الخميس، 18 مارس، 2010

هل دا يبقي حب؟؟؟؟؟؟؟؟؟




سوأل وجه فجأءه فالجمجمه بتاعتي
هل في حاجه اسمها كرامه بين اتنين بيحبو بعض ولسه علي الاقل مكنش في ارتباط رسمي من اساشه
هل لما نحب حد نعمله كل حاجه من غير مانفكر اذا كانت صح ولا غلط
هل دا يبقي حب؟؟؟؟؟؟؟؟
اللي خلاني اسال الاسئله دي وانا مقتنعه ان في حاجه اسمها كرامه وان في حاجه اسمها احترام متبادل بين شخصين بيحبو بعض
وكنت فاكره ان كل الناس فاكره كدا
لكن اللي خلا الاسئله دي طلعت فجأه عندي موقف حصل قدامي
خير اللهم اجعله خييييييييييييير
انا روحت الكليه اول امبارح وقعده مع اصحابي بعد المحاضرات وقلنا نستريح شويه مهو من الارهاق خمس ساعات محاضراااااااات ورا بعض من غير بريك
خمسه حتي
المهم
واحنا قاعدين ,لقيت بنت وولد عاادي جدا قعدين مع بعض
اخلصي ياسوني علشان ورانا حجات وكملي الحكاااااااااااااااايه
حاضر اهو,سيبكو بأه من اللبس والكلام دا اكيد انتو عرفين انا موش هنتقد اللبس دي حريه شخصيه انا هنتقد التصرف اللي حصل قدامي
صراحه انا من نوعيه لما الاقي حاجه غلط بتحصل قدامي ....بروح مثلا واتكلم
اقول لو سمحتي دا حصل كذا ودي شيفاها غلط...واقعد اتكلم مثلا عن الصح وكدا
موش بقول مثلا اني فوق الكل وموش بغلط...لا انا بشر برضه بس الموقف بجد انا كان نفسي اروح اضرب البت دي (بخلاف موضوع الهدوم اللي كانت لبساها المفروض يعني انها محجبه وهي لاتنتمي للمحجبات بأي صفه اساشا نوص الشعر باين والهدوم بادي شويه وطااااااالع والذعطلون شويه وناااااذل)
يخرب بييييييتك يافرساتشي ياللي مخلي كله ياطااااااااااااااالع يناااااذل
علشان مطولشي عليكو...انا لقيت الاخ اللي معاها دا قام كدا ذي الباشا وخلع رباط جذمته
وبصووووووت عالي..اربطي رباط الجذمه بتاعتي
انا صراااااااحه جتلي حاله اذبهلال وتوقعت ان البت هتديله اقلها قلم علي وشه لانه بالطريقه اللي بيكلمها بيها لاهي طريقه حد بيحب حد ولا دا تعامل مع حبيبه ابدااااااا
لكن حصل العكس
لقيت البونيه ابتسمت كدا وربطت الروبااااااااااااط
يالهوتيذ................اذااااااي؟؟؟؟؟؟؟؟؟؟
لا وشوفو بعد ماربطتها قام فكها ونفس الشخطه والنطره هي هي وربطت جذمته تاني
انا صراحه كان نفووووووووخي من دماغي هيشيط وكنا قعدين بنشوف اللي بيحصل ده
انا قولت لا لاذم اروح اقولها ان دا ضد كرامتها ومينفعشي كدا
لقيت اصحابي مسكوني وقلولي متروحيييش,قلتلهم انا موش ريحه اضرب ولا حاااااااااجه
ههههههههه انا ريحه افهمها بس
قالولي تفتكري يعني موش عرفه وفهمه...لا عرفه بس مطنشه بمذاجها وممكن لو روحتي تقولك كلام ميعجبكيش وهتقولك وانتي مالك وفلأخر الشكل العام موش هيبقي حلو
وطبيت وسكت
للدرجادي ان لو حد ادي نصيحه ممكن ان اللي قدامه ميتقبالهاشي ويقوله كلام يضايقه حتي لو دا فمصحلته
للدرجادي لو حد حب قوي ميبقاشي فيها كرامه اصلا
مهو ياحاجه من اتنين:يأنا اللي فهمي غلط
ياالي حواليا دول عالم واحنا من عالمون اااااااااااخر
حد يفهمني ياااااااااااااااااجودعااااااااااان
وليه الاجر والثواااااااااب...(وش موذبهل وبيضحك)
ههههههههه

