جديد : هشام الجخ - منطقي

رساله ألي الثوار..حكاوي من يوميات فالشوارع المصريه

أكيد كلنا بنقابل ناس وأحنا مشيين فالطريق
من ميكروباص॥مترو॥اتوبيس ॥حتا فالطريق العادي بنتقابل وبنتكلم

كل فتره بيحصل مناقشه أو موضوع بين الناس أحيانا بكون طرف فيه بأرادتي او من غير
بس الفتره دي تقريبا مصر كلها بقت طرف فمناقشه مستمره لاتنتهي...

ممكن الناس تشوف أن الكلام الكتير دا بيخرب البلد بس أنا شيفاه بغير كدا خالص
من حق الناس تتكلم بعد اكتر من ३० سنه سكوت....كأنه كان دايس علي لسان الكل وقافل الافواه بقفل من غير مفتاح...منه لله

المهم من فتره كنت مع أمي وبنتناقش كالعاده ونرغي واحنا فالمترو وكنت بتكلم عن الثوره والثوار والكلام جه عن منطقتنا
واحدا غلبانه جدا قالتلي جمله غريبه....
(ربنا مع الثوار يابنتي ,بس والنبي حد يقولهم يجوا يشوفوا الحي بيعمل أيه فينا
تخيلي بياخدوا २५ جنيه من فاتوره الكهربا علي الزباله والزباله موجودا فكل مكان
يقولولنا بس أتجمعوا نروح لبتوع الحي وأحنا هنيجي نتصرف معاهم
ياريت يابنتي حد يقدر يوصل صوتي ليهم...
ربنا يكرمهم يارب)

وانا ماعرفتش أرد بغير ان ربنا يصلح الامور ويصلح حال بلدنا
كان نفسي أقدر اعمل حاجه...للدرجه دي ممكن فلوس قليله تكفي اوي أشخاص لو هي موجودافأيديهم يعيطوا من الفرحه لوجودها فأيدهم اصلا؟؟

امال فين الاموال اللي قعدوا يقولوا دي من نصيب الشعب المصري...ولا حس ولا خبر دلوقتي عنها؟؟

تاني موقف حصل أول امبارح....
شغلي قريب من العباسيه فلما كنا مروحين قالوا ان في مظاهرات طلعه علي التحرير ودا كان قبل خطاب المشير

فالبنات خافت وخافوا عليا وخلوني أركب معاهم تاكسي علشان نعرف نروح
قلتلهم سبوها علي ربنا بس أحنا نروح المترو ونمشي عادي
وانا عندي شويه بنات ॥بيخافوا من الهوا...بس ربنا يحميهم يارب عقليات محترمه
وأحنا ركبين التاكسي السواق قالنا بالكلمه...
(انا مع بتوع التحرير دول)
سألته ليه يعني।؟(كنت مستغربا اول مره سواق يبقي مع بتوع التحرير)

قالي انه مهندس زراعي وأنه اتضطر انه يخرج معاش مبكر....بمعني انه اترفد
علشان عمل زي تركيبه للقطن المصري يخليه أحسن جوده وبأفضل حال وهما كانوا عوزين يخدوا كل دا ويبيعوه لشركه برا ومصر ماتستفيدش منه بأي حاجه ويدولوا قرشين ودمتم

وحكي أنه بيزرع دلوقتي نماذج صغيره للتجربه بس لما التجربه هتنجح هيخليها ويحاول يعمهمها فمصر لما الظروف تكون أحسن...بس بعد سنتين عقبال ماالظروف تكون أستقرت

بس جملته اللي خلتني أقعد افكر كتير فالثوره وفحزب الكنبه
(ربنا مع الثوار... هما بيجيبوا حق الناس والناس بتخاف من اللي جي...منه لله اللي كان السبب
بس بأذن الله ربنا هينصرهم)

دعيت من قلبي وقولت
يــــــــــــارب

بعد الرجوع من الغياب..أحلي اغنيه ..بلدي

أعتراف

-أعتذر عن البوست اللي فات لو حرج أو ضايق حد
كنت فحاله نفسيه صعبه

بس الحمد لله ربي كرمه كبير
شكرا لكل حد قلق عليا
شموسه ॥مامي॥عرفه॥هيثم السايس॥محمد متولي ॥ولكل حد سأل عليا وماعرفش يوصلي

شكرا ليكوا بجد

-في حاجات عوزا أغيرها فيا بجد
ممكن أكون بعمل حجات تضايق بس موش باخد بالي منها

بس موش هنسي كلام سمعته من شخص ما
صدمني

زعلت....بس الصدمه فوقتني
وحسستني ان لازم فعلا في حاجات لازم تتغير

شكرا

-حلم ليس له نهايه
يارب...سامحني وأغفر لي
واجعلني من بين من تحبهم يالله

-ياجدعااااااااان
من بوست كتبته امه لا اله الا الله أفتكرت اني فقصه

انا موش فقصه خالص
ولا هكون الا عندما يأذن ربي

ولحد ساعتها
بحب ربنا اولا
وماما ومامي ستيته وباقي المدونين حبايبي واخواتي وأصحابي
وانور وجدي:)

-مش بحب السياسه
فيها حاجه دي؟

-نفسي فخروجه من مدا
بس موش عرفه
سبت شغلي وروحت شغل جديد
وكان نفسي بجد أخرج واخد مدا قبل ماابتدي تاني
لكن ....قدري
الحمد لله

-محتاجه الفتره دي.....ايس كريم,شاي بلبن,واتفرج علي مسلسل جرايز اناتومي
بحب المسلسل دا جدا
بس بابا وماما بيضيقوا منه علشان فيه جو مستشفيات وكدا
بس هما موش عرفين ان فأخر المسلسل
بتأتي كلمات بتطلع منها حكم فعلا

حد شاف الحكم دي؟

-كنت بتناقش مناقشه اتعلمت منها حاجه
موش اي حد هيشوف اللي ادامه زي ماانتا شايفها

زي اللوحه مثلا لأمراه بوضع ما....
ناس هتشوفها قله ادب,ناس هتشوفها فن,ناس هتجمع بين المنظرين أو الرأيين

بس فالنهايه نخلي اختلافنا فالرأي لايفسد للود قضيه
ممكن؟

-هل فعلا الثوره أظهرت احسن....وأسوا من فينا؟
موش عرفه الصراحه بس حسه انها اظهرت الاحسن أكثر

