من كام يوم كدا...وانا بفتح ميلي بالصدفه
لقيت هديه ....بالنسبالي ولاأروع
من ناس انا نسيتهم فالحياه اللي أخدتنا كلنا
لقيت صوره...بتجمع كل الفريق اللي كنت فيوم منهم
فريق مايو
بجد كلهم وحشوني
ولقيت الكلمات دي معاها:
فاكره الايام دي ياسوني
ماكناش حاسيين انها أجمل ايام حياتنا....أنتي أيه رأيك وشيفاها ازاي؟
بجد كل ماابص للصوره دي والصوره التانيه..بيجيلي أحساس اني نفسي ادخل جواها
الايام بتعدي علي طول...والحياه محطات
وأحنا مابندركش قيمه اللحظه اللي عايشنها الا لما بتروح مننا
بصي فالصوره كدا............
هتلاقي ان كلنا بنضحك والضحكه طالعه من جوانا مافيهاش أي شوائب
مش زي دلوقتي الضحكه طالعه وبتحمل بين طايتها حاجات تانيه
بجد أيام الجامعه كانت أيام جميله فعلا حسينا وعشنا فيها اجمل ايام حياتنا
لكن هو دا حال الدنيا.....الحياه محطات,بنفتكر ان المحطه هتطول لكنها فالحقيقه بتعدي فلمح البصر
بجد انا شوفت الحاجات دي ماقدرتش اتمالك نفسي وعيطت
لاننا أتعاهدنا كلنا اننا مش هنسي بعض
ولكن حصل اللي ماكنتش عوذاه ولا عوذاه اكون فيه....الحياه اخدت الكل
ياتري هل هنقدر تاني نرجع
ولا خلاص كل حاجه انتهت
لا ما انتهتش
ردحذفو مدام هما فاكرينك
أرجعى كلميهم حتى بس ع الأقل أطمنوا على بعض
رامي:
ردحذفياريت اقدر
بس مسكوفه من نفسي
اجياقول لناس اوعي ننسي بعض
وانا اعملها
الزمن بجد بيكون مش حلو فكدا
بينسي الكل..الكل
يانهار ابيض
ردحذفانتوا لسه صغيرين والحياة لسه قصادكم طويله
لموا بعض تاني
كلموا بعض
ارجعوا شوفوا بعض
وياما هتعملوا صداقات تاني وتالت ورابع
ربنا يسعدكم
هي مرحلة مرت وانتهت يعني لحظة الصورة نفسها لن تعود هذا مؤكد فقطار الحياة قد مضى لكن بما ان شخوص الصورة لازالوا موجودين يمكن تكرار نفس اللحظات مرات ومرات لو توافرت الارادة لدى الجميع طبعا
ردحذفمع ودي عزيزتي
شمس النهار:
ردحذفشوفتي
لسا ممرش كام سنه
واللي أشتغل واللي اتخطبوا واللي اتجوذوا واللي سافروا
كلنا بعدنا عن بعض بعدا وحشا اوي
ياريت بس نعرف نتجمع تاني
خواطر شابه:
ردحذفياريت والله
وماتطلعشي حاجات فالنص بقا
تبوظ الدنيا
ذي ايه
سوري عندي كذا
وكذا
وبكدا يقفلوها بجد
ربنا يسهل بس
مساء الفل يا حبيبة قلبي
ردحذفاولا مجموعة مايو دي زي جمعية التغيير كده ولا إيه؟
ثانيا إيه اللي بتقوليه ده
ده انتوا كلكم ايامكم أمامكم
واليوم الحلو اللي فات جاي احلى منه بإذن الله
ربنا عند ظن العبد به
إيه بقى؟
هه؟
الظن لازم يكون ان اللي جاي حلو وزي السكر ولا إيه؟
اجرى يابت اسالى وبوسى واحضنى وماتفرطيش فى حد بتحبيه ابداااااااااااااااا
ردحذفعجبني جدا الرد الاخير أو التعليق الاخير لريتشارد
ردحذف:)
فعلا .. اوعي تتاخري ..
اوعي تفكري في اللي فات وفي اللي مات ..
فكري ازاي تكوني مبسوطه دلوقتي وبكره زي ما كنتي مبسوطه امبارح ..
وبسرعه .. لان الدنيا مش بتستني ..
ربنا يسعدك دنيا واخره يا سوني
ستيته جسب الله الحمش:
ردحذفمامييييييييييييي
أخيراااااااااااااااا
أذغررررررررررررررط وانعمه:)))))
لا هي نماذج محاكاه عندنا فالجامعه
لجامعه الدول العربيه كدا
بنشتغل مكانهم يامامي
يعني اهي نشاطات بجد حلوه وبنطلع فيها طاقتنا بدال ماهي مكبوووته
ريتشارد هارت:
ردحذفقلب القطه حببتييييييييي:)
المشكله اني مكثوفه من نفسي
طب والله اتصلوا بيا انهاردا
وانا بجد احرجت جدا
انا كنت مش عوذا ننسا بعض...عملتها
بجد بتضايق لما بتحط فالموقف دا
محمودالمصري:
ردحذفاهو بحاول اني اعمل اي حاجه
بس يارب الكل يتجمع بجد
لان جيت عملتها لقيت من ناس كنت فكره انهم أصحابي
مابقوش بجد كدا
ربنا يهدي بال الجميع