الأحد، 28 فبراير، 2010

حكايه لقتها قدامي

-اذيك عمله ايه
ردت عليا وهي شكلها متضايق:كويسه والحمد لله
-مالك في ايه
قالتلي عوذه اتكلم مع حد بس خيفه ممكن اتفهم غلط او حد يحكم عليا من غير مايسمعني الاول
-احكي بس ومتخفيش انا موش هحكم عليكي غلط بس المهم اتكلمي
شلالات دموع فعينها وهي بتحكي
انتي تعرفي عني ايه
قولتلها الحمد لله بنت كويسه ومؤدبه وموش بتعاملي حد وحش ابدا ولا عمري شوفتك بتطلعي العيبه منك ابدا
قالتلي :طب انتي تعرفي عني ايه...سكت
-انتي موش بتحبي تحكي مع حد ابدا
ردت:مهو غصب عني نفسي اتكلم واحكي بس من كتر اللي بشوفه حوليا موش بقدر اتكلم مع حد نهائي
-طب احكي وسيبي الحكم بتاعي للاخر
بعد شويه وتنهيده بعمق...
انا معرفشي اذا كنت بحب ولا لا ..هل اللي انا حساه دا اعجاب ولا حب ولا ايه بالضبط
-(بأندهاش كبييييييييير جدا وفتحه بقي يجي سته متر )يعني ايه موش فهمه حاجه
هحكيلك واسمعيني ..قولتلها احكي

انا حسه من ناحيه حد بحاجه معرفش ايه هي..انتي عرفه اني كنت فحكايه قبل كدا ومكملتش ولو حتي كنت حسه حاجه من ناحيه حد فمجرد اعجاب بشخصيه او اسلوب فالتعامل موش اكتر
من فتره لقيت حد بيعاملني معامله معرفش نوعيتها ايه بس طول الوقت كلام حلو..ونظرات وبيحكليلي عن حياته وكتير بنتكلم مع بعض
-(انا ودماغي شغاله :ااااااااه جيييييييييينا لمربط الفرس عرفه اكيد هتحصل مصيبه سودا بعد كدا مهي هي دي البدايه)..سكوت تام
شويه وبقينا نتقابل ونتكلم وكل شويه كدا نظرات من تحت لتحت ومفيش حد واخد باله وشويه كلام حلو وانا بقيت متعلقه بيه جدا وموش عرفه استغني عنه..محتاجه لحد جنبي ..نفسي احس بالامان هو انا موش ليا حق احب
-(فدماغي برده ربنا يستر هو في ايه بالظبط)
بجد علطول بقيت مشغوله بيه وتليفونات ومكالمات ومبقتش قدره استغني عنه
لقيته بيتكلم عن انه هيرتبط فرحت..جه بعدها لقيته خطب وحده تانيه
-نعاااااااااااااااااااااااام اللي هو اذاي يعني
ده اللي حصل وهو مقلش مين لحد ماعرفت من وحده صحبتي انها وحده اعرفها
طب ليه علقني بيه لو هو كدا وهيرتبط بوحده تانيه
والادهي انه بعد ماعمل كدا جي بيقولي تعالي اخرجي معايا
قولتلته طب وخطبتك,قالي اهلها موش سمحين حتي انها تخرج معايا ولو اتكلمنا دا بيقي ادامهم
هو شايفني رخيصه للدرجادي..يلعب بيا شويه وبعد مايرتبط بوحده تانيه يجي يقولي اخرجي معايا..وسكوت تام
انا صراحه مقدرتش انطق لاني لو نطقت هقول كلا كتير اوي
شويه واتكلمت
بصي يابنتي احب اقولك وبأقتدار انه موش بيحبك
اذاي والكلام اللي قالهولي والنظرات طب دا ايه
قولتلها من الاخر كدا هو كان عاوذ يتسلي او يلعب شويه ..دا اللي فدماغه
لما لقاكي بتتشدي ليه قالك خلاص دي ممكن بكلمه اوديها واجبها فراح خطب اللي استعصت عليه وتلاقيه برده كان شغال عليها ولما ملقاش فايده قال اجلها من ناحيه الجواذ احسن وانا عارف ان دي موش بكلمه لاهوديها حد ولا هيجبها
طب وليه عمل معايا كدا مكان يسبني فحالي بدال نظره الصدمه اللي كانت فعيني لما عرفت هي مين
رديت عليها مفرقتش عنده بحاجه لو تعرفي هي مين او متعرفيش دا واحد عاوذ ياخد من الدنيا كل حاجه ..يخطب وحده عارف انها لابتروح يمين او شمال وفنفس الوقت يعيش حياته ويشوف نفسه قبل مايدخل علي العكه الكبيره
حرام عليكي ماتقعديش تهذري كدا انا بجد موش مستحمله
لاذم اهذر لانك كدا هتعكنني علي نفسك من غير اي حاجه فبحاول اطلعك من المود اللي انتي فيه الاول وفكري معايا وشوفي اذا كان كلامي صح ولا لا
شوفي وفكري وبعدين اعملي اللي انتي عوذاه
ياتخليكي حذينه وهو يعيش حياته وكدا كدا انتي موش فرقه معاه
ياتسترجلي كدا وعديها ذا مأي حاجه بتعدي..انا عرفه انك مجروحه دلوقتي لانك لقيتي امل كبير انك تحبي وتتحبي ذي كل الناس بس مينفعش فعلا ان اي حد يقول كلمه حلوه ليكي يبقي خلاص في حاجه من ناحيته
وملقتش غير كلام اللي بحبه جاهين اقولهلوها:
حاسب من الاحزان وحاسب لها
حاسب علي رقابيك من حبلها
راح تنتهي ولابد راح تنتهي
مش انتهت احزان من قلبها....وعجبي
(ضحكه صغيره) هو انتي كل شويه تجيبيلي سيره جاهين فالنص كدا
اعمل ايه بس بحبوووووووووووه..هههههههه
انتو بقي انا عوذه رايكو فالموضوع دا
مين اللي صح ومين اللي غلط فالموضوع ده؟؟؟؟

