بنت ومامتها

قابلتني مامتها الصبح وانا ريحه الكليه..يافتااااح ياعلييييييييم يارزاااق ياكريم,دا أنا فسري لاني طبعا موش هقولها فوشها:)
اذيك ياسوني وعمله اييييه وايييه اخبارك كدا بقالي كتييييييييييير مشفتكيش..(انا من جوايا ربنا يسترها يااااااااااارب)
اذيك ياطنط انا الحمد لله كويسه وانتي عمله ايه وصحتك عمله ايه كدا؟؟؟
والله ماعرفه ياسوني صحبتك دي هتجبلي الضغط والسكر...
(انا من جوايا :مع بعض...لييييييييييييه)الف سلامه عليكي ياطنط ايه بس اللي حصل علشان كل ده
صحبتك اتقدملها كام عريس كدا كويسين ومحترمين وهي موش عوذه تقبل بولا واحد فيهم
لسه ياطنط مجاشي صاحب النصيب ولما هيجي هيحصل بأذن الله
مهو طول مابتعمل كدا يبقي موش هيجي ابدا..متعرفيشي ياسوني هي بترفضهم ليه ..طب يعني فالكليه في حد وهي موش عوذه تقولي؟؟؟
انا بقي ركبت وش موزبهل كدا ولاااااا كأني اعرف حاجه..وقلت الله اعلم(وانا عرفه علي فكره,شوفتو التسوييييييييييس هههههههه)
وانتي ياسوني مفيش حد لسه؟؟؟؟؟؟؟
انا وقد بدأت اتخنق:كله بأمر ربنا ياطنط وبعدين انا موش عوذه دلوقتي انا مركذه فدراستي حاليا وبس
ياطنط خليها براحتها والمفروض متتجوذسشي اي واحد والسلام لاذم يكونو مناسبين لبعض علشان يشوفو اذا كانو هيقدرو يستمرو ولا لأ
يعني لاذم يلعبو اكس أو يعني ولا يرسمو قلوب والكلام الفاضي ده
انا:طااااااااااااااااااانط.....محطتي جت ..عن اذنك ..سلام
ولما روحت الكليه بأه مسكت صاحبتي:انا شوفت مامتك النهارده
نعم؟؟؟؟؟؟؟؟طب وقلتلك ايه
حكتلها علي اللي حصل
ونسيت اقولكو..صحبتي في حد بيحبها وبتحبه..بس عاوذ علاقتهم فالنور..لابيتكلمو ولا بيقعدو مع بعض ولما كان عاوذ يكلمها وشه جاب الوان وهي كمان :)
اصلهم بيحبو بعض من بعيد لبعيد وموش عوذين يقعو فالغلط...هو مستعد بس علي خفيف وعوذها تصبر عليه شويه وهي مستعده لكدا وانا كنت حمامه السلام اللي فالأخر بتاخد كل الذوند اللي الكل عارفها هههههههه
انا عرفه ان كل ام نفسها نشوف بنتها فبتها كدا وحوليها اولاد بنتها..بس هل دا معناه انها تتجوذ اي واحد والسلام من غير ماتعرفه ويعرفها ولا ذم حد يكون فعلا بيحبها وشاريها؟؟؟؟؟؟؟؟
بجد محتاجه رايكو.....
تحياتي

هل دا يبقي حب؟؟؟؟؟؟؟؟؟

سوأل وجه فجأءه فالجمجمه بتاعتي

هل في حاجه اسمها كرامه بين اتنين بيحبو بعض ولسه علي الاقل مكنش في ارتباط رسمي من اساشه

