السبت، 8 يناير، 2011

أحساس

الكل دلوقتي خايف من بكرا

واللي حصل من كام يوم كتر الاحساس بكدا



ياتري بكرا هيكون عامل اذاي

هيكون أحلي وأجمل لما هنعرف غلطنا فين



ولا كلها كان يوم ريما هترجع لعادتها القديمه

ياتري هنبتدي بجد نغير ولا كل حاجه هتفضل تنحدر من سيء لأسوأ

انا حسه دلوقتي بأحساسين جوايا



الاول:ان مدام ماالناس عرفت فين الغلط وان لو أستمر كدا فيضيعنا كلنا....فنحاول نصلح بجد مش شعارات بالرغم من أن الشعارات لسا موجودا

بس أهم حاجه ان في ناس بتحاول تصلح حتي لو بكلمه



التاني:انها هوجه وشويه وكل حاجه هترجع زي ماهي ولا في أي حاجه هتحصل



طب انا أصدق انهو أحساس فيهم طيب

انا مش عرفه أوصل لاي قرار

واللي حصل فالفتره الاخيره هز مل العالم مش مصر لوحدها
دا هز العالم كلو
ياتري بكره هيكون شكله عامل أذاي
اتمني انه يكون احلي واحسن
يارب

ملحوظه:ياكبار التدوين
بأذن الله معرض الكتاب قرب
أرجو منكم انكم تنظموا يوم نكون فيه كلنا مع بعضنا
والموضوع فأيديكوا

هناك 24 تعليقًا:

  1. هيحصل الاحساسين
    فى ناس هترجع لاعادتها القديمه
    وناس هتتعلم وهتبداء تصحح
    ومع الاحساين ترجع ريمه لاعادتها القديمه
    لان بردوا زمان كان فى كده وكان فى كده
    هى ديه الدنيا

    ردحذف
  2. دايما الامل في الله موجود
    والايمان بالله يخليكي تعرفي وتكوني علي يقين ان بكره احلي من النهارده

    ردحذف
  3. لو علمتم ما بالغيب لاخترتم الواقع
    والواقع هو الشي اللي الواحد يقدر يتحكم فيه
    سواء بالتغيير أو بالثبات علي قديمة
    الماضي حصل واستحالة تغيرة .
    والمستقبل معتمد إعتماد كلي علي حاضرك
    فاختري ما شئتي وهو سيكون غدك

    ردحذف
  4. أنا حاسس
    أنه الشعور التانى
    مش لحاجة بس علشان الحل فى ايد الحكومة و الحكومة عاوزاها خربانه


    على فكرة بقالى فترة عاوز اعلق و مش عارف

    عملت متابعة للتعليقات علشان اعرف اعلق

    ردحذف
  5. كـــبار التدوين يردوا
    أنا مش هرد
    قصدك ايه يا بت يا سنسن بالكبار ؟!!
    (وش بيجر على سنانه)
    كبار سناً يعنى ؟!!!
    يبقى مش انا
    (وش بيبربش )
    لو قصدك كبار ف الغلاوة
    يبقى أنا
    (وش بيبص ف الأرض بكل توووووواضع)
    طيب
    بالنوسبة للمعرض فسيادتك ادينا فرصة نستكشف الاجواء
    يعنى
    نشوف مين من الحبايب له كتاب جديد ف المعرض
    وعامله حفلة توقيه عشان نخلى التجمع ف اليوم دا عشان اكبر عدد يحضر وعشان منقسمش بعضينا وناس متشوفش بعض
    ربنا يسهل ان شاء الله وهتلاقى خالد حدد يوم ورتبه حسب ما الجو العام يقول
    انما النية موجودة لا تقلقة ويوم المنصورة الطائر الحزين فكرنا بالموضوع وشدد علينا
    حاضر

    بالنسبة لموضوع البوست
    فنا من ناحية الشعب
    متفائلة ان كل شىء يهدى
    ونظرتنا للامور تكون اصفى واوضح
    لكن طول ما المستفيدين قاعدين ينفخوا ف النار
    الحكاية ممكن تتكرر تانى وتالت
    المهم الواحد يعرف عدوه مين
    واظن المسلمين والمسيحيين عارفين ان عدوهم واحد
    وانهم مش اعداء لبعض ابدا

