الجمعة، 31 يناير 2014

انا فعلا بكره نفسي

لأول مره بجد
بقيت بكره نفسي

انا ماعملتش حاجه
غير أني بطمن علي اللي حوليا 
لما بيضيقوا
غلطتي اني بطمن عليهم

انا فعلا
بكرهني أوي

ماكنتش اعرف
اني تقيله
علي اللي حوليا كدا

 يارب خدني
يارب أرجوك

خدني يارب
مش عوا أبقي تقيله علي حد
أرجوك

هناك 7 تعليقات:

  1. ليه كده بس؟
    انا شايفه ان دى صفه جميله اوى اوى فيكى انك بتسألى عن اللى حواليكى وبتحبى دايما تطمنى عليهم
    دى ميزه جميله جدا
    ليه بتغلطى نفسك وعايزه تعاقبى نفسك على صفه جميله فيكى

    مش معنى ان بعض الناس مش بيقدروكى ومش بيهتموا بيكى زى ما انتى بتهتمى انك كده وحشه
    بالعكس هما مايتستاهلوش ابدا طيبتك وسؤالك عنهم
    اوعى تخلى الناس تفقدك الثقه فى نفسك
    وان شاء الله اكيد هتلاقى اللى يقدر الصفه الجميله دى
    اتمنى التواصل

    ردحذف
  2. زعلانة جدا ان حالتك كده..بعد الشر عنك وربنا يحيكي مادامت الحياة خيرا لك يا سوني
    انا مش عاوزاكي ابدا تتغيري..بس كمان فيه حاجتين فكري فيهم
    1- الناس همومها كتير..وناس كتير مش بتحكي همومها..ومش لازم يكونوا بيتضايقوا يا عيوني من سؤالك..ساعات تبصي في عين حد تلاقيه كأنه بعيد عنك آلاف الأميال..هو مش بعيد..هو بيفكر والفكر بيقتل..كمان مش كل الناس بريئة وجميلة زيك..وده من كتر ما عاشروا ناس وحشة..فده يبان لك عدم اهتمام..وهو مش كده..هم بس من الضربات فقدوا البراءة والروح الحلوة بتاعتك..ودي اشياء غير مردودة
    2-متتغيريش..لكن انشغلي بأمورك اكتر من الناس..ولما ها يجيوا في طريقك ها يفرحوا بسؤالك..نوع من التوازن..وفي نفس الوقت بطلي جلد ذات..دي اسوء شيء حد يعمله في نفسه

    الناس ها تعدي في حياتك..ناس ها تروح وناس ها تيجي
    لكن نفسك ملازماك مادمت على وجه الأرض..حبيها..وارحميها..وبطلي تجلديها..وخليكي زي ما انت..زي ما انت

    ردحذف
  3. What u r saying dowsnt make any sense

    Law fe 7ad metdaye2 enek bets2ali aw betwhtamy beeh yeb2a baseeta .. mates2aleesh =)

    E3mely le nafsek list keda w 7oty nas feeha ely bey7booki w bey7ebo so2alwk 3anhom .. w list tanya lel nas ely 7aseen en ehtemamek behom zeyada w mates2aleah 3alehom

    W fel akher sada2eni homa ely hayendamo msh enty =)

    ردحذف
  4. كنت بتمنى الاقى حالة مزاجيه أفضل
    المدونة جميلة
    وبالنسبه لكون الناس مش بتقدر حبك ليهم فالمشكله فيهم هما مش فيكى
    إعملى الخير وارميه البحر
    كونى الى انتى مؤمنه بيه حتى لو معجبش حد
    أكيد هتلاقى ناس محتاجين سؤالك ومحتاجينك جمبهم

    تحياتى وأتمنى المره الجايه الاقى بوست فى حالة مزاجيه أفضل

    ردحذف
  5. ايه الجنان دا يا اختى بطلى عبط تكرهى نفسك ايه بلاش هبل الزياره الجايه للمدونه عايز حاله نفسيه احسن من كدا
    امضاء
    الدماغ الضايعه الفظيعه تحت المريعه

    ردحذف
  6. شوفي ياحبيبتي الحالة النفسية اللي انتي فيها دي مش هضيع غير ان تقري سورة ستنا مريم وسيدنا يوسف بجد متجربه صلي ركعتين واقري فيهم
    وربنا يريح قلبك

    ردحذف