هل لما نحب حد نعمله كل حاجه من غير مانفكر اذا كانت صح ولا غلط
هل دا يبقي حب؟؟؟؟؟؟؟؟
اللي خلاني اسال الاسئله دي وانا مقتنعه ان في حاجه اسمها كرامه وان في حاجه اسمها احترام متبادل بين شخصين بيحبو بعض
وكنت فاكره ان كل الناس فاكره كدا
لكن اللي خلا الاسئله دي طلعت فجأه عندي موقف حصل قدامي
خير اللهم اجعله خييييييييييييير
انا روحت الكليه اول امبارح وقعده مع اصحابي بعد المحاضرات وقلنا نستريح شويه مهو من الارهاق خمس ساعات محاضراااااااات ورا بعض من غير بريك
خمسه حتي
المهم
واحنا قاعدين ,لقيت بنت وولد عاادي جدا قعدين مع بعض
اخلصي ياسوني علشان ورانا حجات وكملي الحكاااااااااااااااايه
حاضر اهو,سيبكو بأه من اللبس والكلام دا اكيد انتو عرفين انا موش هنتقد اللبس دي حريه شخصيه انا هنتقد التصرف اللي حصل قدامي
صراحه انا من نوعيه لما الاقي حاجه غلط بتحصل قدامي ....بروح مثلا واتكلم
اقول لو سمحتي دا حصل كذا ودي شيفاها غلط...واقعد اتكلم مثلا عن الصح وكدا
موش بقول مثلا اني فوق الكل وموش بغلط...لا انا بشر برضه بس الموقف بجد انا كان نفسي اروح اضرب البت دي (بخلاف موضوع الهدوم اللي كانت لبساها المفروض يعني انها محجبه وهي لاتنتمي للمحجبات بأي صفه اساشا نوص الشعر باين والهدوم بادي شويه وطااااااالع والذعطلون شويه وناااااذل)
يخرب بييييييتك يافرساتشي ياللي مخلي كله ياطااااااااااااااالع يناااااذل
علشان مطولشي عليكو...انا لقيت الاخ اللي معاها دا قام كدا ذي الباشا وخلع رباط جذمته
وبصووووووت عالي..اربطي رباط الجذمه بتاعتي
انا صراااااااحه جتلي حاله اذبهلال وتوقعت ان البت هتديله اقلها قلم علي وشه لانه بالطريقه اللي بيكلمها بيها لاهي طريقه حد بيحب حد ولا دا تعامل مع حبيبه ابدااااااا
لكن حصل العكس
لقيت البونيه ابتسمت كدا وربطت الروبااااااااااااط
يالهوتيذ................اذااااااي؟؟؟؟؟؟؟؟؟؟
لا وشوفو بعد ماربطتها قام فكها ونفس الشخطه والنطره هي هي وربطت جذمته تاني
انا صراحه كان نفووووووووخي من دماغي هيشيط وكنا قعدين بنشوف اللي بيحصل ده
انا قولت لا لاذم اروح اقولها ان دا ضد كرامتها ومينفعشي كدا
لقيت اصحابي مسكوني وقلولي متروحيييش,قلتلهم انا موش ريحه اضرب ولا حاااااااااجه
ههههههههه انا ريحه افهمها بس
قالولي تفتكري يعني موش عرفه وفهمه...لا عرفه بس مطنشه بمذاجها وممكن لو روحتي تقولك كلام ميعجبكيش وهتقولك وانتي مالك وفلأخر الشكل العام موش هيبقي حلو
وطبيت وسكت
للدرجادي ان لو حد ادي نصيحه ممكن ان اللي قدامه ميتقبالهاشي ويقوله كلام يضايقه حتي لو دا فمصحلته
للدرجادي لو حد حب قوي ميبقاشي فيها كرامه اصلا
مهو ياحاجه من اتنين:يأنا اللي فهمي غلط
ياالي حواليا دول عالم واحنا من عالمون اااااااااااخر
حد يفهمني ياااااااااااااااااجودعااااااااااان
وليه الاجر والثواااااااااب...(وش موذبهل وبيضحك)
ههههههههه

اصحابي (3)

