الثلاثاء، 23 فبراير، 2010

ذكريات فدماغي




النهارده اول يوم فالدراسه هييييييييييييييييييييييييه
روحت علي الجماعه قبل ميعاد المحاضره بمده واتقفت مع شلتي هنتقابل هناك ادام المدرج
انا بقي مشيه وحسه اني فعالم تاني
صحيت النهارده مدروخه وتعبانه ومصدعه معرفشي ليه واجبرت نفسي علي الاكل علشان
اقدر اكمل اليوم واصلا ممتي مسابتنيش انذل من غير ماافطر..شوفتو الامهات يجماعه
فعلا دول نعمه كبيره من ربنا..الحمد لله
انا بقي فأول يوم دراسه فالتيرم دا احساسي غير..يمكن لانه اخر تيرم ليا او اني بجد اما هخلص هفتقد المكان دا
هفتقد اربع سنين من عمري يمكن هما قليلين فالذمن بس بحساسي انهم بعمري كله
عرفت اجدع صحاب..وقفو جنبي فأشد وقت كنت محتاجه فيه لحد...وعرفت الندله برضه بتوع مصلحتهم وبس..عرفت الناس اللي بجد من جواه تستاهل انك تعرفها بالرغم انهم ممكن تكون تصرفاتهم غريبه مبين الهذار الجامد او السكوت الدائم(أيه الكلام المنمق دا...يخراشي ههههههههه)
وعرفت كمان اللي بيعرفوك علشان مصلحتهم ودول كتييير مريت بيهم يعملو فوقت انهم اصحابك واكتر من حبايبك ووقت ممصلحتهم تخلص ..ولا يعرفوك تاني مع انهم سبحان الله بيشتكو ان كل الناس مصلحنجيه وموش بيبصوا لنفسهم
انا عادتي عاده غريبه
اول مابروح مكان واكون موجوده فيه لفتره ..اول يوم ليا واخر يوم ,بقعد امشي جنب السور والمس السور بتاع المكان دا معرفشي ليه عندي نوع كدا ذي حب او ارتباط بالاماكن اللي بكون موجوه فيها
مدرستي فثانوي كنت لما بمشي بقعد المس السور والجامعه كذلك
وانا مشيه النهارده جنب الجامعه طول الطريق المس سور الجامعه مبسوطه وفرحانه بعد اسبوعين حبس فبتنا بقي ههههه
بحس ان مجرد لمستي دي بتديني الامان وبتأكد حبي للمكان دا اللي ليه ذكريات فقلبي عمري مهنساها
دخلت من البوابه .....ايه دا
الصداااااع رااااااااح يرجاااااااله هيييييييييييييه
فرحانه اني شوفت وشوش الناس اللي متعوده اشوفها ديما فالجامعه
اقعد اتنقل مبين مكان لمكان واشاور واسلم علي اللي بيصادفوني فطريقي من صحابي (هو انا مقلتلكوش ..انا موش بعرف صحاب وبس لااااااااااا
انا بعرف صحاب الصحاب بتوع صحاب صحابي بقي..مهما الناس الاجتماعيه كدا
غلسيييييييييييييين وعملين ذي البارشوت هههههههههههههه)
بجد من كتر فرحتي اني فالجامعه كل اللي كنت حسه بيه من صداع ودوخه راح معرفشي ليه(لو حد عنديه تفسير علمي ياريت يقولي يجماعه ماااااااعلينا)
مشيه فالجامعه واروح للاماكن المفضله ليا ,الجمعيه العلميه اللي كان فيها حبايبي بتوع المودل سلمت علي الموجودين وبجد اتبسطت لما شوفت فرحتهم انهم شافوني لاني بجد حسيت اني مقصره معاهم مووت بعد ماخرجنا كلنا رحنا معرض الكتاب وهما اللي قررو الخروجه دي لما لاقو حالتي فالاجاذه موش ولا بد بسبب اني موجوده فالبيت شغل وبس موش بخرج....بجد ناس اقل مايقال عنهم انهم يستالهو كل خير وياريت الايام متفرقناش عن بعض اللهم امين
شويه وروحت لشجرتنا (دي شجرايه كدا موجوده ورا الجمعيه بس اييييييه موجوده منذ عمق الذماااااان ادام مدرج أ ...اللي فتجاره هما اللي هيعرفوها بس)

