الاثنين، 8 نوفمبر 2010

مواقف

(१)
في جلسه عائليه...
مفيش فيها غير بنات وستات وبس
بنت بتدخل تسلم علي الكل....
-أذيك ياطنط...أذيك ياخالتو...عملين ايه...مش كلو تمام والحمد لله
ويبدأ الحصار:
هااا ايه الاخبار...مافيش عريس قريب
طب مافيش حد من الجامعه
طب مافيش حد من صحاب ماما عوذاكي لأبنها
طب مافيش ابن جيران موجود....
وتبص للأرض وتسكت
.......................................................
(२)
فقعده بنات فالجامعه
كل بنت بتتكلم عن نفس ذات الموضوع
انا خرجت انهاردا مع مودي حبيبي واتمشينا علنيل و...
وانا ذوغت من المحاضره وقعدت مع عمووور بيبي واتغدينا مع بعض و.....
وتيجي ناني مأنكشا زيزو وجين علي الموجودين وتكمل معاهم الكلام:انا بس يابنانيت جيت اسلم لأني هخرج معاه هنروح السنيما و....
وفوسط كل دا....بنت قعده معاهم وتسمع وبس
والكل بيسألها:وانتي ايه النظام
وتبص للارض وتسكت
........................................................
(३)
جلسه عائليه والاب بيتكلم
انا قلت مافيش غير دا
يعني مافيش غير دا...
ولو جه اللي قلتي عليه ....انا مش هوافق عليه
التاني جاهذ وكل حاجه جايبها من شقه لشغل لخلافو
احنا لسا هنتستني التاني لما لسا هيبتدي حياته من الاول
انا قلت كلمه ومش هتراجع عنها
وتبص للأرض وتسكت
...................................................
(४)
الأم خاله العروس
قعده معاها وبتتكلم
أنتي هتتجوذي ابني وذي ماقلتلك...مافيش نقاش
انا خالتك ومسئوله عن البيت المفتوح دا بسببي لحد دلوقتي
جت البنت تعترض فالخاله ذغدتها ادام الام والام مقدرتشي تعمل حاجه لبنتها
انا قلت كلمه واحده ومش هتراجع عنها
وتبص للارض وتسكت
.............................................
(५)
فمكالمه تليفون لبنت مع اقرب الناس ليها
واحدا بتحبها .....عمتها...وذي امها جدا
شوفي ياحببتي المناسب واقعدي اتكلمي معاه
وخدي وادي ولما تستريحي معاه فكري وخدي قرار بأه او لا
احنا فمجتمع مش هيسكت لو بلغتي سن معين الا لاذم تتجوذي
دي معظمها شكليات بس لاذم تكون موجودا
فرد انتي فمجتمع كلو كد....تفكيرو كدا
هتعملي ايه
وتبص للارض وتسكت


ياتري ليه بنخلي كل حاجه توصل لكدا
التفكير مش علي اي حاجه تانيه غير الموضوع دا وبس
اعملي وماتعمليش والبسي وماتلبسيش علشان خاطر الشخص دا
ليه مافيش نوعيات من القرارت دي
بس للشغل
للدراسه
للمستقبل العلمي والعملي ليها
ياريت نركذ علي الحياه بجد...مش علي موضوع واحد وبس
علموها تتعلم بجد...تتصرف فالمواقف اللي ممكن تتعرضلها فالحياه
والتفكير السليم والصح علشان تاخد قرارت فحياتها صح
مش اي حاجه والسلام وممكن تندم عليها بعد كدا
ياريت






هناك 9 تعليقات:

