الاثنين، 18 أبريل، 2011

شعر جديد ..بس مش بتاعي

بدور عليها..شعر غنائي
_____________________

بدور عليها
جوا البحور بين الصدف
وأتمنا تجمعنا الصدف
والاقي قلبي بيتخطف
وسابني قلبي وراح ليكي

يشهد علي الحب القمر
وحتي أوراق الشجر
حبيبتي يا أغلي البشر
ياكل الدنيا ومافيها

والشمس تزعل في غروبها
علشان حتقفل أبوابها
أصل أحنا هوانا دوبها
وحبت النهار بينا

والليل لنهاروا بيلوموا
ويعاتبوا نهاروا علي لوموا
ويجيب الليل في نجوموا
ويسهروا مع حكاوينا

عارفك قبل ما أشوفك
وراسم قلبي بحروفك
وبحلم أمتا أشوف طيفك
ويفرح قلبي وياكي

يابحر وسحر وحكايه
يامعني الحب جوايا
مشتاق القلب لبدايه
ونفسه انه يلقاكي

من ديوان ضهر البيوت
لأستاذ أحمد عبد العليم

عجبوني أستأذته احطهم هنا
يارب يعجبوكم


هناك 23 تعليقًا:

  1. يابحر وسحر وحكايه
    يامعني الحب جوايا
    مشتاق القلب لبدايه
    ونفسه انه يلقاكي
    .....
    جميلةجداً
    شكرا لصاحب الكلام الجميل دا
    وشكرا لكِ ان عرفتنا به.

    ردحذف
  2. مفيش احلى من الحب فى الحياه هو اساس كل حاجه

    ردحذف
  3. شكرا ليكي يا سوني، وشكرا للتعليقات الرائعة على كلماتى المتواضعة

    ردحذف
  4. ها أنا زرت مدونتك يا سوني

    اختيار جميل.


    "رشيد رشيد"

    ردحذف
  5. يا مساء الرومانسيات اللي مليش فيها خالث
    انا اخرتي شعر فصحي في الرومنسيات لانه تحدي للشعرا
    بس تكرمي يا حجة علي الشعر .

    ردحذف
  6. بسنت صلاح الدين18 أبريل، 2011 11:37 م

    تسلم ايديكى على الكلام الجميل استعاره موفقه

    ردحذف
  7. شعر مش بتاعك

    يعني باروكه صح؟

    ردحذف
  8. عارفك قبل ما أشوفك
    وراسم قلبي بحروفك
    وبحلم أمتا أشوف طيفك
    ويفرح قلبي وياكي
    =======================

    تسلمي يا سوني

    اختيار جميل لشعر أجمل

    ردحذف
  9. اختيار رائع
    تسلم الايادى اللى كتبت
    و تسلمى ياسونى على الاختيار

    ردحذف
  10. جميلة اوى ماشاء الله
    اختيار موفق عزيزتى سونى

    لك كل التقدير والاحترام

    ردحذف
  11. اهم حاجة تكونى استأذنتى

    جميلة الكلمات

    تسلمالايد اللى كتبت واللى نقلت

    ردحذف
  12. الله الله الله على الكلمات الرائعه
    والله القصيده دي اتقال فيها كل اللي كنت ناوي اكتبه في قصيده بس عمري ماكنت هعرف اطلعه بالشكل دا
    رائع بجد فعلا

    "عارفك قبل ما أشوفك
    وراسم قلبي بحروفك
    وبحلم أمتا أشوف طيفك
    ويفرح قلبي وياكي"

    بالتوفيق وشكرا على الاختيار المتميز
    :)

    ردحذف
  13. السلام عليكم
    كلمات جميلة جدا
    بس فى حاجة بسيطة خالص
    تظبيط ضمير المخاطب (غائب )

    ردحذف
  14. عارفك قبل ما أشوفك
    وراسم قلبي بحروفك
    وبحلم أمتا أشوف طيفك
    ويفرح قلبي وياكي

    الله على الروعه والاحساس المرهف اجل الحبيب يعرف حبيبه حتى فبل اللقاء

    شاعر مرهف الحس

    سعيده سونى لانك عرفتينى عليه

    تمنياتى للجميع بالتوفيق

    تحياتى

    ردحذف
  15. مساء الورد
    مساء مرهف بالاحساسي الجميله اختير رائع منك
    اعجبنى هذا المقطع

    يشهد علي الحب القمر
    وحتي أوراق الشجر
    حبيبتي يا أغلي البشر
    ياكل الدنيا ومافيها

    شاعر لديه احساس مختلف ينظر نظره تفائليه
    ياريت يا سونى تعرفينا عليه قريب
    تحياتى لكى وللبوست ارائع

    ردحذف
  16. جميلة أوي و رقيقة أوي

    حرف الـ"ح" الكتير دة خلاها أرق كمان :)

    هو فنان، و انت شكرا على اختيارك سوني

    ردحذف
  17. "

    عارفك قبل ما أشوفك
    وراسم قلبي بحروفك
    وبحلم أمتا أشوف طيفك
    ويفرح قلبي وياكي"
    رااااااااااائعة تسلمِ على تذوقك وامانة النقل

    لولا

    ردحذف
  18. كلمات جميلة فعلا

    شكرا ليكى يا سونى على النقل الموفق

    ردحذف
  19. كلمات جميله

    شكرا للكوبى يا اجمل سونى

    ربى يسعدك

    ردحذف
  20. جميلة بس الاجمل لو سمعناها بصوتك غنتيها يعنى ههههههه

    تحياتى و تقديرى لكى

    ردحذف
  21. مادام القصيدة فيها شمس
    يبقا علي بركة الله

    :))

    ردحذف