الأحد، 23 يناير، 2011

انها.........مجرد كلمات

اليوم ممطر للغايه
فأشتقت الي من أعتز بهم

مامي:وحشاني بجد وربنا اللي عالم انا نفسي أشوفك اذاي...بجد كنت عوذا اهذر بعد الكلمتين دول,بس مش قدره
كيارا:والله مقصره معاكي انتي ومنون بجد...بس ربنا عالم بحالي
انا فحاله عزله تامه عن العالم ومش بخرج حتي للشارع بذات نفسو مع ان الجو مشجع جدا
نفسي أعمل زي زمان وأجري تحت المطر ولا كان بيهمني
حسه بعجز فظييييييييع أوي مااعرفش ايه مصدروا....زي مااكون تقوقعت علي نفسي
ومش قدره أخرج براها
رامي:اتمني يارب أشوفك علي خير انتا وباقي الفريق واوعي تنسي تجيب اللي قلتلك عليه
بقيه الاصحاب واللي متعودا علي وجودهم:
أسفه بجد اني مش بسال ولا بروح ولا باجي
فحاله من الانسحاب دلوقتي وخصوصا بعد وفاه عمي الكبير الله يرحموا
سامحوني

هناك 7 تعليقات:

  1. زي ما بنتقبل الحياه بنفس المنطق لازم نتقبل الموت

    هوا كدا ومافيش فصال

    الله جاب الله خد الله عليه العوض

    ردحذف
  2. أولا ربنا يكرمك ويوفقك ويسعدك ويتغمد عمك برحمته .
    بص أنا مش هتفزلك ولا هترسم بس غالبا الحالة النفسية بتكون في الأول بسيطة وحسب قدرة الإنسان يعني لو إنسان عنده قدرة علي إيقاف خواطره السيئة فدا بيبقي مرتاح أما لو سابها تتخلله فبيتعب والتعب بيختلف بقدرتك علي السيطرة او عدم السيطرة .
    ربنا يوفقك ويكرمك

    ردحذف
  3. أيه يا بنتى مالك

    لا عجز و لا حاجة هو شعور رخم بس

    ممكن يجى لأى حد

    و بعدين لو مطمنتناش مش هجيب حاجة معايا (:

    انا اسف معرف موضوع

    عمك الله يرحمه انا اسف

    ردحذف
  4. البقاء لله

    ربنا يتقبله في عباده الصالحين

    شويه وهتلاقي عجلة الحياة اخدتك تاني

    ردحذف
  5. البقاء لله فى عمك
    بصى يا قمر الحاله النفسيه اللى انتى فيها دى اكيد فتره وح تعدى كلنا بنمر بالمرحله دى
    شويه وح تلاقى نفسك ذى الفل باذن الله
    ربنا يسعدك ويريح قلبك

    ردحذف
  6. كان رسول الله يعزي قائلا : إن لله ما أخذ و له ما أعطى و كل شيء عنده بمقدار , فلتصبر و لتحتسب .

    إن لله ما أخذ
    يعني أي حاجة ربنا أخذها هي بتاعة ربنا أصلا يسترجعها متى شاء

    و له ما أعطى
    و كل شيء بيعطيه لنا ليس ملكا لنا و لكنه ملك لله يسترجعه متى شاء

    و كل شيء عنده بمقدار
    فلا يفعل شيئا تبارك و تعالى من إحياء أو إماته أو أي شيء إلا بمقدار و لحكمة

    فلتصبر
    لأنك عرفت أن قضاء الله خير كله و لحكمةٍ و ليس هباءاً

    و لتحتسب
    لتحتسب أجر صبرك على المصيبة عند الله , و تحتسب الفقيد عند الله عز و جل , و تدعو الله أن يتقبله في جناته


    نسأل الله ان يرحم موتانا و موتى المسلمين

    ردحذف