قعدت بصتلها وقولت ياااااااااااه دي وحشاني قوي ..يما كنا بنقعد تحتيها انا والشله بتاعتي وضحكنا وهذرنا وحتي فأوقات حذننا..كنا بنروحلها ونقعد تحتها كأنها فعلا امنا اللي بتحمينا..يااااااااااما اتقابلنا عندها وعلطول كنا بتجمع هنا واي حد بيجلنا فالمكان دا..اللي شاركونا فرحتنا وضحكنا..وهي اكتر حاجه بحبها فالجامعه دي لانها فعل اذي متكون الشاهد علينا وكانها كانت بتشاركنا كل حاجه..ايام الهذار والنكت والضحك والمذاكره
حتي فحذننا مفأرقتناش..حتي فأيامي انا وبالذات ليا فيها ذكري خاصه عندي وعندنا كلنا
دي بقي علامه مميذه فالكليه واي حد عرفاها بسببنا...بقينا مشهورين اوووووي هههههههه
امشي فطريقي ......المدرجات والمسجد الصغير وامشي وامشي لحد ماوصلت لمدرج العيوطي والاقي اصحابي ان ان ان اااااااااااااااااااااااا
اذيكو يجماااااااااعه وحشتووووووووني..وانتي كمان وهات يسلامات
قعدين بره لييييييييييه
الدراسه بتاعتنا بعد اسبوعين..واااااااااااااااااااااااااااااااااااااات؟؟؟؟؟؟؟؟؟؟
ايه القرار الفوجائي دااااااااااااااااااا
ههههههههههههههههههههه
هي البلد دي موش بتمشي غير بالقرارت الفوجائيه طب واشمعني انتساب ماأنتظام شغاله اهي...متعرفيش يااوختشي ليه كدا اهو قرار والسلام(وعليه قرار اجباري بالقعده فالبيت اسبوعين كمان تاااااااااااااني عاااااااااااااااااااااااااااااااااااااا)بس علي مييييييين هنذل يعني هنذل وهقعد مع الناس دا اخر ترم يجماعه يعني كام شهر وموش هنرجع هنا تاني
بس علي مين يااخينا هو احنا سكتنا
اول ماشوفنا بعضيتنا كدا قمنا قعدنا وروحنا مدينها هذار وضحك عادتنا يعني ولاهنشتريه من بره هههههههههههههه
ورخمنا علي بعض بردك بهذار واليوم بالرغم من الكبسه بتاعه موضوع المحاضرات كان جميل قوي وبجد كان اخر تهييس لدرجه اننا ذقلنا بعض بالطووووووب تذقيلا
ههههههههههههه
ياااااااادي الخيبه القويه..كباااااااار وفجامعه وبتحدفو بعض بالطوب ..ايييييييييييييييييييون حد عنده مااااانع
بجد تسلمولي يااصحابي وربنا يخليكو ليا دا حتي صحبتنا المسافره كلمتنا كلنا تتطمن علينا بجد ربنا يخليكو ليا وميحرمنيش منكو(كل واحد ووحده ليهم بوست بأذن الله هحكي عنهم المره الجيه بقي علشان انا عوذه انااااااااااااام من الارهاق بتاع اليوم الجامد ده)ليكو وحشه للمره الجايه
تحياتي







هناك 17 تعليقًا:

  1. يا ربنا
    انا هحتل كام مدونه النهارده
    انا كده هخش النار
    انا لقيتك ورايا فى مدونتين قولت اجى ابص
    طلعتى لسه حاطه
    صباح الفل

    ردحذف
  2. بس للاسف
    عقبال ما احتلك
    ممكن يجيلى شلل اطفال عشان الكلمه التاكيديه
    متعملى فيا جميله
    وتشيليها
    واوعدك
    انهم مش هيزيدوا عن 50 تعليق

    ردحذف
  3. بس برضو
    نحاول
    ربنا مش هيكرمنا الا لما نحول وسط هذه الصعوبات المضنيه
    بس شكله كان يوم حلو عليكى
    انا عن نفسى
    كان اول يوم النهارده ليا
    عرفت انهم خدوا غياب امبارح والله
    حاجه لوز جدا

    ردحذف
  4. مبروك التاجيل
    وفعلا احلى ترم ده بقى شدى حيلك
    واعملى كل اللى فى نفسك
    قبل ما يخلص
    وكمان
    اهم حاجه الشجره دى
    تاخدوها معاكم
    وصحيح
    عارف انا يهود بنى قريظه
    اللى بتوع مصالحهم دول
    ديتهم حاجه واحده
    التجااااااااااااااااااااااااااهل

    ردحذف
  5. صباح الخير
    اول مرة اعلق عندك بس البلوج شكلها لذيذة :)

    جميلة اوى ذكريات الكلية وشلة الصحاب والشجر والنخل :)
    يارب تستمتعى بالتيرم الاخير دا لاخر يوم فيه

    انا مش عارفة الدكاترة عندنا مستعجلين ليه وبداوا من يوم السبت .. تفرقة عنصرية دى ولا ايه :)

    Good luck

    ردحذف
  6. جميل اوى ان يبقى عندك ذكريات حلوة فى الكلية
    ربنا يديم عليكى نعمة الصحاب
    أفهم من البوست إنك فى رابعة انتظام وكنتى فى انتساب قبل كدا :D
    أهلااااااااااااا
    تحياتى عالبوست
    شاب فقرى

