الأحد، 31 أكتوبر 2010

الله يرحم ايام زمان

قبل أي حاجه وكل حاجه ارجوكم بصوا علي الخبر داnews:http://www.melody4arab.com/news/%d9%85%d8%ad%d9%85%d8%af-%d8%b9%d8%a8%d8%af%d9%87-%d8%a7%d9%84%d9%84%d9%87%d8%ac%d8%a9-%d8%a7%d9%84%d8%ae%d9%84%d9%8a%d8%ac%d9%8a%d8%a9-%d8%aa%d9%81%d9%88%d9%82%d8%aa-%d8%b9%d9%84%d9%89-%d8%a7%d9%84/%d8%a7%d8%ae%d8%a8%d8%a7%d8%b1-%d8%a7%d9%84%d9%81%d9%86/?utm_source=feedburner&utm_medium=feed&utm_campaign=Feed%3A+melody4arab+%28%D8%A7%D8%AE%D8%A8%D8%A7%D8%B1+%D8%A7%D9%84%D9%81%D9%86%29
محمد عبده:اللهجه الخليجيه تفوقت علي المصريه في الساحه الغنائيه
ااااااااااه....الله يرحم ايام زمان
لما ماكنتوش حاجه اصلا
ولولا فلوس البترول ....ماكنتوش هتبقوا
اللي خلي اللهجه المصريه تنتشر...لما كان في نهضه بجد
فالفن والثقافه والسياسه والاجتماع ...بالرغم من كل الحروب اللي خاضتها مصر علشان نهضتها ونهضه بلاد العرب والدفاع عن ارضها وارضهم
جه اليوم...اللي يتقال عنها كدا
اي حد يطلع....يقول المسلسل السوري احسن من المصري
ويجي حد تاني...يقول اللجه الخليجيه أفضل من المصريه
اللي عندكم دا...مش نهضه بجد
النهضه مش بأيد الخليجين نفسهم...لا دي من برا وبالفلوس
لما طلعت اللهجه المصريه....كانت بسبب الاغنيه المصريه والمغنيين المصريين
اللي الكلمه منهم والصوت بيطلع بأحساس....والفيلم المصري اللي بيقدم موضوع حقيقي بيتكلم عنه
حد يقدر ينسي أم كلثوم ولا عبد الحليم حافظ أول مغني غني للون الخليجي
ولا يوسف وهبي ولاامينه رزق أو سعاد حسني السندريلا
أو فمجال الشعر ذي حبيب قلبي جاهينلو...أو فمجال الادب ذي العقاد او طه حسين أو احسان عبد القدوس...أوفي مجال الصحه أو في مجال الرياضه أو فأي مجال حطينا بصمه فيه
ممكن أن دلوقتي نكون فكبوه...بس طول عمر مصر ولاده
مش بالفلوس او بغيرنا لما ندي ليهم ويجوا علشان يعملوا لينا نهضتنا
واللي أتكلم دا...لولا الشعرا والملحنين المصريين...مكنشي عمل حاجه أو اغنيه اصلا
نفسي أشوف بجد لما الفلوس دي هتخلص أيه اللي هيحصل
ويتبقي العمل اللي يخلد بجد...مش الحاجه التجاريه اللي بتاخد وقت وخلاص
ياريت كل حد بجد يعلق يقول رأيو بكل موضوعيه
لأني شكلي خبطت فالحلل:)
تحياتي

هناك 34 تعليقًا:

  1. تصدقى بأيه

    بأمنة تانى انا مبسمعش خليجى أساساً

    و كمان محمد عبده اللى بينام هو و بيغنى

    دى رائعة عبد الباسط حمودة

    أنا مش أنا

    مسمعه أكتر من أغنيه

    طب يقول اللهجة اللبنانية أبلعها شوية

    أنما خليجى

    مش كره للخليج بأمانة

    أنما دة اللى انا شايفه

    فى الأخر أحنا السبب فى كل دة

    يا مرارتى

    ردحذف
  2. يااعم دا واحد مهس
    بيتكلم من منطلق انه معاه
    علشان يدي لدا يلحن ويدي لدا يكتب
    وفاضل انه يدي لدا علشان يغني بداله
    وليه لا
    علي رأي الللمبي
    خله وفيها ذتونه:))

