واخييييييييييرا :)

بعد ماخلصت اخر امتحان مكنشي في فدماغي غير الكلمه دي

واخييييييييييييييييييييييييييرا..خلصت امتحان يبشااااااااااااااااااااااااار...هييييييييييييييه:))

اخر امتحاناتي فالتعليم المصري كلوووووو...

موش هروح امتحانات تاني ولا هشوف كتب متضره اذاكرها ولا مواد موش بلعاها اصلا

لو حبيت ادرس ولا اخد حاجه هااااااااااااااخد حاجه بحبها موش مفروضه عليا من قبل التنسيق

بس احقاقا للحق كليه تجاره وبالذات جامعه القاهره دي ليها حجات مميزه فعلا:القعدات الجمده طحن مع اصحابك..لو عاوذ تحضر براحتك متحضرشي مع نفسك..تخرج وقت ماانت عاوذ من المحاضره وتعمل كل اللي انت عاوذو محدش هيقولك تلت التلاته كام

اخر يوم دا بأه..يااااااااه..حسيت بأن كل الاربع سنين اللي فاتو ذكراهم جت فدماغي مره وحده...كأن شريط بيعدي قدام عنيك..اول مره اكون فيه هنا واول مره اشوف اجدع صحاب واول تعاملاتي مع الحياه الخارجيه بره المدرسه..كل الحجات الصح والغلط اللي كانت هنا..حتي الشجره شكلها غير انهارده معرفشي ليه

قضيت اليوم كلو مع شلتي مبين التصوير فالاماكن اللي حبيناها وبجد موش هننساها لانها بقت جزء من روحنا وبعدين خرجنا

انا قعدت ابص شويه واخدت تجواله فالجامعه ابص فكل حته فيها ويعالم اذا كنت هاجي تاني هنا ولا لا..المدرجات والسور والكافتيرات وكل مكان روحتو بصيت عليه شويه..وبعدها انطلقت معاهم

وطبعا لما الواحد يروح وسط البلد اساشي الشوبنج وبالذات لما الشله يكون اغلبها بنات فتلاقينا عالفتارين هنا وهنا لحد ماجه اقتراح اننا نروح ناخد مركبه وبعدين فعلا عملنا كدا واخدنا مروكب لوحدنا:)

بجد الجو كان حلو ويسلاااام بقي لما تكون راكب مركبه وبتبص للنيل عدل بجد بتسرح جاااامد جدا وبتكون مبسوط

انا قعدت اتفرج علي المباني الشاهقه ذي البنك الاهلي المصري وكام برج جنبيه..بصيت للناحيه التانيه لقيت مباني مااجملها..بس اللي ضايقني لقيت ان معظمها سفارات ذي سفاره الهند والجزائر..قلت فنفسي طب ماعملهوهاشي فالمباني الجديده ليه وسابو المباني دي تبقي متاحف لان شكلها وموقعها فعلا جميل جدا.....ماااااعلينا

أتمشينا بعدها علي كوبري قصر النيل وبعدها علي مكان اسمه حديقه الجزيره اللي الصوره اللي فوق دي متاخده منو

بجد مكان رااااااااااائع جدا جدا وانا والبنات قعدنا عالسور اللي صورتو ده:)

بجد المكان نفسو لما تقعد عالسور وتبص للميه كدا ولل حاجه حوليها هيديلك احساس حلو لو انت متضايق..بس اكتر حاجه ضايقتني الحجات اللي بتحصل ورا

بجد شوفت حته منظر..احكي ولا بلاااااااااااااااش

احكي ياسوني....