هناك 13 تعليقًا:

  1. بصى يا سونى
    انا هقولك على حاجة مهمة جدا كل البنات بتنساها
    وبتغفل عنها
    البنات بتخلط بين الحب والصداقة

    دى حاجة من الاخر
    هوا ببساطة مقالش بحبها
    يبقى المفروض اول ما حست ناحيته بحاجة تقوله انا خلاص علاقتى بيك بقيت حاسه انها حب ومينفعش نفضل صحاب
    عاجبه اهلا وسهلا
    مش عاجبه
    يبقى يلا مع السلامة وتعمل لقلبها ستوب وتسيبه وتمشى
    انا معاكى فى رايك
    ممكن يكون زى ما انتى قلتى بالظبط
    عايز يخطب بت لا شافت ولا كلمت اى شاب
    وفى نفس الوقت
    عايز يحب ويعرف واحدة يخرج معاها وتبقى مصدر التسلية والصدر الحنين ليه
    اما التانية تبقى للجواز والحاجات الرسمى
    دى هى سياسة الرجالة فى فترة من الفترات
    بس احب اقولك ان الموضوع دا قديم قدم الأزل
    يعنى مش وليد دلوقتى
    كان زمان الراجل ليه عشيقة
    تختلف طبعا بينها وبين الحكاية اللى بتحكيها
    لكن هقولك الفرق الوحيد
    ان دى بيقعد يتكلم وبيخرج معاها وبيهزر وبيشوفها وبيسهر يكلمها بليل
    لكن وقت الجواز
    بيقول ستوب
    وبيشوف اللى تنفع
    مش اللى بيحبها وبتحبه
    فهمتى ؟
    اتمنى مكونش قاسى فى ردى
    بس دا اللى لاحظته
    تحياتى
    شاب فقرى