نويت المرادي اغير وكفايه كتابه عن البونيات اقصد البنات
ليييييييييه يعني يابنتي متكملي
لاني الصراحه شيفه انهم كولهم يسستهلو مدونه كامله للكتابه عنهم بس حلو اني جبت نموذج عن اللي موجودين معايا وفحياتي بجد لاني طول الوقت والحمد لله بشكر ربنا علي نعمته عليا انه اداني وعرفني بناس ذي دي
والمرادي هتكلم عن كبير العيله..اقصد كبير الشله بتاعتنا
(حتي لايوقال اني عنصريه )هههههه
نفررر بتااتا ابدا
بجد هو يستحق كتير..انه كبير الشله (تايجر فرغلي)
انه كبير الشله سنا ومقاما..وهو ظهرنا بجد
انا بالنوسبالي كان نفسي يبقي ليا اخ كبير اكبر مني (اصلي بعيد عنكو انا البكريه وطبعا الكل عارف بيتقال عن البكري ايه هههههههههه موش هقول)
هو اول واحد من افراد شلتنا يعني هو اللي انشأ الشله
علي مااتذكر كدا كنا قعدين فالمدرج من غير مانعرف بعض طبعا ولقيت حد بيتكلم عن المنطقه
صراحه...بحب تلميع الاوكر اوي ههههههههه الله موش ذي كل المصريين عندنا العاده دي
واذ فجأه ادخل فالكلام واتكلم معرفشي ليه وكان في حد قاعد اعرفه قولت يلا مهو ابو بلاش كتر منه
وابتدت المعرفه واتكونت شلتنا المختلطه خلطبيطا
الكبير دا شخصيه بجد كل الناس بتحب تتعرف عليه
ضاحك حتي النخاع برغم من حذنه....حذنه بسبب الغدر والخداع
موش بيخلي حد وهو قاعد معاه بيذعل ابدا نوهائي بتاتا ولاذمن يضحك يعني يضحك
بجد هو اخونا الكبير
واللي لما بتحصل مشكله لاي حد لاذم يروحله
بيساعد اللي حوليه.... كلنا بنقوله علي مشاكلنا وهو موش بيحب يشيل همومه ومشاكله لحد
بجد اخ كبير لينا ودا موش احساسي لوحدي دا احساسنا كلنا
ومن كتر ماشايل همومنا وبيساعدنا من غير مانطلب....بنبقي نفسنا يقولنا ايه اللي بيضايقه وبنقعد نطلب منه كدا وهو موش بيرضي يقول
كتير بنقوله ان دا غلط ذي مابيشاركنا همومنا لاذم يقولنا علي اللي حاسس بيه وبيخليه ذعلان او متضايق
موش بيرضي انه يشيل همه لحد....شايف انه دوره ككبير الشله انه لاذم يراعي اللي حوليه ويخليهم مبسوطين وبس .....اما همومه هو فهو اللي لاذم يشوفها ويحلها بنفسه
بجد حد يتمني انه يتعرف عليه ويعرفه وانا بحب شلتنا دي اوي وحسه ان الشخصيات اللي فيها من كتر مااحنا فهمين وعرفين بعض,من قبل مانتكلم عرفين ايه اللي فالجمجمه
بس بجد مبسوطين ليه قوي وفرحانين ليه..اخييييييييييرا كبيرنا خطب
ربنا استجاب لدعواتنا واداله وحده بجد شخصيه محترمه وتستاهل كل خير لانه يستاهل كل خير (الطيبون للطيبات )وااقلكو علي يوم ماجه وقلنا
خير اللهم اجعله خييييييييييير (هحكي حدوته اهو) هو داخل علينا يوم كدا لقيناه متغير وشكله مبسوط اوي علي غير العاده يعني
قولنا بسي دا اكييييييد في ان ...سألناه مالك ياكبير قالنا اسكووتو موش انا قريت فتحه وهخطب قريب
البنات علي صوت واااااحد:بجد هيييييييييييييييييييييييييه مبروووووك ياكبير
وكنا هنديها لولولوللولولولولولولوليييييييييييييييي ..لولا انا كنا وقتها فالجامعه وقولنا لا بلاشي هنا في ميييييييييييييل هيلمنا وكونفرس مليااااان ذغاريط ههههههههه
بجد موش هقدر انسي وقفتك جنبينا كلنا ياكبير ونفسنا كلنا نفضل مع بعض كشله ..لكنها الايام ,هتفرق ذي ماجمعت
والشعر اللي جاي دا من كلماته والتي لاتنسي:
اخر مانذفه من جرحا ابدي في قلبي
بعد انتهاء مباراه نهائي كأس الامم الافريقيه وتسليم منتخب مصر كأس الامم للمره الثالثه علي التوالي ...ذهبت مسرعا لامي والفرحه تعم في قلبي
وقلت لها ياامي مبروك لمصر
نظرت لي في صدمه وقالت:ياابني كفايه احتفلتوا باللي فات
صدمت وقلت لها ..ياامي مبروك لمصر
سرحت قليلا وقالت:ياابني هيغلو علينا انبوبه البوتجازات
اندهشت وقلت..ياامي مبروك لمصر
دمعت عينها وقالت:ياابني كفايه الشعب من شده الفقر مات
انتبهت وقلت..ياامي مبروك لمصر
حزنت وقالت:اصبحت الان اغاني اكتوبر تذاع للمباريات
سرحت وقلت ..ياامي مبروك لمصر
بكت وقالت:ياابني ارحمني والدك من ندره العلاج مات
دمعت عيني وجلست بجانبها وقلت..ياامي مبروك لمصر
بكت وقالت:ياابني الاقصي تهدم من كثره الحفريات
بكيت وقلت لها..ياامي مبروك لمصر..فلم اجد اي اجابه منهافنظرت فأذا بها تنظر لي وبريق الحياه قد فارق عينيها فبكيت وقلت لها..مبروك لكي ياامي علي فراقك لمثل هذه الحياه اللتي تشوبها السلبيه وانحدار اخلاقي وحب ابدي للمباريات
مبروك لكل مصري فرح بالكأس وبكي من ارتفاع اسعار المستلذمات
مبروك لكل مسلمه فرحت بالمباراه وفقدت التذامها بالنقاب او الحجاب
مبروك لكل مصري يقرأ هذه الكلمات ولا يفهم من اقصد بأمي او ابي او بمعاني الكلمات
مبروك لمصر
شكلك ياكبييييير هتودينا فأبو كلبوش ههههههههههه ربنا يستر
تحياتي

اصحابي (2)

