الأربعاء، 3 مارس 2010

اصحابي (1)

بصوا بقي انا قولت هتكلم المرادي عن اصحابي لانهم بجد ناس جدعه وبحمد ربنا كل يوم انه رزقني ناس ذيهم
سمعه حد من الصف الخمسه وعشرين بيقول ماتكتبي عنك احسن
هقوله انا موش شيفه ان في حاجه احب اتكلم فيها عن نفسي لان موش شيفه ان فحياتي ينفع حاجه اتكلم فيها غيرهم لانهم بجد ناس فرقين معايا جدا وانا فرقه فحياتهم والحمد لله بجد علي وجودهم فحياتي
اول حد هتكلم عنه هي نيما الانتيما
عرفين لما تقلاو حد كدا من غير ماتعرفوه لله فلله تستريحو ليه وكمان يبقي اقرب ليكو من نفسكو
اهي هي دي نيما الانتيما
وحده كدا بالرغم من الطول الشاااااااااسع مبيني وبنها(بمشي جنبها ذي مايكون بنت مشيه جنب مامتها) هههههههههههه
لما بتتكلم بتحس انها ذي الاطفال..مهو اللي فقلبها علي لسانها وموش بتعرف تخبي
وحتي فضحكتها طفوليه وبرئيه تماما
هي اقرب وحده ليا اقربلي حتي من اهلي واخواتي وكل اللي حوليا
انا صراحه موش فاكره اتعرفنا علي بعض اذاي
كل اللي فكراه اننا جينا قربنا من بعض فجأه وبقينا كدا عملين ذي الاختين او التوام اللي موش بيقدرو يفارقو بعض نهائي
دي حتي بتجيني فأحلامي ,حتي فأحلامي موش سيباني يانيما
مهو احنا الاختين الحلوين هناء وشيرين ..او ريا وسكينه ممكن تمشي برده هههههههه
يابنتي من كتر مااحنا مع بعض تليفونات مع بعض وبنقعد نتكلم بيجي اكتر من ساعه وربع واحيانا ساعتين ولينا وقت ثابت فرمضان كل يوم من الساعه 12 لحد الساعه 3 وقت السحور..فاكره يانيما دي كانت ايام بأذن الله هترجع تاني
ولما بنقعد نرغي نرغي لغايه يابابا ياباباكي يقولولنا كفايه كدا كل دا بتقولو ايه
ميعرفوش اننا من كتر مااحنا ذي بعضنا مبقناش قدرين نسيب لحظه الا لما نتشارك بيها مع بعض
دي بقي حبيبه الكل موش حببتي لوحدي,بتحب تتطمن علي كل الناس حتي لو هيكلفها ايه وطبعا الفاتوره شهدها عليكي هههههههههه
دا حتي لما سافرت انا مع عيلتي روحنا دمياط وكنت وقتها مخنوقه لان اللي كان عامل جو فسفريتنا اخويا كان مسافر وعنده شغل
كلمتيني يجي اكتر من ساعه فالموبايل علشان تتطمني عليا وتحاولي تخليني اتبسط شويه
حتي لما عيطت بسبب اني كان عندي مشكله مسبتنيش وقتها وفضلتي تكلمنيني لحد ماخلص رصيدك كله عليا وكنتي لسه شاحنه
ولا حتي لما منمن اتجوذت وانتي الوحيده تقريبا اللي علطول بتكلميها تتطمني عليها فالهني مون ..اي حد غايب او مسافر او موش بيبان مده انتي اللي بتكلميه وبتطمنينا عليه
موش بقلوكو فيها براءه الاطفال
دا حتي لما ذعلتي من ناس من شلتنا بسبب انهم اخدوا جنب مننا بسبب ناس ربنا يسامحهم موش حبين انهم يشوفونا اصحاب ومتماسكين ابدا