    ردحذف
  3. اولا محمد عبده برغم اعجابى بصوته
    الا انه حشاش وجاهل

    السعوديه الى و مش عايش فيها بتتكلم عربى بلكنه بنغاليه وهنديه
    جوة البيوت والشوارع

    لما تروحى يقولك نفر روز يعنى واحد روز
    ازيك صديق يعنى عامل ايه
    كل كلامهم بنغالى وهندى جدا
    دول شويه جزم اساسا
    جتكوا نيله مليتوا البلد

    ومحمد عبده ده لولا مصر كان زمانه بيغنى فى قاعده الخيام فى الصحرا
    بقت مصر حاجه وحشه دلوقتى؟

    حسبى الله ونعم الوكيل

    تحياتى

    ردحذف
  4. عزيزتي انت من جهة خبطت فالحلل فأنت خبطت ههه لايجب ان ندع غضبنا يفقدنا اعصابنا وننطق بكلام يؤخذ علينا
    انا لم اقرأ الخبر لكن ايا كان محمد عبده عبر عن رأيه اما ان توافقيه واما ان تخالفيه هذا حقك لكن حتى في الاختلاف هناك حدود وهناك موضوعية ولايسمح بالتجاوز
    يعني في تدوينتك اليوم كلمات جارحة وفيها معايرة ومنية وهذا غير مطلوب
    ايضا محمد عبده فرد عبر عن رأيه فلم تعممين هجومك على شعب بأكمله بل وعلى شعوب بأكملها
    ارجو ان يتسع صدرك عزيزتي لتعليقي فهو من قلب محب
    دمت بكل ود

    ردحذف
  5. ممكن:بسبب الأختلاط
    اتغيرت فيهم كل حاجه
    ونسيوا كل حاجه ياممكن
    خلاص بقينا بنضبش فبعض وبس
    والكل بيتفرج علينا للاسف

    ردحذف
  6. خواطر شابه:عزيزتي خواطر
    ياحببتي انا عرفه اني شديت فالكلام
    وليكي حق
    بس لما تشوفي كلامو اللي قالوا واللي اتنشر
    صدقيني هتذعلي
    لأنكو انكر دور الناس اللي ساعدوا علي الوصول للقمه
    فوصل بسرعه جدا للقاع
    وانا مش بحب نوعيه الناس اللي بتنسي اللي وقفوا جنبهم بجد لانهم امتلكوا المال
    اما عن المعايره فانا لم اعاير احدا
    ولكني انتقد من نسوا في يوم عندما كانت مصر...الاخت الكببيره فعلا
    وبسبب ظروفها الان..الكل اصبح يخبط فيها
    تدوينتي هذه لكي اقول لهم فوقوا
    فعندهما يذهب المال..لن يتبق لهم شيء سوي الشقيقه والتي جرحوها بأشد الكلام

    شوفي بنفسك واحكمي

    ردحذف
  7. أول زياره لمدونتك و عجبتني أوي عجبني كلامك و كأنك صديقه من زمان يعني طبيعيه جداً
    بالنسبه للبوست فهي دائره مُغلقه يعني إحنا نبقى زيك كده على طبيعتنا يقوموا يشتموا فينا و يعيرونا بمشاكل عندنا نقوم نثور و نقول إحنا الحضاره و اللي علمناكم و أسيادكم فيكرهونا زياده و هكذا
    لكن صدقيني المثقفين و اللي بيفهموا عارفين قيمة مصرو المصريين

    ردحذف
  8. احم احم
    ونقول ألو
    انا مش موافقة على الكلام ده واقول لك ليه

    1- محمد عبده متحيز لبني وطنه
    وده طبيعي ولازم نقول اللي بيجي ناحية مصر بنسحب الموس ونشرحه سبعات في تمنيات تحتار الأطبا تلمه منين :) ومن نفس المنطق يجب ان نعذر للناس انهم بيحبوا بلدهم

    2- اللهجة المصرية مفيش زيها وده مش تحيز
    لكن بخفة الدم بتاعتنا اللي في السراء والضراء وحين البأس حقيقي نحن مصدر بهجة
    أي مصري بيشتغل في اي بلد ان شا الله الإسكيمو هو اللي بيجعل البسمة ترتسم على وجوه المحيطين ودي حقيقة معلومة بالضرورة ولكن
    وخدي بالك من لكن
    أي مطرب النهاردة بينظر للسوق الخليجي بجدية لأنه سوق بيجيب فلوس محترمة جدا في الغنا والأفلام وعلشان كده كله بيغازلهم
    انغام واصالة واليسا وكل الهم ده بيغني خليجي علشان يزغزغ سوق بيشتري سي دي هات
    والمطرب إيه غير شوية سي ديهات فوق بعض

