السبت، 26 يونيو، 2010

واخييييييييييرا :)


بعد ماخلصت اخر امتحان مكنشي في فدماغي غير الكلمه دي

واخييييييييييييييييييييييييييرا..خلصت امتحان يبشااااااااااااااااااااااااار...هييييييييييييييه:))

اخر امتحاناتي فالتعليم المصري كلوووووو...

موش هروح امتحانات تاني ولا هشوف كتب متضره اذاكرها ولا مواد موش بلعاها اصلا

لو حبيت ادرس ولا اخد حاجه هااااااااااااااخد حاجه بحبها موش مفروضه عليا من قبل التنسيق

بس احقاقا للحق كليه تجاره وبالذات جامعه القاهره دي ليها حجات مميزه فعلا:القعدات الجمده طحن مع اصحابك..لو عاوذ تحضر براحتك متحضرشي مع نفسك..تخرج وقت ماانت عاوذ من المحاضره وتعمل كل اللي انت عاوذو محدش هيقولك تلت التلاته كام

اخر يوم دا بأه..يااااااااه..حسيت بأن كل الاربع سنين اللي فاتو ذكراهم جت فدماغي مره وحده...كأن شريط بيعدي قدام عنيك..اول مره اكون فيه هنا واول مره اشوف اجدع صحاب واول تعاملاتي مع الحياه الخارجيه بره المدرسه..كل الحجات الصح والغلط اللي كانت هنا..حتي الشجره شكلها غير انهارده معرفشي ليه

قضيت اليوم كلو مع شلتي مبين التصوير فالاماكن اللي حبيناها وبجد موش هننساها لانها بقت جزء من روحنا وبعدين خرجنا

انا قعدت ابص شويه واخدت تجواله فالجامعه ابص فكل حته فيها ويعالم اذا كنت هاجي تاني هنا ولا لا..المدرجات والسور والكافتيرات وكل مكان روحتو بصيت عليه شويه..وبعدها انطلقت معاهم

وطبعا لما الواحد يروح وسط البلد اساشي الشوبنج وبالذات لما الشله يكون اغلبها بنات فتلاقينا عالفتارين هنا وهنا لحد ماجه اقتراح اننا نروح ناخد مركبه وبعدين فعلا عملنا كدا واخدنا مروكب لوحدنا:)
بجد الجو كان حلو ويسلاااام بقي لما تكون راكب مركبه وبتبص للنيل عدل بجد بتسرح جاااامد جدا وبتكون مبسوط
انا قعدت اتفرج علي المباني الشاهقه ذي البنك الاهلي المصري وكام برج جنبيه..بصيت للناحيه التانيه لقيت مباني مااجملها..بس اللي ضايقني لقيت ان معظمها سفارات ذي سفاره الهند والجزائر..قلت فنفسي طب ماعملهوهاشي فالمباني الجديده ليه وسابو المباني دي تبقي متاحف لان شكلها وموقعها فعلا جميل جدا.....ماااااعلينا
أتمشينا بعدها علي كوبري قصر النيل وبعدها علي مكان اسمه حديقه الجزيره اللي الصوره اللي فوق دي متاخده منو
بجد مكان رااااااااااائع جدا جدا وانا والبنات قعدنا عالسور اللي صورتو ده:)
بجد المكان نفسو لما تقعد عالسور وتبص للميه كدا ولل حاجه حوليها هيديلك احساس حلو لو انت متضايق..بس اكتر حاجه ضايقتني الحجات اللي بتحصل ورا
بجد شوفت حته منظر..احكي ولا بلاااااااااااااااش
احكي ياسوني....
احكي يعني انا موش مسئوله لو حد اشمئذ ولا حااااااااااجه؟؟؟
يااااااااااااااااااااااااابنتي خلصي...............حااااااضر
لقيت ناس ورا قعدين اتينات اتنينات وكل واحد باصص فورقتو علي رأي وحده صحبتي ومديها اممممممممممممواه جمده اوي:)
بجد انا عن نفسي اتضايقت من المنظر..يجماعه حرام عليكو دا مكان عام تعملو كدا ليه طب ماتستنو انت وهي لما ربنا يسهلكو ويبقي ارتباطكو رسمي بدال ممقضينها فالاماكن العامه كدا..والله شوهتو جمال المكان ,يلا ربنا يهدي...بس كفايه منظرهم لما الراجل بتاع الامن جه ادام امه لااله الا الله وقال للواد ياكابتن ياللي حاطط ايدك علي كتفها اقعد عدل لو سمحت..انا اكن نفسي تيجو تشوفو منظرهم وقتها قال يعني في بقيه احراج منطورين هنا ولا هنا عندهم..ولما جه يقوم من مكانو الواد قام مطوح اساشا مبقاشي عارف رايح فين ولا جي منين..حته منظر مضحك ومبكي فنفس الوقت..هما ليه الكل مستعجل كدا..طب ماتستني انت وهي ولما تبقي حلالك اعمل اللي انت عوذو
ولكل بنت..اوعي تتساهلي كدا..حتي لو بتحبي مووت جدا وبتموتي فاللي قدامك ,متتساهليش للدرجادي لان بجد كفايه نظره الاحتقار اللي هتبقي موجود سواء منو ولا من الناس..محدش بيحب اللي قدامه تبقي سهله خالص ولو عملتي كدا صدقيني حتي لو بيحبك جدا اهو خد الغرض وخلاصي مبقالكيش لاذمه
بجد اليوم معرفشي عدا اذاي....بس اهم حاجه اني انا واصحابي اتقفنا موش بالكلام بس مجرد اتفاق...موش هننسي بعض ابدا ولا ايامنا تتنسي بأذن الله
ربنا يارب يفضل مجمعنا ديما فكل حاجه حلوه او مره بأذن الله..اللهم امين:)