-بحب ألبوم وائل جسار الجديد جدااااااااا...يخربيت صوتوا
واكتر منه,فيروز

يالله
بسمع صوتها او الموسيقي فاغانيها
بحس اني فعالم تاني فعلا

-راحه من كل شيء
هذا ماااريد

شكرا لك يارب

يارب

يارب

خلصني

لتريحني
لتاخدني

ماعدتش قدره أستحمل
تعبت يارب

حسبي الله ونعم الوكيل
حسبي الله ونعم الوكيل

والله يارب تعبت

اديك شايف حالي
يارب

والله تعبت

يارب
ريحني بقا

انا تعبت عالاخر
وجبت أخري

جبت أخري يارب

والنبي يارب خدني عندك
يمكن أستريح

خدني يارب انا تعبت

يارب
نفسي استريح

نفسي

يارب

أفكار

-ديمن بيجي فدماغي أعمل حاجه ...أخرج مع انتمتي بعد الشغل,أروح اكل ايس كريم فدارين بطعمه الغريب وشكله البلاستيك ولما تمسكه بالمعلقه بيبقي عامل زي الموزيلا كدا:)بس أحلي حاجه انه ليه زكريات لما كنت فخروجه مع شلتي وجبنا من عندوا أيس كريم وقعدت أحدف الايس كريم بالشوكلا بتاعي عليهم وهم اصلا الشله كلها كانت جيه لبسه أبيض فأبيض (دا علي اساس انهم ملايكه يعني)
وأرمي عليهم شوكلا واجري...
واجري علي انتمتي تخبيني منهم واكرر الموضوع تاني
لحد ماتقريبا يومها انا وكلنا روحنا هدومنا مليانه شوكلاته من كتر اللي عملته فيهم وردوه فيا
مع ان النصيب الاكبر اخدته انتيمتي دفاعا عني
وحشني اليوم دا جدا ووحشتني الايام دي

-أيام تانيه كنا بنخلص محاضرات بدري ونخرج فوسط البلد مع بعض ونروح كافيه او نتمشي هناك نتفرج علمحلاات او نأكل واحنا بنتمشي لحد مانوصل علنيل ونركب مركب أو نتمشي من الاوبرا لحد حديقه الحريه اللي جنب الاندلس ونلعب كوتيشنه هناك
ونحكي كل همومنا لبعض ونحاول نلاقي حل وان مالاقيناش نتريق عليها ونطلع ليها نكت بتاعتنا احنا وبس
ولما كنا بنقعد علي طرف السور وعليه علنيل عدل ونقعد
نبص علي رجلنا ونتريق علي الشرابات بتاعتنا:)

كان بيبقي منظرنا توحفا
بس حبيت الايام دي اوي وكتير بفتكرها وبقول ياريت ترجع تاني
الشغل واللي الواحد شيفه فعلا أخده فدوكه وكل حد نسي نفسه وأصحابه فوسط مشغاله

بقي فين وفين لما نقدر نكلم بعض فون حتا مع الحكاوي بقا كلو كاتم فنفسوا
ببقي عوزا اعرف ايه اللي حاصل
أحساسي انهم حطوا سد منيع بينهم وبين كل حد حوليهم حتا اقرب الناس ليهم

لما حتا بيحكوا(الحمد لله....مافيش جديد...حصل خير)وقمه فالاكتئاب

-أحيانا كتير الفضفضه بتريح....طب ليه مش بنتكلم وبنرغي فأي حاجه تانيه
بحسها كتير خوف

خوف لنبان ضعاف,خوف اننا مانلاقيش حل,خوف ان اللي ادامنا مش بيقي أمين علي سرنا واول مشكله معاه يقول كل سرنا للناس,خوف من عدم معرفه الحق والصح فين

الخوف كتير بقا بيحكمنا حتا لو كنا لوحدنا او ملناش أسرار اصلا

-لو لقيت الشخص اللي حبيته أكتر حد فالدنيا أدامك وتواصلت معاه مره تانيه بعد ماالظروف بعدكوا عن بعض

وجه فوسط كلامه قالك انا أسف بس كانت ظروفي أقوي مني وماكنتش عاوز أظلمك
ياتري هتقول ليه أيه؟

-كتير لما بسمع دي بتتكلم عن دي او دا بيتكلم عن دول ببقي عوزا أقلهم حاجه واحدا
انتو هايفييييييين أوي....
مافيش حاجه بجد عوزين تعملوها فحياتكم غير الكلام وبس
بصوا علمشاكل الحقيقيه وحولوا تحلوها॥
طب ممكن تكون المشكله جواكوا
بدال ماتكبروا الموجود أصلا بكلامكم
حولوا حلوها يمكن....يمكن تتحل
وساعتها يبقوا ساعدتوا بدال ماانكوا دمرتوا

-حلمت حلم...ليه مليون تفسير وتفسير
بس هل ياتري هيتحقق ولا كالعاده....مجرد حلم؟

-لما الواحد بيتخيل بكرا
بيشوف ايه؟
بيته شكله أزاي,حياته فيها ايه,اولاده هيسميهم أيه
طب دا كلو ازاي من غير حببته يعني
ولا الدنيا مشيه كدا والسلام

-عوزا أقول حاجه من بدري....
متهيألي معظم القصص بتفشل بسبب الخوف
اه الخوف

الخوف من بكرا,الخوف من ان الطرف التاني فلحظه يسيبنا ويمشي,الخوف من الظروف
مليون خوف بنحسه بس ساعات بنتغلب عليه وساعات مش بنقدر
بس المشكله الاساسيه اللي بشوفها
وبالذات من البنات

هي خوفنا من الطرف التاني
تصرفاته,كلامه,مشاعره...
اه بنخاف منها
علشان شوفنا كتير وعرفنا كتير...فبنخاف من تكرارها علشان كدا بنبي سد منيع جدا لحد منتأكد من الشخص اللي قدامنا انه فعلا بيعمل الصح ويجي لباب البيت

هل دا تفكير صح ولا غلط؟

-ماتتهموش اي حد انه غلط
مش ممكن يكون صح بس لو تبصلها من زاويه تانيه؟

-مشكله الشخص الاجتماعي انه لازم يكون عارف كل حاجه ويصبر علي كل حد
وانا تعبت بجد
مش سهل تلاقي حد يفهمك...زي نفسك
ولا أيد هتمسح دمعتك....الا ايدك انتا

-وأخيرا وليس أخرا
كلها أفكار ورؤي واحداث
تحتمل الصح وتحتمل الغلط

بس مريت بيها فحياتي وشوفتها
وبحكي عنها

لذا
فهي تخصني وسواء عجبت ولا لا
فهي...بتاعتي وبس


تحياتي

كلمات

أشتقت أليه كثيرا
أين هوا الان

منذ أن أبتعد
لا أجد من يملأ فراغي
حتي أقرب الناس ألي

اللهم أحفظه يارب
وأجعله أمنا مطمئنا

أعتدت ان اجده في كل مكان حولي
أعتدت ان احادثه دائما يوميا

أعتدت حتي علي أن اجده في ذاكرتي
لكن منذ أن سافر
لايفارقني
كلامه
نظراته
احلامه
رؤياه

أشتقت أليه
ولكني لا أريد الاعتراف

لا أريد الاعتراف بما يهز كياني
فأنا
خائفه

دائما هكذا
الخوف يعتصرني
فهل من مخرج؟

(لصاحبه الرساله:يارب اكون وصلت الاحساس بطريقه جميله
أتمني ذلك)

ها ايه رأيكو؟

وائل جسار - في خطوتك سكتي..اغنيه جميله جدا

يوم الخير (२)

بجد كان اروع يوم كالعاده...