فضلتي من هنا لهنا لحد مالخلافات كلها اتصافت والنفوس هديت وبالرغم من انهم جابو الحق عليكي فألاخر سامحتيهم لحد مابانت الحقيقه
انا للاسف معملتش ذيك
لسا جوايا حته صغننه وذعلانه منهم شويه بس بكره ربنا يهدي النفوس
دا حتي لما قولتلك نخرج من غيرهم قولتيلي لا علشان ميذعلوش ..طب مهما خرجو من غير ميقولولنا ..قلتيلي لا برضه اصحابنا وهيذعلو والمسامح كريم
موش هنسي لما منمن مامتها توفت جيت اول وحده عرفتي وبلغتيني وقتها وانا كنت فالبيت ..الصدمه بانت عليا روحت الجامعه لقيت كلهم بيعيطو بس انتي متامسكه
متامسكه علشان مجمعانا كلنا ومتامسكه لانك اقرب وحده لينا كلنا وقريبه فقلوبنا وقلبي انا بالاخص ولاذم موقف ونجمد كلنا فيه
انا للاسف وقتها مقدرتش اروح وكلهم قلولي خليكي عرفين اني موش هقدر امسك نفسي
بس سبحان من خلاكي اتماسكتي علشان نقدر نكون جنبها فالوقت دا
حتي اللي ربنا يسامحهم برضه مسبوناش فحالنا وقتها الا لاذم يعملوا خناقه قبل مانروح ليهم
طب دول يتقال عنهم ايه..يلا ربنا يسامحهم
علطول بسمع من اللي حوليا ان الاصحاب بتوع الجامعه دول فيوم هيسبو بعض وانهم بتوع مصالح
معذورين..لا اتعاملو معاكي او مع بقيه الشله وشافو اد ايه اننا بجد بقينا اقرب من الاخوات بحق وحقيقي اي حد فينا قبل مايفكر يعرف التاني ايه اللي فدماغو
فاكره يانيما..فاكره يوم مافكرنا بأننا نسكن كلنا فعماره وحده ونسميها عماره الاصدقاء وابيه يتجوذ يجيب ولد ذيه كدا دماغه طقه ومنمن تجيب بنت تجوذها لابن ابيه ويتجننو علي حسهم وانتي تيجبي بنت وولد وانا اجيب ولد وبنت نجوذهم لبعضهم ونعمل احلي خلطبيه ويورثو الجنان بتاعنا هههههههه فاكره
فاكره يوم السبت اللي فات بعد ماشهرين مشفناش بعض وكل كلامنا فوقت الامتحانات بعد الامتحان نطمن علي بعض وكلنا نعمل كدا وجه اليوم المنتظر
كنتي لسه مجتيش ولما جيت لقيت البنات علي صوت واحد..سووووووووني وجريو عليا والاحضان اشتغلت, وقتها قعدت ادور عليكي وكنت مخنوقه لحد ماجيتي وجريت عليكي قضينا اليوم كله مع الشله بعدها سبناهم وقعدنا نتكلم ونرغي مع بعض لوحدنا موش بقول توام وسيامي كمان
متشابهين جدا بدرجه ميتخيلهاش حد وطباعنا بقت عمله ذي بعض
بس اقولك خيفه....اه خيفه ؛خيفه من اليوم اللي هيجي وهتنضر فيه اننا نسيب بعض علشان الحياه بتاخدنا فدوامه
يارب ..يارب انت اللي بتجمع وانت اللي بتفرق
خلينا اصحاب علطول مع الناس دي موش هقدر استغني عنهم لاني بجد مهما قولت ولا هعوض شويه من اللي عملوه معايا..يارب احميهم ونجحهم وخليني اشوفهم ديما بخير وسعدا ديما واصحابي للابد
اللهم امين
تحياتي