هناك 42 تعليقًا:

  1. ألف مليون مبروك



    صدقيني

    أجمل أيام

    وهتتمني أنها تعود

    ردحذف
  2. مبروك .
    بنبارك ونهني ..
    وفي اعتقادي ان التعليم المصري كله فيه خلل
    عبال لما ادارة البلد تتصلح وتصلحه .
    وربنا يتوب علي الجميع شباب وبنات
    اما اصحابك فوديهم لاني بعد فترة معظم زمايلنا اللي كانوا جدعان نفضوا للجميع
    تحياتي
    ومبروك مقدما علي النجاح .. اول واحد ابارك اهه

    ردحذف
  3. مبرووووووووووووووووك عليكي
    وعقبال التخرج والنجاح

    تحياتي

    ردحذف
  4. مبرووووووووووك انك خلصتي
    و عقبالي يارب ^_^

    ردحذف
  5. أزال المؤلف هذا التعليق.

    ردحذف
  6. مبروووووووووووووووك... عقبال النتيجة..

    ردحذف
  7. مبرووووووووووووك يا سونى ولو انك هتندمى على الايام الجميلة بس ان شاء اللة الجاى يكون اجمل
    أشوف بأة بوستاتك الجديدة كل يوم بوست مش خلاص فضينا
    تحياتى وقبلاتى

    ردحذف
  8. مبروك التخرج عقبال الوظيفة والجواز ولو ان ايام الكلية ما تتعوضش لانها اجمل ايام العمرة

    ردحذف
  9. بجد اجمل ايام
    فعلا متتعوضش
    واخر يوم فعلا بيبقى اصعب يوم
    بتكونى فرحانة انك خلصتى
    وفى نفس الوقت زعلانة انك هتبعدى عن المكان اللى اتعودتى عليه اربع سنين
    وعن اصحابك وشلتك وقعداتكم الحلوة

    يارب الجاى يبقى اجمل

    وعندك حق جدا فى موضوع البنات والولاد ده
    مش عارفة ايه الهبل ده
    الافلام بوظتهم
    الحمد لله معندناش كده فى دمياط
    محدش بيفكر حتى يعمل كده كبيرهم يقعدوا مع بعض فى الكافيتريا او يتمشوا لغاية ما يلاقوا اوتوبيس فاضى

    عقبال يا جميل ما نباركلك يوم ما تاخدى البكالريوس رسمى فهمى نظمى

    رجـــــاء
    ** ياريت تكبرى الخط شوية وتشيلى كلمة التأكيد

    دمتى بكل الخير والهنا

    ردحذف
  10. مبرووووووووووووووووك
    وعقبال النتيجه وبتقدير كمان
    ربنا يسعد اوقاتك

    ردحذف
  11. مبروووووووك
    طب وليه كده مش ناوي على دبلومة هنا
    ماستر هناك
    كورس كذلك ههههههههه
    خالص تحياتي
    موجة