هناك 56 تعليقًا:

  1. تفتكري العلاقة اللي بين الاتنين اللي انت بتتكلمي عليهم يمكن نسميها حب نو ابسولوتلي على رأي العزيزة شيماء سميها ما شئت تسلية تمضية وقت ماشئت لكن لاتسميها حباابدا فالحب أرقى من هذا بكثير الحب شعور جميل من ابجدياته الاحترام والخوف على الطرف الاخر حتى اكثر من نفسك
    الحب في الأرض بعض من تخيلنا *** لو لم نجده عليها لاخترعناه
    دمت بكل الود عزيزتي

    ردحذف
  2. الحكاية غريبه شويه
    لكن يا سوني دول مش اتنين بيحبوا بعض
    دول اتنين بيتسلوا وبيقضوا وقت
    البنت والواد
    النوعيه دي من البشر بقت كتير اوي وانتشروا انتشار فظيع
    اساسا لما بيخلصوا جامعه دا اذا كانوا خلصوها كل واحد بيعيش حياته وبينسي اللي كان
    ربنا يهدي الجميع

    ردحذف
  3. يا نهار منيل بـ 60 نيلة ,, رباط الجزمة !!! هي حصلت
    انتي ازاي اصلا مقومتيش ادتيها قلمين علشان تفوق ولا حتى جبتيها من شعرها !!!
    دي عملتلنا سمعة الله يسامحها هههههههههه

    اولا انا عندي رأي في موضوع الكرامة والحب ده
    لما يبقى حب بجد عارفه انتي الحب اللي بجد ده "ده اللي اقصده بقى"
    لما يبقى حب بجد يبقى مفيش حاجه اسمها كرامة بينهم اصلا
    لانهم الاتنين واحد يعني كرامتهم واحده
    يعني مستحيل هيجرحها وهو قاصد ومستحيل هييجي عليها وهو قاصد ومستحيل هيهينها وهو قاصد
    لكن لو بحب حد وجرحني او أهاني او جه عليا بقصده يبقى في كرامه ونص كمان
    لان ده مش هيبقى حب اصلا

    اول زيارة ليا ,, بس عجبتين مدونتك جدااا
    وعجبتني مواضيعك واسلوبك طرحك ليا :)

    GO ON :)

    ردحذف
  4. اشتغالات متبادلة طبعاً :)

    والعيب على اللي خلفوهم ومعرفوش يربوا مش عليهم هم في حد ذاتهم

    والتربية هنا مش أخلاق ..لأ دي خواء..فراغ..ضحالة..حالة الصفر ..العقل فاااااااااضي ..والروح مليانة مزيكا وكلام أغاني
    وبس

    أنا عملت إضافة على الميل :) ومتشكر للإطراء والمجاملة اللي أتمنى إني أستحقها في يوم من الأيام

    ردحذف
  5. هى تستاهل

    خليه يديها على دماغها

    هو لو بيحبها هيخليها فوق دماغه مش تنزل تحت رجله


    وعلى فكرة مفيش حاجة اسمها مفيش كرامة فى الحب

    الحب كله كرامه
    حتى لو متجوزين

    ردحذف
  6. اولا اللى حكتيه دا ولا حب ولا بتاع
    هى ولا بتحبه ولا هو بيحبها

    هو لو بيحبها هيتعامل معاها بالاسلوب دا , دا اخرته شاب ضعيف ونفسه اضعف منه لما جاى يعمل عليها راجل فى حاجة اتفه منهم هما الاتنين

    وهى ولا بتحبه ولا حاجة

    دول اتنين بيشتغلوا بعض وفى قمه الانحطاط

    سورى على ردى بس بجد موقف زباله
    وليكى حق انك تتنرفزى وتضربيهم كمان مش تروحى تنصحى هتنصحيهم بايه دول اتنين ضايعين :(


    تقبلى مرورى

    ردحذف
  7. هههههههههه انا اخر حاجة شفتها ف الجامعة

    كانت هاتى بوسة واتباس عبااااااااااااس

    اه وربنا ..