تاني حد هتكلم معاه فالبوست دا هي نوسه
عرفين الشخصيه الهاديه الخلوقه والواقعيه جدا
اهي هي دي نوسه
البنوته اللي بميت راجل,لو حد محتاج لمساعده هي اكتر حد بيجري يساعد
دي بقي صحبتي من ايام ثانويه عاااااااااااااامه (ايام الشقاوه الفعليه حيث انني وقتها لم اكن هاديه بالمره وكنت بجنن اللي حواليا وبطلع عين المدرسين عندنا)
ونوسه دي احيانا كنت بحس انها شويه وهتشد فشعرها مني نتيجه للحجات اللي بعملها معاها ههههههههه
ايام بجد الواحد ميقدرش ينساها لان ثانوي بالرغم من المنهج اللي عاوذ يتولع فيه رسمي وايام المذاكره لحد مالعين يتنعمش يايتحطلها نضاره بفعل فاعل
لما جينا جامعه مع بعض اتبسطت انها معايا وقولت الحمد لله اني موش هكون لوحدي ودي فحد ذاتها نعمه من عند ربنا ان في حد معايا فالجامعه من ثانوي
ثم بدأنا الطريق من الاول والحمد لله اهو سبع سنين مستحملاني البونيه لانها وبأعترافا مني كنت ببقي كتير خنقه ورخمه خصوصا واني ملييش مود ثابت فياعيني عليها هي اكتر وحده مستحملاني
وبجد اسألو الكل علي نوسه هي فوقت الجد بتبقي الضهر للكل وبالذات ليا انا حيث انني من النوع اللي ممكن يأثر فيا الكلام
موش هنسي لما مره وحده من اخواتنا اللي يسامحهم وحكيت عنهم قبل كدا قالتلي كلام ضايقني فقعدت لوحد منذويه "حلوه منذويه دي...:)" والوحيده اللي لاحظتني هيا
قعدت هدتني وقالتلي مالك..صراحه مكنتش حبه اضايق حد باللي مضايقني قالتلي احكيلي بس فحكتلها
بعدها قالتلي الكلام اللي موش هقدر انساه ابدا
بصي ياسوني..ياما هتقابلي ناس هايحولو يدمروكي بالكلام وبأي وسيله لما يلاقوكي ناحجه فلو ذعلتي علي كل كلمه تضايقك انتي اللي هتدمري نفسك..ارمي وراكي وكملي طريقك وموش اي حد يقول حاجه تذعلك تذعلي
هما موش عوذين غير تدميرك ودمار الناس اللي حوليكي
هتلاقي ناس كتير اوي كدا لما تتخرجي من الجامعه فحولي علي قد ماتقدري تسيبك منهم وقوي نفسك بنفسك ومتسمعيش ليهم
انتي حد كويس وملكيش دعوا بيهم تاني
من غير ماتدري يانوسه كل يوم بيزيد احترامي ليكي يوم بعد يوم وبحمد ربنا كل يوم انه اداني صحبه ذيكو والله اعلم من غير وجدوك ووجود اللي حوليا معايا انا كنت هعمل ايه..الحمد لله
تحياتي

اصحابي (1)