احكي يعني انا موش مسئوله لو حد اشمئذ ولا حااااااااااجه؟؟؟

يااااااااااااااااااااااااابنتي خلصي...............حااااااضر

لقيت ناس ورا قعدين اتينات اتنينات وكل واحد باصص فورقتو علي رأي وحده صحبتي ومديها اممممممممممممواه جمده اوي:)

بجد انا عن نفسي اتضايقت من المنظر..يجماعه حرام عليكو دا مكان عام تعملو كدا ليه طب ماتستنو انت وهي لما ربنا يسهلكو ويبقي ارتباطكو رسمي بدال ممقضينها فالاماكن العامه كدا..والله شوهتو جمال المكان ,يلا ربنا يهدي...بس كفايه منظرهم لما الراجل بتاع الامن جه ادام امه لااله الا الله وقال للواد ياكابتن ياللي حاطط ايدك علي كتفها اقعد عدل لو سمحت..انا اكن نفسي تيجو تشوفو منظرهم وقتها قال يعني في بقيه احراج منطورين هنا ولا هنا عندهم..ولما جه يقوم من مكانو الواد قام مطوح اساشا مبقاشي عارف رايح فين ولا جي منين..حته منظر مضحك ومبكي فنفس الوقت..هما ليه الكل مستعجل كدا..طب ماتستني انت وهي ولما تبقي حلالك اعمل اللي انت عوذو

ولكل بنت..اوعي تتساهلي كدا..حتي لو بتحبي مووت جدا وبتموتي فاللي قدامك ,متتساهليش للدرجادي لان بجد كفايه نظره الاحتقار اللي هتبقي موجود سواء منو ولا من الناس..محدش بيحب اللي قدامه تبقي سهله خالص ولو عملتي كدا صدقيني حتي لو بيحبك جدا اهو خد الغرض وخلاصي مبقالكيش لاذمه

بجد اليوم معرفشي عدا اذاي....بس اهم حاجه اني انا واصحابي اتقفنا موش بالكلام بس مجرد اتفاق...موش هننسي بعض ابدا ولا ايامنا تتنسي بأذن الله

ربنا يارب يفضل مجمعنا ديما فكل حاجه حلوه او مره بأذن الله..اللهم امين:)

ادعوووووووووولي شكرا:)