    انا على فكرة كتبت تعليق ومسحته

    لانى متنرفزة وقلت كلام صعب ماينفعش اقوله هنا

    انا بصراحة متغاظة

    ردحذف
  8. شوفى يا سونى ... وعلشان مطولش عليكى ... همه كلمتين ... ملهومش تالت ... ومتزعليش منى

    إستناداً على روايتك

    الولد ده ماسك ع البنت دى ... ( ذلة )

    بس ... خلاص

    ولو نصحتى حد ع الملأ وهوه ميت غلطان ف بعض ... هيزعلك ... لأن النصيحة ع الملأ فضيحة

    والحب موضوع تانى خالص

    له أسس وقواعد ... أهمها على الأطلاق ... الإحترام

    ده إستناداً ع اللى حكتيه ... ده بيتعامل معاها على انها سابية من سبايا الحروب

    طولت عليكى

    ومتدوريش ورا الحكاية استنادا على روايتى

    عدى

    الدنيا مليانة بلاوى

    تحياتى وربنا يحفظك ويحفظ نساء المسلمين

    تحياتى

    ردحذف
  9. السلام عليكم

    الحب احترام وكرامه

    بصى المشكله فى انها تربطله رباط الجزمه والله المشكله فى الطريقه اللى قالها بيها

    هو بيقولها بطريقه كده فيها اهانه وانه قاصد يهينها وبجد اسلوب زى الزفت وفى قمه الاهانه

    بس مكنش ينفع تكلمى طبعا لان اصلا هى عاجبها كده وقامت زى ال ــــــــ وربطتله الرباط اللى هو فكه عشان تربطهوله وهى مهانه


    تحياتى ليكى

    ردحذف
  10. السلام عليكم

    بصراحة انا مش مصدق ..

    واقل ما اصف به الموقف انه قلة حياء لا حب ولا يحزنون .. فاذا كان هذا حب يبقى على الدنيا السلام ..

    هل جو الجامعة تغير بهذا الشكل السيء عما كنا زمان بس مش زمان اوي يعني ..

    ربنا يسترها

    ردحذف
  11. الموضوع بسيط جدا
    واحد بيحب التسلط ومريض نفسي..
    ولقى البنت اللي نفسها في حد يتحكم فيها لانها شخصية ضعيفة او بدون شخصية..
    يعني (كابل) متناسب مع بعضه والبنت ماتستحقش النصيحة لانها مش محتاجاه ولا ها تأثر فيها.. هي محتاجة تكمل لحد ما تاخد درس يوجعها فا ده اللي ممكن يأثر معاها ويعلمها.

    ردحذف
  12. انا بقي.. الشاغلني حاجة تانية خاااااااااااااالص... يعني انتي سايبة اصحابك.. وحالك ومحتالك.. وقاعدة مركزة معاهم.. ليييييييييييييييه؟؟؟؟ ههههههههههههه...دعو الخلق للخالق...

    الجد بقي:
    بصي يستي.. هوا قاصد يذلها ويحس برجولته عليها.. وهيا هبلة وخايبة... انها تسمحله بكده..

    وبصراحة انا متضايق انك بتسألي علي شكل الحب ده.. لان الحب اعظم من كده بكتير.. لو بيحبها مش هيتعامل معاها بالشكل المهين ده... وهي لو بتحبو.. مش هتقبل حاجة زي كده... لان احترامه ليها من احترامها لنفسها..


    بس خلاص

    ردحذف
  13. طلب رفيع:
    ياريت تشيلي كلمة التحقق.. من اعدادات التعليق...

    علشان تسهيليها علينا.. ربنا يسهلهالك..

