الجمعة، 29 يونيو 2012

امممممممممم

انا مش عرفه اكتب ايه عنوان للبوست غير دا

في حاله توهان بمر بيها دلوقتي
بعيد تفكير فكل حاجه

بفكر فاللي عملتو اللي فات من حلو ووحش
وبفكر فاللي جي بكرا بتاعي هيكون شكله ايه

بحاول احدد هدفي اللي جاي علشان اقدر اكمل

بس كتير ببقي فحاله اختناق
لما بتعامل مع الناس اللي بعرفه عنهم بعد كدا

ماانكرش ان في ناس كويسه
بس زي مافي الكويس
في الوحش

انا بجد وصلت لمرحله اني كرهت تلقائيتي

كرهت اني اكن بطبعتي
لازم اكون كدابه علشان اقدر استمر

لما بتعامل مع حد مش بعرف اني مااثقش فيه ولو شويه لحد ميكون أد الثقه دي
طب ايه العمل

عوزا أكون بطبعتي
بس لازم اتغير واكون حد وحش علشان اقدر اتعامل

طب المطلوب مني ايه
؟؟

ياريت حد يساعدني



هناك 5 تعليقات:

  1. كونى بطبيعتك
    كونى كما تبغين ان تكونى
    لكن احتفظى لنفسك ييعض الخصوصية

    تحياتى

    ردحذف
  2. اولا
    كان نفسى اشوفك جدا ...
    بس معلش
    انا كنت حاسة ان فيه حاجة
    تتعوض

    ثانيا
    انتى ليه دايما محسستانى كدا
    ان عندك اربعين سنة ولاّ حاجة
    ولسه بتنخدعى ف الناس ؟!!!

    انتى يا بنتى لسه صغننة
    ولسه عودك اخضر
    لسه بتقولى يا هادى
    وبتبتدى الدنيا
    مالك فيه ايه ؟
    كون ان فيه بنات أواريب يعنى
    وعندهم قدرة على معرفة الناس بسرعة
    وتلافى ضرباتهم برضو بسرعة
    فدى مش قاعدة عامة وانما دول استثناء
    ومسألة حظ احيانا
    وحماية من الكبار ف حياتهم احيانا برضو
    انما فرضنا انك مش من كل دول
    وانتى انسانة تلقائية وبسيطة
    واللى ف قلبك على وشك
    نعمل ايه ؟

    تعذبى روحك لأن اللى قصادك ساعات يطلع ندل
    ويستغلك ؟!!!

    طب مش كفاية وجعه
    هتوجعى روحك انتى كمان ؟؟


    لو بتثقى ف كلامى شوية صغننة
    اقدر اقولك بالتجربة
    انك مش هتعرفى تكون قوية ومفترية
    ومش هتعرفى يبقى عندك فرز اولى وسريع للى قصادك
    ولسه ياماما هتاخدى اقلام ومقالب
    لحد ما تتعملى ازاى تعرفى ...
    وبدون قواعد على فكرة ولا حاجة
    هتلاقيها جايلاك كدا
    اوقات من غير سبب
    احيانا اختك فاتيما بتعرف الناس
    ببصة ف وشهم او حتى من غير ما تشوفهم
    عشان اتعلمت من كتر الخبطات ..ف حياتى
    انى اشوف الناس بشكل مختلف

    ازاى ؟

    احتفظت بنفسى وبطباعى قدر الممكن
    محاولتش أغيرنى الا عشان اريح اللى حواليا
    ولما فشلت كان دا آخر جهدى ..
    وخسرت حاجات كتييييير وانتى عارفة
    بس ع المدى الطويل .. كسبت
    والحمدلله مكاسب لا تحصى


    خليكى زى مانتى يا سنسن
    خليكى بطبعك وتلقائيتك وبراءاتك اللى بحبها فيكى
    والكل بيحبها
    وكون حد بيستغلها احيانا
    فدا عيبه هوه مش عيبك
    هوه اللى نطع و خسيس ومبيقدرش النعمة
    وهوه اللى يمشى غير مأسوف عليه
    وانتى تفضلى زى منتى .. صح
    انتى يا حبييتى صح
    ومش غلط
    و ... اعملى اللى بتقدرى عليه
    وبس


    خلى بالك من نفسك
    وبوسات وحضونات
    يا سنسنتى

    ردحذف
  3. الأيام اللى فاتت عايت من مشكلة إنى بأتعامل بطبيعتى خاااااااااااالص
    وعلشان كده قفلت الفيس آخر ما زهقت
    وريحت دماغى
    الناس مش بتحب البساطة

    لكن انا بأحبها وهأفضل عايش بيها لآخر لحظة فى عمرى

    سيبك من أى د عايزك مش إنتى
    وعيشى
    وخليكى دايما عارف
    إن

    بكرة جاى

    ردحذف
  4. بصي لو ممكن يفيدك رأيي ...

    متتغيريش إياااكي انك تتغيري ... بس برضو ابقي حذرة عشان مش أي حد يستاهل التلقائية دي ... مش اي حد يستاهل تضحكيلو ... طبيعي مش حتقدري بس دا ميمنعش انك تكوني حذرة قد متقدري ...

    الناس مش كلهم يعرف طبعك ولا انتي تعرفي افكار كل شخص تجاه أمر واحد مثلاً المهرج ناس بتحبو و ناس بتموت فيه و ناس مبيعنيلهمش حاجة و ناس ... بتمووت من سيرتو و مبتطيقوش ... وعلى حسب المخزون الفكري للإنسان تكون ردود افعالو فعشان كدا متستغربيش ان حد يرد على موضوع طبيعي جداً وعادي بطريقة صادمة جداً !!

    و برضو متفكريش انو الناس ملايكة بس حاولي قد متقدري تلاقيلهم الأعذار و انك متشليش بس برضو دا مش بيعني انك تنسي ... لا كوني حذرة و كوني زي مإنتي ...

    اسفة اني تكلمت كتير ... :)

    ردحذف