بصوا بقي انا قولت هتكلم المرادي عن اصحابي لانهم بجد ناس جدعه وبحمد ربنا كل يوم انه رزقني ناس ذيهم
سمعه حد من الصف الخمسه وعشرين بيقول ماتكتبي عنك احسن
هقوله انا موش شيفه ان في حاجه احب اتكلم فيها عن نفسي لان موش شيفه ان فحياتي ينفع حاجه اتكلم فيها غيرهم لانهم بجد ناس فرقين معايا جدا وانا فرقه فحياتهم والحمد لله بجد علي وجودهم فحياتي
اول حد هتكلم عنه هي نيما الانتيما
عرفين لما تقلاو حد كدا من غير ماتعرفوه لله فلله تستريحو ليه وكمان يبقي اقرب ليكو من نفسكو
اهي هي دي نيما الانتيما
وحده كدا بالرغم من الطول الشاااااااااسع مبيني وبنها(بمشي جنبها ذي مايكون بنت مشيه جنب مامتها) هههههههههههه
لما بتتكلم بتحس انها ذي الاطفال..مهو اللي فقلبها علي لسانها وموش بتعرف تخبي
وحتي فضحكتها طفوليه وبرئيه تماما
هي اقرب وحده ليا اقربلي حتي من اهلي واخواتي وكل اللي حوليا
انا صراحه موش فاكره اتعرفنا علي بعض اذاي
كل اللي فكراه اننا جينا قربنا من بعض فجأه وبقينا كدا عملين ذي الاختين او التوام اللي موش بيقدرو يفارقو بعض نهائي
دي حتي بتجيني فأحلامي ,حتي فأحلامي موش سيباني يانيما
مهو احنا الاختين الحلوين هناء وشيرين ..او ريا وسكينه ممكن تمشي برده هههههههه
يابنتي من كتر مااحنا مع بعض تليفونات مع بعض وبنقعد نتكلم بيجي اكتر من ساعه وربع واحيانا ساعتين ولينا وقت ثابت فرمضان كل يوم من الساعه 12 لحد الساعه 3 وقت السحور..فاكره يانيما دي كانت ايام بأذن الله هترجع تاني
ولما بنقعد نرغي نرغي لغايه يابابا ياباباكي يقولولنا كفايه كدا كل دا بتقولو ايه
ميعرفوش اننا من كتر مااحنا ذي بعضنا مبقناش قدرين نسيب لحظه الا لما نتشارك بيها مع بعض
دي بقي حبيبه الكل موش حببتي لوحدي,بتحب تتطمن علي كل الناس حتي لو هيكلفها ايه وطبعا الفاتوره شهدها عليكي هههههههههه
دا حتي لما سافرت انا مع عيلتي روحنا دمياط وكنت وقتها مخنوقه لان اللي كان عامل جو فسفريتنا اخويا كان مسافر وعنده شغل
كلمتيني يجي اكتر من ساعه فالموبايل علشان تتطمني عليا وتحاولي تخليني اتبسط شويه
حتي لما عيطت بسبب اني كان عندي مشكله مسبتنيش وقتها وفضلتي تكلمنيني لحد ماخلص رصيدك كله عليا وكنتي لسه شاحنه
ولا حتي لما منمن اتجوذت وانتي الوحيده تقريبا اللي علطول بتكلميها تتطمني عليها فالهني مون ..اي حد غايب او مسافر او موش بيبان مده انتي اللي بتكلميه وبتطمنينا عليه
موش بقلوكو فيها براءه الاطفال
دا حتي لما ذعلتي من ناس من شلتنا بسبب انهم اخدوا جنب مننا بسبب ناس ربنا يسامحهم موش حبين انهم يشوفونا اصحاب ومتماسكين ابدا
فضلتي من هنا لهنا لحد مالخلافات كلها اتصافت والنفوس هديت وبالرغم من انهم جابو الحق عليكي فألاخر سامحتيهم لحد مابانت الحقيقه
انا للاسف معملتش ذيك
لسا جوايا حته صغننه وذعلانه منهم شويه بس بكره ربنا يهدي النفوس
دا حتي لما قولتلك نخرج من غيرهم قولتيلي لا علشان ميذعلوش ..طب مهما خرجو من غير ميقولولنا ..قلتيلي لا برضه اصحابنا وهيذعلو والمسامح كريم
موش هنسي لما منمن مامتها توفت جيت اول وحده عرفتي وبلغتيني وقتها وانا كنت فالبيت ..الصدمه بانت عليا روحت الجامعه لقيت كلهم بيعيطو بس انتي متامسكه
متامسكه علشان مجمعانا كلنا ومتامسكه لانك اقرب وحده لينا كلنا وقريبه فقلوبنا وقلبي انا بالاخص ولاذم موقف ونجمد كلنا فيه
انا للاسف وقتها مقدرتش اروح وكلهم قلولي خليكي عرفين اني موش هقدر امسك نفسي
بس سبحان من خلاكي اتماسكتي علشان نقدر نكون جنبها فالوقت دا
حتي اللي ربنا يسامحهم برضه مسبوناش فحالنا وقتها الا لاذم يعملوا خناقه قبل مانروح ليهم
طب دول يتقال عنهم ايه..يلا ربنا يسامحهم
علطول بسمع من اللي حوليا ان الاصحاب بتوع الجامعه دول فيوم هيسبو بعض وانهم بتوع مصالح
معذورين..لا اتعاملو معاكي او مع بقيه الشله وشافو اد ايه اننا بجد بقينا اقرب من الاخوات بحق وحقيقي اي حد فينا قبل مايفكر يعرف التاني ايه اللي فدماغو
فاكره يانيما..فاكره يوم مافكرنا بأننا نسكن كلنا فعماره وحده ونسميها عماره الاصدقاء وابيه يتجوذ يجيب ولد ذيه كدا دماغه طقه ومنمن تجيب بنت تجوذها لابن ابيه ويتجننو علي حسهم وانتي تيجبي بنت وولد وانا اجيب ولد وبنت نجوذهم لبعضهم ونعمل احلي خلطبيه ويورثو الجنان بتاعنا هههههههه فاكره
فاكره يوم السبت اللي فات بعد ماشهرين مشفناش بعض وكل كلامنا فوقت الامتحانات بعد الامتحان نطمن علي بعض وكلنا نعمل كدا وجه اليوم المنتظر
كنتي لسه مجتيش ولما جيت لقيت البنات علي صوت واحد..سووووووووني وجريو عليا والاحضان اشتغلت, وقتها قعدت ادور عليكي وكنت مخنوقه لحد ماجيتي وجريت عليكي قضينا اليوم كله مع الشله بعدها سبناهم وقعدنا نتكلم ونرغي مع بعض لوحدنا موش بقول توام وسيامي كمان
متشابهين جدا بدرجه ميتخيلهاش حد وطباعنا بقت عمله ذي بعض
بس اقولك خيفه....اه خيفه ؛خيفه من اليوم اللي هيجي وهتنضر فيه اننا نسيب بعض علشان الحياه بتاخدنا فدوامه
يارب ..يارب انت اللي بتجمع وانت اللي بتفرق
خلينا اصحاب علطول مع الناس دي موش هقدر استغني عنهم لاني بجد مهما قولت ولا هعوض شويه من اللي عملوه معايا..يارب احميهم ونجحهم وخليني اشوفهم ديما بخير وسعدا ديما واصحابي للابد
اللهم امين
تحياتي