    ردحذف
  14. ازيك يا سونى
    اولا
    احييكى على البوست
    ثانيا
    النوعيه دى من البنات بشكل اللبس ده
    والاخلاق دى يبقى تستاهل وبعدين فكره
    الكرامه دى مش مع ناس بيعرفوا بعض
    فى الشارع معلش لو زوجين فى بعض الامور
    ومش كلها طبعا لان كرامتهم بتكون واحده
    عموما ربنا يهدى الجميع
    تحياتى

    ردحذف
  15. أكيد ماسك عليها ذلة
    لإن المنظر كده مش طبيعي ابداً

    ردحذف
  16. خواطر شابة :الحب انا شيفاه ان حد بيخاف علي حد
    بيخاف علي احساسه وعلي كرامته
    لكن دالاليه علاقه بكرامه ولاااااااااا غيره نوهائي

    ردحذف
  17. beautiful mind :انا عرفه ان هيحصل كدا واكتر
    عرفه انه هيسبها وهيشوف وحده علشان تحافظ علي كرامته وعلي بيته
    لايمكن هيستأمنها ابدا

    ردحذف
  18. ShiMOo :انا رايي ان لاذم يبقي في كرامه مبنهم
    ولاذم هما الانتين يحافظو عليها
    هو يحافظ علي كرامتها ويخاف عليها وهي كذلك
    لكن اللي حصل دا
    اسمه استسلاااااااااااااااام

    ردحذف
  19. Diyaa' :علي فكره انا موش بطري علي حد
    بجد كلامك ومدونتك عجبتني
    وفعلا المشكله ان ملاقوش حد رباهم اساشا
    يلا ربنا يهدي

    ردحذف
  20. !! a7mad sala7 !! :معاااااااااااااااااك فالرأي دا
    في كرامه علشان يكون في احترام متبادل

    ردحذف
  21. OlivE:مهو انا اللي هقدر عليه النصيحه
    وموش فالملأ كمان علشان ميبقاش حرج كرامه
    بس اذاي تضمن اللي قدامك ممكن يتقبل النصيحه وان بسبب انك بتنصحه ممكن موش يأذيك
    احيانا بتوصل لكدا
    ووصلت لكدا معايا مره للاسف
    نصحت وسعدت وفالاخر انا اللي اتأذيت
    يلا ربنا يهدي الجميع

    ردحذف
  22. мαησηα:يراااااااااااااااااااجل
    بجد
    هههههههههههههه
    تعلي يما شوووووووفي شارع اللف ستريت
    الشارع ده يعد الساعه 6 بيكون فيه الضباط
    وبيقو فكل الجامعه اساشا بيهشونا ذي الفراخ
    انا احيانا بحس ان فئه الناس المحترمه اللي بنمثلها والحمد لله انه يجب استئصالنا اصلا:)

    ردحذف
  23. ENG./ELSAYED,PMP:انا حسيت بكدا برضه
    وشكرا علي دعوتك

    ردحذف
  24. ريمان :اهو انا وصفت اللي حصل قدامي
    وضايقني موقفها
    واذاي قبلت علي نفسها كدا اساشا
    يلا ربنا يهدي الجميع

    ردحذف
  25. جنّي :وانهو اتغير
    تعالي شوف لما بيسبو المحاضرات ويقعدو بره بيعملوا ايه
    والله اللي عاوذ بيحضر بيحضر ويركذ علشان مستقبله
    اما الفئه الاغلبيه التانيه
    فالمكاتب والدروس موجوده
    كل واحد علي حسب جمجمته
    :) يلا ربنا يهدي

    ردحذف
  26. Timo..:مانا عرفه ايه اللي هيحصل
    بس انا كان نفسي حد يفهمها ويوعيها باللي هيحصلها
    وارجع واقول التربيه
    ثم التربيه
    ثم التربيه

    ردحذف
  27. سمع هوص (Abo 3li):يعني هو انت موش مصري ياعمنا وعارف عادات المصريين:D
    تلميه الاوكر دي موش من عاداتنا ولاذمن تكون فكل مصري:)
    وانا سألت لاني لقيت ان الاغلبيع العوظمي بقت عمله كده
    طرف مستسلم وطرف ماسك زمام الامور وبيعمل كل حاجه حتي لو كانت مهينه للطرف ده
    وبحاول اظبط المدونه فالفتره الجايه بأذن الله

    ردحذف
  28. حنين :شكرا ليكي واهو بحاول ارصد بعضا من اللي بيحصل حوليا
    ربنا يهدي الجميع يارب
    اللهم امين