    ردحذف
  2. شاب فقري:مفيش بنت فالدنيا هتروح للولد وتقوله انها بتحبه نهائي البنات فالمجتمعات الشرقيه اتربت علي كدا
    بس بجد اتضايقت جدا طب هو ليه بيعمل كدا موش خايف علي اخته ليحصلها نفس الكلام
    هو ليه في ناس مشيين بموضوع التسليه دا وفاكرين ان البنات لعبه يلعبو بيها وقت ماهما عوذين

    ردحذف
  3. أتا باشجع الفريق الازرق .. لإن الفريق الأسود خط الدفاع عنده مهزوز والجون بتاعه عاوز جون أساساً



    تحياتي

    :))

    ردحذف
  4. وانا كمان بشجع الازرق
    هى كانت بتتلكك ع الحب ولما جه واحد اتشغلت بيه وهو كان بس بيعتبرها صديقه
    قوليلها تجمد كده وبلاش تضعف
    ومتخلهاش تدور على الحب لانه هييجى لوحده
    منورانى

    ردحذف
  5. هههههههههههه عارفة فكرتينى بينا زمان لما كنا صغيرين ياااااااه ايام والله كانت حلوة

    ايام بريئة كان الحب فيها بيتعرف من النظرات والحكاوى بس للاسف كلها حاجات بريئة لا تمت للحب بصلة

    المهم رأيك صح انتى قلتى المفيد ف كلمتين ده حد عايز كل حاجة

    حلو اوى تعبير العكة الكبيرة ده ههههههههه

    عثولة انتى يا سونى وبريئة كده ربى يحميكى حبيبتى

    ردحذف
  6. بصي الحكايات دي بتخنقني..
    بيخنقني فيها غباء البنت... سوري.. انا مقصدش صاحبتك بالتحديد.. انا اقصد البنت ال تبقي عارفة ان الشاب بيشتغلها وبيتسلي وعاوز يخرج ويلعب... وهيا برضو تبقي معيشة نفسها في وهم الحب...
    لازم الواحد يبقي عارف هوا بيعمل ايه بالظبط... والبيعمله ده اسمه ايه...
    يعني عاوزة تخرج وتتفسح.. وتسمع كلام حب واهتمام... اوكي... بس اهم حاجة تبقي عارفة انها بتعمل حاجة غلط... وتبقي عارفة ان دي تسالي .. مش حب..
    انما بقي هتحب,,, يبقي لازم تحب بجد... وتبقي متأكدة انها بتحب الانسان الصح... البيحبها وبيخاف عليها.. مش مجرد واحد بيتسلي....
    قوليلها تفوق....

    تحياتي

    ردحذف
  7. مشاعرها طبيعية

    أي بنت فى الدنيا بيبقى نفسها تحس بالأمان
    بس هي غلطت في حاجة واحدة
    انها ادتله مشاعرها من غير ما تتأكد اذا كان مصدر امان وصدر حنين بجد وللا لأ


    هي لازم تنساه
    وتتأكد ان مشاعرة نحيتها مكنتش حب بجد
    عارفة انها مش هتنسى بسهولة
    لكن أبسط قلم ممكن تديهوله انها متعبروش تاني نهائي
    وتوضحلة انها مش عروسة لعبة هيتسلى ويضيع وقت معاها وقت ما تطلب معاه ويسيبها بردو وقت ما تطلب معاه


    لازم تتأكد من جواها انها غالية قوي وأكيد ربنا هيرزقها بالزوج الصالح
    وكفاية انها تتعلم درس من الموقف اللي حصل