لقائي مع المدونين وبجد اللي ماحضرتش خسر نص عمره
اللي بسطني اننا قدرنا والحمد لله نجمع ولو جزء من المبلغ المطلوب للمستشفي
أرجوكم المستشفي محتاجه لتبرعات اكتر شويه لان فعلا ربنا يعفي عن اولادنا جميعا
المرض والحزن والهم يارب

في مرضي كتير مش قدرين يدفعوا حق الدوا
داليا قوس قزح :كل سنه انتي واستاذ خالد همس الاحباب بتجمعونا فالخيروبتسعدونا زي مابتسعدوا كل الناس اللي بتساعدوهم
وانا عرفه يااستاذ خالد صدعتك كتير بكلامي:)
بجد شاكره ليكم كتير انكم بتفرحونا انا والمدونين

ابو حميد:كان نفسي اقعد معاك اكتر من كدا انتا واستاذ سامي ووليد واستاذ ريان وساجي اللي حتا ملحقتش اتكلم معاها .......اصلي جيت بعد الفطار

رامي ومينا:الثنائي المرح(دي تسميتكو بعد كدا )ويرامي الشولاكاتا اتاكلت عليا...بسيح اهووووو:)

رشا عرابي:بجد أتبسطت اني شوفتك وكنت عوزا احضر المناقشه حاميه الوطيس مع ضياء بس كنت مسكا ودن طمطم بقا

منار بيطريه:والله ليكي وحشه من زمان بجد وكنت نفسي اشوفك من مدا بس مالحقتش:(

استاذ شيرين:استاذي....من أعتز كثيرا بمعرفته
رؤيه حضرتك بخير بجد اسعدني جدا وكنت عوزا اشوف برنسس ليلي॥بس المرات اللي جيه بأذن الله كتير

أحمد سكر:طبيعي أرخم عليك ...دا انتا سابق معرفه ياابني

فاطيما:أحلي حاجه فاليوم بجد:)
ميرسي علي المصاصات هي لسا معايا ومحتفظه بيها ذكري حلوه منك ياام وابو قلب طيب كمان
الولد اللي اديتيلو المصاصه بياع المناديل حسيت بفرحوا بسبب مصاصاتك॥
ربنا يخليكي ليا يارب ويخليلك يوسف وعرفه انك خليك دماغك ااااااد كدا من كتر رغينا مع بعض

عمرو يسري وشريف:اللي يشوفكوا من بعيد يقول انكوا اخوات مش اصحاب من كت ماانتوا مع بعض॥يارب تكونوا مع بعض علي طول

كيارا:عزيزتي الغاليه...مشيتي قبل مااشوفك...بجد كنتي وحشاني اوي انتي ومنون
بعد ماروحت قعدت اقلب فالصور انا وانتي ومنون
افتقدكوا كتير ونفسي اشوفكوا تاني

شريف هجايص وزوجته:يالله...شكلكوا هتتحدسوا بجد:)
عمري ماشفت اتنين ليقين علي بعض زي ماشفتكوا
ربنا يخليكم لبعض يارب

أستاذ طارق علي : أتشرفت بمعرفه حضرتك ياافندم

متولي: ايون ياعم ربنا يسهلوووووو...انتا فاهم ليه بقا

اسامه الازهري:جه وقت التسيييييييييييييح
بص ياعمم ।اشكرك لانك وصلتني للمكان لاني جيت بعد الفطار بس بجد انتا لفيت بينا كتير علشان مش عارف المكان
طب ماتقوووووووول انك مش عرفوا احسن ياعم
و لاصحيح ...العرق المصري بتاع عارف كل حاجه بقا واضح انا عرفه:)
ولو اخدت المصاصات اللي ادتهالي فاطيما تاني هتعرف انا هعمل ايه

هخليها تقلب عليك تاني
والخطه بتاعته الجمعيه مستمره مسسسسستمررررررره

سامح خاطر وحرمه وبنوته سمر:يسامح مش ممكن॥
والله ربنا ادالك جوهرتين غالين اوي اوي
مراتك بجد وبنوتك العثل دي انا كنت هاخدهم وانا مروحه...
قمه فالهدوء والاتزان زوجتك ربنا يحميها
والتناقض كلو قمه فالشقاوه سمر:)
دي بجد كانت نجمه الحفله زي مابيقولوا...كلو اتصور معاها وبقت واحدا من العيله خلااص
دي لازم تعملها مدونه اول ماتتعلم نت علشان نكون علي تواصل بيها شيء اساسي

غاده محسن:روحتي قبل مااشوفك...وحشاني وكنت عوزا اكلمك...بس تتعوض زي ماقلتليلي ,اما نشوف

اخر كلمه كنت عوزا اكتبها لمامي ستيته حسب الله الحمش
بجد كنت عوزا اشوفك بأي طريقه...واليوم بتاع الحسين كان نفسي يتكرر بجد برؤيتك
يارب تكوني بخير وكويسه يارب

وكانت أكبر مفأجاه ليا ...تشريف الصباغ وسو للمكان
بجد المكان نور بيكو
وكان نفسي اكمل بقيه المقلب مع سو بس اتقفشنا والحمد لله ياصباغ:)
بجد اتبسطت بوجودكو

وادي صور اليوم من عند سامح

وصور اليوم من عند محمد متولي


اتمني اني اشوفكوا مره تانيه علي خير يارب واتمني انك مااكنش نسيت حد
أخر حاجه
في مقوله عجبتني حبيت اختم بيها:
السعاده لست في وجود الاراضي هنا او هناك....انما في وجود من يحبوننا من قلوبهم حولنا دائما

شكرا ليكم انكم فرحتوني اليوم دا بجد

قصاصات ورق (२)

-عندما تشعر بالامان ثم تفقد هذا الشعور
فماذا يتبقي لك

-قال كلمه ....ثم أنكرها
فلا يستحق كل هذه الدموع

-عشطان يصبايا مع ان انا بلد النيل
ومين يرويكي يابلدي

-ياليت كانت القلوب بأيدينا....
كنا سنعيطها لمن يستحق

-عندما يحس الاخرون بأحتياجنا لهم...فأنهم يببساطه
يذهبون

-ليس علينا غير....الصبر
اللهم أرزقنا الصبر يارب

-يارب॥اللهم ان عظمت ذنوبي,فعوفك اعظم يالله

-انا مش عرفه اقول او ادعي بأيه يارب
بس عرفه انك عارف كل اللي جوايا

-ياتري هقدر اكمل؟

-لازم اسمع كلام من تحبني فعلا...صديقتي المقربه
عندما قالت لي:
يابنتي خوني الناس شويه

