الجمعة، 6 يناير 2012

بحبك......أوي

بحبك أوي....
مش عرفه أعبر عن حبي ليك أزاي

انا بحبك أوي ومايهمنيش غير رضاك
وانا عرفه وحسه من جوايا أنك يارب بتحبني كمان

مش عرفه ازاي؟؟

لما أكون مهمومه وقلقانه زي دلوقتي ....والاقي فجأه حواسي كلها تقف
وتسمع صوت شيخنا الجليل عبد الباسط بيقول

(الا بذكر الله تطمئن القلوب)
بتبسط أوي وبعيط من كتر مابحس وقتها انك بتحبني يارب

لما اون بتخنق من العياط وبفكر ليل ونهار فمشكله حصلتلي ومبقتش عرفه اعمل ايه فيها

فجأه ابص فشاشه التليفزيون الاقي الايه القرأنيه الكريمه

(وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ)
بدمع لاني وقتها بحس انك بتحبني يارب

ولما يجي وقت عليا ماأنظمش فالصلاه ويجي عليا وقت مش بصلي..أمشي فالشارع...احس بأن روحي بتطلع مني ومخنوقه مااعرفش ليهي أبكي وبس

الاقي فجأه ميتم بيقرأ فيه الايه القرأنيه:
"فإذا قضيتم الصلاة فأذكروا الله قياماً وقعوداً وعلى جنوبكم فإذا إطمأننتم فأقيموا الصلاة إن الصلاة كانت على المؤمنين كتاباً موقوتاً

طبيعي...أحس بأني بحبك أوي
وأنك يارب بتحبني

وهتديني كل حاجه حلوا وانا واثقه فدا جدا ماأعرفش ليه

بس دا أحساسي

أدتني عيله بحبها..وشغل وسط ناس محترمه وأي واحد بيتبسط بوجوده بينهم

طبيعي أني أحبك يارب

بحبك أوي وبجد كان نفسي أعمل أي حاجه بس ماتزعلش مني يارب

بحبك ...
بحبك أوي يارب:)


هناك 16 تعليقًا:

  1. و نعم بالله

    هو الخالق هو الرازق هو العافى هو الشافى هو المطلع

    تحياتى

    ردحذف
  2. ربنا يسعد قلبك كمان وكمان يا سنسن
    و أحبك الذى أحببته اكتر واكتر يا حبيبتى
    وطمئن قلبك دايما
    يا رب


    وحشتينى والله

    ردحذف
  3. بعد السلام والتحية
    أزيك يا مستشارتنا الكبيرة
    الشعور انك قريبة من الخالق
    ربنا يجعلك كل أعمالك في طاعته قادر يا كريم.

    ردحذف
  4. مالناش غيره
    عارفة لما بسمع السورين بيهتفوا
    ماالنا غيرك ياالله
    مابقدرش احبس دموعي

    قولة يااااااارب بتريح كتيييييييير

    ردحذف
  5. ونعمه بالله يارب
    يارب يسعدك يارب ويفرح قلبك دايما

    ردحذف
  6. واكيد ربنا بيحبك اوي لأنه بيبعتلك الرسايل الجميلة دي
    ربنا معاكي ويوفقك ياحبي
    ويريح قلبك يارب

    ردحذف
  7. ونسيت اقلك انك وحشتينى

    ردحذف
  8. ربنا يهدينا جميعاً للحق وللخير ويفرج عنا همومنا ويفرح قلوبنا ويسترنا وييسر لنا حالنا اللهم آمين

    بوست جميل ومعبر وصادق جزاكي الله خيراً عليه وجعله في ميزان حسناتك اللهم آمين

    دمتي في خير وسعادة

    :)

    ردحذف
  9. ونعمه بالله حبيبتى
    ربنا يفرح قلبك يارب كمان وكمان ويزيل عنك اى شىء يبعد من القرب لله

    ويحقق كل مافى قلبك يارب

    ردحذف
  10. ما شاء الله .. ربنا لما يحب العبد يقربه منه يفكره أن ربه كريم ومعاه وبيدعيه للرجوع إليه

    سبحانك اللهم انى كنت من الظالمين

    ردحذف
  11. ينفع ع الإيميل ؟

    modynoty@gmail.com

    ردحذف
  12. احلى وقت هو وقت المناجاة مع ربنا
    فيها لذة مش هتلاقيها في اي وقت تاني

    ردحذف
  13. السلام عليكم ورحمة الله وبركاته
    جزاكم الله خيرا على هذا الموضوع الجميل
    والله موضوع جميل ومشوق بارك الله فيكم ياشباب

    ردحذف
  14. ونعم بالله
    رااااااااااااااااائعة يا سوني
    فعلا جسمي اقشعر وانا بقراها :)
    الا بذكر الله تطمئن القلوب

    بحبك يا اللــــــــــــــــــــــــه

    ردحذف
  15. شكرا لكل حد قال كلمه شجعتني

    شكرا ليكم كلكم

    بجد وحشني التدوين
    ميرسي

    ردحذف