حكايه لقتها قدامي

-اذيك عمله ايه
ردت عليا وهي شكلها متضايق:كويسه والحمد لله
-مالك في ايه
قالتلي عوذه اتكلم مع حد بس خيفه ممكن اتفهم غلط او حد يحكم عليا من غير مايسمعني الاول
-احكي بس ومتخفيش انا موش هحكم عليكي غلط بس المهم اتكلمي
شلالات دموع فعينها وهي بتحكي
انتي تعرفي عني ايه
قولتلها الحمد لله بنت كويسه ومؤدبه وموش بتعاملي حد وحش ابدا ولا عمري شوفتك بتطلعي العيبه منك ابدا
قالتلي :طب انتي تعرفي عني ايه...سكت
-انتي موش بتحبي تحكي مع حد ابدا
ردت:مهو غصب عني نفسي اتكلم واحكي بس من كتر اللي بشوفه حوليا موش بقدر اتكلم مع حد نهائي
-طب احكي وسيبي الحكم بتاعي للاخر
بعد شويه وتنهيده بعمق...
انا معرفشي اذا كنت بحب ولا لا ..هل اللي انا حساه دا اعجاب ولا حب ولا ايه بالضبط
-(بأندهاش كبييييييييير جدا وفتحه بقي يجي سته متر )يعني ايه موش فهمه حاجه
هحكيلك واسمعيني ..قولتلها احكي
انا حسه من ناحيه حد بحاجه معرفش ايه هي..انتي عرفه اني كنت فحكايه قبل كدا ومكملتش ولو حتي كنت حسه حاجه من ناحيه حد فمجرد اعجاب بشخصيه او اسلوب فالتعامل موش اكتر
من فتره لقيت حد بيعاملني معامله معرفش نوعيتها ايه بس طول الوقت كلام حلو..ونظرات وبيحكليلي عن حياته وكتير بنتكلم مع بعض
-(انا ودماغي شغاله :ااااااااه جيييييييييينا لمربط الفرس عرفه اكيد هتحصل مصيبه سودا بعد كدا مهي هي دي البدايه)..سكوت تام
شويه وبقينا نتقابل ونتكلم وكل شويه كدا نظرات من تحت لتحت ومفيش حد واخد باله وشويه كلام حلو وانا بقيت متعلقه بيه جدا وموش عرفه استغني عنه..محتاجه لحد جنبي ..نفسي احس بالامان هو انا موش ليا حق احب
-(فدماغي برده ربنا يستر هو في ايه بالظبط)
بجد علطول بقيت مشغوله بيه وتليفونات ومكالمات ومبقتش قدره استغني عنه
لقيته بيتكلم عن انه هيرتبط فرحت..جه بعدها لقيته خطب وحده تانيه
-نعاااااااااااااااااااااااام اللي هو اذاي يعني
ده اللي حصل وهو مقلش مين لحد ماعرفت من وحده صحبتي انها وحده اعرفها
طب ليه علقني بيه لو هو كدا وهيرتبط بوحده تانيه
والادهي انه بعد ماعمل كدا جي بيقولي تعالي اخرجي معايا
قولتلته طب وخطبتك,قالي اهلها موش سمحين حتي انها تخرج معايا ولو اتكلمنا دا بيقي ادامهم
هو شايفني رخيصه للدرجادي..يلعب بيا شويه وبعد مايرتبط بوحده تانيه يجي يقولي اخرجي معايا..وسكوت تام
انا صراحه مقدرتش انطق لاني لو نطقت هقول كلا كتير اوي
شويه واتكلمت
بصي يابنتي احب اقولك وبأقتدار انه موش بيحبك
اذاي والكلام اللي قالهولي والنظرات طب دا ايه
قولتلها من الاخر كدا هو كان عاوذ يتسلي او يلعب شويه ..دا اللي فدماغه
لما لقاكي بتتشدي ليه قالك خلاص دي ممكن بكلمه اوديها واجبها فراح خطب اللي استعصت عليه وتلاقيه برده كان شغال عليها ولما ملقاش فايده قال اجلها من ناحيه الجواذ احسن وانا عارف ان دي موش بكلمه لاهوديها حد ولا هيجبها
طب وليه عمل معايا كدا مكان يسبني فحالي بدال نظره الصدمه اللي كانت فعيني لما عرفت هي مين
رديت عليها مفرقتش عنده بحاجه لو تعرفي هي مين او متعرفيش دا واحد عاوذ ياخد من الدنيا كل حاجه ..يخطب وحده عارف انها لابتروح يمين او شمال وفنفس الوقت يعيش حياته ويشوف نفسه قبل مايدخل علي العكه الكبيره
حرام عليكي ماتقعديش تهذري كدا انا بجد موش مستحمله
لاذم اهذر لانك كدا هتعكنني علي نفسك من غير اي حاجه فبحاول اطلعك من المود اللي انتي فيه الاول وفكري معايا وشوفي اذا كان كلامي صح ولا لا
شوفي وفكري وبعدين اعملي اللي انتي عوذاه
ياتخليكي حذينه وهو يعيش حياته وكدا كدا انتي موش فرقه معاه
ياتسترجلي كدا وعديها ذا مأي حاجه بتعدي..انا عرفه انك مجروحه دلوقتي لانك لقيتي امل كبير انك تحبي وتتحبي ذي كل الناس بس مينفعش فعلا ان اي حد يقول كلمه حلوه ليكي يبقي خلاص في حاجه من ناحيته
وملقتش غير كلام اللي بحبه جاهين اقولهلوها:
حاسب من الاحزان وحاسب لها
حاسب علي رقابيك من حبلها
راح تنتهي ولابد راح تنتهي
مش انتهت احزان من قلبها....وعجبي
(ضحكه صغيره) هو انتي كل شويه تجيبيلي سيره جاهين فالنص كدا
اعمل ايه بس بحبوووووووووووه..هههههههه
انتو بقي انا عوذه رايكو فالموضوع دا
مين اللي صح ومين اللي غلط فالموضوع ده؟؟؟؟