الظاهر انها صح ...وان الناس متهمه حتي تثبت برائتهم

-أحتاج الي وقفه هدوء مع نفسي
لاستعيد توازني مع كل الاحداث التي مرت في حياتي

-احساس بالانسحاب...اقاومه

-الدنيا ياما بتدي دروس
واتقالت من زمان

كما تدين..تدان

قصاقيص ورق

-ياتري ياهل تري...بكرا في ايه؟

-احساس ولا أحلي.....عندما يحبك أحد
احساس ولا أفظع......عندما لاتبادله نفس المشاعر التي كنت تتمناها

-عندما ينتهي كل شيء...فأنك ميت لامحاله

-ماذا يكون أحساس اللذي يضحي بكل شيء,من أجل اللاشيء

-عندما أري قصه تنتهي,أحزن كثيرا وأتسأل...
لماذا ينتهي كل شيء جميل بهذه النهايه المروعه؟

-نهرب من أنفسنا كثيرا,فلم لانواجه الواقع ؟

-هل الحلم يوما سيصبح حقيقه

-من تعود علي التضحيه....في رأي الجميع لايجب أن يأخذ

-وأخيرا:اردد مع نفسي...(ان مع العسر يسرا,ان مع العسر يسرا)

تعليق علي مقال ..

http://digital.ahram.org.eg/Motnw3a.aspx?Serial=542660&archid=1
عندما قرأت المقال....لم أدر بنفسي الا وانا ابكي
وتسألت:

هل من الممكن أن يفرط الشخص فيما اعز مايمتكله لبلده؟
هل هانت مصر علي أولادها لدرجه انهم يفرطون في مايمتلكون
بل مايمتلك بلدهم...ليس قصورا او مجوهرات
بل اوراقا تثبت حقهم التاريخي في الاراضي واملاك بل وحتي مياه النيل؟؟

كيف هذا

بالله عليكم ...
لاأجد مااقوله
هل انا احلم بكابوس ام هي الحقيقه

نستيقظ لنكتشف انه لولا قيام الثوره॥لكان النيل ومن المحتمل سيناء وكل اراضينا ضاعت هي الاخري بخلاف ماضاع من الاساس

عندما قرأت مقال أستاذ فاروق جويده عن ماتم من سرقه القصور الملكيه ,ليس قط مجوهرات واشياء ثمينه...بل حق مصر في الاراضي والممتلكات وايضا مياه النيل

يالله
هل من الممكن ان يبيع الانسان ارضه فجأه حتي ولو لم يجد مايأكله
عفوا....من أخذ هذه الاشياء وتصرف فيها ليس فقيرا او لم يجد مايأكل
بل هوا أكل لحق بلده واهله

عندما قرأت المقال تخيلت شيء او تصورت ماكان يحدث وهي كالاتي:

في مجال المياه: عندما تكون الدول متحده ضد مصر (مع اني لم افهم لماذا اتحدوا ضدها ثم وجدت من مقالات ويكلينيكس ان من مثلوا مصر هم من أفتعلوا المشاكل ॥عدد الجمعه من نفس يوم مقال الاستاذ فاروق جويده وقبلها بيوم)
ثم يبنون السدود وتصل المفاوضات لحد ابراز اوراق ثبوت حصص المياه
وتأتي مصر وتبرزها....فلا نجد شيء ويضيع حقها

في مجال الاراضي وما اكثرها:
بالذات قضيه ارض سيناء وطابا...ونعرف جيدا وضعنا مع اسرائيل
لو لاقدر الله حدث اعتداء علي الاراضي المصريه في اي مكان سواء في سيناء ام غيرها
ويطلبون منا اوراق ثبوت الاراضي للدوله المصريه ....فلا نجد شيء

ماذا يحدث بعدها

عندما تخيلت كل هذا
شرعت في البكاء
البكاء فقط

ودعوت...
لكي الله يامصر
هذا ماكان يحدث

واضم صوتي لصوت استاذ فاروق...نريد ان نعرف ماتبقي لنا من اوراق حتي نعرف ماالذي سيحدث بعد ذلك

يارب ॥لك الحمد والشكر انك اوضحت لنا ماكان يحدث
لك الحمد يالله

اليوم

اليوم
تمنيت الموت فعلا

لكي يستريح الجميع
ولا يساء فهمي

واوجع احدا او اوجع نفسي مره اخري

اللهم انك تعلم مافي نفسي
فحلها من عندك يارب

اللهم امين

اسفه

أسفه
لكل حد جرحته

او عملت ليه حاجه
انا مكنتش أقصد

أسفه
لكل حد عملت معاه موقف

ممكن يكون سوء تقدير مني أو موقف انا عملته غلط
ممكن يكون اني بحمي حد ,فبعمل موقف غلط
او اني يكون نفسي افرح.......فأتصرف غلط
العيب فيا,مش فحد


اسفه
لكل حد ضايقته......أو قلتلو كلمه جرحته

مايبيقاش قصدي كدا؟؟
انا بيبقي قصدي خير بس للاسف بيكون تصرف غلط بالنسبه للطرف التاني
أرجوا ان لو حد زعلان مني بسبب موقف ما
يسامحني

شكرا ليكم
مش عرفه اذا كنت هقدر اكون متواجدا الفتره اللي جيه ولا لا
بس ابقوا سامحوني وافتكروني بالخير

تحيــــــاتي

يارب

يارب

انا تعبت....
حلها من عندك

يارب تعبت وجبت اخري

ساعدني يارب
اللهم لا ملجأ منك الا اليك

والله العظيم تعبت
ساعدنييييييييييييييييييييييييييييي

يــــــــــــــــــــــــارب

عوده..وذكريات

انا جيييييت نورت البيت

عدت بعد أنقطاع॥أصلي كنت بتمرن علشان شغلي الجديد(باركولي بقا)
أول يوم شغل قولت اروح للتحرير॥أصلو بجد وحشني جدا وكنت محتاجه أستريح قليلا لانه أكيد لمعظم الناس اللي حضروا أيام الثورات مصدر راحه ليهم
دلفت(حلوه دلفت دي....باللوغه العربيه الفوصحي :)) )لجوا محطه التحرير॥وشوفت أحلي صور ماشفتهاش من زمان
معايا وشوفوا الصور

رابطه فناني الثوره..........شكرا لكم....اسعدتمونا فعلا

مش عرفه اقول حاجه

انا بجد ..مش عرفه اقول حاجه

عوزا أكتب وبس

يمكن الكتابه تريحني شويه من اللي جوايا

انا خيفه بجد علي بلدي..من كتر اللي بيحصل فيه

وبقول ديمن ان بكرا كل حاجه هتكون كويسه...ودا يقيني

بس احساسي دلوقتي,ان كل حاجه متدمرا

من كتر بكائي وخنقتي مش شيفه اللي بكتبه اصلا..بس انا عوزا اتكلم وخلاص

موضوع كاميليا اللي ظهر فجأه دا وكان سبب للمظاهرات دلوقتي

سؤالي:هل مصر خلصت من المشاكل علشان يفضل موضوع كاميليا؟

السلفيين اللي ماأعرفشي عنهم حاجه قبل كدا وظهورهم فجأه..ماكنتش اعرف حاجه عنهم الا لما جه موضوع سيد بلال واللي حصلو