بما ان امتحاني بعد بكرا

عوذه دعواااااااااااااااااااات جمده جدا من اهلي وولاد منطقتي

ادعوليييييييييييي شكرا

واهي المناظر دي بتحصل فعلا

هو اللي عمله صح ولا غلط؟؟؟؟؟؟؟؟؟؟

هو اللي عمله دا صح ولا غلط؟؟؟
دا سؤال وجه فجمجمتي لما كان بيحكيلي حكايته
حبها لدرجه العشق..مأتمناش حد غيرها معاه..من كتر حبها أستحوذت علي قلبه وعلي عقله وعلي تفكيره واحنا بنسأل..هل حد ممكن يحب حد للدرجادي
المشكله مكنشي فيه دا كانت فيها..
اتقدم ليها رسمي ذي ماكل الناس الصح بتعمل..هي اللي خافت وهربت
وسألني:هي ليه عملت كدا؟؟
ملقتشي اجابه ارد عليه..قالي يمكن هي موش وثقه فيا؟
قلتلو لو كدا ماكنتشي حبتك من الاول وانت عملت الصح انك رحت وطلبت ايديها
قالي طب ليه عملت كدا؟؟قلتلو ممكن تكون خيفه او متردده..بعد عنها شويه وهي رجعتلو تاني..قلت انا طب الحمد لله انكو رجعتو لبعض
من كتر ماحبها فعلا..أتخلي عن شغله اللي قضي فيه وقت طويل علشان شريكه بنته كانت معجبه بيه ومياله ليه..ساب الشغل اللي ياما تعب فيه وسهر فيه وخسر فيه رأسماله وتعبه ومجهوده علشانها..بس علشانها وعلشان يقولها انه موش لحد تاني ليها
بيقولها انه مستعد يخسر الدنيا كلها علشان خاطرها هي وبس
لما حكالي كدا..انا الصراحه معرفتش ارد او اقوله حاجه
كل اللي قلته ليه:يارب هي تكون بتستاهل كل ده
رد عليا:دا اللي خايف ومقلق منه..بعد ماسبت كل حاجه بس علشان اقول ليها انها كل حاجه واني مستعد اسيب الدنيا علشان خاطرها..بس خايف لحسن تبعد تاني وتعمل ذي اللي حصل قبل كدا..لما روحت لبيتها وهي اللي خافت
قلتله سبها علي ربنا
بس اللي جه فبالي..ياتري هو عمل الصح ولا ده غلط
انه يسيب كل حاجه علشانها وفي ذره قلق جواه من ناحيتها
اتكلمت مع ناس كتير وأخدت رأيهم...قالولي ماكنشي ينفع اللي عملوه ده
يتخلي عن كل حاجه علشان خاطرها...مينفعشي
بس بجد صعب ان حد يحب حد كدا..وفالاخر حصل ذي ماتوقعت..من ساعه ماعرفت لا اتصلت ولا كلمته..قالي انا خلاص عرفت الرد
بجد ماعرفتش اقوله ايه..لانه ادي ثقه لحد غير اهل للثقه دي او انه يعمل حاجه بتضر بمستقبله من غير مايكون واثق جداااااا من الطرف التاني
سؤالي لاهل التدوين..لو حد بيحب حد اوي,ممكن يسيب شغله او يضحي بمستقبله علشان خاطر الطرف التاني حتي لو موش واثق فيه؟؟؟
اعذروني يجماعه علي عدم ردودي عندكو او عندي..بس ربنا عالم بالحال وامتحاناتي اللي هتبتدي بعد اسبوع
بس متابعه لكل عالم التدوين واهلو علي اد مااقدر..دعواتكو ليا..تحياتي

ادعوووووووووووووووولي

اعذروني ياجماعه اني مردتش علي تعليقات البوست القديم بتاعي
لاني دلخت فدوامه الامتحانات والمذاكره لأن امتحاناتي قربت جدا جدا
فأعذروني لاني موش هكون فعالم التدوين الفتره اللي جايه الي ان اخلص من الامتحانات لانها اخر سنه بقي:)
يعني بعد كدا بأذن الله قعدااااااااااااااالكو قعداللللللللللللللكو
لاني موش هيبقي ورايا غيركو خلاص...ههههههههههه

ومن هونا من هذا البوست بقول لسها صاحبه مدونه سكره وبحر الحياه:الف الف مليووووووووووون مبروك ياحببتي والهي يتمملك بخير كدا
وبجد كان نفسي اكون معاكي بس للاسف يوميها عندي امتحان..شوفي
يلا تتعوض في فرح حد تاني بقي:)

ولو مااقدرتش يعني اعلق او اجي عند حد فموش تذعلو مني لاني موش يبعدني عنكو غير الشديد القوي واهو هحاول كل شويه اجي عند حبايبي
عوذه دعوااااااااااااااااااااااااااااااااااااات جمده جدا جدا جدا من اهلي وولاد منطقتي وحبايبييي
يلا اشوفكو علي خير بعد دوامتي دي:)

