الأحد، 30 ديسمبر، 2012

الامنيات في العام الجديد ... 2013



كل سنه وكل اللي بنحبهم طيبين يارب وبخير
بقالي فتره مدخلتش مدونتي او المدونات التانيه وعرفت ايه الاخبار
كان في مليون حاجه حصلت والحمد والشكر لله قبل كل شيء ان مازلنا عايشين 
(الفقره اللي جيه لونها موف هاند ميد علشان الاحداث)
باسم يوسف أستايل:)

لكل واحد فينا امنيات دائما فباله وفكل خطوه بيخطيها بتفضل هي موجوده ادامه وبيحاول علي مدار حياته يحققها

أما اللي فقائمتي فلم تزالي  ماهي مأثرتشي اوي الاحداث او بأي حاجه بتحصل

تلت او أربع حاجات نفسي فيهم من يوم ماوعيت علي الدنيا دي
واللي بيجري فيها
-نفسي اموت وربنا راضي عني واشوف رسولنا ويمدلي ايده 
مش خيفه من النار اد مانا خيفه ان ربنا يكون زعلان او غضبان مني
 -كل حد فينا عاوز يشتغل شغل كويس...انا نفسي اكون كويسه فأي مجال انا بشتغل فيه وبحبه وانا بحب شغلي حتا لو متعب وحتا لو مفيهوش انصاف بس كفايه عليا اني اكون متقدمه فمجالي وان يكون شغلي هو أحسن من اللي حوليا ودا بيسعدني جدا حتا لو بيتعبني اوي

-امنيتي ...اللي من جوايا وي
لما تحب حد اوي ويسيبك اوعي تزعل
انتا اتقيت ربنا فيه ومظلمتهوش وخنته او عملت حاجه من وراه وكنت عاوز تكون فالنور معاه فعلاقتك وفحلال ربنا
ويسيبك اوعي تزعل
ربك بعد الشر عنك وفيوم من الايام
ربنا هيكرمك بحد هيحبك اوي بجد لدرجه من حبه فيك انتا هتحبه عشان هو حبك اوي 
هتحبه لانه دعا ربنا من جواه انه يلاقي حبيب بجد وبتطس فيك بقا(الجمله دي من عندي )
وتلاقي نصك التاني المجنون شبهك او مختلف عنك بس فلحظه مش هتعرف تستغني عنه وتقول الحمد لله انك رزقني يارب بحاجه جميله اوي وفحلالك .. هتبص لنفسك فالمرايه وتبتسم وتفتكر كلامي
وهتقول الحمد لله علي كل اللي مريت بيه
وتفتكر الايه اللي حطتهالك خصوصي ولنفسي قبل كل شيء

ل عيان يخف ...
الحته دي ياما بتتعب اوي
يارب اشفي كل مريض

ــــــــــــــــــــــــــصـــــــــــــــــــــــــــــــــر
ياللي وجعالي قلبي
بدعي انك تكوني أحسن من اي بلد فالدنيا
بس مش عرفه الدنيا مودياكي علي فين
اسمع كلام اهلي وأسيبك وأهاجر
وانا مش عوزا دا
وبقاومه

انا عرفه انك مش فندق وقت ماالدنيا تبوظ هسيبك وأمشي
مهو لازم يكون في ناس موجودا علشان تصلح وانا عوزا أكون موجودا وقت التصليح

يرجعوا يقلولي ولو وقعتي ولا حصلك حاجه مين هيهتم بيكي؟؟

برجع افكر تاني
 نفسي امورك تتصلح
بأيدينا

يارب







هي دي قائمه أمنياتي

ونفسي ان كل الناس متنساش

أجمل واحلي حاجه لينا



تكاتفنا مع بعض

لحظه حلوه تجمعنا

فرحه جميله بتضم الكل

حتا الحزن لما بيجي...

بيخففه أيد تتطبطب عليك



سنه سعيده أن شاء الله

وتحققوا كل اللي انتو عوزينوا



:)
                 
      

هناك 9 تعليقات:

  1. كل سنة وانتى طيبة
    وربنا يحققلك كل ما تتمنى باذن الله
    وسنة سعيدة على الجميع ان شاء الله

    ردحذف
  2. كل سنة وانتى طيبة يارب وبالف خير ياجميلة

    ردحذف
  3. كل سنة وانت بكل الخير
    ويارب السنة الجديدة تكون عليك سعيدة
    وتحققي كل امنياتك :)

    ردحذف
  4. كل سنة وانتي طيبة وسنة سعيدة عليكي
    :)

    ردحذف
  5. التدوينه عجبتني اوي
    عفويتها جميله كأن طفله عاقله بتتكلم
    كل سنه وانتي طيبه وبخير

    ردحذف
  6. ربنا يحققلك كل أحلامك في السنة الجديدة 2013..
    ويجمعك مع من تحبين..
    ويبعد عنك شر من تكرهين..
    ويارب تكون سنة جميلة على مصر كلها ونبطل نلبس موف هاند ميد علشان الأحداث ههههههههه
    الله حافظ :)

    ردحذف