وخلافهم مع الصوفيين وبعد كدا مظاهراتهم علشان كاميليا شحاته

أحساسي بيقلي ان مافيش كاميليا شحاته وكل دا موضوع لأحداث مشكله وتظاهرات وبس

طيب حتا لو كانت موجودا فعلا..هل مظاهرات كاميليا دي وقتها

البلد بجد محتاجه لكل ايد علشان تشتغل وتقف بلدنا علي رجليها تاني

كأن في مليون مشكله حوليا وانا ببص يمين وشمال ومش عرفه اركذ فطريقي علشان اعرف اعمل حاجه

كلنا من غير مانحس سلف..اتباع خطوات الرسول والسلف الصالح

طب ايه بيميز ناس عن ناس في موضوع السلف دا؟

كلنا مسلمين او مسيحيين ..بنحب بلدنا

دلوقتي وقت بنا بلدنا..هل نسينا بلدنا

نسينا ان الثوره كانت من كام شهر مش من كام سنه:(

نسينا ان الثوره دي..مات فيها كتير جدا مننا..مسلمين ومسيحين..سلف وأخوان وناس عاديه جدا..محجبه ومن غير محجبه..كل الناس شاركت

نسينا ترابطنا فوقت الثوره وفكل مكان فالميدان وفكل حته

أسكندريه بتغلي..قنا بردو ولو اتحلت مشكلتهم هتتطلع مشاكل تانيه

هوا حرام نفرح بالثوره

تطلع مشاكل ومظاهرات فئويه..تخلص المظاهرات الفئويه تطلع مظاهرات علي كاميليا لنااس ماحدش كان يعرف حاجه عنهم

هل ان ممكن بعد ماقامت ثوره لتصحيح أوضاع..نرجع زي ماكنا واسوأ؟

وقنا اللي معروف انها تظاهرت ضد المحافظ الجديد علشان اللي عمله

يقوم يخلوا المظاهرات لحاجه تانيه خالص

ياتري الغلط فمين ولا أيه؟

حسه ان دماغي متبرجله ومش عرفه افكر

ببص فمليون اتجاه..

انا خيفه عليكي يابلدي..خارجين من وضع اقتصادي سيء

وكلو بيحذر انه هيكون اسوأ لو استمر الوضع اكتر من كدا

واحتمال ان مصر تعلن افلاسها وارد

لو دا حصل لاقدر الله

بشهد ربنا ان كل سبب لكدا...مش مسامحاه

دا أخر كلام عندي

خيفه عليكي يامصر..ربنا معاكي يارب

يا شعب مصر - تميم البرغوثي .. شعر روعه بجد

كان يما كان..عيد ميلادي

كان يما كان ياساده ياكرااااااام ومايحلا الكلاااام الا بذكر النبي عليه الصلاه والسلام

(موسيقي فوازير شيريهان فالخلفيه)

:)

(الصوره من عند الشوكه الناعمه ربنا يخليكي ليا)

كان في بنوته..من 22 سنه اتولدت وأسمها....سوني

البنوته دي كعاده البنات اتولدت ستعه فجريه(مش عرفه ليه الفجريه بسي..امه لا اله الا الله بتتولد فالفجريه)

ومن ساعه ماجت ملت الدنيا عياط وصريخ(كالعاده يعني)

وبما انها البنت الاولي فالعيله فطبعا طبعا...بالنسبه للجد والجده دي حاجه كبيرا

طبعا طبعا(لحد دلوقتي بالرغم من انهم توفاهم الله بس لسا فقلبي ديمن)

وبالرغم من ان جدي ماقعدتشي كتير وتيتا لحد ثانوي وتوفاها الله...بس تيتا دي بالذات ليها معزه كبيرا فقلبي جدا..الله يرحمهم

طبعا ابتدائي شقاوه وأعدادي انطواء

بس ثانوي هي المرحله الفعليه فحياتي..

لان فعلا لما ابتديت اعرف يعني ايه كلام واصحاب ودنيا عيشاها

عرفت يعني ايه لما حد يكذب وعرفت يعني ايه خداع

وكنت فكره ان كل الناس أنقياء بس اتعملت من مرحله ثانوي ان لا احد ملاك

بس بردو عرفت يعني ايه صداقه بجد..لسا في بنات من ايام ثانوي اصحاب لحد دلوقتي

في الجامعه بقا...دي اول كل حاجه بجد فيها

واخر كل حاجه بردو

جميع التناقضات والمتضادات والمفردات وكل حاجه..فالجامعه

تجربه لاتنسي من حياتي وصور وذكريات لاتنسي بجد

وانا دلوقتي فبدايه مرحله جديده..الشغل واللذي منو:)

أتمني بجد ان بلدنا تبقي حاجه كويسه وان ربنا يوفقني ويوفق الجميع لكل حاجه بيحبوها بجد

ويخلي ليا اصحابي وممتيني(ماما بتاعتي ..ومامي ستيته)يخليكوا ليا يارب

وكل سنه واختي طيبه وبخير يمامي...

يــــــــــــارب

شعر جديد ..بس مش بتاعي

بدور عليها..شعر غنائي

_____________________

بدور عليها

جوا البحور بين الصدف

وأتمنا تجمعنا الصدف

والاقي قلبي بيتخطف

وسابني قلبي وراح ليكي

يشهد علي الحب القمر

وحتي أوراق الشجر

حبيبتي يا أغلي البشر

ياكل الدنيا ومافيها

والشمس تزعل في غروبها

علشان حتقفل أبوابها

أصل أحنا هوانا دوبها

وحبت النهار بينا

والليل لنهاروا بيلوموا

ويعاتبوا نهاروا علي لوموا

ويجيب الليل في نجوموا

ويسهروا مع حكاوينا

عارفك قبل ما أشوفك

وراسم قلبي بحروفك

وبحلم أمتا أشوف طيفك

ويفرح قلبي وياكي

يابحر وسحر وحكايه

يامعني الحب جوايا

مشتاق القلب لبدايه

ونفسه انه يلقاكي

من ديوان ضهر البيوت

لأستاذ أحمد عبد العليم

عجبوني أستأذته احطهم هنا

يارب يعجبوكم

الحمد لله..ولابد من يوم

تهييسات

- عندي عاده بعتبرها سيئه:
قبل ماأنام وانا بنام متأخر॥اقوم ريحه علي التلاجه اعمل سندوتش جبنه بيضا وعصير برتقال
وديمن بابا يقفشني وانا ديمن بقولوا مش هاكل بليل تاني علشان خايف علي صحتي

-بعد ماسمعت خطاب الرئيس السابق مع عيلتي...
كلهم سكتوا وانا قعدت أضحك
بيقلولي بتضحكي علي ايه...
قلتلهم سيبوه يتكلم....هوا حد هيسمع؟