رساله الي قاسم امين

استاذ قاسم أمين..السلام عليكم ورحمه الله وبركاته
أرصد اليك حال مأل اليه احوال المرأه والتي دافعت عنها بأستماته ودافعت عن حقوقها
وكتبت عنها اشهر الكتب والمقالات ومنها تحرير المرأه وجميع مقالاتك للدفاع عن حقوقها في الوقت الذي حاربت فيه عقولا وخصت حروبا لم ترد ان تعطي للمرأه حقوقها
أكتب اليك ونحن في العام العاشر بعد الالفيه الثالثه حيث التطور والحريات او هكذا نتصور
هل كنت تقصد بحريه المرأه هي حريه عقلها وتفكيرها...ام تقصد الحريه من ملابسها والتي صارت المراه الان مابين سفور او تشدد
وهذا فالملابس اما عن العقل فلا قرأه ولا تفكير غير في اسئله معينه:ماذا سأرتدي عندما اخرج...ماذا سأفعل عندما اذهب الي المدرسه او الجامعه..من سأقابل وماذا سنفعل معا
عذرا استاذ امين ولكني الان احس بأحباط شديد..كنت اظن عندما اذهب الي الجامعه سأقابل مفكرات وبنات مثلي يحبون القرأه ويستهوين بالكتب والاحاديث التي تنمي عقولنا وتفكيرنا وتعيننا علي مواجهه المجتمع
لكني رأيت مااحبطني فعلا..شابات لاهم لهن الا فالتفكير الا فيمن ستجعله زوجا لها وكيف توقعه في براثنها,عندما يخرجن من سيقابلن وعلي اي شكل ستكون عليه
اما الاهتمام ببناء الشخصيه والعقل والتفكير فاللهم الا عدد قليل جدا يعد علي اصابع الايادي
لا اريد ان احبطك انت ايضا وأقول لك ان مجهودك قد ذهب سدي هكذا...ولكن نحن نحاول سيدي ونحن في مجتمع مازال الكثيرون منه يتحدثون عن حجاب المرأه ونقابها وان الاحسن لها ان تجلس في بيتها وترعي اولادها بدالا من العمل في المجتمع وتنميته واذا كانت تصلح قاضيه ام لا؟؟
ومازلنا بعد هذه السنوات نجد في مجتمعنا من ينادي بجلوسها فالبيت فقط وان عليها انجاب الاطفال فهذه وظيفتها فالحياه..احس يااستاذي عندما استمع اليهم انهم يغمون عيوننا فلا نري ولا نستمع ولا نفكر
لكني بأعلي صوتي اقول لا
اريد ان اشارك في مجتمعي...ان اعمل وان اتعلم وان اعرف الصواب وأقع في الخطأ لكي اتعلم منه ولا افعله مره اخري
اريد ان اشارك برأي واحس ان له قيمه وفائده..اريد عندما ينظر ابي وامي وعائلتي لي ينظرون الي نظره فخر بي..لا ينظرون الي ولا كأنني كما يقال"كماله عدد"
اريد ان اصنع حياتي..لا ان تصنع لي
اريد ان اتعرف كل يوم علي شيء جديد...ثقافات وعادات مختلفه..لغات واحداث وتواريخ تصنع العالم وتحركه..لاان ابقي مثلي مثل اي شيء موجود في البيت..اثاث وزينه فقط
اريد ان اعمل مالم يؤثر هذا العمل علي بيتي وعلي من حولي..بل اساعد في بناءه وبناء المجتمع
اريد ان اكون انا لااحد غيري
وفي النهايه..سلام للذي ازاح الغمامه علي عيوننا
تحياتي