    انتى وحشتينى يا بت انتى قوى
    وان شاء الله اشوفك قريب
    خلى بالك من نفسك

    بوسات وحضونااااات
    قد نجوم السما

    ردحذف
  6. بس خلوه على أواخر الشهر

    الله يخليكوا

    (:

    وش قلقان (:

    ردحذف
  7. حاسس بالاحساسين مع بعض ..
    موجات .. موجه فوق وموجه تحت ..
    المهم مين الاقوي .. اللي بيصلح .. ولا اللي بيخرب ..
    ربنا يستر ..

    كلمواها بقي يا كبار التدوين ..
    وحد يرد علينا .. :)

    ردحذف
  8. بصراحه انا حاسه الاحساس التانى
    مع اطيب الامنيات والطلبات بالاحساس الاولانى
    ونفضل نحلم ونتمنى لاجل غير مسمى

    وربنا موجود

    ردحذف
  9. باذن الله بكره ح يكون احلى
    ربنا موجود

    ردحذف
  10. عمرو يسري:
    يعني انتا شايف كدا؟
    انا لسا عندي امل فبكرا بس بشوفوا وانا مترقيه وحطه ايدي علي قلبي
    ربنا يستر بجد

    ردحذف
  11. شمس النهار:
    ياريت والله
    ياريت لاني بجد محتاجه للامل فبكرا
    ومين مننا مش محتاجه علشان يكمل ويقدر يعمل حاجه بجد
    يارب
    انتا اللي عالم بينا

    ردحذف
  12. سياده الرئيس:
    بجد هي فعلا المقوله دي
    أحسن أختيار للواقع
    بس هل التغيير دا للاحسن ولا للأسوأ
    ذيز ايز كويسشن

    ردحذف
  13. رامي:
    ياااااااااااعمنا
    دا المكان مكانك وبراحتك يعني:)
    فين الحاجات اللي قلتلي عليها؟

    ردحذف
  14. ....
    بصى يا سونى
    لو الموضوع فى ايد الشعب يبقى خير
    الشعب بيعمل الى عليه
    ولو انى زعلان من الاخوة المسيحين لانه مكنش وقت تقدين طلبات خالص خالص
    احنا فى ايه ولا فى ايه
    ومش براعه انهم ياخدوا حقوق وتظهر انها ابتزاز
    الدم والارواح اغلى بكتير من طلباتهم فى وظائف او بناء دور عباده

    لكن الموضوع فى ايد الحكومه
    وايد الحكومه زى مانتى عارفه عاوزة قطعها
    وممكن يعملوا اى شىء من اجل مكاسب سياسيه ويولع الشعب بجاز
    علشان كده مش مطمن خالص

    بس املى فى ربنا كبير

    بالنسبه لموضوع معرض الكتاب انا (باص) من الموضوع ده


    تحياتى

    ردحذف
  15. يرامي
    علي فكره هيبتدي يوم 26
    يعني اخر الشهر
    لاتقلق
    الموضوع فأيد الاساس كلو ياعم

    ردحذف
  16. فاتيما:
    طمطم حبيبه قلبي
    والله بقووووووول كبار فالغلااااوه والمكانه
    مش قلت غير كداااااااااااا
    وانعمه بردو وحشاني جداااااا
    المهم عوذين نشوف اليوم علشان الكل يعمل حسابوا
    انتي بس بلغي استاذ خالد وداليا
    وبأذن الله يكون يوم موفق

    ردحذف
  17. محمود المصري:
    المشكله مش فكدا
    المشكله فأنها بقت حرب
    يعني مين اللي هينتصر علي التاني
    الاحساس اللي فوق
    ولا اللي تحت؟

    ردحذف
  18. روني:
    وانا مع الاولاني وهو الاقوي جوايا
    بس التاني دا مطروح وبقوه جدا
    يارب كل حاجه تكون كويسه
    ياريت علشان نعرف فعلا
    نعمل حاجه