    ردحذف
  7. The illusionist:احتل ياعم ولا يهمك مهو انت موحتل لكل المدونات بقي
    هههههههه
    وابقي انتظم فدراستك لان هندسه عوذه شغل جامد اما تجاره الناس عرفاها يعني مقر الصياعه الكبري للجامعه كلها
    وبالنسبه ليهود بني قريظه دول هتلاقيهم فكل مكان
    فالجامعه وفالشغل دول حتي هتلاقيهم من اهلك نهم للاسف كتير اوي
    ربنا يارب يجعل ايام الجميع فرح وهنا بأذن الله
    ..............................................
    Silver Eyes:اهلا بيكي عندي
    وممكن يكون فعلا تفرقه عنصريه كل مانكلمهم يقلولنا انفلونذا الخناذير ذي مايكون انتساب السبب فينا يعني
    ربنا معانا ومع الجميع يااارب اللهم امين
    ..............................................
    شاب فقري: يارب دمها علي الجميع نعمه وانا ماذالت لسه فأنتساب وكل سنه بنحاول نطلع منها موش عرفين
    انتساب دي طلعت بتحبنا حب
    هههههههه

    ردحذف
  8. بصرة يا حبيبتى كنت كلية تجارة بردو وانتساب

    ايييييييييييه رجعتينى لاحلى ايم ف عمرى وف نفس

    الوقت اسود ايام عمرى ماعلينا

    يلا كل بكالوريوس وانتى طيبة ههههه ربنا يوفقك

    وتخرجى بقه لحياة الطحن بعد ماكنتى فى احسن حالات

    المعيشة بالنسبة للمواطن المصرى الا وهى مرحلة

    الدراسة

    ردحذف
  9. بدون زعل
    البوست ملئ بالأخطاء الإملائية
    أنا آسفة بجد انى بقولك كدا بس نصرة للغة العربية لازم أقول
    يعنى مثلا حرف ال"ف" اللى انتى حطاه قبل غالبية الكلام اكيد انتِ تقصدى "فى" حرف الجر وليس"ف" السرعة

    ومثلاً وجود حرف "ذ" فى كلمتين أو اكتر وهى المفروض "ز".
    بصى ياريت بجد تصلحيهم نصرة للغة العربية

    ردحذف
  10. بجد انتي فكرتيني بايام الدراسه والجامعه والصحاب
    رغم اني كنت في كلية علميه
    يعني مفيش وقت للي حكيتي عنه دا
    الا اني فعلا كان لي مواقف مع اصحابي عمري ما هنساها
    تسلم ايدك
    ويلا شدي حيلك علشان تعدي السنه دي علي خير
    تقبي تحياتي

    ردحذف
  11. мαησηα:بجد هي احلي ايام فعلا
    بس ربنا يستر اما نتخرج
    ههههههههههه
    ................................................
    موناليزا:حاضر ياموناليزا بس انا كنت بكتبه وانا تقريبا مغمن عليا علشان اما رجعت كتبته علطول محبتش اني استني
    ميرسيه لتنبيهك
    ................................................
    beautiful mind:لااااااااااااااا اللي انا حكيته دا تمن اللي بيحصل وفبوستات جيه بأذن الله هتعرفي بتوع تجاره دول الجمجمه عندهم عمله اذاي
    ههههههههههههه

    ردحذف
  12. الجامعه كلها كوم واخر ترم ده حكايه تانيه لوحده على ما اتذكر يعنى


    تحياتى

    ردحذف
  13. حاولي تستمتعي بأخر ترم... لانه هيبقي اسرع ترم... واخر حاجة هتفتكري الكلية بيها...
    نصيحة ضغنونة..
    حاولي متخسريش حد في الايام الباقية في الجامعة.. حتي لو مكنش يستاهل ان الواحد يبقي عليه...

    بالنيابة عن الجامعة اقولك ويلكم بااااك



    تحياتي

    ردحذف
  14. عارفة يا سونى
    البوست ده عيشنى للحظات فى أواخر ايامى فى كلية الزراعة
    بوست جميل مليان مشاعر حلوة
    :)

    ردحذف
  15. لاسع افندى:ايون واهو بنحاول اننا نتقابل موش عرفين الا الاهالي راسها والف سيف الدراسه ثم الدراسه
    متضايقه شويه ان معظم اللي معانا وقعو السنه اللي فاتت ومش هقدر اشفهم بالسهوله
    ربنا مع الجميع بأذن الله ونطلع منها علي خيييييييييييير
    ................................................
    سمع هوص (Abo 3li):ميرسي لنصحيتك واهو بحاول اقضيها وانا بساعد الكل لان دي طبعتي اللي عاوذ يعرفني اهلا وسهلا واللي ليه مصلحه ياخدها والسلام موش عوذه صداع
    هههههههه
    ..............................................
    Ahmed Al-Sabbagh:بجد مبسوطه ان البوست بتاعي فكرك بأيام حلوه ليك وبجد تعليقك عندي ليه سلام مربع يااااااااااااااااجدعاااااااااااااااااان
    طااااااااخ طاااااااخ طااااااااااااخ
    دا الكبير هنا عندناااااااااااا
    ههههههههه

    ردحذف