هناك 13 تعليقًا:

  1. ربنا يا رب يبارك لكم في بعض ولا يفرقكوا أبداً عن بعض ويجمعكم في الخير دايماً . اللهم آمين

    بس تعرفي ؟؟
    خليتيني شيلت قوي من اللي ربنا يسامحهم دول :(

    يا للا ربنا يهديهم .. يا يهديهم :))

    سلام

    ردحذف
  2. يارب يارب يارب يارب يارب
    ميحرمك منهم ابدا ولا يحرمهم منك
    بجد احلي حاجه في الدنيا انننا نلاقي صحاب كده
    اخوات اوي اوي اوي
    كل حاجه مع بعض
    وربنا يخليكي لصحبتك الانتيم ويخليكي ليها
    وربنا ميفركمش ابدا ابدا

    تحياتي


    اتمني التوفيق

    ردحذف
  3. ربنا يباركلكم في بعض... ويخليكم

    تحياتي ياسوني ياجميلة

    ردحذف
  4. P A S H A:يارب يسمع منك
    طب وانت شلت منهم بمجلاد القرايه بس
    امال لو عاشرتهم ذيي تعمل اييه؟؟؟؟؟؟؟
    يلا ربنا يهدي الجميع
    .................................................
    lostlove :الحمد لله والله بيهونو عليا كتير اوي اووي جدا
    يارب ماتنفارش يارب ويكون فحياه الناس شويه ذيهم كدا
    الحمد لله
    .................................................
    سمع هوص (Abo 3li) :ميرسي لذوقياتك ويارب يسمع منك
    اللهم امين

    ردحذف
  5. ربنا يخليكي ليا ياسوني بجد
    وخليلنا شلتنا ومانتفرقش ابدآ عن بعض
    وبجد كلامك عن الشله وعني تحديدآ اعتز بيه جدآ
    وفعلآ توأم سيامي ياقطتي
    هههههههههههه

    ردحذف
  6. ربنا يخليكم لبعض يارب وتفضلوا اصحاب واخوات على طول يارب

    فكرتيني بيا انا وانتيمتي بجد
    يااااااه بجد احلى حاجه ف الدنيا الصحاب اللى بجد

    ربنا يسعدكم جميعا

    ردحذف
  7. TASNIME:يارب اللهم امين نفضل كلنا مع بعضيتنا كدا يااااااااااااااااااارب
    وخلي بالك ياقطتي وانتي مشيه تيك كير بأه
    ههههههههههه
    ....................................................
    فراشة :الحمد لله انهم موجودين ويارب علطول معانا
    ويسعدك انتي واصحابك

    ردحذف
  8. سونــــي حبيبة قلبي

    ربنا يخليكم لبعض يا رب يا قلبي
    و فعلا الصدقاء كنز غالي اوي و خصوصا لو كان حد فعلا يتسند عليه وقت الشدة و بيقف جنبك فعلا في كل الاوقات

    ربنا يسعدكم و يفرحكم يا رب و ما يحرمكم من بعض يا رب

    خالص حبي و تقديري

    ردحذف
  9. يااااااه بجد مافيش احلى من كده
    ماشاء الله عليكم

    ربنا يحفظكم يارب وتفضلوا على طول اخوات
    تحبوا بعض فى الله وتفضلوا دايما تسألوا عى بعض

    بجد نافيش احلى من انتى دايما تحسى
    بإن فى حد بيسأل عليكى وجنبك ودايما معاكى فى الحلوه والمره ..

    ربنا يحفظكم على طوووووول ...

    ... ;) ,,, ;) ...

    ردحذف
  10. يارب يا سونى يخليكم لبعض ولا يفرق بينكم ابدا

    الصداقه اجمل شىء فى الدنيا وخصوصا لما تكبرو اكتر

    وتفضلو بردو مع بعض وقتها هتحسى طعم الصداقه حقيقى اكتر من دلوقتى

    على العموم ربنا يخليكم لبعض وتفضلو مع بعض على طول

    جوجو

    ردحذف
  11. ربنا يكرمكم دايما وتكونوا مع بعض يد واحدة

    لكن اهم حاجة فى الموضوع كله

    الله نسيت ايه هى
    ما علينا خليها وقت تانى ما انا ناوى اكون هنا كتير

    لو مفيش مانع طبعا

    ردحذف
  12. نحن في حاجه الي رايك في مشاكل القراء علي مدونة "دقات قلب بعد الخمسين"

    ردحذف
  13. الوفية للأبـــد -- مها أحمد:اه والله افضل كنذ فالدنيا يمكن الواحد مننا مبيخترش اهله
    بس بيختار اصحابه اللي هيكملوه معاه مشواره
    والحمد لله بجد انهم في ناس ذيهم فحياتي
    دي نعمه من عند ربنا كل يوم بقول الحمد لله عليها
    الحمد لله
    ....................................................
    ghada mOhsen:اللهم امين وميرسي ليكي
    ....................................................
    gogo!sf:والله خيفه من بكره
    بس قلت فالاخر سيباها علي ربنا
    هو اللي بيجمع وهو اللي بيفرق
    ....................................................
    الازهرى :موجوده فأي وقت اما تفتكر
    ....................................................
    قيس بن الملووووح:بأذن الله

    ردحذف