-الايام دي بحن لأيام زمان اوي
مااعرفشي ليه
وحشتني مدرستي..........وحشتني شله البنات بتاعتنا
وحشني حوش المدرسه وانا لما كنت بجري فيه
ارخم علبنات ويرخموا عليا ونفضل نجري ورا بعض
والجري دا ماعملتهوش فالجامعه خالص
وحشني الجري جدا

-نفسي اتقابل مع شلتي
كل شويه بحاول انزلهم الاقي الظروف منعتني
بجد وحشوني

-سألتني صحبتي
لو كنتي ارتبطي بحد وفركشتوا
ممكن ترجعي تكلميه عادي تاني؟
طب لو كنتي مكاني كنتي عملتي ايه
ماعرفتش ارد

-محتاجه للتغيير فحياتي
فما قبل २५ يناير
هوا بعد २५ يناير بالنسبه لي

-بعض الا حلام........
يجب ان تكون احلاما فقط
وبعض الجروح سطحيه ولا نراها
واخري عميقه ويصعب علينا...فهمها

-وأخيرا:
الصدفه....
خير من الف ميعاد

لماذا..........وكيف

انا لا أصدق

هل تصدقون

عندما كنت أري

اغمضت عيني...

تخيلت انني احلم

هل هذا مايحث؟

لا انني لا احلم

انها حقيقه...الي الان لا زلت مندهشه

هذا يحدث فعلا ولم يكن حلم بل هوا اسوأ من الكابوس

من فعلوها هل لم يسمعوا بأننا اخوه حتي فالثوره التي قامت؟

اذا لم نكن اخوه فالدم والدين والارض والعرض

نعم كما يقال أن(مصارين البطن بتتعارك)...

ولكن هذه ليست (عاركه) اخوه ابدا؟ بل انها

لا أجد لها وصفا... نحن فرحون بثورتنا وهم ايضا فهم من سبقونا وتعلمنا منهم كيف ومتي وماهي اول خطوات الثوره

حتي عندما فررنا من ليبا استقبلونا استقبالا حسنا يليق بأخوه لم يروا بعضهم منذ امد بعيد

بعد هذه المشاهد,جلست أبكي

ابكي مما حدث وابكي لأني فرحت بأن الكل بدأ يتحد مره اخري ثم تحدث فعله شنعاء تجعل الكل يفترق مره أخري

وبسبب ماذا؟؟

ليتها لسبب حقيقي...بل بسبب (كره)...مجرد كره قدم

ابكي بسبب المشاهد التي تحدث علي ارضنا وسيقال ان هذا هو (كرم المصريين)

ابكي من خوفي ان تفرقنا الكره مره اخري بعد ان توحدنا,سنفترق مره اخري

ابكي لعلمي بأنها ستؤثر كتيرا,وهذه المره موقعه الاستاد...ستنجح

ليتني قادره علي ان اصل لكل بيت تونسي.........لاعتذر عما حدث

وليت يرجع الصفاء مره اخري فنحن مازلنا في ثوره؟؟ونحتاج جميعا لدعم بعضنا

يالله لست قادره الا علي الدعاء بأن نخرج من هذا المأزق ونعود اخوه وصف بنيان مره اخري

كم اتمني ذلك

يــــــــــــــــــــــــــــــــــــــــارب

دعوه للتجمع (१)

يامدونين.... بأذن الله التجمع عند قهوه البورصه قبل الصلاه الساعه 12 بناءا علي رأي المدونين اللي كلمتهم علشان يصلوا فالتحرير والتجمع بأذن الله عند قهوه البورصه ورقم فون التجمع ०१०९६४४३२७८ ورقم فون جوجو०१२२८८३१७५ اشوفكم علي خير بأذن الله والحاضر يعلم الغايب

دعوه تجمع

يا مدوني مصر دعوه للتجمع عقب الصلاه بأذن الله يوم الجمعه في وسط البلد مع مليونيه الثوره كلنا نازلين وبأذن الله نحاول نجمع اكبر عدد مدونين علشان الجداد يعرفوا القادمي وكلنا مع بعض والحاضر يعلم الغايب وكلو يجي

صولا الاستفتاء حدانا

انها...........امي

انها أمي
انها من احب
انها سبب بقائي في الحياه حتي الان
ليس لأنها لم تلدني فقط ॥
بل لانها وقفت بجانبي كثيرا في أزماتي
ولولاها ماكنت اكن او اوجد

اني ابكي الأن॥ليس لشيء ولكني لااجد الكلمات التي توفيها حقها...
انها امي...
لا اعرف اذا لم توجد في حياتي ماذا كنت سأفعل
فهي من تحميني منذ صغري وهي من ساعدتني وساندتني॥

لااجد احدا مثل امي॥
احبها عندما تبتسم لي...احبها عندما تقول لي :تعالي بنبره صوت مميزه
احبها حتي وهي غاضبه ولا اقدر ان اعصي لها امرا مهما كلفني من جهد ووقت
بالرغم من انني ضعيفه فأعتدت ان اكون قويه واثبت لها اني قويه حتي افعل ماتريده
حتي وصل ذلك لتمزق ضهري كما اعتقدت ولكن الله ستر بي و(جت سليمه)

كل ذلك من اجلها هي....
هي فقط....
ومهما فعلت ....فلن اوفي لها حقها

اللهم بحق الفجر اللذي يؤذن الان
احمها يارب ...واحفظها من اجلي
اللهم امين
يـــــــــــــــــــــــــــــــــــــــــارب

دعوه لأنشاء مجله الكترونيه لكل المدونين+تحديث

بسم الله الرحمن الرحيم

ايمانا منا بأهميه التدوين لرواد الانترنت في مصر
وأهميته في نقل أحداث ثوره २५ يناير وأسهاماتها في الفتره الماضيه
بما في ذلك حملات المدونين الماضيه والمستمره دائما

وبعد نقاشات عديده بين المدونين
تقرر أنشاء مجله ألكترونيه للمدونين في مصر بأسهامات من المدونين أنفسهم
أنطلاقا من أهميه كلمات ورؤي وأسهامات للمدونين وتوحيدا لكلمتهم في الفتره المقبله

والله الموفق والمستعان

دي الكلمه اللي أختارناها علشان الكل يكتبها فالمدونه بتاعته
للي حابب ينضم لحملتنا
فرجاء اللي هينضم يحطها عنده

شكرا ليكم

تحديث...مبادره ميداني

http://www.facebook.com/?ref=home#!/home.php?sk=group_191090820931090&ap=1

كي لاننسي

ملحوووظه:
البوم الصور بتاع اليوم اهو للي عوزين يشوفوه
http://www.facebook.com/editphoto.php?aid=11357&id=100214360061855&success=4&failure=0#!/album.php?aid=11357&id=१००२१४३६००६१८५५