    3- أتمنى ان تعود بلدنا جوهرة التاج بلا أدنى شك
    لكن بتمنى الخير للي حواليها كلهم
    وعلى رأي احمد ابني اصلهم عرب برضه يا ماما وبيتكلموا زينا ولازم نحبهم
    هم عرب ومسلمين وبيننا وبينهم جميعا مشرق ومغرب صلة دم ونسب "دم اما يلهف اللي يكرهنا" فلازم نغفر لمطرب سبعيني كبر وخرف :)

    مساءك فل يا روح قلب سوتيتة

    ردحذف
  9. مش معاكى فى الكلام ده خالص خالص

    انا مش شايف مشكلة خالص فى ان محمد عبده او اى واحد خليجى يعتز بأرضه ولهجته وكمان شايف انه مش من حقنا اننا نقلل شأنهم بالظريقة دى وكمان مفيش مشكلةخالص اننا نقبل القول بان الدراما السورية تتفوق على المصرية ما دام ده بيحصل فعلا وكمان ما تنسيش ان مطربين كتير بيغنوا باللهجة الخليجى توددا الى اهل الخليج وكمان -وده الاهم بالنسبة لى- لازم نعرف ان السعودية مثلا كانت صاحبة 4 ابحاث نشرتها جريدة عالمية فى حين ان مصر لم تحظى ببحث واحد يرقى لهذا المستوى فى حين ان اسرائيل كان لها نصيب 47 بحث عالمى

    وكلمة حق لازم نقولها ان لو السعودية او غيرها من الدول البترولية عندها بترول فاحنا عندنا حاجات برضه ما تعبناش فيها زى قناة السويس وسواحل بتحيط بمصر من جهتين واثار صحينا م النوم لقيناها عندنا ...كل ده اعتقد يمثل ثروة تقارب الثروة البترولية لدول الخليج

    محمد عبده مطرب له شانه عند اهل الخليج وهو بيغنى من الحان واشعار خليجية على ما اعتقد يعنى مصر ملهاش اى فضل عليه

    وعلى فكرة انا هندى اه لكن بحب اللهجة الخليجى جدا
    وفى النهاية ارجو ان يدوم الود رغم الاختلاف فى الرأى

    تحياتى

    ردحذف
  10. اه طبعا معاكى قلب وقالبا
    وعظيمه يا مصر يا ارض اللوا

    وماله مايعتذ بذاته زى ماهو عايز ويقول بلدى اجدع بلد حقه بس المشكله انهم على طول يخبطو فينا تلاقى الواحد طالع بلدى ولهجتى واحسن من مصر والمطربين عندينا ابصر ايه مصر

    طب بتجيب سيره الطاهره ليه علشان فقعاهم فى عقده نقص فلوس البتروجيت ماقدرتش تشالها للاسف وديما ينسو اللى اتعمل باسم الاخوه ويرجعو يلمنا على رد فعلنا

    هاتفضل ولاده غصب عن الكل وهاتفضل منبع الخير طبيعى الكبوات مافيش فى تارخنا حقبه على بعض من غير هموم قاتله ومشاكل وعمرها مابطلت لافن ولا ثقافه وابداع

    حلو وعجبنى التخبيط فى الحلل الحقيقه
    تحياتى ياسونى

    ردحذف
  11. وانا مع الست الريسه مش موافق جملة وتفصيلا بصراحه كدا ولا بفهم بيقولوا ايه اساسا

    ودي محض خيالات من شخص ذو هوا لأنه لو مش خليجي أو بيغني بالمصري كان وضعه أختلف تماما

    والمثال على ذلك حسين الجسمي

    سؤال بئا جدعنه جدا

    الله يرحم مين زمان ولا زاوومان؟

    هوا انتي تبع جمعية الريسه؟

    ردحذف
  12. شيرين سامي:نفسي بقي طبقه المثقفين يطلعوا يقولوا حااااجه
    دول مختفيييييييين خالص
    نفسي حد يطلع يقول كلمه حق
    بس

