الاثنين، 11 أبريل، 2011

تهييسات

- عندي عاده بعتبرها سيئه:
قبل ماأنام وانا بنام متأخر॥اقوم ريحه علي التلاجه اعمل سندوتش جبنه بيضا وعصير برتقال
وديمن بابا يقفشني وانا ديمن بقولوا مش هاكل بليل تاني علشان خايف علي صحتي

-بعد ماسمعت خطاب الرئيس السابق مع عيلتي...
كلهم سكتوا وانا قعدت أضحك
بيقلولي بتضحكي علي ايه...
قلتلهم سيبوه يتكلم....هوا حد هيسمع؟

-الايام دي بحن لأيام زمان اوي
مااعرفشي ليه
وحشتني مدرستي..........وحشتني شله البنات بتاعتنا
وحشني حوش المدرسه وانا لما كنت بجري فيه
ارخم علبنات ويرخموا عليا ونفضل نجري ورا بعض
والجري دا ماعملتهوش فالجامعه خالص
وحشني الجري جدا

-نفسي اتقابل مع شلتي
كل شويه بحاول انزلهم الاقي الظروف منعتني
بجد وحشوني

-سألتني صحبتي
لو كنتي ارتبطي بحد وفركشتوا
ممكن ترجعي تكلميه عادي تاني؟
طب لو كنتي مكاني كنتي عملتي ايه
ماعرفتش ارد

-محتاجه للتغيير فحياتي
فما قبل २५ يناير
هوا بعد २५ يناير بالنسبه لي

-بعض الا حلام........
يجب ان تكون احلاما فقط
وبعض الجروح سطحيه ولا نراها
واخري عميقه ويصعب علينا...فهمها

-وأخيرا:
الصدفه....
خير من الف ميعاد



هناك 30 تعليقًا:

  1. مفيش أحلا
    من التهييس والتنفيس
    وكل شيء ميه ميه ورخيص
    وكتروا من أبو بلاش لأن مفيش أحسن منه :)

    قولي لصحابتك .. لا متكلمهوش

    ردحذف
  2. السلام عليكم
    مبدئيا انا حعلق على عدة جزئيات ممكن تكونى بتحنى لايام زمان لانك مش لاقيه فى الايام دى فرحة زمان ولعب زمان والضحكة اللى من القلب حاسة ان الهموم كتير والتفكير كل يوم بيزيد فا حابة انك تهربى من الحاضر فى ايام زمان وبتدورى على اى شئ يفكرك بيها اعتقد دة

    سؤال صاحبتك تكلمه كأصدقاء يعنى اية المشكلة فى دة عادى يعنى طالما فى حدود الاحترام مافيش مشاكل انا شايف كدة من وجهة نظرى

    اما بالنسبة لقبل 25 وبعد 25 ممكن انتى بس اللى حابة تحطى نفسك فى بوكس واحد الخروج من الروتين سهل جدا بس لو انتى عايزة المسألة دى حلها فى أيدك

    تحياتى

    ردحذف
  3. يا سوني من فضلك لما تروحي تعمليلك سندوتش جبنة متنسيش تعمليلي معاكِ:dبس بشاي ولبن بلاش برتقال...

    قولي لصديقتك كل تجربة وليها اجابة .

    بحاول اخلي قبل غير بعد ...

    بوستك زي العسل ( البوست لحسن حد دماغه تروح لبعيد(:"

    لولا

    ردحذف
  4. حبيبة قلبي
    وحشتيني جدا
    بوستك مفروض يكون اسمه لخبطة
    بس تعرفي
    من رحم اللخبطة دي الناس بتنضج
    من رحمها كل واحد بيجد اجابات لو حد تاني قالها له مش بيصدقها
    في بعض الأحيان لازم نتلسع من الشوربة اجباري علشان نعرف ايه الي بيتنفخ فيه بعدها
    وقولي لصديقتك مينفعش
    خالص

    تحياتي

    ردحذف
  5. لو كل التهيس بالشكل ده
    فكلنا بنهيس كتير
    هههههههه
    هيسى يا روحى ولا يهمك اوعى تكبتى لحسن نتعب ويجلنا الضغط بدرى بدرى

    ربى يحافظ عليكى

    ردحذف
  6. انا مع دكتورة ستيتة ان البوست لازم يبقي اسمه لخبطة مش تهييس
    بس بجد كل نقطة فيهم عجبتني ووجعتني
    وحشاني اووي اووي يا سنسن

    ردحذف
  7. امممممممممممممم عارفانى ولا لاء؟؟؟؟؟؟؟؟؟

    طيب حذرى كده انا مين؟؟؟؟؟؟؟؟

    طيب أقولك أماره واحده بتحبك جدا وسابت التدوين والنت والفيس وانتى تقوليلها يا بنتى كده مينفعش مش ده الحل بس هيه أبدااااااا أصل دماغها ناشفه بعيد عنك ههههههه ها عرفتينى؟؟؟؟

    وحشانى أوى أوى أوى أوى أوى ما صدقت عرفت عنوان مدونتك

    بقولك ايه انا عايزه موبايلك بس طبعا مش هينفع تسبهولى علنى كده

    ابعتهولى على الفيس وانا هفتح اشوفه أوك؟

    يا رب بس تكونى عرفتينى :))))))))))

    ردحذف
  8. :) أنا كمان ماما دايما تقول لي مش آكل بالليل عشان مش كويس. كلنا دايما بنحن للماضي لأننا بنحسه أحلى من دلوقتي. ببساطة.. هي أيام مش تتعوض أصلا