يلا اشفكم علي خير ديمن يارب

تبرع بالدم...وعلتحرير عدل

بقالي كتير مانزلتش

علشان كدا لما جت الدعوه...قلت لازم بأذن الله اكون موجودا وأحاول اجي

طبعا كنت متفقه مع ريهام اننا نكون مع بعض



الصبح كنا كلنا اتفقنا اننا نستني بعض ونروح علي هناك...ومن موقعي هذا بقول لرامي:بجد شكرا علي الشوكولاتات وبجد كنت برخم عليك كتير...بس انتا عارف اختك بقا هتعمل أيييه؟؟قدرك
شويه ولقيت الكل كان هناك:الازهري وكنج توت وزوجته وأبنه العثل جداا,فولتا وبنت عمه,فاطيما حببتي اول مالقتني خدتني حضن وقالتلي أخيييييرا افرجوا عنك(الحمد لله علي كدا مكنتش هاجي اصلا)
وضياء...ربنا يستر عليك مني بعد كدا,وليد وعمرو يسري والاستاذ احمد عبد الحميد واتمني اني اكون منستشي حد
بعد لما الشباب اتبرعوا بالدم رحنا كلنا التحرير...اتجمعنا هناك ورحنا بعد كدا علي هارديز
ولسوء حظنا كنا فالممر اللي مشي فيه رئيس الوزرا رايح جاي
طبعا اتفرمنا واتجبنا يمين زيييييو والحمد لله نجينا بالسلامه من المفرمه دي
شويه وروحنا قعدنا فكافيه وهاتك ياأكل ورغي...السمه المميزه لنا جميعا:)
وطبعا انضمينا للمظاهره ولفينا شويه وقعدنا
الحاجه اللي خلتني اعيط بجد
فاتيما جه ولد صغير كان بيسأل اللوحه اللي انتي شيلاها فيها صوره عصفور جوا قفص ليه
قالتلوا ياحبيبي في ناس حبسين عصافير كتير وأحنا عوزين نحررهم كلهم ونفتح ليهم الباب
بجد الكلمه دي هزتني اوي...يارب ياتيما يجمعك بيوسف عن قريب
شويه بجد من جمال اليوم مبقتشي قدره واتضريت امشي بناءا علي اوامر من القياده العليا فبيتنا:)

بجد شكرا ليكم ...قدمتولي يوم عمري ماهنساه
شكرا لكل شباب २५ يناير والحريه اللي اديتوها لينا
شكا لكل حد اتظلم وخد حقه بكل طرق مشروعه علما بأنه كان قادر ياخد حقه بأيده...يارب يجعلهم من المظلون بظله في يوم لا ظل الا ظله
شكرا لكل شهيد مات علشان نشوف الحريه
شكرا لكل حد عاقل بيحاول يخلي البلد تقف علي رجلها تاني...
بحبك يامصر



ملحوظه:هديتي ليكي يامدونتي...البيدج بتاعك علفيس
اهووووووووو
http://www.facebook.com/pages/%D9%85%D8%AF%D9%88%D9%86%D9%87sony-2000/100214360061855?v=wall
يلا بقا هنزل الصور عليها واتفرجوا

ملحوظه تانيه:
وحشتيني اوي يمامي...ومنون وكيارا,بجد وحشتوني
ربنا يجمعني معاكم علي خيير
يارب

كل سنه وانتي طيبه يامدونتي الحبيبه

ألي مدونتي الحبيبه.......

كل سنه وأنتي طيبه يامدونتي

السبب فأني قررت أعمل مدونه امي الحبيبه الروحيه:الدكتوره حسب الله الحمش:)

انا كنت بدور علي حاجات أعملها فالفيس والكلمات الدلاليه جابت ليا مدونه ممتي

وبعد كد ساعدني في عملها محمود البطراوي وبقل ليه من هنا شكرا جزيلا ليك انك بجد عرفتني ازاب اعملها واني اكون موجودا واتواجد وسط ناس بجد مبسوطه اني متواجدا معاهم

منها أتعرفت علي احلي ناس بجد غيروا كتير جوايا وانا وسطهم...بمجرد كلماتهم

بمجردرؤيتهم....بمجرد كلامي معاهم....شكرا ليهم

وشكرا يامدونتي انك أدتيني الفرصه اني اتكلم ولو بمجرد كتابه...بجد فرقتي كتير معايا

وعرفتيني علي عالم حبيته وحبيت اكون موجودا معاه

انا عرفه اني قصرت معاكي لاني كنت المفروض اكتب البوست دا من مدا

من يوم १० فبراير بس اكيد كلنا كنا مشغولين

وانا مبسوطه اني بحتفل بيكي فأول سنه حريه لينا كلنا

وانا بكتب بعد شهر من أتفاقنا كلنا....من وجودنا مع بعضنا

من حريه مصر بجد ...

دلوقتي بعد يوم حريتنا....عندنا مسئوليه

بالرغم من أن رؤيتنا ضبابيه دلوقتي ...وبالرغم من كل حاجه

وأحساس الكل بالتخبط

بس يامدونتي...ماحدش هيقدر يكممنا تاني

هنكون بأذن الله أد المسئوليه

كل سنه وانتي طيبه يامدونتي..واعذريني لو قصرت معاكي

بس بأذن الله هكون اد المسئوليه

كلنا هنكون كدا

وربنا يعيننا كلنا

يـــــــــــــــــــــــــــــــــــارب

انا......مش عرفه أحدد شعوري,بس متفائله

ياتري بكرا شايل أيه

انا خيفه
خيفه علي بلدي وخيفه لمجهود الشباب والشعب يضيع
خيفه بكرا كل حاجه ترجع تاني زي ماكانت الاول واسوأ
بس متطمنه ان الشباب بمجهودهم هيقدروا يتخطوا كل الصعاب

بس برجع أخاف لما أسمع ان في انقسام مبين الشباب
وأن في ناس بتتكلم بأسم الثواروالشهداء
خيفه من اللي جاي

بس انا زي الشعب المصري.....
متفائله باللي جاي لان الخوف والكتمان انتهي

جوايا مشاعر كتير.....مش عرفه أبص علي اللي جاي
ومش عرفه احدد اللي جاي افضل ولا لا
بس برجع فالأخر بتفائل
كفايه اننا اللي هنوديها....هنودي مصر مطرح ماأحنا عوذين
وهي كمان تكون عوذا....فالمكانه الطبيعيه ليها

ربنا معانا ومعاكي يامصر
يـــــــــــــــــــــــــــــــــــــــــــــــــارب

ملقتشي حاجه غير دي احساها معاكوحمزة نمرة - احلم معايا

بحبك يا بلادي.......أروع كلمه

صباحكو حريه

بجد النهارده يوم مختلف
الواحد صاحي وبيبتسم أول مايصحي
بيقول للعالم كلو :صباح الحريه

وصف مايتقالشي...يتحس بس
الحريه بجد هواها جميل

صباحكم حريه....فأول يوم حريه

الكينج....أزاي يامصر

يمكن ان المظاهرات شغاله ........