    ردحذف
  13. ستيته حسب الله الحمش:ماميييييييييييي
    والله العظيييم وحشاني جدااااااااااا جدااااااا:)
    اما عن الموضوع دا
    فمدعنديش حد انه يقول ان بلدي احسن بلد
    بس مايتكلمش علي بلدي انا
    بأدني كلمه ممكن اشفها تحمل مليون معني
    لانو لو عمل كجا
    هجيب ليه فرقه الصاعقه الكبري الصاعيييييييييييدا تبعي
    وساعتها محدش هيلاقيه اصلا:)
    ولو الكل احترم نفسو من الاول....مكناش وصلنا للي فيه دلوقتي
    كلو بيخبط فكلو
    ولا اييييييييييييه

    ردحذف
  14. بنجاواتي:كلمه حق تتقال بردو
    كل اللي بتقولوا دا ماشي
    بس دا مايمنعش اني لما اشوف غلط
    وواحد يتكلم علي بلدي بكلمه كدا و كدا
    ويجي قناه الحصيره دي...اللي تبع دوله تعدادها اقل من تعداد شبرا عندنا
    وتقلك دي مصر عملت وسوت
    وكل اللي يطلع...يقلم مصر دي كذا وكذا
    واحنا ساكتييين علشان الاخوه والعروبه والجو دا
    لكن كل حاجه وليها نهايه
    مش معني اننا ساكتين اننا ضعاف لا...بس علشان احنا كبار فعلا بأفعالنا والحمد لله

    ردحذف
  15. ريتشاردايه:حببتي وصحبتي وكفأأأأاه
    اللي يجيب سيره الطاهره نرشوا بالناااااااار:)))
    وانا بقول اللي جوايا من مدا
    ودي شيفاها كلمه حق...غصبن عن اي حد
    والاختلاف فالرأي لايفسد للود ايي قضيه:)
    ولا اييييييه

    ردحذف
  16. مصري جدااااا:ايون تبعها:)
    والريسه دي امي وبحبها فالله جدااااااا
    وبحب كل اللي فعالم التدوين
    لأني من ساعه ماجيت هنا وانا مبسوطه اوي
    وشيفه ان دا بقي العالم بتاعي
    وربنا يستر ويستحملوا رخامتي:))

    ردحذف
  17. اول زيارة ليك ياسونى
    ان شاء الله مش اخر زيارة...بصى ياستى انت خبطتى فى الحلل اه..اولا انا عشت قد ماعشت فى دول الخليج..عمرى ماحاولت انى اتكلم لهجتهم مع انى بافهمها كويس قوى...واحيانا كنت باحب اسمع اغانيهم
    لان فعلا فى هناك مطربين بعضهم صوتهم واغانيهم حلوة ومعانيها جميله ..وكمان الاغانى اللبنانيه والسوريه
    وده لانى بافهم كلامهم كله..(بحكم الغربه)..بس ده مش معناه انهم اصل واحنا اللى بقينا صورة..
    لا ياحبيبتى احنا دايما الاصل مهما قالوااا..بس هو كلامهم ده من باب انهم اطوروا يعنى ومابقوش معدين ومتخلفين ..وان الحضارة عدت عليهم وكده...
    بس صدقينى لو ماكانش كتيير زى حلاتى قضوا عمرهم فى الغربه وبقوا يفهموا اللهجه الصعبه دى ..ماكانتش اغانيهم وصلت مصر اصلا...
    تحياتى ياقمر

    ردحذف
  18. بنت الغربه:وانا يشرفني انك تعلقي عندي
    وانا معاكي فكدا
    لاهي اصل ولا حكايه صوره
    الفكره انك متجيش علي اللي ساعدوكي ايام ماكنتي وقعه خالص
    اققتصاد بسياسه بفن بكلو
    ولما هما يكون عندهم كبوه...تيجي وقتها وتقولي ليهم ملكوش لاذمه أركنو علي جنب
    لان كل دوله فالدنيا...ليها لحظات قوه وضعف
    وساعه ماالي كان ضعيف يرجع قوي ذي ماكان..
    هيفتكر بجد اللي ساعدوا
    من اللي عايروا
    صدقيني وقتها المعادن بجد هتظهر

    ردحذف
  19. صراحة انا اتفق مع بنجواتي جدا
    فيها إيه لما حد يتفوق على التاني في الغنا أو التمثيل أو أي حاجة هايفة و تافهة