    ردحذف
  29. مهندس مصري:وانا حسيت بكده برده
    ان مفيش وحده بتعمل كدا الالو كان ماسك عليها حاجه
    او هي وقعه فحبه اويييييييييي
    لدرجه الاستسلام

    ردحذف
  30. الكرامه سمه تميز الانسان وتفرقه عن باقى المخلوقات ...والكرامه المفروض انها شىء فطرى وغير مكتسبه بمعنى انك لا تحتاجى الى من ينصحك ان يكون عندك قدر من الكرامه لانها شعور يكون فى داخل النفس ومن خلالها تتحدد كثير من التصرفات فى حياته .
    اما عن الموقف اللى انتى ذكرتيه فلااااااااايوجد مكان لكلمه حب فيه اطلاقا ..لان هذه الكلمه اسمى من ان تكون موجوده فى هذا الموقف ومع هؤلاء الاشخاص التااااااائهون فى الجامعه ...الكرامه لا تتنافى ابدا مع شعور الحب ...ومن يحب يحافظ على كرامه الطرف الاخر لابعد الحدود......
    اكيد الدين نصيحه والتصرف المثالى انك كنتى توجهيها باسلوب شيك وجميل لكن فى الواقع هذه النماذج كثيرا مايكون ابغض شىء لقلبها النصيحه والتوجيه لانها تعلم جيدا وضعها ومنظرها فى اعين الناس.

    لسه يا سووووووووونى ياماهتشوفى بين جدران الجامعه ..لكن اهم شىء ان لم تستطيعى ان تؤثرى على من حولك بكلامك فكونى قدوه لهم فى فعلك .....وان لم تستطيعى ان تؤثرى فيهم بالفعل فيكفيكى انكى لم تتاثرى بسلبياتهم .

    تحياتى لكى

    ردحذف
  31. لا قولى تانى كده
    تعمل ايه؟
    دماغى وجعتنى ربنا ينتقم منهم
    هو طلبة الجامعة بقوا كده
    أصل انا كنت كلية البنات مكانش عندنا الكلام ده:)
    ده لا حب ولا كرامة ولا تسلية ولا أى حاجة
    دى قلة أدب
    وعيال تافهة بترسم نفسها وبس
    ربنا يرحمنا
    أما عن النصيحة فى العموم هقولك انصحى
    واختارى الاسلوب لان ده أمر ربنا لينا بالامر بالمعروف والنهى عن المنكر
    لكن فى حالة زى دى
    مش عارفة انا اكيد هكون مترددة قبل ماأكلمها
    ربنا يهدينا ويهديهم

    ردحذف
  32. SHAPE YOUR LIFE (ABOALI):انا معاك فكل كلمه قلتها
    بس اللي لاحظته ان الموضوع ده زاد اوي
    لدرجه ان بجد بسأل عن الفتره اللي جايه دي ياتري هتكون عمله اذاي بما ان الاخلاق بقت عمله كده
    وشكرا علي النصيحه:)

    ردحذف
  33. حفيدة عرابى:طب والله تحمدي ربنا ان كنتي فكليه بنات
    بدل ماكل شويه تتصدمي بأقوال وافعال
    لو هكتب عنها بجد محتاجه لبوستات لاتعد ولا تحصي
    ويارب يرحمنا وهو خير الراحمين

    ردحذف
  34. حاااادى خالص سونى
    هى عاوزة كدا وهو شايف كدا سبيهم يولعو فى بعض كدا
    ماجمع الا ما وفق
    دا العادى
    ولازم تبقى متؤكدا انك هتقابلى اكتر من كدا
    ربنا يهديهم ويهدى كل مسلم

    ردحذف
  35. مش ماسك عليها حاجة
    لالالالالالالالالا
    انتى تقدرى تقولى ممكن يكونو متجوزين كمان بورقة
    اصل لو ماسك عليها حاجة هتثبته واللى عاوزاه هتاخده منه
    والبنت اللى زى دى ليها مليون طريقة تثبته بيها
    بس للاسف هى مش هتستخدم الا طريقة واحدة
    اظن الكل عارف هى ايه الطريقة
    تجنبيها سونى وانصحى اى حد من صحباتك بالتجنب منهم
    لان دا عااار
    اللهم ما احفظنا واحفظ ولايااانا