ذكريات فدماغي

النهارده اول يوم فالدراسه هييييييييييييييييييييييييه
روحت علي الجماعه قبل ميعاد المحاضره بمده واتقفت مع شلتي هنتقابل هناك ادام المدرج
انا بقي مشيه وحسه اني فعالم تاني
صحيت النهارده مدروخه وتعبانه ومصدعه معرفشي ليه واجبرت نفسي علي الاكل علشان
اقدر اكمل اليوم واصلا ممتي مسابتنيش انذل من غير ماافطر..شوفتو الامهات يجماعه
فعلا دول نعمه كبيره من ربنا..الحمد لله
انا بقي فأول يوم دراسه فالتيرم دا احساسي غير..يمكن لانه اخر تيرم ليا او اني بجد اما هخلص هفتقد المكان دا
هفتقد اربع سنين من عمري يمكن هما قليلين فالذمن بس بحساسي انهم بعمري كله
عرفت اجدع صحاب..وقفو جنبي فأشد وقت كنت محتاجه فيه لحد...وعرفت الندله برضه بتوع مصلحتهم وبس..عرفت الناس اللي بجد من جواه تستاهل انك تعرفها بالرغم انهم ممكن تكون تصرفاتهم غريبه مبين الهذار الجامد او السكوت الدائم(أيه الكلام المنمق دا...يخراشي ههههههههه)
وعرفت كمان اللي بيعرفوك علشان مصلحتهم ودول كتييير مريت بيهم يعملو فوقت انهم اصحابك واكتر من حبايبك ووقت ممصلحتهم تخلص ..ولا يعرفوك تاني مع انهم سبحان الله بيشتكو ان كل الناس مصلحنجيه وموش بيبصوا لنفسهم
انا عادتي عاده غريبه
اول مابروح مكان واكون موجوده فيه لفتره ..اول يوم ليا واخر يوم ,بقعد امشي جنب السور والمس السور بتاع المكان دا معرفشي ليه عندي نوع كدا ذي حب او ارتباط بالاماكن اللي بكون موجوه فيها
مدرستي فثانوي كنت لما بمشي بقعد المس السور والجامعه كذلك
وانا مشيه النهارده جنب الجامعه طول الطريق المس سور الجامعه مبسوطه وفرحانه بعد اسبوعين حبس فبتنا بقي ههههه
بحس ان مجرد لمستي دي بتديني الامان وبتأكد حبي للمكان دا اللي ليه ذكريات فقلبي عمري مهنساها
دخلت من البوابه .....ايه دا
الصداااااع رااااااااح يرجاااااااله هيييييييييييييه
فرحانه اني شوفت وشوش الناس اللي متعوده اشوفها ديما فالجامعه
اقعد اتنقل مبين مكان لمكان واشاور واسلم علي اللي بيصادفوني فطريقي من صحابي (هو انا مقلتلكوش ..انا موش بعرف صحاب وبس لااااااااااا
انا بعرف صحاب الصحاب بتوع صحاب صحابي بقي..مهما الناس الاجتماعيه كدا
غلسيييييييييييييين وعملين ذي البارشوت هههههههههههههه)
بجد من كتر فرحتي اني فالجامعه كل اللي كنت حسه بيه من صداع ودوخه راح معرفشي ليه(لو حد عنديه تفسير علمي ياريت يقولي يجماعه ماااااااعلينا)
مشيه فالجامعه واروح للاماكن المفضله ليا ,الجمعيه العلميه اللي كان فيها حبايبي بتوع المودل سلمت علي الموجودين وبجد اتبسطت لما شوفت فرحتهم انهم شافوني لاني بجد حسيت اني مقصره معاهم مووت بعد ماخرجنا كلنا رحنا معرض الكتاب وهما اللي قررو الخروجه دي لما لاقو حالتي فالاجاذه موش ولا بد بسبب اني موجوده فالبيت شغل وبس موش بخرج....بجد ناس اقل مايقال عنهم انهم يستالهو كل خير وياريت الايام متفرقناش عن بعض اللهم امين
شويه وروحت لشجرتنا (دي شجرايه كدا موجوده ورا الجمعيه بس اييييييه موجوده منذ عمق الذماااااان ادام مدرج أ ...اللي فتجاره هما اللي هيعرفوها بس)

