردحذف
  3. طب ليه التصرف الاهوج دا يعنى ههههههههههه
    اهو الابتعاد بقى هو التصرف الاهوج الذى لا يغتفر هههه
    ماكنش يومك ياسونى هغلس على مين من بعدك ههههههه
    لا الحل دا مش نافع شوفى حل تانى

    ردحذف
  4. انا عاوزة الاول اتشكرلك
    لأنك نشرتى كلام ستوتة
    مية مية وزى الفل
    وقالت حاجات كتير صح
    لأ ..
    كل كلامها دايما صح
    عشان هيا شخصية متفردة كدا
    وقلما الواحد يقابلها ف دنيته

    ومن هذا المنطلق اكمل على كلامها الحلو
    وأقول
    الله ؟!!!

    تروحى بعيد ليه واحنا روحنا فين ؟!!

    ثم ان كل شىء وله آخر
    والقرف مسيره يخلص والله
    وعن ثقة بقولك
    مفيش وجع بيدم
    والتغير هو الشىء الوحيد الثابت ف هذه الدنيا

    قوم تزعلى وتاخدى جنب
    وبتعتذرى كمان ؟!!!

    على ايه ؟

    كلنا ملايكة ومغلطناش ف حد
    حصل ايه يعنى
    ايش ما كنا عارفينك
    وعارفين قلبك وطيبتك وطفولتك العجيبة يا بنتى
    فيه ايه بس ؟!!

    بصى انا مش موافقة
    ولا عاجبنى اللى بيحصل
    وهفضل اعكنن عليكى كدا
    كل شوية لحد ما ترجعى
    وتبطلى البوستات دى
    ولو انها بوستات نموذجية الصراحة
    كلنا كتبناها ف وقت ما
    ولسه هنكتبها عشان تبقى عارفة
    بس انا بستعبط وكدا ومسكالك العصايا ..
    D:

    هستنى ردك هنا
    او عندى
    او ع الميل
    ايهما أقرب

    ومتوغوشيش قلبى عليكى اكتر من كدا بقى
    لحسن أزعل وانا زعلى ويحش
    هه

    ردحذف
  5. انا كمان عاوزة اعتذر للكل

    بعدت وغيبت كتير


    سونى الاصدقاء مش بيحتاجوا اى اعتذار

    ربنا معاكى ويهون عليكى اى ضيق حبيبتى

    ردحذف
  6. السلام عليكم ورحمة الله وبركاته جزاكم الله خيرا على هذا الموضوع الجميل ** بجد موضوع جميل ومشوق... بارك الله فيكم يا شباب

    ردحذف
  7. ثقافة الهزيمة .. عصابة البقرة الضاحكة 6‏

    و فى حوار مع القيادى الأخوانى إبراهيم صلاح المقيم فى سويسرا منذ عام 1957 و نشرته جريدة المصرى اليوم فى 23 إبريل 2011 جاء فيه:

    وما صحة ما بعض المواقع من أخبار عن رفض سويسرا عرضاً مصرياً لشراء بنادق قناصة وقت الثورة؟
    - حدث بالفعل وحكاها لى أحد رجال المخابرات السويسريين فى حضور عدد من الشخصيات العامة، وقال أنه بعد أندلاع الثورة بيومين تقدم السفير المصرى فى سويسرا مجدى شعراوى، وهو صديق مقرب من «مبارك»، بطلب للحكومة السويسرية لشراء عدة آلاف من بنادق القناصة سويسرية الصنع بها تليسكوب يقرب لمسافة 1000 - 1500 متر، وجهاز يحدد المنطقة المطلوب أصابتها، وجهاز رؤية ليلية ويتم التصويب بدقة الليزر، وذخيرة مخصوصة وهى لا تُحمل باليد، ولكن لابد من تثبيتها على قاعدة ويُقدر سعر البندقية الواحدة بنحو 4000 دولار، ولكن الحكومة السويسرية رفضت الطلب.

    الحكومة السويسرية أدركت كيف سيتم أستخدام تلك البنادق، وبالتالى رفضت أن يكون لها أى دور فى تلك العملية. و تحت عنوان " لواء شرطة : مبارك كان يتسلى بالشرائط الجنسية للفنانات" ...

    باقى المقال فى الرابط التالى www.ouregypt.us

    و المقال به معلومات هامة عن عمر سليمان.

    ردحذف
  8. السلام عليكم ورحمة وبركاته

    الزميل / الزميله المدون
    يدعوك بيت المدونين

    للمشاركه فى مبادرة " المعونه المصريه "
    من خلال مدونتك الكريمه
    المبادره ابتدأها بعض المشايخ المحترمين للرد على تهديد امريكا بقطع المعونه عن مصر
    مع العلم ان هذه المعونه لا تغنى ولا تسمن من جوع فهى دائماً مشروطه ويتم انفاقها على الخبراء الامريكان الذين يتم اشتراط تواجدهم فى المشاريع التى توجه لها المعونه ، بالاضافه الى المحاصيل التى يتم الاشتراط على مصر فيها شراءها من امريكا وأشياء اخرى كثيره لا مجال لحصرها
    فبالتالى كانت هذه المعونه وبالاً على مصر . اقتصادياً وسياسياً وعزة وكرامه

    وقد آن الاوان لوقفها واثبات اننا رجالا لا نمد الايادى لغيرنا

    نريد ان :
    نحيا كراماً

    رابط المبادره :
    على بيت المدونين :

    http://bloggers-house.blogspot.com/2012/02/blog-post_12.html


    ورابط ايفنت المبادره على الفيس بوك هو :
    http://www.facebook.com/events/307332485983060/

    حساب البنك سيتم نشره قريبا
    ان شاء الله

    ردحذف