الجمعة، 17 يناير 2014

بدايه

  الواحد بقي يفكر كتير هيعمل ايه بعد كدا..
وياتري أيه اللي جي

مليون فكره فدماغي بحاول أفكر واترجمها لواقع
شويه بعرف وشويه لا
حاجه عوزاها وهي واقع ادامي
بس مش قدره أطولها

ماضي بحاول انساه وأتنساه
بفتكر الحلو وبجتهد اني استفاد من الوحش
بكل حاجه اتعلمتها

بكبر فعليا
فالعمر
شويه فالفكر
وزي ماأنا فحاجات تانيه

بحاول أفضل بشخصيتي برغم محاولات كتير
اني اتغير
بنفكيري وتصرفي اللي كتير منه طفولي
بس انا كدا
ومش عوزا اتغير
واللي عاوز يقبلني فحياته يقبلني بالشكل دا
وكتير منهم أهلي وناس قريبين مني

بس انا مش عوزا اتغير غير للأحسن
مش عوزا أبقي متجمدا او شخصيه هاديه
خالص
عوزا ابقي مجنونه زي مانا
اعمل الحاجه اللي بحبها
انزل الصبح قبل شغلي أعدي علي حبيبتي
وأزوها أطل عليها...السيده
اتمشي يوم أجازتي فالحسين واخد البنات معايا
هما بيتبسطوا يمكن اكتر مني لما بنروح هناك
أخد المج وأنزل الصبح اتمشي حبه علي النيل
قبل مااروح الشغل
حتي وانا ركبه بحب أسمع فيروز
امنيه حياتي أروح شط مفيهوش حد
اقعد اتفرج علي شروق الشمس وانا بسمعها

لما بحب الناس أوي ويغيبوا واشوفهم تاني
ببقي فرحانه بيهم لدرجه اني بتنطط

طبعي كدا
وحياتي كدا

ومش بقبل حد يغيرني
انا بحب اتغير من نفسي فدماغي
يبقي ليه عوزين ابقي زي الاله
كل حاجه بحساب

؟
ليه

بس دا قراري
بدايتي بفكر فيها
يمكن اوصل
يمكن لا
بس هحاول
فبدايتي...

هناك 14 تعليقًا:

  1. كل امنياتك وطموحاتك جميلة

    والاجمل انك نورتي مدونتك
    ياريت الكل يرجع تاني

    ردحذف
  2. أحمد الصعيدي:
    ازيك ياجدع عامل ايه
    يارب كل شيء يبقي كويس
    كلنا راجعين بأذن الرحمن :)

    ردحذف
  3. احنا بنحبك زى منتى كدا
    ومتتغيريش يا سنسن
    وربنا يا حبيبتى يحققلك كل ما تتمنى
    واكتر
    واحسن ألف مليون مرة

    حمدلله ع السلامة
    والعود سنسن وجميلة وطِعم وشقاوة

    وحلو لون المدونة كدا
    مترجعيش للأسود تانى
    مكنش لايق عليكى الغمقان أصلا ...

    :-*

    ردحذف
  4. ايه البوست الجميل دا
    نورتى مدونتك

    امضاء
    الدماغ اافظيعه فوق المريعه

    ردحذف
  5. فاتيما:
    الاحلي انك جيتي هنا اساسا وشوفتك تاني
    لو ينفع كنت اتنططت هنا بس هنا كتابه وبس

    وحشاني اوي اوي
    انا مش بعرف ابقي فالغامق ربنا خلقني كدا
    فكره يوم ماقلتلك يوم مااموت مش عوزا حد يزعل عليا
    انا دا طبعي
    مش عوزا حد يبقي زعلان
    ويارب الكل يبقي فرحان
    يارب

    ردحذف
  6. الدماغ الفظيعه فوق المريعه
    شكرا

    ردحذف
  7. وتتغيري ليه يا سوني وانتي كلك مميزات
    وحتى يا ستي لو مليانة عيوب..اللي يشوف يعوبك يلتفت لحاله أبرك
    نفسي اروح السيدة والسين قوي..قوي
    بقى لي كتير بلف في الحلزونة
    تحياتي وحمد لله على السلامة يا جميلة

    ردحذف
  8. ألف بعد الشر عليكى
    حزن وشجن البرج بتاعنا دا اللى ملوش آخر

    ربنا يروق بالك دايما

    :-* وحضن كبير

    ردحذف
  9. صباح الفل :)
    فكرتيني بالريحاني لما قال انا كده شكلي :)
    ياحبيبتي ماينفعش الانسان يكون غير نفسه وبس

    ردحذف
  10. ستيته :
    ممتي وروحي وقلب من جوا :)
    وانا نفسي تيجي معايا اوي
    بجد هبقي مبسوطه كتير لو جيتي معايا
    اتفقنا؟

    ردحذف
  11. فاتيما:
    الحزن والفرح شمس وقمر فحياتنا
    بيجوا فميعاد ويتبدلوا فميعاد
    ومفيش حال دايم
    الا وجهه سبحانه وتعالي
    ربنا يفرح قلبك كتير

    تستاهلي فرح كبير اوي

    ردحذف
  12. شمس النهار:
    صباحك نور وفرح اد كدا وامل اااااااااااااااااااااااااااااد كدا
    :)

    وانا زي مانا
    بس نفسي اعرف
    هما عوزيني اتغير ليه

    ؟

    ردحذف
  13. انتي شبههي شوية كتير
    بحب تكون انا انا
    محدش يغيرني ولا اتغير الا باللي مقتنعة اني فعلا لازم اغيره عشان غلط
    :)

    ردحذف

  14. عيادات جلدية | جراحة تجميلية
    مركز رما الطبي بالرياض يقدم خدماته المتنوعة بأعلى قدر من الكفاءة وبأسعار متميزة
    العناية الكاملة ضد العلامات المبكرة لتقدم سن البشرة , تجميل البشرة والحقن التجميلى لإعادة شكل الوجه
    العمليات الجراحية التجميلية – علاج وتجميل البشرة بالليزر – العناية بالبشرة والجسم – معالجة الامراض الجلدية – تخسيس الجسم , وخدمات متميزة كل هذا واكثر من مركز راما Rama Premiere
    .
    الاتصال
    920011224
    لزيارة موقعنا
    http://ramapremiere.com/
    Facebook :
    https://www.facebook.com/ramapremieresa
    Twitter:
    https://twitter.com/ramapremiere

    ردحذف