السبت، 25 يناير، 2014

لنفسي

الفتره دي 
صعبه عليا أوي

من أول يناير وانا مش عوزا افتكر
اللي أتنسوا

ربنا يرحمهم
ويرحمنا لاننا قصرنا فحقهم
ويرحمني
علشان قصرت فحق نفسي

حلمت بحاجه وكان نفسي فيها أوي
بس ماكملتش
حلم جميل أوي

صحيت منه
بشكل شخصي أو بشكل عام
الاتنين

أتوجعت اوي
بس هتوجع أكتر لو بعدت
لذلك ماعنديش غير اني بتمني كل خير

دلوقتي مفيش غير جمله واحدا بس بقولها ليا

ماحدش عارف في ايه جي
بالنسبالي

أملي بس فربنا
ومبفكرش فأي امل تاني

تعبت من التفكير
تعبت من كل حاجه
بحاول ارجع تاني لنفسي

علشان اعرف اكمل
وربنا يأذن للي فيه الخير للكل
عرفه انه كلام غريب وعام أوي



لكني موجوعه أوي
وبحاول أصبر
ومش عرفه النهايه
بقيت حسه أني مشوشه
بقيت مش عرفه حاجه
بس بحاول اخرج من الحاله دي
أرجع اعمل كل حاجه بتفرحني تاني
أرجع تاني
لنفسي
يارب

هناك 11 تعليقًا:

  1. ربنا كبير يا سونى
    حالة وهتعدى ان شاء الله
    اكتبى وفضفضى .. لعل الراحة تأتى من وراء الكلمات

    ربنا يطيب قلبك
    يارب

    ردحذف
  2. طالما انتي مع ربنا..ومن جوا نفسك موقنة بقدرته ورحمته..ان شاء الله ها تجبري يا سوني
    لا تدري.. لا تدري

    ردحذف
  3. بحاول يافانيما
    بحاول
    انا موجوعه ومتلصمه بما فيه الكفايه
    مش عوزا ادخل فحاله اكتئاب مااعرفش هخرج منها امتي
    بحاول اعمل كل حاجه بحبها

    حسه ان كل حاجه بقت عليا

    بحاول

    ردحذف
  4. من جوا نفسي
    موقنه
    موقنه بالقوي
    موقنه بالجبار
    موقنه بأنه بيبعد عني كل شر
    وبيخلي فحياتي كل خير

    وهو اللي نزله فكتابه العزيز:
    وعسي ان تكرهو شيء وهو خير لكم وعسي ان تحبوا شيء وهو شر لكم
    كل مابشوفها
    بعيط


    موقنه

    ردحذف
  5. كلما أظلمت واشتدت .. فقد اقترب الفجر والفرج
    تناسي أحلامك قليلا مهما كانت غاليه .. وعيشي مع الواقع .. واتركيها علي الله
    وربنا يفرج ما بك من كرب

    ردحذف
  6. كل تجربه بنعشها في الحياة بتضيف لينا وبتقوينا وبتدينا خبره قوية وساعات كتير بتدفعنا لقدام
    وساعات احداث بتحصل لنا بنشوفها وحشه لكن بعدين بنعرف ان ربنا كان رايد بده خير وخير كتير كمان
    ربنا يريح قلبك يارب

    ردحذف