    صاحبتك.. كـنت بفكر زيها في يوم من الأيام بس اكتشفت إنه عمره ما هينفع. خليها ماتحاولش أحسن عشان هي اللي هاتتعب
    بعض الا حلام........
    يجب ان تكون احلاما فقط
    حبيت أوي الجملتين دول.و الجروح.. ساعات كتير بحس إن الصمت أبلغ كتير من إنك تحاولي تشرحي اللي جواكي من كتر عمقه
    تحيـاتي سوني :)

    ردحذف
  9. جميل يا سونى البوست

    انا هسميه فضفضة مع النفس


    وردة لعيونك

    ردحذف
  10. السلام عليكم

    جميل سندوتش مشكل جبنة ومربى وحلاوة مع كوكتيل عصائر .. هكذا رأيت البوست شهي ويفتح النفس ..
    واخيرا ميعاد صادف صدفة خير من الصدفة( ازاي معرفش )...

    ردحذف
  11. أحب أن أختص تعليقي بالسطر الأخير
    صدقيني بأن الصدفه تصنع حباً أكبر
    من حب الألف ميعاد
    _____________________
    عيشي عزيزتي كما تحبي وتغيري كما تحبي ومتى تحبي
    لا تنتظري أن يأتي أحد يملي عليك ما تفعلين
    أجري وليه لأ ..أيوا اجري في الجامعه فيها أيه
    جميل أن تكون قلوبنا مليئة بالطفولة
    تقبلي زيارتي الأولى لمدونه رائعه مثلما أنتِ

    ردحذف
  12. سيدي الرئيس:
    والبركه فالتهييس:)

    ردحذف
  13. أول مرة أزور مدونتك القيمة .. تهنئتي لك على المجهود المبذول والرائع..
    ميدان التحرير الان
    اخبار مصر لحظة بلحظة
    ثورة 25 يناير

    ردحذف
  14. فعلا دي اسمها فضفضة وليس تهييس

    انا شدني اكتر في الكلام جملة (انا قبل25يناير هو انا بعد25يناير)للاسف احنا بننادي بالتغيير ونسينا نفسنا لازم نبدأ بنفسنا الاول ودي بداية التغيير الصح

    شكرا ع الموضوع الشيق

    ردحذف
  15. سيدئ الرئيس:
    موساء الفل يامعنمي

    ربنا معاك فأول يوم تدريس
    وقتها بينفع التهييس

    ردحذف
  16. الشاعر:
    هو ممكن يتغير
    فالخطه الخمسيه القادمه بأذن الله:)

    وطبيعي بيكون احيانا في هروب من الحاضر
    بسبب خوفنا من اللي جي
    بس هيكون احلي بأذن الله
    توشكر يامعنمي

    ردحذف
  17. لولا وزهرا:

    عونيا
    وكدا يبقي لقيت حد مدمن للشاي بلبن غيري هنا:)

    وكلنا بنحاول التغيير
    ربنا معانا

    وعلي فكره..انا فهمه صح
    ميرسي ياحبي

    ردحذف
  18. ستيته حسب الله الحمش:
    وحشاااني اااد كدهون:)

    يارب تكوني بخير

    انا بعتبرها لحظه للتوقف شويه قبل ماابتدي اشوف انا اعمل ايه
    محتاجه لوقفه مع النفس دي

    وكلنا هننضج..ومهما كبرنا,ديمن بنتلسع

    ميرسي مامي

    ردحذف
  19. مرمر:

    هههههههه
    مش للدرجه يعني
    كلنا بنهيس وبنظبط دلوقتي

    امال هنهييس امتا؟
    تسلميللي

    ردحذف
  20. رحاب صالح:
    وحشاني بجد
    وانا كمان معاها:)

    وطبيعي انها توجع
    مهي وجعاني بس لازن نعرف الوجع
    علشان نعالجه

    ردحذف
  21. مدونه ماكفايه بقي:
    موله حببتي
    بجد بجد وحشاني

    وحشاني جدا جداااا
    طمنيني عليكي بجد عمله ايه

    بجد حولي ترجعي تاني وحشني التهييس معاكي

    هحول ابعتلك واكملك ياحبي:)

    ردحذف
  22. wish i were butterfuly:

    انا مش عرفه ايه المشكله فكدا بس
    عاااااا:((

    وادينا بنحاول نتعلم
    ونبص لاادم

    لان مهما حصل
    امبارح مش هيرجع
    فبنحاول ان بكرا
    يكون احلي من انبارح بأذن الله

    ردحذف
  23. مس فينوس:
    المهم انه عجبك:)

    ردحذف
  24. جني:
    طب مدام عجبك
    تعال معايا واعمل السندوتشات:)

    واهي كلها...
    صدف

    ردحذف
  25. سوما:
    منوره بزيارتك وطلتك عليااااا
    انا شيفه

    ان كل حاجه
    ليها نقطه التقاء

    وبس
    ادي الحكايه كها

    تسلمي

    ردحذف
  26. اخبار مصر لحظه بلحظه:

    شكرا لوجودك

    زورنا تجدوا ماتتمنوا

    ردحذف
  27. ورقه وقلم:

    ميرسي كتير
    وبجد بجد
    بحاول التغيير
    دعواتك

    ردحذف
  28. كلام واعي جدا يا سوني ومش تهييسات ابدا

    تسلمي يارب

    ردحذف
  29. ما اجمل ذكريات الطفولة

    اما موضوع السندوتش فبلاش تاكلى جبنة بيضا ممكن تاكلى جبنة رومى

    تحياتى

    ردحذف