    ردحذف
  12. ايام مش هتتعوض بس بأذن الله تقابلك ايام احلى وتبقى اجمل بس تقدرو تفتكرو الايام دى من وقت للتانى لما تتجمعو وتتكلمو وتستعيدو الذكريات

    والمناظر بتاعت النيل فعلا روعه بلدنا فيها اصلا كام مكان كدا سبحان الخلاق لسه مشوهتوش ايدى الانسان لسه بجماله

    اما بالنسبه للاخوه اللي قاعدين يحبو فى بعض والحب ولع بينهم فى الدره دول اصلا مش بتوع جواز لو البنت مخدوعه ومفكره انه بعد عمايله دى هيتجوزها فكان لازم تشوف انه مش خايف عليها علشان يسيب كل من هب ودب يتفرج عليها فى الموقف دا ولا يقولها كلمه ملهاش لازمه , عامة كل واحد عقلو فى راسو يعرف خلاصو
    ربنا يهدى الجميع ويوفقك دايما يا رب وتصورى لينا اماكن اكتر لأن بلدنا فيها اجمل فعلا
    واصلا هما المفروض يجمعو السفارات من الاماكن دى ويخلوهم كلهم فى مكان واحد مش ياخدو اماكن بارزه من تراثنا اهو علي الاقل نستفيد بيهاولو بصوره للذكرى مش نتمنع من المرور جنبها ولا حتى المشى علي رصيفها والله دا تهريج
    خالص تحياتى ليكى

    ردحذف
  13. مبروووك

    جية متأخرة انا عارف (:

    و ربنا معاكى فى حياتك الجية و يكون قدامك فى اختيراتك

    شكرا للزيارة و التعليق (:

    بالتوفيق

    ردحذف
  14. مصري جدا:الله يبارك فيك يااااااااااااااااااارب:)

    ردحذف
  15. MR.PRESIDENT:ربنا يسهل ياااااااااااااااااااااارب
    انا بود الكل علي اد مااقدر بس في ناس بجد عاوذ يتولعه فيها رسمي

    ردحذف
  16. Haytham Alsayes:ميرسيييييييييييييييييييي
    ودعواتكو علشان النتيجه:)

    ردحذف
  17. سبايدرمان:وعقبالك وعقبال الجميع يااااااااااارب:)

    ردحذف
  18. سمع هوص (Abo 3li) :يسمع منك ربنا يااااااااااااااااااااااااااااااااااااااااااااااااااااااااااااارب:)

    ردحذف
  19. Single Mummy:ميرسييييييييييييييييييييييييييييي
    والله بحاول افضي بس اهو علي اد مااقدر لانهم خلاااااااااص
    بما اني فضيت فمسكوني البيت
    وتخيلي بأه لما سوني تمسك اداره شئون البيت
    انا موش هقوووووووووووووووول:))

    ردحذف
  20. صوت من مصر:الله يسلمك يااااااارب:)

    ردحذف
  21. شفـقــة و إحســــان:الله يبارك فيكي
    وربنا بس يسترها علي جااي لاني مرعوبه وخايفه جداااااااا:)

    ردحذف
  22. حاجات جوايا :شكرا لتعليقك
    بس هعمل اييه فالخط
    الويندوز اللي عندي وحش جداااااااااااااااااااااااااااااااااا
    وللاسف حتي لما بكتب موش بيطلع الكتابه
    اعمل ايييييييه يعني؟؟؟؟؟؟؟؟؟؟؟؟

    ردحذف
  23. mrmr:يااااااااااارب
    وسنكس عالدعوا:)

    ردحذف
  24. موجة :مبرووووووووووووووووك ليا انا بردو يماااااااااااااااااااااان
    مبروك ليييييييييييك انت
    ويارب يتمملك بخير
    واجي فرحك كدا وافرح فيك ذي مابفرح فأصحابي
    اللهم امين:)

    ردحذف
  25. nour shahen :بجد انا شفت شويه حجات حلوا
    اللي عاوذ يشوف بجد مصر الصبحيه ياهخد موركب ذينا كدا
    وساعه فالنيل ..تأجيرها لمده ساعه دي ب60 جنيه حتي لو لوحدك
    بس بجد هتنبسط اوي:)
    انا اتبسطت جداااااااااااااااا
    بس كان معايا صحبه
    الله لايوريك
    قبلوها نكااااااااااااااااااااااااااااد...بنات بقي مهو انت عارف:)