    المهم و اللي نزعل عليه - من باب المنافسه و ليس الحقد - هو التفوق في المجالات العلمية النافعة
    تحيتي

    ردحذف
  20. ابراهيم ادهم:
    وانا كمان بتفق معاك ويارييييييييييت يحصل كدا
    علي الاقل هيحصب تنافس فأن الدول تتطلع حجات صح
    بس من العيب...انك تغلط فكلامك مع اللي لكبر منك واللي ساعدوك
    ولا ايييييييه؟

    ردحذف
  21. باتفق مع ستيتة فى كلامها جدا
    وكمان المشكلة مش فى االمطربين والمغنيين والأفلام وخلافه

    إنما المشكلة فى العقول اللى بتنتج كل ده لو فكرت صح أكيد هيتغير وهنقدر نعمل كل شىء كويس
    مش الأغانى وبس

    تحياتى دوما

    ردحذف
  22. طبعا كنت عايزة اشارك بس انتى معملتيش حساب اللى مش هيعرف يشوف الفيديو فبالتالى مش فاهمة ايه مناسبة الكلام:)

    ردحذف
  23. أزال أحد مشرفي المدونة هذا التعليق.

    ردحذف
  24. احسنتي احسنتي احسنتي
    للاسف الشديد وبقول للاسف اني كان ليا تجربة سفر برة مصر لدولة بيقولوا عليها الكويت وللاسف اتعاملت مع شعب لا يفقه في الدنيا شئ الا قلة الادب والتكبر بكل انواعه وزي ما قلتي الله يرحم الشبشب والقبقاب انتي قلتي كل اللي نفسي فيه واتمني من كل قلبي الفلوس دي تخلص عشان نشوفهم علي حقيقتهم
    لكي كل تحياتي

    ردحذف
  25. ممكن نقول انهم مش طلعوا فوق..
    لكن احنا اللي نزلنا (تحت)..!!

    ردحذف
  26. انا معاكى ياقلبى

    بسلازم تعرفى ان كل واحد متحيز لبلده

    زى ما انتى متحيزة لمصر

    وفنها وثقافتها وبتعتزى بتاريخها ومجدها

    عامل النجاح الاول والمحرك لكل شئ

    هو الماده انا معاكى

    بس احنا بننزل تحت وبنتاخر

    وهما بيتقدموا وبيجتهدوا

    موضوع فى الصميم

    وسعيده حقا بزيارتك وفكرك

    واتمنى دوام التواصل

    وكل عام وانت بخير

    تحياتى

    ردحذف
  27. الاذهري:اخييييييرا علقت من غير ماتجيب سيره الرغي
    لوولوليييييييييييييييي:)))))))))

    ردحذف
  28. موناليزا:الكلام كلو كان بتاع عم الحاج
    اللي كل لما حد ربنا يديلو شويه
    فبيتكلمو وحش علي الشقيقه الكبري
    والتدوينه دي كتبتها
    علشان انتقد فيها اسلوب الكلام اللي ديمن
    ديمن
    بيوجع من جوا اوي لو سكتي اكتر من كدا
    بس

    ردحذف
  29. سندباد:ولقييييت اخيررررا حد متفق معايا
    بس هما يبطلوا يجيبوا سيره الطاهره علي رأي ريتشارديه
    ويتكلموا برااااااااحتهم بعد كدا

    ردحذف
  30. تيمو:فعلا
    لتحت
    تحت اوي
    اوي
    للاسف

    ردحذف
  31. جايداالعزيزي:مش ملاحظا ان الماده فعلا
    بقت تتحكم
    مهو بردو عندنا ماده
    بس بتستخدم للوصول لتحت
    انما هما
    بيستخدموها للوصول لفوووق

    ردحذف
  32. دا ما يمنعش إنه حقيقة ثابتة

    ردحذف
  33. الازهري :معاك
    وياريت نتشغل بجد
    بدال مانحارب فبعض

    ردحذف
  34. على فكرة
    فى مقولة بتقول ان الفن هو مرآة الحضارة
    يعنى لو فيه حضارة وتقدم وزدهار
    يبقا لازم يكون فيه فن راقى

    بنسبة لينا كاعرب ومصريين
    الوضع الحالى لينا اللى احنا عايشين فيه
    اكيد بينعكس على الحالة الفنية بشكل عام
    تحياتى

    ردحذف