الثلاثاء، 18 سبتمبر، 2012

الامنيه (५)


السؤال اللي ديمن فبالي

ليه كل الناس مبتحبش بعض
بسهوله كدا؟؟

نفسي وأمنيه من أمنياتي تتحقق

ليه مش بنحب بعض
ليه حبيب وحبيبه بس

مهو في حب تاني
حب الاب لولاده والام كذلك
حب الصاحب لصاحبه لدرجه ان لو حصله حاجه ممكن يموت معاه
حب الواحد لوطنه ودي فدم أي حد بيحب بلده بجد

ليه الصوره قاتمه أوي
ليه منصحاش الصبح ونقول (الحمد لله يارب...بحبك أوي انك ادتني يوم جديد
أعيش فيه مبسوط وأحاول أحب بجد واعمل الحاجه اللي بحبها)

اه في كراكيب ونغبشه فرؤيتنا للحاجات حولينا
في صراع وفي كره
والمصيبه اننا بنعلي صوتنا بأننا بنكره
لكن لما بنحب....صوتنا بيكون واطي أوي

دا حتا الحب صحي ياجدع

لما تلاقي حد بيهتم بيك(ابوك ,امك,صحبك,حبيبك,جوزك...)
دي نفسها حاله تحمد ربك عليها

تلاقي حد بيهتم بيك
يطبطب عليك...يخاف انك تتوجع
يتحملك ويتحمل جنونك

بالذمه بعد دا كلو منحبش حتا نفسنا

دا حتا الاسلام أنتشر بحب الناس لبعضها
وبحب كل حاجه أحنا بنعملها وبنخلص ليها

انا بحب
ربنا
اهلي
اصحابي
كل حاجه حوليا حتا الهوا اللي بتنفسه

بحبه

وبقول لكل حاجه بتفرحني وبحبها

شكرا...
لكل حاجه خلتني سعيده ومبسوطه وجنبي ديمن
وانا فقمه جناني وجنوني
فقمه زعلي وفرحي

حتا وأنا سكته وشارده
بيكون في مليون حاجه تخليني أحب

يبقي نكره ليه
انا مبحبش أكره
مبعرفش أكره...اه في حالات ببقي مخنوقه وساعات ناس بيوصولتي لحاله اني هكره نفسي

بس بلاقي حبيبي ربنا يبعتلي حد يرجعني لقلبي وحبي لكل حاجه تاني

الحمد لله
علي نعمه ....الحب

هناك 7 تعليقات:

  1. الحمد الشكر ديما لربنا
    نشكره حتى فى الضيقات لانها بتقربنا قوى من ربنا
    وما اجمل واحلى ان نشكر الله برضا وبدون تذمر

    ردحذف
  2. الحب اللي لله في الله
    بيحلي الدنيا
    والحب الصادق بيحلي الدنيا
    ربنا يحليلك دنيتك

    ردحذف
  3. اهم حاجة لما نحب حاجة او نحب حد نقوله
    ونجيبله هدية بسيطة

    ولو حتى ورداية

    ^_^ طالما ان الحب دا بيرضى ربنا

    ردحذف
  4. ياريت الحكاية تقف على الحب بس ده مفيش حد بيعمل خدمة لحد او يمشي في مصلحة حد الا لما يكون له فيها مصلحة الاول

    ردحذف