    ردحذف
  26. Ramy:لامتأخره ولا حاجه
    تشرف فأي وقت:)

    ردحذف
  27. سلامو عليكو..
    مبروك يا قمر
    وعقبال العريس

    انى احبك فى الله

    ردحذف
  28. مبرووووووك مقدما وبالنجاح باذن الله
    بس ايه ده فى حد يكون مبسوط انه خلص جامعة
    انا بكون مبسوطة انى خلصت امتحانات وقرف
    بس بزعل علشان ببعد عن اصحابى :(
    اما موضوع البنات والاولاد فربنا يهديهم يارب

    ردحذف
  29. (ست* جنى* الحسن):وعليكوووووووووووووووووووووووووووو السلام:)
    سنكس لمرورك ..وانا كمان بحبك فالله
    وسؤااااااااااال:كلكو مستعجلين عليا لييييييييه
    هو انا خناقاكو كدا؟؟؟؟؟؟؟؟؟؟؟؟؟؟

    ردحذف
  30. احاسيس آيوشه:والله انا لاذعلانه وملامبسوطه
    انا فحاله كدل
    مبين دا ودا
    مبسوطه اني خلصت
    بس مرعووووووووووووبه من اللي جاي...ربنا يستر
    وربنا يهدي الجميع..اللهم امين:)

    ردحذف
  31. الف مليووووووون مبروك وعقبال النتيجه بتقدير ان شاء الله

    تقبلى مرورى

    دمتى فى حفظ الرحمن

    الحب الجميل

    ردحذف
  32. أزال المؤلف هذا التعليق.

    ردحذف
  33. الحب الجميل:بجد شكرا ليكي
    ودعواتك:)

    ردحذف
  34. اصحى يا نايم ووحد الدايم

    (حملة الجسد الواحد)

    أرجوا من المدونين الموقرين أن يضعوا شعار الحملة واسمها فقط فوقها (حملة الجسد الواحد) في الشريط الجانبي لمدوناتهم كدلالة على وحدة صف أمة محمد، ومن أجل قيام الولايات المتحدة الإسلامية

    لمزيد من المعلومات

    http://dndanh111.blogspot.com/2010/06/blog-post_14.html

    جعله الله في ميزان حسناتكم .. آمين

    ردحذف
  35. عقبال مانباركلك على النجاح ان شاء الله

    ردحذف
  36. موناليزايااااااااااااااااااااااارب
    يارب
    يارب
    يارب
    يارب
    يارب
    يارب:)

    ردحذف
  37. بقي نزلتي وسط البلد ومأكلتيش ايس كريم م العبد ....يااااة دا انا بموووووووووووووت فيه ده الاغراء اللي بيقدمهولي اصحابي عشان اجي القاهرة
    انا كمان علي فكرة جامعة القاهرة بس اعلام بقي يعني احنا جنب بعض شوية ...وبالنسبة للمركب ده انا بقي شوفت فيه الرقص علي اصوله بس اييييييية ويومها جيت كتبت اللي حصل ف مدونتي , بس بجد الفسحة ف المركب تحفة وكمان شفت مبني التليفزيون وافتكرت فيلم صغيرة علي الحب , يااااة نسيت اقولك ميرسي علي زيارتك مدونتي وبجد مدونتك لذيذة انا مريت علي كام موضوع فيها , بس علي فكرة انتي هترجعي تزعلي علي ايام الكلية دي اصلها جميييييييلة اووووي , عموما ربنا ينجحك ويوفقك
    تقبلي مروري وودي

    ردحذف
  38. re7ab.sale7:لاا العبد....دا احنا هناااااااااك علطول من ايام ثانوي
    مهي مدرستنا كانت فوسط البلد:)
    واحنا علشان كدا اجرنا مركب لوحدنا...عاااااااااااالم تاني خااااااااااالث
    وانا كدا كدا ذعلانه اساشا من غير ولا حاااجه.....موش عرفين نتجمع مع بعض خالص دلوقتي:(
    يلا ربنا سيوفق الجميع يااااااااارب

    ردحذف
  39. عقبال النجاح ياقمر ويارب تشتغلى فى احسن مكان فى الدنيا

    ردحذف
  40. طوبه فضه وطوبه دهب:يااااااااااااااااااااااااااااااارب
    دعواتكو بأ÷

    ردحذف