    ردحذف
  36. ELtturki 4 EvEr :لا بص احنا موش عوذين نفترض الوحش
    ممكن يكون ماسك عليها حاجه
    بس موش للدرجادي يعني
    ربنا يهدي الجميع يااااااااااارب

    ردحذف
  37. انت ممكن تضع اعلانات على مدونتك وتربح منها الاموال كما انا افعل فى مدونتى ادخل مدونتى وسوف ترى الاعلانات ممكن انت كمان تضع اعلانات وتربح اموال http://international-e-commerce-e-commerce.blogspot.com/
    وهذا اللينك اربح الاموال ووضع عداد عالمى فى مدونتك
    http://friendfinder.com/go/g1214733
    ولما تعمل اعلانات تخش على مدونتى وتضغط على الاعلانات واربح الاموال وانا ادخل على مدونتك واضغط على الاعلانات وتربح الاموال

    ردحذف
  38. حببببببببببب

    حرام نقول على اللى حصل ده لانه حب

    مش فاهمة ازاى عملت كده بس يكون حب لا يمكن يكون سبب تانى
    اما بخصوص النصيحة والله فى ناس مش بتقبلها عشان الطريقة اللى بتتقال بيها
    وفى ناس مش بتقبل النصيحة من حد و خلاص ومقتنعة بنفسها كده من غير اى غلط

    ردحذف
  39. هيييييييييييه دايما التعليقات كانت بتعلق معايا في مدونتك واخيرا فتحت :)

    الحب أسمى مشاعر في الوجود واللي حصل قدامك ده ملوش علاقة بالحب خاااااااالص

    الكرامة أغلى حاجه عند الانسان لو ضيعها يبقى ملوش لازمه انه يعيش اصلا

    ده في حروب بتبقى علشان الكرامة أصلا

    ال رباط الجزمة ال

    اتنرفزت انا :) كويس انك مقومتيش ضربتيها

    بس عالعموم يمكن يكون في حاجات مش عارفينها في الموقف ده الله اعلم

    ردحذف
  40. star in the sky :ولا انا فهمه هي عملت كدا اذاي
    دا بمجرد الوصف الكل اندهش
    امال لو شفتوا المنظر ذيي هتعملو ايه
    ربنا يهدي الجميع يااااااااارب

    ردحذف
  41. Lady E :اكيد كلنا عرفين ان الحب اسمي مشاعر فالوجود
    بس للاسف تطبيقه من حد للتاني بيختلف
    وفي ناس بتستخدمه علشان تعمل اللي هي عوذاه وبس
    انا كان سؤالي ان هل في حد لما يحب حد اوي كدا
    يتخلي عن كرامته,ومن المواقف لقيت ان ناس بتتخلي عن كرامتها وناس تانيه لا
    والحمد لله اهو بحاول بس ارصد مايحدث ادامي لان فعلامن مواقف بتحصل لاذم يتعرف الصح من الغلط

    ردحذف
  42. سوني حبيبة قلبي واحشاني موت موت موت موت موت موت و الله يا قمرايا
    و معلش اعذريني انا مقصرة في حقك خالص و الله

    بس معلش الفترة اللي فاتت كنت تعبانة بجد
    بس ارجو تسامحيني يا قلبي

    و شكرا على البوست الجميل اللي ينرفز ده
    هههههههههههههههههههههههه
    ردي الوحيد ان اقول

    الحب كله كرامة للزوج و الزوجة
    و كل الناس بجد

    فربنا يسعد كل الناس و يوفق كل الناس يارب

    خلي بالك من نفسك و ربنا يسعدك و يوفقك يا رب

    خالص حبي و تقديري

    ردحذف
  43. سونى
    اولا مدونتك جميلة زيك
    ثانيا زى ما قال الكل ده علاقة قذرة تربطهم والمرة الجاية حيضربها بنفس الحذا وتستاهل لانها ارخص بكتير من ان حد يحترمها
    اما الكرامة فموجودة حتى بين الزوجين والحبيبين
    وانا احب يعنى انا حريصة نماما على الانسان ده ومشاعره وكرامته عندى مقدسة
    اما النصيحة لكل النوعية دى من البشر صدقينى عديمة الجدوى .. وخسارة الكلام معاهم اصلا
    تحياتى يا قمر

