وياتري أيه اللي جي
مليون فكره فدماغي بحاول أفكر واترجمها لواقع
شويه بعرف وشويه لا
حاجه عوزاها وهي واقع ادامي
بس مش قدره أطولها
ماضي بحاول انساه وأتنساه
بفتكر الحلو وبجتهد اني استفاد من الوحش
بكل حاجه اتعلمتها
بكبر فعليا
فالعمر
شويه فالفكر
وزي ماأنا فحاجات تانيه
بحاول أفضل بشخصيتي برغم محاولات كتير
اني اتغير
بنفكيري وتصرفي اللي كتير منه طفولي
بس انا كدا
ومش عوزا اتغير
واللي عاوز يقبلني فحياته يقبلني بالشكل دا
وكتير منهم أهلي وناس قريبين مني
بس انا مش عوزا اتغير غير للأحسن
مش عوزا أبقي متجمدا او شخصيه هاديه
خالص
عوزا ابقي مجنونه زي مانا
اعمل الحاجه اللي بحبها
انزل الصبح قبل شغلي أعدي علي حبيبتي
وأزوها أطل عليها...السيده
اتمشي يوم أجازتي فالحسين واخد البنات معايا
هما بيتبسطوا يمكن اكتر مني لما بنروح هناك
أخد المج وأنزل الصبح اتمشي حبه علي النيل
قبل مااروح الشغل
حتي وانا ركبه بحب أسمع فيروز
امنيه حياتي أروح شط مفيهوش حد
اقعد اتفرج علي شروق الشمس وانا بسمعها
لما بحب الناس أوي ويغيبوا واشوفهم تاني
ببقي فرحانه بيهم لدرجه اني بتنطط
طبعي كدا
وحياتي كدا
ومش بقبل حد يغيرني
انا بحب اتغير من نفسي فدماغي
يبقي ليه عوزين ابقي زي الاله
كل حاجه بحساب
؟
ليه
بس دا قراري
بدايتي بفكر فيها
يمكن اوصل
يمكن لا
بس هحاول
فبدايتي...
كل امنياتك وطموحاتك جميلة
ردحذفوالاجمل انك نورتي مدونتك
ياريت الكل يرجع تاني
أحمد الصعيدي:
ردحذفازيك ياجدع عامل ايه
يارب كل شيء يبقي كويس
كلنا راجعين بأذن الرحمن :)
احنا بنحبك زى منتى كدا
ردحذفومتتغيريش يا سنسن
وربنا يا حبيبتى يحققلك كل ما تتمنى
واكتر
واحسن ألف مليون مرة
حمدلله ع السلامة
والعود سنسن وجميلة وطِعم وشقاوة
وحلو لون المدونة كدا
مترجعيش للأسود تانى
مكنش لايق عليكى الغمقان أصلا ...
:-*
ايه البوست الجميل دا
ردحذفنورتى مدونتك
امضاء
الدماغ اافظيعه فوق المريعه
فاتيما:
ردحذفالاحلي انك جيتي هنا اساسا وشوفتك تاني
لو ينفع كنت اتنططت هنا بس هنا كتابه وبس
وحشاني اوي اوي
انا مش بعرف ابقي فالغامق ربنا خلقني كدا
فكره يوم ماقلتلك يوم مااموت مش عوزا حد يزعل عليا
انا دا طبعي
مش عوزا حد يبقي زعلان
ويارب الكل يبقي فرحان
يارب
الدماغ الفظيعه فوق المريعه
ردحذفشكرا
وتتغيري ليه يا سوني وانتي كلك مميزات
ردحذفوحتى يا ستي لو مليانة عيوب..اللي يشوف يعوبك يلتفت لحاله أبرك
نفسي اروح السيدة والسين قوي..قوي
بقى لي كتير بلف في الحلزونة
تحياتي وحمد لله على السلامة يا جميلة
ألف بعد الشر عليكى
ردحذفحزن وشجن البرج بتاعنا دا اللى ملوش آخر
ربنا يروق بالك دايما
:-* وحضن كبير
صباح الفل :)
ردحذففكرتيني بالريحاني لما قال انا كده شكلي :)
ياحبيبتي ماينفعش الانسان يكون غير نفسه وبس
ستيته :
ردحذفممتي وروحي وقلب من جوا :)
وانا نفسي تيجي معايا اوي
بجد هبقي مبسوطه كتير لو جيتي معايا
اتفقنا؟
فاتيما:
ردحذفالحزن والفرح شمس وقمر فحياتنا
بيجوا فميعاد ويتبدلوا فميعاد
ومفيش حال دايم
الا وجهه سبحانه وتعالي
ربنا يفرح قلبك كتير
تستاهلي فرح كبير اوي
شمس النهار:
ردحذفصباحك نور وفرح اد كدا وامل اااااااااااااااااااااااااااااد كدا
:)
وانا زي مانا
بس نفسي اعرف
هما عوزيني اتغير ليه
؟
انتي شبههي شوية كتير
ردحذفبحب تكون انا انا
محدش يغيرني ولا اتغير الا باللي مقتنعة اني فعلا لازم اغيره عشان غلط
:)
ردحذفعيادات جلدية | جراحة تجميلية
مركز رما الطبي بالرياض يقدم خدماته المتنوعة بأعلى قدر من الكفاءة وبأسعار متميزة
العناية الكاملة ضد العلامات المبكرة لتقدم سن البشرة , تجميل البشرة والحقن التجميلى لإعادة شكل الوجه
العمليات الجراحية التجميلية – علاج وتجميل البشرة بالليزر – العناية بالبشرة والجسم – معالجة الامراض الجلدية – تخسيس الجسم , وخدمات متميزة كل هذا واكثر من مركز راما Rama Premiere
.
الاتصال
920011224
لزيارة موقعنا
http://ramapremiere.com/
Facebook :
https://www.facebook.com/ramapremieresa
Twitter:
https://twitter.com/ramapremiere