  1. شوفى يا سونى

    عارفة المشكلة ان دى الحقيقة

    أحنا فى مجتمع غبى

    دة أقل وصف

    أحنا بنكون مضغوطين نفسياً و خلاص

    فممكن مع هذا الضغط نتخذ قرارات تكون ليها تأثيرات سلبية كثيرة

    دة و قدام عينى نماذج كتير

    يمكن الضغوط دى بتزيد على البنات

    يمكن انا علشان ولد قدرت أحجم الضغوطات دى

    لكننا فى مجتمع غير سوى

    ردحذف
  2. ده مجتمعنا وده اللى عايشين عليه من سنين

    لكن لازم يتغير

    المفروض كل اب وام يتعلموا كده

    ويتصرفوا مع اولاده بالشكل ده

    وقبل الوالدين لازم احنا نتعلم ده

    علشان نعلمه لاولادنا

    لكن فين ... لا حياه لمن تنادى

    ياريت نتغير ونفهم ونتعلم وناخذ قرارتنا بعيد عن

    اى ضغوط

    موضع مهم يا سونى

    ربنا يسعدك ويريح قلبك

    اقعدى بالعافيه

    بالمناسبه انا بتعلم كتابه الخواطر جديد واحب اخد رايك فيها http://sahrdodo.blogspot.com/
    تحياتى

    ردحذف
  3. جميل طرح الموضوع لانك هنا بتتكلمى عن الفكر ومعاملة الانسان (ادم و حواء) كمنظور شامل وليس منظور محصور فى زواية واحدة
    ما يحدث هو سلسلة من المورثات المتبعدة عن حظائر الاديان التى تحث بنى البشر على تهذيب انفسهم والارتقاء والسمو والتفكر فى تعمير تلك الحياه
    مع مرور الوقت وانتشار الانسان المزيف وطريقة تفاعله
    ووجد هذا المورث عجينة لينة متمثلة تلك العجنية فى تلك البنت فى بوستك
    التى لم تستفد من تعليمها وانارت عقلها حتى يكون لديها القدرة على انارة عقول غيرها وتحسين فكرهم
    ومطاردة الفكر بالفكر بل لعبت دور المكسور جناها الطالبة للستر والتستيت
    لذا جاءت الكلمات التى كررتيها كثيرة نظرت الى اسفل وسكتت
    وهذا يدل على مثال لضعف الفكرى وحالة من الغياب لقدرات الانسان العقلية
    لذا الحل سيدتى
    ان يدافع كل منا عن مكنونه كاءنسان من خلال علم وفهم وادراك تعلمه فى تلك الكتب التى ندرسها والمعرفة التى تزيد بالقراءة واستشارة الحكماء

    والا كانت الامية الفكرية وضعف القدرات هى العنوان الرئيسى

    لك كل التقدير على هذا الطرح الثمر

    ردحذف
  4. مهما كان ومهما حصل متخليش الضغوط مهما كترت عليك انها تخليكي تاخدي قرار انت مش راضية عنه
    دي حياتك وانت اللي هتعيشيها شم حد تاني
    حاولي تاخدي قرار صح
    والعمر مهما عدي وفات ده قدر ربنا قدره لكل واحد فينا وبلاش تاخدي كلام الناس علي قلبك كدة سيبك من كلام اي حد المهم احساسك

    ردحذف
  5. ماكى حق بس المشكلة فى غباء المجتمع و تسلطه

    ردحذف
  6. التعليق مش هيفيد انا عارف ولا هيصلح

    وكتر الكلام مش هيزود حاجه

    خلى بالك بس من ان ال ذ كلها ز فى الموضوع

    كمان مره وهخصم منك درجات

    ردحذف
  7. سيبي اللي يتكلم يتكلم في الاخر انتى اللي هتعيشي مش هما

    فعادى جدا يحصل كل الكلام دا

    ردحذف
  8. الناس بتخاف من بعضها .. ودايمن باصيين لبعض عشان ينتقدوا بعض ويحسوا إنهم أحسن من بعض لما نسيوا إنهم نسيوا نفسهم وبقوا عايشين عشان يرضوا بعض

    لو عاوزه تبقي معاهم بإديكي ..وهتشوفي منهم كتيير وعلى أول زنقة نتيجة زنهم هتكوني لوحدك وهيجوا عليكي يلوموك ِ
    أحسن حل : طظ في كل الناس , دي حياتك إنتي وبتتعاش مرة واحدة عيشي نفسك مش حد غيرك ,إنتي راشدة وعارفة اللي يصح ليكي
    دا مايمنعش تخدي خبرة من أهل ثقتك

    ردحذف
  9. ياجدعان هو مفيش غير الموضوع دة
    مجتمع تعبان فعلا
    عاوز اصلاح وتبديل وتغيير

    ردحذف