عيد ميلااااااااااااااااااادي

دي تورته عيد ميلادي واللي ملحقتش اتهني بيها
اصل حصل هجوم كااااسح عليها:))
النهارده وتحديدا من 21 سنه كدا....جت سوني للكون
تخيلو بقي يعني اييييه سوني جت للكون:)
حاجه فظيعه انا عرفه:))
بس بجد النهارده كان يوم حلو اوي
لاني احتفلت بعيد ميلادي وسط احب خلق الله لقلبي...اصحابي
بجد جت لحظه من اللحظات اللي قلت ان محدش يجي لانهم كانو أتأخرو عليا وانا جبت التورته وظبطت المكان وكل حاجه..وحد من الحبايب اللي اتكلمت عنهم قبل كدا ولحظي كان موجود وقعد يقول:مفيش حاجه اسمها اصحاب ودول موش اصحابك ولا اصلا هيجو
بس سبحان الله وقتها ابتدو كلم يظهرو شيئا فشيئا...ناس سابت فرح قرابيها واصحابها وجم يقعدو معايا شويه يقولولي كل سنه وانتي طيبه...ناس تانيه سابو محاضراتهم وقعدو معايا اليوم بطوله...وناس بجد كانت محتاجه تنام لانهم مبين الشغل والمذاكره وبالرغم من كدا جم بردو:)
بجد فرحت اوي لان ول جم علشان خاطري..بالرغم من اني عذمت ناس تانيه..بس كفايه ان اليوم وضحلي مين للي بيعذني بجد من اللي ولا اكون اي حاجه فحايتهم
وذعلت من نفسي لاني ولو للحظه شكيت انهم موش هيجو ويكونو معايا
بالرغم من انهم مجابوش هديه وقعدو يقولو كفايه وجودنا النهارده معااكي..موش كفايه ولا اييييه...بيثبتوني ولاد اللذين..هههههههههههه
بجد شكرا للمدونين اللي بجد كانو معايا من امبارح وميرسي ليكي يامنون علي الهديه اللي قلتليلي عليها..بأذن الله هعملها بس لما النت يرجع تاني حيثو انني بكتب دلوقتي من عند بنت خالتي اللي محتله الكبيوتر بتاعها...موش الجيش قلك اتصرف:)
وبشكر ربنا اولا واخيرا علي وجود احب واجمل واحلي ناس فحياتي...اصحابي
يارب خليهم ليا ..اللهم امين
وكل سنه وانا طيبااااااااه:))
تحياتي

شهاده

الصوره اللي فوق دي صوره شهادتي واللي بجد اتبسطت قوي اني اخدتها امبارح في حفله مشهوده استمرت 4 ساعات وطبعا جالي صداع من الحفله..بس الحمد لله اليوم عدا علي خيييييير:)
وطبعاخبيت الاسم..تقولولي ليييه هقولكو رخامه..اصلي لما بحب ناس ذي مابحب عالم التدوين بحب ارخم عليهم:))
واللي تحتها شعار مودل مايو اللي كنت فيوم من الايام جزء منو...بجد اتبسطت جدا اني شوفت كل اللي اكتسبتهم كأصدقاء بجد امبارح..متتخيلوش فرحتي ان ربنا جمعني بيهم تاني كلهم بعد اما افترقنا بفعل عامل الزمن بس كنا والحمد لله بنسأل علي بعض ...بجد ناس مهما قلت عنهم فدا هيبقي قليل فحقهم اوي
مودل مايو بجد لقيت حاجه فرغت طاقتي فيها..الطاقه اللي كل شاب نفسه انه يعمل حاجه او يشارك فحاجه مهمه ويحس انها مفيده لبلده علي الاقل لما يتعلم معلومه أو يشارك في صنع قرار واذاي يتعلم انه يفكر صح ويتكلم صح ويشارك بالراي والناس تسمعه
بجد اتبسطت اني كنت معاهم فيوم من الايام واتبسطت اكتر لما اخدت شهادتي بالرغم من اننا المفروض ناخدها من السنه اللي فاتت بس ربنا اراد انها تيجي متأخره علشان نشوف بعض تاني ونتجمع تاني وبجد بالرغم من الصداع اللي جالي بعد حفله استمرت اربع ساعات....بس كله اتمحي فثانيه لما شوفت فرحتهم بيا وفرحتي بيهم وذكريات خمس شهور للتحضير للمؤتمر بتاعتنا واللي كل شخص فينا مثل دوله واتكلم عن مشاكلها وحاول ايجاد حلول ليها.....والكلام عن السياسه والاجتماع والاقتصاد والانتماء ومعلومات ذكرياتها فقلبي لحد دلوقتي وموش هقدر انساها
بجد الحمد لله اني كنت فيوم جزء من مودل مايو واني عرفت ناس ذيهم
يارب ديما تكون الحجات دي فبلدنا تقدر تعمل حاجه وتصلح حاجه علي قد ماتقدر..
تحياتي