يمكن انا لحد دلوقتي ماعملتش حاجه

بس مش كل الناس اللي بتحب مصر بجد لازم تنزل

في ناس تانيه لازم تشتغل بجد

فالعالم بتاعنا هنا........علشان توضح الحقيقه للكل

وأن المتظاهرين دول مش عوذين حاجه غير ان مصر تكون أحسن بلد

ومش عوذين اي حاجه ......بالعكس

بيقدموا روحهم فداها علشان خاطر بكرا تبقي مصر أحسن

ومن هنا...بحط حاجه بسيطه يمكن ماتعملشي حاجه....بس ممكن والله اعلم تفيد بحاجه

http://www.youtube.com/watch?v=इज़्व९क्सो६ग्द्स्
دي حاجه صغيره يارب تعجبكم

يارب

أنا مليييييش دعوا بكل اللي بيحصل
انا لامع ولا ضد
بس الله يخليكوا......شويه هدوء
بجد الدنيا بتولع
والكل بيبكي من مناظر الحرق فالتحرير واللي بيرموا علي البيوت
ومن كتر اللي بيتقال ماحدش فاهم حاجه
وماحدش واثق فحد
الله يخليكوا
اتحدوا بس علشان خاطر مصر
مصر فقط

انها.........مجرد كلمات

اليوم ممطر للغايه
فأشتقت الي من أعتز بهم

مامي:وحشاني بجد وربنا اللي عالم انا نفسي أشوفك اذاي...بجد كنت عوذا اهذر بعد الكلمتين دول,بس مش قدره
كيارا:والله مقصره معاكي انتي ومنون بجد...بس ربنا عالم بحالي
انا فحاله عزله تامه عن العالم ومش بخرج حتي للشارع بذات نفسو مع ان الجو مشجع جدا
نفسي أعمل زي زمان وأجري تحت المطر ولا كان بيهمني
حسه بعجز فظييييييييع أوي مااعرفش ايه مصدروا....زي مااكون تقوقعت علي نفسي
ومش قدره أخرج براها
رامي:اتمني يارب أشوفك علي خير انتا وباقي الفريق واوعي تنسي تجيب اللي قلتلك عليه
بقيه الاصحاب واللي متعودا علي وجودهم:
أسفه بجد اني مش بسال ولا بروح ولا باجي
فحاله من الانسحاب دلوقتي وخصوصا بعد وفاه عمي الكبير الله يرحموا
سامحوني

هديه.....ولاأروع

من كام يوم كدا...وانا بفتح ميلي بالصدفه
لقيت هديه ....بالنسبالي ولاأروع
من ناس انا نسيتهم فالحياه اللي أخدتنا كلنا
لقيت صوره...بتجمع كل الفريق اللي كنت فيوم منهم
فريق مايو
بجد كلهم وحشوني
ولقيت الكلمات دي معاها:

فاكره الايام دي ياسوني
ماكناش حاسيين انها أجمل ايام حياتنا....أنتي أيه رأيك وشيفاها ازاي؟
بجد كل ماابص للصوره دي والصوره التانيه..بيجيلي أحساس اني نفسي ادخل جواها
الايام بتعدي علي طول...والحياه محطات
وأحنا مابندركش قيمه اللحظه اللي عايشنها الا لما بتروح مننا
بصي فالصوره كدا............
هتلاقي ان كلنا بنضحك والضحكه طالعه من جوانا مافيهاش أي شوائب
مش زي دلوقتي الضحكه طالعه وبتحمل بين طايتها حاجات تانيه
بجد أيام الجامعه كانت أيام جميله فعلا حسينا وعشنا فيها اجمل ايام حياتنا
لكن هو دا حال الدنيا.....الحياه محطات,بنفتكر ان المحطه هتطول لكنها فالحقيقه بتعدي فلمح البصر

بجد انا شوفت الحاجات دي ماقدرتش اتمالك نفسي وعيطت
لاننا أتعاهدنا كلنا اننا مش هنسي بعض
ولكن حصل اللي ماكنتش عوذاه ولا عوذاه اكون فيه....الحياه اخدت الكل
ياتري هل هنقدر تاني نرجع
ولا خلاص كل حاجه انتهت

بعلنها بأقوي صوت....أيوا بحب

بعلنها بأعلي صوت....أيوا بحب
بعلنها بكل كياني
مش خايفه من الموت

بقولها لكل الناس
أيوا بحب

بس حبي أقوي من أي حب
أنا حبي لواحد بس....
مهما بعمل....بيستناني
مهما أقول...بيسامحني

بعلنها بأقوي وأعز مافيا...بقلبي
مافيش غير واحد بس اللي جواه
وبحس وأنا بين أيديه بالامان والحنان

بقول بعزمافيا...اني مش بحب الا هو وبس
اللي لما بمشي بعكس كل الناس...
مش ببقي خايفه ولا بتلفت حوليا
طول ماجوايا ثقه انه معايا

ربي...ربي وبس

أحساس ولا أروع وانا بين أيديه
وانا ببكي وبقول اللي جوايا ليه
مش محتاجه ولا هحتاج حاجه...غير رضاه
بعلنها وبكل فخر

ايوا بحبه...ومافيش غيرو فقلبي
ربي وبس

خبر عاجل

بعدما قال الشعب كلمته

وبعدما قال الكل مافي جبعته

وكما قال الشاعر:

اذا الشعب يوما أراد الحياه...فلابد أن يستجيب له القدر

الرئيس التونسي زين العابدين بن علي غادر البلاد

ورئيس البرلمان يتسلم السلطه مؤقتا

لما الكل بيقول كلمتوا....

يبقي أراده الكل تنفذ

بجد الكل فخورين بيهم

وعمار ياتونس ياخضرا

أحساس

الكل دلوقتي خايف من بكرا

واللي حصل من كام يوم كتر الاحساس بكدا



ياتري بكرا هيكون عامل اذاي

هيكون أحلي وأجمل لما هنعرف غلطنا فين



ولا كلها كان يوم ريما هترجع لعادتها القديمه

ياتري هنبتدي بجد نغير ولا كل حاجه هتفضل تنحدر من سيء لأسوأ

انا حسه دلوقتي بأحساسين جوايا



الاول:ان مدام ماالناس عرفت فين الغلط وان لو أستمر كدا فيضيعنا كلنا....فنحاول نصلح بجد مش شعارات بالرغم من أن الشعارات لسا موجودا

بس أهم حاجه ان في ناس بتحاول تصلح حتي لو بكلمه



التاني:انها هوجه وشويه وكل حاجه هترجع زي ماهي ولا في أي حاجه هتحصل



طب انا أصدق انهو أحساس فيهم طيب

انا مش عرفه أوصل لاي قرار

واللي حصل فالفتره الاخيره هز مل العالم مش مصر لوحدها
دا هز العالم كلو
ياتري بكره هيكون شكله عامل أذاي
اتمني انه يكون احلي واحسن
يارب

ملحوظه:ياكبار التدوين
بأذن الله معرض الكتاب قرب
أرجو منكم انكم تنظموا يوم نكون فيه كلنا مع بعضنا
والموضوع فأيديكوا