    ردحذف
  8. P A S H A :والله اهو بحاول ادعمه بفريق واجوان تانين
    واهو بنعمل اللي علينا برده
    ................................................
    Cute Kitty **sookra :وانا موش سكته لانها فعلا دلوقتي فوضع صعب ولسه بقي اللي جاي
    شغال ضغط عليها وموش عاوذ يسبها فحالها
    ................................................
    мαησηα:ميرسي بس التعبير دا جه معايا كدا لاني بجد شيفه اللي بيحصل دا كله عك كبير اوي
    ولان فعلا مرايه الحب عميه فتقريبا كدا موش شيفه هي حاجه وبحاول افوقها
    ربنا مع الجميع
    ..............................................
    سمع هوص (Abo 3li) :بص هقولك حاجه
    لما الواحد بيكون لوحده حتي وهو فوسط الناس بيقبي في حاجه موش صح
    وبعدين بسم الله ماشاء الله مجتمع الجامعه عندنا مبقاش للدراسه بقي عامل ذي النادي كدا كله اتنين اتنين وطبعا موش عوذه اقولك فالفلانتين بيبقي عامل اذاي
    في ناس بتقول لا ودا وضع غلط وفي ناس تانيه غصب عنها بتضعف
    وبعدين الاصدقاء موجودين ليه؟؟؟
    علشان يقو اصحابهم ويقفو جنبهم..فهمتني
    ..............................................
    MaNoOoSh:يارب يرذقها بالذوج الصالح اللهم امين واديني جنبها لانها فعلا محتاجه حد جنبها
    وعلي فكره كلنا كأصدقاء كدا بنقف جنب بعض
    هي وقفت جنبي فيوم من الايام وانا حاليا وقفه جنبها وبحاول اساعدها علي قد مااقدر
    والحمد لله ان ربنا رذقني بناس ذي دي كفايه اننا لما بنصلي بندعي لبعضنا
    دا حتي يوم المطره والبرق والرعد قعدنا كلنا ندعي لبعض لحد ماالتلج نذل علي دماغنا
    هههههههههه

    ردحذف
  9. سونـــي 2000 ..........
    معاكي حق يا سوني يا حبيبتي في اللي انتي قوليه بجد و فعلا ده واحد بيضحك عليها و عاوز ياخد كل حاجة من الدنيا
    مش عارفة اقولك ايه اصل انا انصدمت من القصة بجد و زعلت اوي
    ربنا يبعد عنها الناس الوحشة دي و يقويها انها تنساه و ان شاء الله هتقابل واحد برقبته و احسن منه و يقدرها بجد

    خالص تحياتي و تقديري

    و تقبلي مروري الاول و ان شاء الله ليس الاخير

    و فعلا مدونتك جميلة اووووووووووووي و تستحق المتابعة

    و اكيد انا ضفتك عندي في المدونات المهمة

    خالص تحياتي

    ردحذف
  10. أشكرك على الزيارة الكريمة للمدونة
    دمت بخير

    ردحذف
  11. الوفية للأبـــد -- مها أحمد:يارب يبعدها عنه يارب
    وميرسي ليكي
    ..................................................
    Sonnet:لا شكر علي واجب

    ردحذف
  12. اول شى اتشرفت بمعرفتك سونى ...

    نيجى للبوست ده بقى ...

    بصى بجد انا بتفرس اوى من الكلام ده ...
    انتى طبعا رأيك صح ...

    وفعلا كل بنوته المفروض تكون تتأكد من مشاعر اللى قدامها الاول قبل ماتصرح هى بحاجه ...

    لان فى كتير من الاولاد بيعاملوا كل البنات بكلام حلو والحركات دى بس بيبقى قصدهم كصداقه من وجهه نظرهم ( مش كلهم طبعا ) فعشان كده ضرورى الحرص من ناحيه البنت نفسها ...

    وطبعا فى الحكايه دى هى يا اما واخدها كصديقه او كتسليه ومافى احتمال تالت ...

    تسلمى سونى ..

    ... ;) ,,, ;) ...

    ردحذف