الثلاثاء، 21 أغسطس، 2012

الامنيه (३)

التحرش...
كل ماافتح الموضوع دا قلبي بيتقبض

كل مابسمع الكلمه دي بحس بأحساس رهيب
ببقي عوزا أجري من المكان

ماحدش يعرف أحساسها الا البنات اللي مروا بالتحربه دي أو شافوها بعيونهم

اول مره عرفت يعني ايه تحرش كان لفظي وكان أبتتدي بمعاكسات
ووصل مرحله التطور طبعا للي بنشوفوا دلوقتي
واللي بسببه بقينا بنكره العيد

لانها الايام الوحيده اللي بيبقي نفسنا نخرج فيه
ونروح ونيجي فرصه نشوف قرايبنا واصحابنا
ونبعد شويه عن الشغل وقرفه
فبنتقرف أكتر

طب أحنا نخرج امتا علشان نقدر نفك بعد شغل البيت والشغل غير فالعيد اللي بنقضيه فالبيت خوفا من ان يحصلنا حاجه فالشارع

بسبب دا ماتعرفش أيه بيحصل للبنت
لحظه التحرش دي أسوء لحظه ممكن تمر بيها اي كائن يحمل تاء التأنيث
بتحس أن كرامتها وجسدها انتهك...وحتا ملهاش اي وجه حق انها تستنجد بأي حد او تصرخ
ولو صرحت فهي عرفه ان اللي حوليها هيقلولها(مهو لبسك ضيق وانت السبب,ايه اللي خرجك اصلا من البيت)
هوا يعني مانخرجكش مثلا .....هل دا هيحل المشكله
طب المشكله فالولد ولا البنت

يسلام...انتا جي تقول ولد ولا بنت
طب ماتقول فين التربيه

؟؟؟
تعرفوا ان اصلا المتحرش دا اخته وقرايبه بيحصل فيهم كدا
بس مابيقدروش يتكلمو....عرفين ان ماحدش هيحس بيهم
حتا المنتقبات والمتبرحات والمحترمات وكل واحدا ايا كان تعليمها ونوعها
بيحصل فيها اللي بيخليها تتمني ان الارض تنشق وتبلعها

مواقف التحرش حصلت ادامي كتير
مره كنت فدرس عند صحبتي وكنا انا وهي طلعين من المدرسه وكنا فبيتها
وأحنا طالعين دخل ولد مانعرفش هوا مين
وهي كانت ورايا ...لقيتها صرخت مره واحدا
الولد ضربها من وراها وجري

ولدتها ووالدها وقرايبها والمدرس جريو أفتكرو حصلها حاجه
كل اللي فكراه ان شوفت فعنيها نظره انكسار
عمري مشفتها فيها

النظره دي لحد دلوقتي موجوده ...
تخيل انها من ساعتها اتغيرت
الضحكه راحت وكأن روحها اتسحبت منها
ماعدتش بتتكلم زي زمان
الاخطر انها بعدت عن كل الناس......حتا عني انا

المره التانيه كنت مع شله في الجامعه
وكلنا كنا خرجين فوسط البلد

فمشينا فشارع جانبي
مدينا شويه وكان في بنت فالاخر
فجأه لقيناها صرخت

الولد مسكها من صدرها
انهارت تماما

الولاد جريوا وراه ماعرفوش يمسكوه
من ساعتها وهي محطمه
سنتها مادخلتش الامتحانات بالرغم من اننا اتحايلنا عليها
انها تمتحن
ولا كاننا بنتكلم معاها
هي فودا واحنا فوداي
لحد ماقدرنا لحد ما نخرجها من الحاله دي ألي حد ما

احب اقولكوا
ان مره كنت بتكلم مع والد واحدا زمليتي

من أنصار(ايه اللي خرجها مهي السبب بلبسها)
وكانت لسا بنته متعرضه لموقف من المنيلين دول
كلمني بصوت عالي بنفس الجمله
البنات السبب.........

قلتلو وايه رأيك يعمو فالمواقف دي
بص علي بنته وهو بيتكلم لقاها دمعت
ببصلها اوي كدا
انفجرت
حكتله اللي حصلها

سكت


هل تعرفوا ان اللحظه دي بتكسر اوي
وبتولد طاقه
ممكن نكسر بيها اي بني ادم ادامك
مبنقدرش نعمل حاجه
فبنتضطر تنتظوي علي نفسها

وفالاخر بيقولك دا عيب مين
عيب ولد مااترباش
ولا عيب بنت كل ماتيجي تخرج يقولها لبسك وشوفي لبسك
ولا عيب تربيه كل الناس بتشتغل وتيجي تطلع كبتها فالعيال تقوم تضربهم فبيطلعوا مشوهين
ولا عيب مجتمع بيخرس الضعيف ويخلي القوي يكمل فطغيانه

ولا عيب مين
ونصلح ازاي

ومازال السؤال قائما؟؟

هل حد هبقدر يعمل حاجه
قبل مايجي اليوم اللي هنلاقي فيه
ان واحد ماشي ورا واحدا بدل مايعاكسها
يغتصبها؟؟؟؟؟

ممكن توصل لكدا
واحب اصدمكوا
انها ممكن توصل للدرجه دي

اه ممكن
لان مافيش وازع او رادع

طب واخرتها
هتتحل ازاي

الله اعلم


هناك 11 تعليقًا:

  1. مش هعلق على الموضوع دة

    علشان انا مش فى موود تعليق

    انا جى أقول كل سنة و انت طيبة

    و كل العيلة بخير و سلام

    عيد سعيد

    (:

    ردحذف
    الردود
    1. كل سنه وانتا طيب يرامي
      معلش قلبت مودك

      حذف
  2. دي ازمة مفتعله علشن
    البنات والستات ترجع تقعد في البيت تاني
    ويرجعونا لعصر الجواري
    ولو موضوع ملابس
    ماالمنتقبه بتتعاكس

    ردحذف
    الردود
    1. ممكن اه وممكن
      بس مشكله وموجوده
      وفب ماكل كتير او
      هتتحل ازاي؟؟

      حذف
  3. وهى إيه اللى وداها هناك أساسا

    ربنا يستر على مجتمعنا

    ردحذف
  4. طبعا انا جيت متاخر ارد

    واتكلمت فيه فى مدونتى بما فيه الكفايا

    وتويتر اشتكى من كتر ما اتكلمنا عن الموضوع ده

    لكن انا شايف ان اللى بجد لازم يحصل ان الكل ينزل لارض

    الواقع انتى اشتكيتى وخرجتى شويه من اللى جواكى فى المدونه

    وغيرك كتير عمل كدا ع النت لكن نسينا ان المشكله الحقيقيه فى ارض الواقع

    وعلشان نحاربها لازم نروح لمكان المعركه نسمع من الكل والكل لازم يعترف بخطأه

    لازم حل جذرى قبل ما الموضوع يقلب بكوارث ويصبح الاغتصاب امر عادى وسمه من سمات شوارعنا

    اسف صدعتلك دماغك شويتين بس بجد الموضوع ده تعبنا من الكلام فيه

    ردحذف