قعدت بصتلها وقولت ياااااااااااه دي وحشاني قوي ..يما كنا بنقعد تحتيها انا والشله بتاعتي وضحكنا وهذرنا وحتي فأوقات حذننا..كنا بنروحلها ونقعد تحتها كأنها فعلا امنا اللي بتحمينا..يااااااااااما اتقابلنا عندها وعلطول كنا بتجمع هنا واي حد بيجلنا فالمكان دا..اللي شاركونا فرحتنا وضحكنا..وهي اكتر حاجه بحبها فالجامعه دي لانها فعل اذي متكون الشاهد علينا وكانها كانت بتشاركنا كل حاجه..ايام الهذار والنكت والضحك والمذاكره
حتي فحذننا مفأرقتناش..حتي فأيامي انا وبالذات ليا فيها ذكري خاصه عندي وعندنا كلنا
دي بقي علامه مميذه فالكليه واي حد عرفاها بسببنا...بقينا مشهورين اوووووي هههههههه
امشي فطريقي ......المدرجات والمسجد الصغير وامشي وامشي لحد ماوصلت لمدرج العيوطي والاقي اصحابي ان ان ان اااااااااااااااااااااااا
اذيكو يجماااااااااعه وحشتووووووووني..وانتي كمان وهات يسلامات
قعدين بره لييييييييييه
الدراسه بتاعتنا بعد اسبوعين..واااااااااااااااااااااااااااااااااااااات؟؟؟؟؟؟؟؟؟؟
ايه القرار الفوجائي دااااااااااااااااااا
ههههههههههههههههههههه
هي البلد دي موش بتمشي غير بالقرارت الفوجائيه طب واشمعني انتساب ماأنتظام شغاله اهي...متعرفيش يااوختشي ليه كدا اهو قرار والسلام(وعليه قرار اجباري بالقعده فالبيت اسبوعين كمان تاااااااااااااني عاااااااااااااااااااااااااااااااااااااا)بس علي مييييييين هنذل يعني هنذل وهقعد مع الناس دا اخر ترم يجماعه يعني كام شهر وموش هنرجع هنا تاني
بس علي مين يااخينا هو احنا سكتنا
اول ماشوفنا بعضيتنا كدا قمنا قعدنا وروحنا مدينها هذار وضحك عادتنا يعني ولاهنشتريه من بره هههههههههههههه
ورخمنا علي بعض بردك بهذار واليوم بالرغم من الكبسه بتاعه موضوع المحاضرات كان جميل قوي وبجد كان اخر تهييس لدرجه اننا ذقلنا بعض بالطووووووب تذقيلا
ههههههههههههه
ياااااااادي الخيبه القويه..كباااااااار وفجامعه وبتحدفو بعض بالطوب ..ايييييييييييييييييييون حد عنده مااااانع
بجد تسلمولي يااصحابي وربنا يخليكو ليا دا حتي صحبتنا المسافره كلمتنا كلنا تتطمن علينا بجد ربنا يخليكو ليا وميحرمنيش منكو(كل واحد ووحده ليهم بوست بأذن الله هحكي عنهم المره الجيه بقي علشان انا عوذه انااااااااااااام من الارهاق بتاع اليوم الجامد ده)ليكو وحشه للمره الجايه
تحياتي