    ردحذف
  19. مرمر:
    والله اتمني
    ادعي بس
    وربنا معانا يارب

    ردحذف
  20. ممكن:
    المشكله مش فالحكومه ولا فغيرها
    المشكله فينا
    فيناأحنا
    هل ياتري كويسين مع بعض وبنعامل بعض صح ولا
    هل بنشتغل صح....بنعمل صح....بننتج صح
    بنذلكر صح
    ان الله لايغير مابقوم حتي يغيروا مابأنفسهم
    الحمد لله علي كل شيء

    ردحذف
  21. ثقافة الهزيمة .. صح النوم‏

    فى كتاب داخل مصر - أرض الفراعنة على شفا الثورة
    "Inside Egypt": الذى صدر عام 2008 يقول كاتبه الصحفي الأنجليزي John R. Bradley أن الأمتداد العمراني المدني في أراضي سيناء قابله نوع من التهميش للبدو الذين يعانون كثيراً من البطالة والعزلة في الصحراء فضلاً عن الجهل ونقص التدريب لأنشاء مشروعات صناعية صغيرة تناسب طبيعة المنطقة، لافتا إلي أنه في عام 2002 فقط توفرت ما بين 10 - 30 ألف فرصة عمل في 110 فنادق في سيناء، ولكن المفارقة أن غالبية الذين تمت توظيفهم جاءوا من القاهرة أو الدلتا للحد من مشكلة البطالة هناك.

    وأن البدو يشعرون بأن الحكومة تتعمد تهميشهم وعزلهم لصالح الذين يأتون من خارج أراضيهم، مستنداً إلي حالة قرية «جرغانة» الساحلية في سيناء، التي يعيش أهلها قرب غابات من أشجار المانجروف ويعتمدون بشكل أساسي علي الصيد في الصيف وحفظ الأسماك في الشتاء، موضحاً أن أهالي هذه القرية يتعرضون لمحاولات الأبعاد من جانب أصحاب القري السياحية في المنطقة المدعومين من الحكومة والذين يحاولون منعهم من الصيد الذي يتكسبون منه.

    وأضاف برادلي أن وضع البدو في جنوب سيناء مختلف عن شمالها حيث يستطيع أهل الجنوب التكسب علي الهامش من صناعة السياحة المنتشرة هناك في حين يبدو الوضع مأساويا في الشمال فالسياحة تكاد تكون شبه معدومة ووعود الحكومة بتقديم الدعم والمساعدات وبناء المشروعات الجديدة تحولت إلي مزحة وهو الأمر الذي حول أهل هذه البقعة إلي قنبلة موقوتة.

    و أن من العار علي مصر في ظل هذه المعاناة للبدو أن تقتصر المساعدات التي يتلقونها علي تلك التي تأتي من الخارج والأسوأ من ذلك أن بعض هذه المساعدات يأتي من البرنامج العالمي للغذاء التابع للأمم المتحدة، الذي يفترض أنه معني بتوفير المعونات للشعوب المنكوبة التي تعاني من مجاعات..

    باقى المقال ضمن مقالات ثقافة الهزيمة بالرابط التالى

    www.ouregypt.us

    ردحذف
  22. مش عارفة الاحساس الاولانى فيه تفاؤل وامل
    بس تمنة هيبقى غالى لان التغيير مش بالساهل هيدفع له كتير
    والاحساس التانى ارخص شويه
    واحنا المصريين دايما نسترخص
    فبرجح التانى انه هو اللى هيحصل
    والا كان التغيير من زماااااان
    من ساعت ما حصلت تفجيرات فى شارع الازهر ومات فيها مسلمين برضو
    من ساعت ما انتشرت جرايم السفاح مرة واحد
    من ساعت ما حصل حاجااات كتير
    مصر مرت بالارهاب على رم السنين والدنيا لسة زى ما هى

    ردحذف
  23. وانا في نص البوست كنت ها اتسرع واقول حاجة وبعدين رجعت قولت بلاش اسبق الاحداث..
    على العموم.. بكرة الايام تجاوبنا كلنا..!!

    ردحذف