    ردحذف
  44. بصراحة اول حاجة هاتيجي في دماغي
    هي انه ماسك عليها ذلة معينه
    اكيد فاهماني
    يعني ممكن يكون بيشحنلها الموبايل
    ههههههههههه
    بجد ده رايي
    شكرا ليكي

    ردحذف
  45. مهموهــــــة :الحمد لله انك بخير دلوقتي
    وشكرا ليكي علي ردك
    ويارب تكوني بخير ديما

    ردحذف
  46. القدر و انا :انا معاكي فكدا
    بس مكنتش مصدقه اللي حصل قدامي اساشا
    وكنت عوذه اشوف اللي هيحصل بعد كدا
    بس اكيد اكييييييييييد هنعرف فيوم من الايام
    لانها حجات موش بتستخبي
    والاوكر لسه موجود برده:)

    ردحذف
  47. حصان المرجيحة:هههههههههههههه
    حلوه شاحن ليها الموبايل دي
    تصدق نونكن بردك
    وليه لا
    مهو اللي بيشحن لحد دلوقتي
    لاذمن ياخد حق الشحن دا
    ولا ايييييييييييه
    عالم شحاته بصحيح:)

    ردحذف
  48. هلا بسووونى القمرايه ...

    يابنتى ده مش حب اساسا ... ولاحتى فيه ريحته ... دول ناس محطوط مكان عقلهم حاجه تاينه .. ان كان هو اى هى ...

    بجد ناس عايشه عشان ولا حاجه ... وماتتعبيش نفسك لانك انتى اللى راح تطلعى الغلطانه فى النهايه ...
    كل واحد عمروا مش عارفه قد ايه والمفروض يعرفوا يتصرفوا ازاى ...

    كل اللى عليكى تعمليه .. انك تدعيلهم بالهدايا ...

    بجد تسلمى على هالبوست ...

    ... ;) ,,, ;) ...

    ردحذف
  49. ghada mOhsen :انا عرفه انه موش حب
    لانه لو حبها مكنشي اساشا هيعمل كدا
    معظم التصرفات اللي بتحصل قدامي بتخليني فقمه الاسبهلال وبجد بتخلي دماغي بتلف:بيخرجو مع بعض من ورا الاهل,فالجامعه مشيين مأنجكشين بعض,ضحك وهذار واحيانا بتوصل للضرب مع ان المفروض ميمدش ايده عليها...الخ الخ
    طب حتي لو انتي صح,بيكون احساسك ايه وكل اللي حوليكي غلط
    ربنا يسترها علينا

    ردحذف
  50. بجد عجبني جدا اسلوبك الساخر ده في الكتابة
    بس اللي حصل ده مش حب أبدا
    اتشرفت بزبارة مدونتك جدا
    ان شاء الله مش آخر مرة لي
    واتمنى انتي كمان تنوري مدونتي

    ردحذف
  51. بكره لما تتجوزه هاتجيله باللى فى ...... لو فكر يقولها كده
    الناس اللى من النوع ده تتمسكن لحد ما تتمكن

    ردحذف
  52. طبعا فى كرامة فى الحب
    واى حد يقول غير كده
    يبقى نص كم

    بصراحة انا دمى غلى من الحكاية
    ربنا يعينك على انك تكونى موجودة وتمسكى نفسك عن انك تقلعى اللى فى رجلك وتديهم بيه

    ردحذف
  53. محمود ابوالعزم :ميرسي وشكرا ليك:)

    ردحذف
  54. الجواز و سنينه :ايون هي بتتمسكن بس موش لدرجه انهاتتخلي عن كرامتها يعني؟

    ردحذف
  55. الازهرى:اه والنبيييييي
    احمد ربنا انك بعيد عن الكلام ده اساشا
    الواحد اصلا مبقاشي عارف يعمل ايه
    لو اتكلم مشكله
    لو سكت مشكله برضه
    طب اعمل ايييييييه
    انا هعمل ذي فطوطه كدا:اقطع نفسي:)

    ردحذف